शिवसेना उद्धव बाळासाहेब ठाकरे पक्षाच्या प्रवक्त्या जयश्रीताई शेळके यांनी शेतकरी नेत्यांवर अत्यंत आक्रमक शब्दांत निशाणा साधला आहे. "हे कसले शेतकरी नेते, हे तर भोंदू शेतकरी नेते आहेत," असा थेट घणाघात करत त्यांनी संबंधित नेत्यांवर जोरदार हल्लाबोल केला आहे.

दिल्लीतील जंतरमंतर येथे NEET पेपरलीक प्रकरणातील जबाबदारी निश्चित करून केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी करणाऱ्या विद्यार्थ्यांवर झालेल्या लाठीचार्जच्या निषेधार्थ बुलढाण्यातील जयस्तंभ चौक येथे शिवसेना (उद्धव बाळासाहेब ठाकरे) पक्षाच्या वतीने जोरदार आंदोलन करण्यात आले. या आंदोलनामध्ये पक्षाच्या प्रवक्त्या ॲड. जयश्री शेळके, जिल्हाप्रमुख जालिंधर बुधवत आणि सहसंपर्क प्रमुख डी. एस. लहाने यांच्या आवाहनाला प्रतिसाद देत विद्यार्थी, तरुण, महिला आणि नागरिक मोठ्या संख्येने सहभागी झाले होते. या वेळी उपस्थित आंदोलनकर्त्यांनी केंद्र सरकारच्या विरोधात जोरदार घोषणाबाजी केली. आंदोलनकर्त्यांनी NEET पेपरलीक प्रकरणाची निष्पक्ष चौकशी करून सर्व दोषींवर कठोर कारवाई करण्याची तसेच नैतिक जबाबदारी स्वीकारून केंद्रीय शिक्षणमंत्री धर्मेंद्र प्रधान यांनी तात्काळ राजीनामा देण्याची मागणी केली. विद्यार्थ्यांच्या भविष्याशी कोणतीही तडजोड सहन केली जाणार नाही असे स्पष्ट करत, देशातील शिक्षण व्यवस्थेवरील विद्यार्थ्यांचा आणि पालकांचा विश्वास कायम राहण्यासाठी केंद्र सरकारने पारदर्शक आणि जबाबदार भूमिका घ्यावी, अशी मागणीही या प्रसंगी करण्यात आली.

शिवसेना उद्धव बाळासाहेब ठाकरे पक्षाच्या प्रवक्त्या जयश्रीताई शेळके यांनी शेतकरी नेत्यांवर अत्यंत आक्रमक शब्दांत निशाणा साधला आहे. "हे कसले शेतकरी नेते, हे तर भोंदू शेतकरी नेते आहेत," असा थेट घणाघात करत त्यांनी संबंधित नेत्यांवर जोरदार हल्लाबोल केला आहे.

बुलढाणा येथे दिल्लीतील दडपशाहीविरोधात तीव्र संताप व्यक्त करण्यात आला असून शिवसेना ठाकरे गटाच्या वतीने भव्य निषेध प्रदर्शन करण्यात आले. हे जोरदार आंदोलन जयश्रीताई शेळके यांच्या नेतृत्वात पार पडले. दिल्लीत सुरू असलेल्या दडपशाहीच्या कारभाराविरोधात ठाकरे गटाच्या कार्यकर्त्यांनी बुलढाण्यात एकत्र येत आपला तीव्र विरोध नोंदवला.

खामगाव येथे शासकीय जमिनीत पेरलेल्या पिकांची गाव नमुना क्र. १ (ड) मध्ये नोंद करण्यात यावी, या प्रमुख मागणीसाठी भारतीय समता संघटनेच्या वतीने उपविभागीय अधिकारी कार्यालयावर मोर्चा काढण्यात आला. भारतरत्न डॉ. बाबासाहेब आंबेडकर यांच्या पूर्णाकृती पुतळ्यापासून या मोर्चाला सुरुवात झाली. उपविभागीय अधिकारी कार्यालयासमोर आंदोलनकर्त्यांनी जोरदार घोषणाबाजी करत निदर्शने केली आणि त्यानंतर प्रशासनाला विविध मागण्यांचे निवेदन सादर केले. मोर्चेकऱ्यांनी शासकीय वनजमिनीवर पेरलेल्या पिकांची नोंद गाव नमुना क्र. १ (ड) मध्ये करण्याचे आदेश संबंधित तलाठींना देण्याची मागणी केली आहे. याशिवाय आदिवासी व अन्य पारंपरिक वननिवासींना वनहक्क मान्यता प्रक्रियेसाठी पेरणीपूर्व मशागतीस परवानगी द्यावी, अशीही मागणी निवेदनाद्वारे करण्यात आली. १५ मे २०१५ च्या शासन निर्णयानुसार पात्र ठरणाऱ्या जमिनींचे स्थळनिरीक्षण करण्यासाठी तलाठींना तातडीने आदेश देण्यात यावेत, असेही यात नमूद आहे. या मोर्चाचे नेतृत्व आम्रपाल वाघमारे, महेंद्र खंडारे आणि दिपा पवार यांनी केले.

भोकरदन येथे 'छत्रपती शिवाजी महाराज महसूल समाधान शिबीर' अत्यंत उत्साहात पार पडले आहे. या शिबिराच्या माध्यमातून हजारो नागरिकांच्या प्रश्नांचा जागीच निपटारा करण्यात आला आहे.

जालना येथे उपवर्गीकरणाच्या विरोधात आंबेडकरी समाजाच्या वतीने संघर्ष मोर्चा काढण्यात आला आहे. उपवर्गीकरणाच्या या निर्णयाला विरोध दर्शवण्यासाठी आंबेडकरी समाज या संघर्ष मोर्चाच्या माध्यमातून एकत्र आला आहे.

मराठा आरक्षण आंदोलनाचे नेते मनोज जरांगे पाटील यांनी दिल्लीतील जंतर-मंतरवर सुरू असलेल्या CJP आंदोलनाला प्रत्यक्ष भेट देऊन आंदोलनकर्त्यांना आपला पूर्ण पाठिंबा जाहीर केला आहे. या प्रसंगी त्यांनी आंदोलनकर्त्यांशी संवाद साधताना सर्वांनी पूर्ण शांतता व संयम राखून लोकशाही मार्गानेच आपला हा लढा पुढे सुरू ठेवावा, असे आवाहन केले.

महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी भारतीय जनता पक्षावर जोरदार निशाणा साधला आहे. प्रत्येक गोष्टीत भांडण लावणे ही भाजपची फितरत बनली असल्याचा थेट आरोप हर्षवर्धन सपकाळ यांनी केला आहे.