आज मुंबई विधानभवन येथे फुलंब्री छत्रपती संभाजीनगरचे औरंगाबाद-जालना विधान परिषदेचे नवनिर्वाचित आमदार सुहासभाऊ शिरसाठ यांचा शपथविधी सोहळा उत्साहात पार पडला.

आज मुंबई विधानभवन येथे फुलंब्री छत्रपती संभाजीनगरचे औरंगाबाद-जालना विधान परिषदेचे नवनिर्वाचित आमदार सुहासभाऊ शिरसाठ यांचा शपथविधी सोहळा उत्साहात पार पडला.

छत्रपती संभाजीनगरात महानगरपालिकेने अश्लील चाळे आणि मुलींच्या छेडछाडीच्या तक्रारींनंतर एक धडक मोहीम हाती घेतली आहे. या तक्रारी प्राप्त झाल्यानंतर महापालिकेचे पथक तातडीने ॲक्शन मोडमध्ये आले. या मोहिमेदरम्यान, शहरात अश्लील चाळे सुरू असलेल्या चार कॅफेंवर एकाचवेळी कारवाई करण्यात आली, ज्यात कॅफेंमधील काचा फोडून साहित्य जप्त करण्यात आले.

वैजापूर तालुक्यातील तलवाडा शिवारात झालेल्या जोरदार पावसामुळे गळमोडी नदीला पूर आला आहे.

सिल्लोड तालुक्यातील केहाळा येथील शेतकरी अनेक दिवसांपासून गायरान जमिनीवर शेती करत आहेत. ही गायरान जमीन आपल्या नावावर करावी या प्रमुख मागणीसाठी केहाळा येथील शेतकऱ्यांनी सिल्लोड तहसील कार्यालयासमोर आमरण उपोषण सुरू केले आहे. शेतकऱ्यांचे हे उपोषण गेल्या दोन दिवसांपासून सुरू असून, शासनाने तातडीने ही गायरान जमीन त्यांच्या नावावर हस्तांतरित करावी, अशी त्यांची मागणी आहे.

जालना शहराच्या मंठा चौफुली भागात महानगरपालिकेने अतिक्रमणविरोधी मोहीम राबवत धडक कारवाई केली आहे. या मोहिमेअंतर्गत, परिसरातील अधिकृत धाबे आणि दुकानांवर ही कारवाई करण्यात आली.

छत्रपती संभाजीनगर जिल्ह्यातील वैजापूर तालुक्यातील गंगापूर येथे अन्न व औषध प्रशासनाने (FDA) एका पॅकेज्ड ड्रिंकिंग वॉटर प्लांटवर मोठी कारवाई केली आहे. गोपनीय माहितीच्या आधारे एम/एस यशरिच फूड्स अँड अॅग्रो एलएलपी या आस्थापनावर छापा टाकण्यात आला. या धाडीत ओमरिच, यशरिच आणि हायड्राशुअर या ब्रँडच्या पॅकेज्ड पाण्याचे पाच नमुने जप्त करण्यात आले, तसेच सुमारे 10 लाख 1 हजार 600 रुपयांचा पाण्याचा साठाही जप्त करण्यात आला. संबंधित आस्थापनावर भ्रामक माहिती देण्याचा आणि आवश्यक परवान्याशिवाय पाण्याची विक्री करण्याचा आरोप आहे. या कारणांमुळे आस्थापनाला 'स्टॉप बिझनेस' नोटीस बजावण्यात आली आहे. अन्न सुरक्षा आयुक्त तुकाराम मुंडे यांच्या निर्देशानुसार ही कारवाई करण्यात आली असून, FDAच्या अधिकाऱ्यांनी पुढील तपास सुरू केला आहे.

छत्रपती संभाजीनगर शहरातील टाऊन सेंटर, कॅनॉट परिसरात एका ४४ वर्षीय व्यक्तीचा मृतदेह आढळून आल्याने खळबळ उडाली आहे. मृत व्यक्तीचे नाव आनंद रत्नाकर निकाळजे (वय ४४, रा. म्हाडा कॉलनी, देवळाई) असे आहे. मिळालेल्या प्राथमिक माहितीनुसार, आनंद निकाळजे यांनी दारूचे सेवन केल्यानंतर ताकद वाढविण्यासाठी वापरल्या जाणाऱ्या गोळ्या घेतल्या होत्या. त्यानंतर त्यांना अचानक त्रास सुरू झाला आणि रक्ताच्या उलट्या झाल्याचे सांगितले जात आहे. प्रकृती गंभीर झाल्याने त्यांचा मृत्यू झाल्याचा प्राथमिक अंदाज व्यक्त करण्यात येत आहे. घटनेची माहिती मिळताच सिडको पोलीस ठाण्याचे पोलीस निरीक्षक अतुल येरमे आणि त्यांच्या पथकाने घटनास्थळी धाव घेत पंचनामा केला. मृतदेह ताब्यात घेऊन शवविच्छेदनासाठी पाठवण्यात आला आहे. दारू आणि ताकद वाढविणाऱ्या गोळ्यांच्या एकत्रित सेवनामुळे मृत्यू झाला का, अथवा यामागे अन्य कोणते कारण आहे, याचा तपास सिडको पोलीस करत आहेत. शवविच्छेदन अहवाल आणि वैद्यकीय तपासणीनंतरच मृत्यूचे नेमके कारण स्पष्ट होणार आहे.