ఆదిలాబాద్ టూ టౌన్ పోలీస్ స్టేషన్ పరిధిలో ఇటీవల జరిగిన ఒక ఇంటి చోరీ కేసును పోలీసులు ఛేదించి ముగ్గురు నిందితులను అరెస్ట్ చేశారు. ఈ కేసు వివరాలను ఆదిలాబాద్ టూ టౌన్ పోలీస్ ఇన్‌స్పెక్టర్ కె. నాగరాజు వెల్లడించారు. అరెస్ట్ అయిన వారిలో మీర్జా ముషరఫ్ బేగ్ అలియాస్ చోట ముషరఫ్ (21), మహమ్మద్ అర్షద్ అలియాస్ బబీ (19), మహమ్మద్ అబ్దుల్ వసీం (60) ఉన్నారు. కాగా, మరో ఇద్దరు నిందితులైన కానాందే అనిల్, విష్ణులతో పాటు స్క్రాప్ వ్యాపారి ఇమ్రనోద్దీన్ పరారీలో ఉన్నారు. ప్రధాన నిందితుడు మీర్జా ముషరఫ్ బేగ్ కార్ డ్రైవర్‌గా పనిచేస్తూ మద్యం, మత్తు పదార్థాలకు బానిసయ్యాడని, విలాసవంతమైన జీవితానికి డబ్బులు సరిపోక తక్కువ సమయంలో ఎక్కువ డబ్బు సంపాదించాలనే ఉద్దేశంతో తన అనుచరులతో కలిసి దొంగతనాలకు పాల్పడినట్లు విచారణలో అంగీకరించాడు. ఈ ముఠా జూలై 9వ తేదీ అర్ధరాత్రి తాంసి బస్టాండ్ సమీపంలోని కేకే కాటన్ కమిషన్ ఏజెంట్ షాపు వెనుక వైపు ప్లైవుడ్ తలుపు పగులగొట్టి లోపలికి ప్రవేశించింది. అక్కడ క్యాష్ కౌంటర్‌లో ఉన్న రూ. 18,670 నగదుతో పాటు జాగ్వార్ కంపెనీకి చెందిన ఇత్తడి ట్యాపులను దొంగిలించారు. అనంతరం వాటిని పిట్టలవాడలోని స్క్రాప్ షాపులో విక్రయించి ఆ సొమ్మును పంచుకున్నారు. అంతేకాకుండా జూలై 11న ఆదిలాబాద్ రైల్వే స్టేషన్‌లో నిలిపి ఉంచిన రైలు డీజిల్ ట్యాంక్ ఇత్తడి మూతను కూడా వీరు దొంగిలించారు. ఈ రోజు రైల్వే డీజిల్ ట్యాంక్ మూతను విక్రయించేందుకు స్క్రాప్ షాపునకు వెళ్తుండగా టూ టౌన్ పోలీసులు నిందితులను అదుపులోకి తీసుకున్నారు. వారి వద్ద నుండి ఒక సుజుకి బర్గ్‌మన్ స్కూటీ, రైల్వే డీజిల్ ట్యాంక్ ఇత్తడి మూత, రూ. 15,000 విలువైన జాగ్వార్ వాల్ మిక్సర్, రూ. 2,900 నగదు, ఒక వివో ఆండ్రాయిడ్ మొబైల్ ఫోన్, మెఫెంటర్మైన్ ఇంజెక్షన్, నాలుగు డిస్పోజబుల్ సిరంజీలను స్వాధీనం చేసుకున్నారు. పరారీలో ఉన్న మిగిలిన నిందితులను త్వరలోనే అరెస్ట్ చేసి చట్టపరమైన చర్యలు తీసుకుంటామని ఇన్‌స్పెక్టర్ కె. నాగరాజు తెలిపారు.

M.RAJKIRAN REDDY

Adilabad Urban, Telangana•

2 hrs ago

ఆదిలాబాద్ టూ టౌన్ పోలీస్ స్టేషన్ పరిధిలో ఇటీవల జరిగిన ఒక ఇంటి చోరీ కేసును పోలీసులు ఛేదించి ముగ్గురు నిందితులను అరెస్ట్ చేశారు. ఈ కేసు వివరాలను ఆదిలాబాద్ టూ టౌన్ పోలీస్ ఇన్‌స్పెక్టర్ కె. నాగరాజు వెల్లడించారు. అరెస్ట్ అయిన వారిలో మీర్జా ముషరఫ్ బేగ్ అలియాస్ చోట ముషరఫ్ (21), మహమ్మద్ అర్షద్ అలియాస్ బబీ (19), మహమ్మద్ అబ్దుల్ వసీం (60) ఉన్నారు. కాగా, మరో ఇద్దరు నిందితులైన కానాందే అనిల్, విష్ణులతో పాటు స్క్రాప్ వ్యాపారి ఇమ్రనోద్దీన్ పరారీలో ఉన్నారు. ప్రధాన నిందితుడు మీర్జా ముషరఫ్ బేగ్ కార్ డ్రైవర్‌గా పనిచేస్తూ మద్యం, మత్తు పదార్థాలకు బానిసయ్యాడని, విలాసవంతమైన జీవితానికి డబ్బులు సరిపోక తక్కువ సమయంలో ఎక్కువ డబ్బు సంపాదించాలనే ఉద్దేశంతో తన అనుచరులతో కలిసి దొంగతనాలకు పాల్పడినట్లు విచారణలో అంగీకరించాడు. ఈ ముఠా జూలై 9వ తేదీ అర్ధరాత్రి తాంసి బస్టాండ్ సమీపంలోని కేకే కాటన్ కమిషన్ ఏజెంట్ షాపు వెనుక వైపు ప్లైవుడ్ తలుపు పగులగొట్టి లోపలికి ప్రవేశించింది. అక్కడ క్యాష్ కౌంటర్‌లో ఉన్న రూ. 18,670 నగదుతో పాటు జాగ్వార్ కంపెనీకి చెందిన ఇత్తడి ట్యాపులను దొంగిలించారు. అనంతరం వాటిని పిట్టలవాడలోని స్క్రాప్ షాపులో విక్రయించి ఆ సొమ్మును పంచుకున్నారు. అంతేకాకుండా జూలై 11న ఆదిలాబాద్ రైల్వే స్టేషన్‌లో నిలిపి ఉంచిన రైలు డీజిల్ ట్యాంక్ ఇత్తడి మూతను కూడా వీరు దొంగిలించారు. ఈ రోజు రైల్వే డీజిల్ ట్యాంక్ మూతను విక్రయించేందుకు స్క్రాప్ షాపునకు వెళ్తుండగా టూ టౌన్ పోలీసులు నిందితులను అదుపులోకి తీసుకున్నారు. వారి వద్ద నుండి ఒక సుజుకి బర్గ్‌మన్ స్కూటీ, రైల్వే డీజిల్ ట్యాంక్ ఇత్తడి మూత, రూ. 15,000 విలువైన జాగ్వార్ వాల్ మిక్సర్, రూ. 2,900 నగదు, ఒక వివో ఆండ్రాయిడ్ మొబైల్ ఫోన్, మెఫెంటర్మైన్ ఇంజెక్షన్, నాలుగు డిస్పోజబుల్ సిరంజీలను స్వాధీనం చేసుకున్నారు. పరారీలో ఉన్న మిగిలిన నిందితులను త్వరలోనే అరెస్ట్ చేసి చట్టపరమైన చర్యలు తీసుకుంటామని ఇన్‌స్పెక్టర్ కె. నాగరాజు తెలిపారు.