ମାଲକାନଗିରି ଜିଲ୍ଲା ପଡ଼ିଆ ବ୍ଲକର ନିଲିଗୁଡ଼ା ପଞ୍ଚାୟତ ଅନ୍ତର୍ଗତ ଇରାଲଗୁଣ୍ଡି ଗ୍ରାମରେ ଭୟଙ୍କର ପାନୀୟ ଜଳ ସଂକଟ ଦେଖାଦେଇଛି। ଗ୍ରାମର ଟେକସାହିରେ ରହୁଥିବା ୩୫ ପରିବାର ଏକମାତ୍ର ନଳକୂପରୁ ବାହାରୁଥିବା ଲୌହଯୁକ୍ତ ଦୂଷିତ ଜଳରେ ନିଜର ଶୋଷ ମେଣ୍ଟାଉଛନ୍ତି। ପ୍ରଶାସନ ନିକଟରେ ଅଭିଯୋଗ କରାଯାଇଥିଲେ ମଧ୍ୟ କୌଣସି କର୍ମଚାରୀ ଧ୍ୟାନ ଦେଇନଥିବାରୁ ଗ୍ରାମବାସୀ ବାଧ୍ୟ ହୋଇ ନଳକୂପର ଫିଲ୍ଟର ବାହାର କରି ନିଜେ ସଫା କରିଛନ୍ତି। ତଥାପି ମଇଳା ପାଣି ବାହାରୁଥିବାରୁ ଗ୍ରାମବାସୀମାନେ ନଳକୂପ ମୁହଁରେ ଗାମୁଛା ବାନ୍ଧି ସେହି ପାଣିକୁ ବ୍ୟବହାର କରୁଥିବା କହିଛନ୍ତି। ଗ୍ରାମବାସୀ ତୁଲେ କବାସୀ, ସାମେ ପଡ଼ିଆମୀ, ଅମ୍ବିକା ପଡ଼ିଆମୀ, ଦେବେ କବାସୀ, ସାମେ ମାଡ଼କାମୀ, ଜଗା କବାସୀ ପ୍ରମୁଖଙ୍କ କହିବା ଅନୁଯାୟୀ, ଇରାଲଗୁଣ୍ଡି ଗାଁରେ ୧୯୫ ପରିବାର ବାସ କରୁଥିବାବେଳେ ଏହାର ପଡ଼ାଗ୍ରାମ ଟେକସାହିରେ ୩୫ ପରିବାରର ଦେଢ଼ଶହରୁ ଅଧିକ ଲୋକ ବସବାସ କରନ୍ତି। ଦୀର୍ଘ ୨୦ ବର୍ଷ ପୂର୍ବେ ସାହିରେ ନଳକୂପ ଖନନ କରାଯାଇଥିଲା। ପୂର୍ବରୁ ଲୋକସଂଖ୍ୟା କମ୍ ଥିଲା, କିନ୍ତୁ ଏବେ ଜନସଂଖ୍ୟା ବୃଦ୍ଧି ପାଇ ଶତାଧିକ ଲୋକ ବାସ କରୁଛନ୍ତି ଏବଂ ସମସ୍ତେ ଏକମାତ୍ର ନଳକୂପ ଉପରେ ନିର୍ଭର କରିବାକୁ ବାଧ୍ୟ। ନଳକୂପ ମରାମତି ଅଭାବରୁ ଗତ କିଛି ମାସ ହେବ ଏଥିରୁ ଲୌହଯୁକ୍ତ ଦୂଷିତ ପାଣି ବାହାରୁଛି। ଦୂଷିତ ଜଳ ବ୍ୟବହାର ଯୋଗୁଁ ଗ୍ରାମବାସୀମାନେ ନାନା ରୋଗର ଶିକାର ହେଉଛନ୍ତି। ନଳକୂପରେ ବହୁ ବର୍ଷ ତଳେ ଏକ ଫିଲ୍ଟର ଲଗାଯାଇଥିଲା, କିନ୍ତୁ ଏହାପରେ କୌଣସି ଦିନ ଏହାକୁ ସଫା କରାଯାଇ ନାହିଁ। ନଳକୂପ ଖରାପ ହେଲେ ଏସ୍ଏମ୍‌ସି କର୍ମଚାରୀମାନେ ଅଭିଯୋଗ ପରେ ମରାମତି କରୁଛନ୍ତି, କିନ୍ତୁ ଫିଲ୍ଟର ସଫା କରିବାକୁ ଭୁଲିଯାଉଛନ୍ତି। ଫଳରେ ସାହିବାସିନ୍ଦାଙ୍କୁ ବାଧ୍ୟ ହୋଇ ଲୌହଯୁକ୍ତ ଦୂଷିତ ପାଣି ବ୍ୟବହାର କରିବାକୁ ପଡୁଛି। ସକାଳେ ପ୍ରଥମ ଏକ ଘଣ୍ଟା ପର୍ଯ୍ୟନ୍ତ ବାହାରୁଥିବା ପାଣି ପିଇବା ଅନୁପଯୁକ୍ତ। ଗାଁରେ ପୋଖରୀ କିମ୍ବା କେନାଲ ନଥିବାରୁ ନଳକୂପ ଏକମାତ୍ର ଭରସା ହୋଇଥିବାରୁ ଗାମୁଛା କିମ୍ବା ଛଣାଜାଲି ବାନ୍ଧିବାକୁ ପଡ଼ୁଛି। ଆଜି ଗ୍ରାମବାସୀମାନେ ଏକାଠି ହୋଇ ନଳକୂପରେ ଲାଗିଥିବା ଫିଲ୍ଟରକୁ ବାହାର କରି ସଫା କରିଛନ୍ତି। ମାଙ୍ଗି ପତିଆମୀ, ଗାଙ୍ଗି ପତିଆମୀ, ସୋନି ସୋଡି, ଯୋଗୀ ପଡ଼ିଆମୀ, ମାଳତୀ କବାସୀ, ଇର୍ମେ ପଡ଼ିଆମୀ, ରଙ୍ଗି କବାସୀ, ବାଣ୍ଡି ମାଢ଼ି, ଆଦା କବାସୀ, ଭୀମା ପଡ଼ିଆମୀ, ରାଜୁ ସୋଡି, ବିଜୁ ପଡ଼ିଆମୀ, ଲୋକନାଥ ପତିଆମୀ, ଗଙ୍ଗା କବାସୀ, ସୁଦ୍ଧା କବାସୀ ପ୍ରମୁଖଙ୍କ ସହ ଅନ୍ୟମାନେ ବ୍ଲକ ପ୍ରଶାସନ ନିକଟରେ ତୁରନ୍ତ ନୂତନ ନଳକୂପ କିମ୍ବା ସୋଲାର ଜଳ ପ୍ରକଳ୍ପ ଦ୍ୱାରା ପାଣି ଯୋଗାଇ ଦେବାକୁ ଦାବି କରିଛନ୍ତି।

Santosh panda

Newsstand ଏମ.ଭି. 79, ମାଲକାନଗିରି, ଓଡ଼ିଶା•

8 hrs ago

ମାଲକାନଗିରି ଜିଲ୍ଲା ପଡ଼ିଆ ବ୍ଲକର ନିଲିଗୁଡ଼ା ପଞ୍ଚାୟତ ଅନ୍ତର୍ଗତ ଇରାଲଗୁଣ୍ଡି ଗ୍ରାମରେ ଭୟଙ୍କର ପାନୀୟ ଜଳ ସଂକଟ ଦେଖାଦେଇଛି। ଗ୍ରାମର ଟେକସାହିରେ ରହୁଥିବା ୩୫ ପରିବାର ଏକମାତ୍ର ନଳକୂପରୁ ବାହାରୁଥିବା ଲୌହଯୁକ୍ତ ଦୂଷିତ ଜଳରେ ନିଜର ଶୋଷ ମେଣ୍ଟାଉଛନ୍ତି। ପ୍ରଶାସନ ନିକଟରେ ଅଭିଯୋଗ କରାଯାଇଥିଲେ ମଧ୍ୟ କୌଣସି କର୍ମଚାରୀ ଧ୍ୟାନ ଦେଇନଥିବାରୁ ଗ୍ରାମବାସୀ ବାଧ୍ୟ ହୋଇ ନଳକୂପର ଫିଲ୍ଟର ବାହାର କରି ନିଜେ ସଫା କରିଛନ୍ତି। ତଥାପି ମଇଳା ପାଣି ବାହାରୁଥିବାରୁ ଗ୍ରାମବାସୀମାନେ ନଳକୂପ ମୁହଁରେ ଗାମୁଛା ବାନ୍ଧି ସେହି ପାଣିକୁ ବ୍ୟବହାର କରୁଥିବା କହିଛନ୍ତି। ଗ୍ରାମବାସୀ ତୁଲେ କବାସୀ, ସାମେ ପଡ଼ିଆମୀ, ଅମ୍ବିକା ପଡ଼ିଆମୀ, ଦେବେ କବାସୀ, ସାମେ ମାଡ଼କାମୀ, ଜଗା କବାସୀ ପ୍ରମୁଖଙ୍କ କହିବା ଅନୁଯାୟୀ, ଇରାଲଗୁଣ୍ଡି ଗାଁରେ ୧୯୫ ପରିବାର ବାସ କରୁଥିବାବେଳେ ଏହାର ପଡ଼ାଗ୍ରାମ ଟେକସାହିରେ ୩୫ ପରିବାରର ଦେଢ଼ଶହରୁ ଅଧିକ ଲୋକ ବସବାସ କରନ୍ତି। ଦୀର୍ଘ ୨୦ ବର୍ଷ ପୂର୍ବେ ସାହିରେ ନଳକୂପ ଖନନ କରାଯାଇଥିଲା। ପୂର୍ବରୁ ଲୋକସଂଖ୍ୟା କମ୍ ଥିଲା, କିନ୍ତୁ ଏବେ ଜନସଂଖ୍ୟା ବୃଦ୍ଧି ପାଇ ଶତାଧିକ ଲୋକ ବାସ କରୁଛନ୍ତି ଏବଂ ସମସ୍ତେ ଏକମାତ୍ର ନଳକୂପ ଉପରେ ନିର୍ଭର କରିବାକୁ ବାଧ୍ୟ। ନଳକୂପ ମରାମତି ଅଭାବରୁ ଗତ କିଛି ମାସ ହେବ ଏଥିରୁ ଲୌହଯୁକ୍ତ ଦୂଷିତ ପାଣି ବାହାରୁଛି। ଦୂଷିତ ଜଳ ବ୍ୟବହାର ଯୋଗୁଁ ଗ୍ରାମବାସୀମାନେ ନାନା ରୋଗର ଶିକାର ହେଉଛନ୍ତି। ନଳକୂପରେ ବହୁ ବର୍ଷ ତଳେ ଏକ ଫିଲ୍ଟର ଲଗାଯାଇଥିଲା, କିନ୍ତୁ ଏହାପରେ କୌଣସି ଦିନ ଏହାକୁ ସଫା କରାଯାଇ ନାହିଁ। ନଳକୂପ ଖରାପ ହେଲେ ଏସ୍ଏମ୍‌ସି କର୍ମଚାରୀମାନେ ଅଭିଯୋଗ ପରେ ମରାମତି କରୁଛନ୍ତି, କିନ୍ତୁ ଫିଲ୍ଟର ସଫା କରିବାକୁ ଭୁଲିଯାଉଛନ୍ତି। ଫଳରେ ସାହିବାସିନ୍ଦାଙ୍କୁ ବାଧ୍ୟ ହୋଇ ଲୌହଯୁକ୍ତ ଦୂଷିତ ପାଣି ବ୍ୟବହାର କରିବାକୁ ପଡୁଛି। ସକାଳେ ପ୍ରଥମ ଏକ ଘଣ୍ଟା ପର୍ଯ୍ୟନ୍ତ ବାହାରୁଥିବା ପାଣି ପିଇବା ଅନୁପଯୁକ୍ତ। ଗାଁରେ ପୋଖରୀ କିମ୍ବା କେନାଲ ନଥିବାରୁ ନଳକୂପ ଏକମାତ୍ର ଭରସା ହୋଇଥିବାରୁ ଗାମୁଛା କିମ୍ବା ଛଣାଜାଲି ବାନ୍ଧିବାକୁ ପଡ଼ୁଛି। ଆଜି ଗ୍ରାମବାସୀମାନେ ଏକାଠି ହୋଇ ନଳକୂପରେ ଲାଗିଥିବା ଫିଲ୍ଟରକୁ ବାହାର କରି ସଫା କରିଛନ୍ତି। ମାଙ୍ଗି ପତିଆମୀ, ଗାଙ୍ଗି ପତିଆମୀ, ସୋନି ସୋଡି, ଯୋଗୀ ପଡ଼ିଆମୀ, ମାଳତୀ କବାସୀ, ଇର୍ମେ ପଡ଼ିଆମୀ, ରଙ୍ଗି କବାସୀ, ବାଣ୍ଡି ମାଢ଼ି, ଆଦା କବାସୀ, ଭୀମା ପଡ଼ିଆମୀ, ରାଜୁ ସୋଡି, ବିଜୁ ପଡ଼ିଆମୀ, ଲୋକନାଥ ପତିଆମୀ, ଗଙ୍ଗା କବାସୀ, ସୁଦ୍ଧା କବାସୀ ପ୍ରମୁଖଙ୍କ ସହ ଅନ୍ୟମାନେ ବ୍ଲକ ପ୍ରଶାସନ ନିକଟରେ ତୁରନ୍ତ ନୂତନ ନଳକୂପ କିମ୍ବା ସୋଲାର ଜଳ ପ୍ରକଳ୍ପ ଦ୍ୱାରା ପାଣି ଯୋଗାଇ ଦେବାକୁ ଦାବି କରିଛନ୍ତି।