मुरबाड तालुक्यातील यूपीएससी, एमपीएससी व स्पर्धा परीक्षांमध्ये यश मिळवून राज्य व केंद्र शासनाच्या विविध सेवांमध्ये निवड झालेल्या विद्यार्थ्यांचा, एमबीबीएस, सीए तसेच दहावी-बारावी परीक्षेतील प्रथम, द्वितीय क्रमांक व ९० टक्क्यांपेक्षा जास्त गुण मिळवलेल्या गुणवंत विद्यार्थ्यांचा जनसेवा प्रतिष्ठानच्या वतीने भव्य सत्कार करण्यात आला. हा सोहळा राज्याचे वनमंत्री तथा ठाणे जिल्ह्याचे संपर्कमंत्री गणेश नाईक यांच्या अध्यक्षतेखाली उत्साहात पार पडला. माजी आमदार गोटीराम भाऊ पवार यांच्या वाढदिवसाचे औचित्य साधून या कार्यक्रमाचे आयोजन करण्यात आले होते. या वेळी गोटीराम भाऊ पवार यांनी तालुक्यातील शैक्षणिक प्रगतीसह शेतकऱ्यांच्या विविध समस्या, वनजमिनींचे प्रलंबित प्रश्न आणि कर्जमाफी योजनेंतर्गत काही शेतकऱ्यांना अद्याप न मिळालेले ५० हजार रुपयांचे प्रोत्साहनपर अनुदान तातडीने वितरीत करण्यासाठी शासनस्तरावर पाठपुरावा करण्याची विनंती मंत्री महोदयांकडे केली. या प्रसंगी ठाणे जिल्हा मध्यवर्ती सहकारी बँकेचे अध्यक्ष अरुण पाटील व संचालक सौरभ पवार यांचाही विशेष सत्कार करण्यात आला. समारंभाचे प्रास्ताविक जनसेवा प्रतिष्ठानचे अध्यक्ष सुभाष पवार यांनी केले. या कार्यक्रमाला ज्येष्ठ नेते राम दळवी, पांडुरंग कोर, दीपक पवार, जितेंद्र भावथे, चंद्रकांत बोष्टे, संतोष पवार, श्रीकांत धुमाळ, दीपक खाटेघरे, दीपक वाकचौरे, हरीश पुरोहित, विनोद नार्वेकर, अनिल देसले, अक्षय रोठे, विनायकराव सागर, चुंबवणे, चिमा शेद यांच्यासह जनसेवा प्रतिष्ठानचे पदाधिकारी, कार्यकर्ते, पालक व विद्यार्थी मोठ्या संख्येने उपस्थित होते. कार्यक्रमाचे सूत्रसंचालन प्रा. पी. एस. पवार यांनी केले, तर धनाजी दळवी यांनी आभार मानले.

लोक हिंद चॅनल

Journalist शहापूर, ठाणे, महाराष्ट्र•

15 hrs ago

मुरबाड तालुक्यातील यूपीएससी, एमपीएससी व स्पर्धा परीक्षांमध्ये यश मिळवून राज्य व केंद्र शासनाच्या विविध सेवांमध्ये निवड झालेल्या विद्यार्थ्यांचा, एमबीबीएस, सीए तसेच दहावी-बारावी परीक्षेतील प्रथम, द्वितीय क्रमांक व ९० टक्क्यांपेक्षा जास्त गुण मिळवलेल्या गुणवंत विद्यार्थ्यांचा जनसेवा प्रतिष्ठानच्या वतीने भव्य सत्कार करण्यात आला. हा सोहळा राज्याचे वनमंत्री तथा ठाणे जिल्ह्याचे संपर्कमंत्री गणेश नाईक यांच्या अध्यक्षतेखाली उत्साहात पार पडला. माजी आमदार गोटीराम भाऊ पवार यांच्या वाढदिवसाचे औचित्य साधून या कार्यक्रमाचे आयोजन करण्यात आले होते. या वेळी गोटीराम भाऊ पवार यांनी तालुक्यातील शैक्षणिक प्रगतीसह शेतकऱ्यांच्या विविध समस्या, वनजमिनींचे प्रलंबित प्रश्न आणि कर्जमाफी योजनेंतर्गत काही शेतकऱ्यांना अद्याप न मिळालेले ५० हजार रुपयांचे प्रोत्साहनपर अनुदान तातडीने वितरीत करण्यासाठी शासनस्तरावर पाठपुरावा करण्याची विनंती मंत्री महोदयांकडे केली. या प्रसंगी ठाणे जिल्हा मध्यवर्ती सहकारी बँकेचे अध्यक्ष अरुण पाटील व संचालक सौरभ पवार यांचाही विशेष सत्कार करण्यात आला. समारंभाचे प्रास्ताविक जनसेवा प्रतिष्ठानचे अध्यक्ष सुभाष पवार यांनी केले. या कार्यक्रमाला ज्येष्ठ नेते राम दळवी, पांडुरंग कोर, दीपक पवार, जितेंद्र भावथे, चंद्रकांत बोष्टे, संतोष पवार, श्रीकांत धुमाळ, दीपक खाटेघरे, दीपक वाकचौरे, हरीश पुरोहित, विनोद नार्वेकर, अनिल देसले, अक्षय रोठे, विनायकराव सागर, चुंबवणे, चिमा शेद यांच्यासह जनसेवा प्रतिष्ठानचे पदाधिकारी, कार्यकर्ते, पालक व विद्यार्थी मोठ्या संख्येने उपस्थित होते. कार्यक्रमाचे सूत्रसंचालन प्रा. पी. एस. पवार यांनी केले, तर धनाजी दळवी यांनी आभार मानले.