ବୋଡକ ଅଞ୍ଚଳରେ କାଳବୈଶାଖୀର ପ୍ରବଳ ପ୍ରକୋପ ଦେଖିବାକୁ ମିଳିଛି। ଏହି କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ଏବଂ ବଜ୍ରପାତ ହେବା ଯୋଗୁଁ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି।

ବୋଡକ ଅଞ୍ଚଳରେ କାଳବୈଶାଖୀର ପ୍ରବଳ ପ୍ରକୋପ ଦେଖିବାକୁ ମିଳିଛି। ଏହି କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ଏବଂ ବଜ୍ରପାତ ହେବା ଯୋଗୁଁ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି।

ବାଲି ମାଫିଆମାନେ ସରକାରଙ୍କୁ ଖୋଲା ଚାଲେଞ୍ଜ ଦେଇଛନ୍ତି। ସେମାନେ ଦିନ ଦୁଇ ପ୍ରହରେ ହଜାର ହଜାର ଟ୍ରିପ୍‌ ଖଣିଜ ସମ୍ପଦ ଲୁଟୁଛନ୍ତି। ଏତେ ସବୁ ଲୁଟ୍‌ ପରେ ମଧ୍ୟ ସେମାନଙ୍କର ମନ ଶାନ୍ତି ହେଉନାହିଁ, ଯେଉଁଥିପାଇଁ ବାଲି ମାଫିଆମାନେ ସରକାରଙ୍କ ଦ୍ୱାରା ଅନୁଦାନ ରାଶିରେ ନିର୍ମିତ ରାସ୍ତାଗୁଡ଼ିକୁ ନଷ୍ଟ କରିବାରେ ଲାଗିଛନ୍ତି।

ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁଯାୟୀ ଯାଜପୁର ଜିଲ୍ଲାରେ ସ୍ୱତନ୍ତ୍ର ସଘନ ଭୋଟର ତାଲିକା ସଂଶୋଧନ (SIR) ପ୍ରକ୍ରିୟା ଆରମ୍ଭ ହେବାକୁ ଯାଉଛି। ଏହି ପରିପ୍ରେକ୍ଷୀରେ, ଜିଲ୍ଲା ନିର୍ବାଚନ ଅଧିକାରୀ ତଥା ଜିଲ୍ଲାପାଳ ଶ୍ରୀ ଅମ୍ବର କୁମାର କର ଜିଲ୍ଲାବାସୀଙ୍କୁ ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା ପ୍ରଦାନ କରିଛନ୍ତି।

ପ୍ରଭାତ ବିଶ୍ବାଳ, ଦେବାଶିଷ ସାମନ୍ତରାୟଙ୍କ ଅସଲ ମୁଖା ଖୋଲି ଦେଇଥିବା ସୂଚନା ମିଳିଛି।

କଟକ ଜିଲ୍ଲାର ବିଭିନ୍ନ ଅଞ୍ଚଳରେ ପ୍ରବଳ ବର୍ଷା, ଝଡ଼ ପବନ ଏବଂ ଘଡ଼ଘଡ଼ିର ତାଣ୍ଡବ ଦେଖିବାକୁ ମିଳିଛି।

ବାଲେଶ୍ୱର ସ୍ଥିତ ମୁଭି X ଠାରେ ଓଡ଼ିଆ ଚଳଚ୍ଚିତ୍ର “ମେହେର ମୁଣ୍ଡା”ର ପ୍ରିମୀୟର ଶୋ ଆଜି ଅନୁଷ୍ଠିତ ହୋଇଯାଇଛି। ଏହି ଅବସରରେ ଓଲିଉଡ ଷ୍ଟାର ଜ୍ୟୋତିଙ୍କ ସମେତ ଚଳଚ୍ଚିତ୍ରର ସମସ୍ତ ଟିମ୍ ଉପସ୍ଥିତ ଥିଲେ। ସୂଚନା ଅନୁସାରେ, ପ୍ରିମୀୟର ଶୋ ପୂର୍ବରୁ ଚଳଚ୍ଚିତ୍ରର ନାୟକ-ନାୟିକା ଏବଂ ଅନ୍ୟାନ୍ୟ ସଦସ୍ୟମାନେ ବାଲେଶ୍ୱର ସ୍ଥିତ ଶ୍ରୀନିକ୍ସ କଲେଜରେ ପହଞ୍ଚି ଛାତ୍ରଛାତ୍ରୀଙ୍କ ସହ “ମେହେର ମୁଣ୍ଡା” ଚଳଚ୍ଚିତ୍ରକୁ ନେଇ ଆଲୋଚନା କରିଥିଲେ। ଏହାପରେ ମୁଭି X ଠାରେ ପ୍ରିମୀୟର ଶୋ ଆରମ୍ଭ ହୋଇଥିଲା। ଏହି ପ୍ରିମୀୟର ଶୋରେ ସଂଖ୍ୟାଧିକ ଦର୍ଶକଙ୍କ ଉପସ୍ଥିତି ଦେଖିବାକୁ ମିଳିଥିଲା, ଯାହା ଓଡ଼ିଆ ଚଳଚ୍ଚିତ୍ର ପ୍ରତି ଦର୍ଶକଙ୍କ ଭଲପାଇବାକୁ ପ୍ରମାଣିତ କରିଥିଲା। ଏହି ଅବସରରେ ଚଳଚ୍ଚିତ୍ରର ନାୟକ-ନାୟିକା କହିଥିଲେ ଯେ ଓଡ଼ିଆ ମାଟିର ସଂସ୍କୃତି ଉପରେ ଆଧାରିତ “ମେହେର ମୁଣ୍ଡା” ନିଶ୍ଚୟ ସମସ୍ତ ଦର୍ଶକଙ୍କ ହୃଦୟକୁ ଛୁଇଁବ।

ପଶ୍ଚିମବଙ୍ଗର ସୋନାରପୁରରେ ଟିଏମସି ସାଂସଦ ତଥା ଦଳର ଜାତୀୟ ସାଧାରଣ ସମ୍ପାଦକ ଅଭିଷେକ ବାନାର୍ଜୀଙ୍କ ଉପରେ ଆକ୍ରମଣ ହୋଇଥିବା ଅଭିଯୋଗ ହୋଇଛି। ସେ ଦାବି କରିଛନ୍ତି ଯେ, ପୋଷ୍ଟ-ପୋଲ ହିଂସାରେ ପ୍ରଭାବିତ ପରିବାରମାନଙ୍କୁ ଭେଟିବା ସମୟରେ ତାଙ୍କ ଉପରକୁ ଇଟା, ଅଣ୍ଡା ଏବଂ ପଥର ମାଡ଼ କରାଯାଇଥିଲା। ଏହି ଘଟଣାକୁ ନେଇ ରାଜନୈତିକ ମହଲରେ ତୀବ୍ର ପ୍ରତିକ୍ରିୟା ଦେଖାଦେଇଛି। ଘଟଣା ପରେ ଅଭିଷେକ ବାନାର୍ଜୀ କହିଛନ୍ତି ଯେ, ସମଗ୍ର ଘଟଣାର ଭିଡିଓ ପ୍ରମାଣ ତାଙ୍କ ପାଖରେ ରହିଛି ଏବଂ ସେ ଏହି ମାମଲାକୁ ନେଇ ଅଦାଲତର ଦ୍ୱାରସ୍ଥ ହେବେ। ସେ ଅଭିଯୋଗ କରିଛନ୍ତି ଯେ, ଏହି ଆକ୍ରମଣରେ ତାଙ୍କ ଆଖିରେ ଆଘାତ ଲାଗିଛି ଏବଂ ଯଦି ସେ ହେଲମେଟ୍ ପିନ୍ଧିନଥାନ୍ତେ ତେବେ ତାଙ୍କ ମୁଣ୍ଡ ଫାଟିଯାଇଥାନ୍ତା। ଅଭିଷେକ ବାନାର୍ଜୀ ଏହି ଆକ୍ରମଣକୁ ପୂର୍ବ ଯୋଜନାବଦ୍ଧ ବୋଲି କହିବା ସହ ବିରୋଧୀ ଦଳ ଉପରେ ଆଙ୍ଗୁଳି ଉଠାଇଛନ୍ତି। ତାଙ୍କ ମତରେ, ତାଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର କରାଯାଇଥିଲା ଏବଂ ଏହି ଘଟଣା କ୍ୟାମେରାରେ କଏଦ ହୋଇଛି। ସେ ଏହି ସୂଚନା ହାଇକୋର୍ଟ ଓ ରାଜ୍ୟପାଳଙ୍କୁ ଜଣାଇବେ ବୋଲି ମଧ୍ୟ କହିଛନ୍ତି।