मृग नक्षत्रानंतर झालेल्या पहिल्याच दमदार पावसाने हिमायतनगर शहरातील नगरपंचायतीच्या कारभाराची पोलखोल केली आहे. शहरातील अनेक भागांमध्ये गटारे तुंबून रस्त्यावर दुर्गंधीयुक्त घाण पाणी साचल्याचे चित्र पाहायला मिळाले. विशेषतः आठवडी बाजाराच्या दिवशी मुख्य रस्त्यांवर गटारगंगा वाहत असल्याने बाजारासाठी आलेल्या महिला आणि पुरुष नागरिकांना मोठ्या त्रासाला सामोरे जावे लागले. या पावसामुळे सराफ लाईन, जनता कॉलनी, आंबेडकर चौक, बस स्थानक परिसर, चौपाटी मार्केट, ग्रामीण रुग्णालय परिसर, गणेशवाडी, मुर्तूजा नगर यांसह अनेक भाग जलमय झाले. नाल्यांची वेळेत साफसफाई न झाल्यानेच पहिल्या पावसात नगरपंचायतीच्या नियोजनाचा फज्जा उडाल्याची टीका नागरिकांकडून करण्यात येत आहे. दरम्यान, या पावसामुळे उकाड्यापासून दिलासा मिळाला असून, शेतकरी वर्गात समाधानाचे वातावरण आहे. मात्र, शहरातील नागरी सुविधांबाबत प्रशासनाने तातडीने लक्ष देऊन सुधारणा करण्याची मागणी नागरिकांनी केली आहे.

ALM Bharat

Local News Reporter हिमायतनगर, नांदेड, महाराष्ट्र•

1 hr ago

मृग नक्षत्रानंतर झालेल्या पहिल्याच दमदार पावसाने हिमायतनगर शहरातील नगरपंचायतीच्या कारभाराची पोलखोल केली आहे. शहरातील अनेक भागांमध्ये गटारे तुंबून रस्त्यावर दुर्गंधीयुक्त घाण पाणी साचल्याचे चित्र पाहायला मिळाले. विशेषतः आठवडी बाजाराच्या दिवशी मुख्य रस्त्यांवर गटारगंगा वाहत असल्याने बाजारासाठी आलेल्या महिला आणि पुरुष नागरिकांना मोठ्या त्रासाला सामोरे जावे लागले. या पावसामुळे सराफ लाईन, जनता कॉलनी, आंबेडकर चौक, बस स्थानक परिसर, चौपाटी मार्केट, ग्रामीण रुग्णालय परिसर, गणेशवाडी, मुर्तूजा नगर यांसह अनेक भाग जलमय झाले. नाल्यांची वेळेत साफसफाई न झाल्यानेच पहिल्या पावसात नगरपंचायतीच्या नियोजनाचा फज्जा उडाल्याची टीका नागरिकांकडून करण्यात येत आहे. दरम्यान, या पावसामुळे उकाड्यापासून दिलासा मिळाला असून, शेतकरी वर्गात समाधानाचे वातावरण आहे. मात्र, शहरातील नागरी सुविधांबाबत प्रशासनाने तातडीने लक्ष देऊन सुधारणा करण्याची मागणी नागरिकांनी केली आहे.