पिंपरी-चिंचवडमधील चिखली परिसरातील कुदळवाडी येथील डायमंड चौकात असलेल्या एका भंगार गोदामाला मंगळवारी (२३ जून २०२६) पहाटे सुमारे चार वाजण्याच्या सुमारास भीषण आग लागली. या घटनेमुळे परिसरात एकच खळबळ उडाली होती आणि धुराचे मोठे लोट सर्वत्र पसरले होते. आगीची माहिती मिळताच पिंपरी-चिंचवड महापालिकेच्या अग्निशामक विभागाने तात्काळ घटनास्थळी धाव घेतली. आगीवर नियंत्रण मिळवण्यासाठी अग्निशामक दलाचे तब्बल दहा बंब दाखल झाले. गोदामात मोठ्या प्रमाणात भंगार साहित्य असल्याने आग अतिशय वेगाने पसरत होती, मात्र जवानांनी अनेक तासांच्या अथक परिश्रमानंतर आणि शर्थीच्या प्रयत्नांनंतर आगीवर नियंत्रण मिळवले. सध्या गोदामातील काही ठिकाणी अजूनही धुराचे लोट दिसून येत असल्याने आग पूर्णपणे विझवण्याचे काम सुरू आहे. या आगीत भंगार साहित्याचे मोठ्या प्रमाणावर नुकसान झाल्याचा प्राथमिक अंदाज आहे. सुदैवाने या घटनेत कोणतीही जीवितहानी झाली नाही. आग लागण्याचे नेमके कारण अद्याप स्पष्ट झालेले नसून, संबंधित यंत्रणांकडून या प्रकरणाची चौकशी सुरू आहे. अग्निशामक दलाच्या तत्परतेमुळे एक मोठी दुर्घटना टळल्याचे नमूद करण्यात आले आहे.

न्यूज पीसीएमसी

पिंपरी चिंचवड, पुणे, महाराष्ट्र•

4 hrs ago

पिंपरी-चिंचवडमधील चिखली परिसरातील कुदळवाडी येथील डायमंड चौकात असलेल्या एका भंगार गोदामाला मंगळवारी (२३ जून २०२६) पहाटे सुमारे चार वाजण्याच्या सुमारास भीषण आग लागली. या घटनेमुळे परिसरात एकच खळबळ उडाली होती आणि धुराचे मोठे लोट सर्वत्र पसरले होते. आगीची माहिती मिळताच पिंपरी-चिंचवड महापालिकेच्या अग्निशामक विभागाने तात्काळ घटनास्थळी धाव घेतली. आगीवर नियंत्रण मिळवण्यासाठी अग्निशामक दलाचे तब्बल दहा बंब दाखल झाले. गोदामात मोठ्या प्रमाणात भंगार साहित्य असल्याने आग अतिशय वेगाने पसरत होती, मात्र जवानांनी अनेक तासांच्या अथक परिश्रमानंतर आणि शर्थीच्या प्रयत्नांनंतर आगीवर नियंत्रण मिळवले. सध्या गोदामातील काही ठिकाणी अजूनही धुराचे लोट दिसून येत असल्याने आग पूर्णपणे विझवण्याचे काम सुरू आहे. या आगीत भंगार साहित्याचे मोठ्या प्रमाणावर नुकसान झाल्याचा प्राथमिक अंदाज आहे. सुदैवाने या घटनेत कोणतीही जीवितहानी झाली नाही. आग लागण्याचे नेमके कारण अद्याप स्पष्ट झालेले नसून, संबंधित यंत्रणांकडून या प्रकरणाची चौकशी सुरू आहे. अग्निशामक दलाच्या तत्परतेमुळे एक मोठी दुर्घटना टळल्याचे नमूद करण्यात आले आहे.