गौरीटोला शाळेत सोयीसुविधांचा अभाव;विकासासाठी आम्ही प्रयत्नशील, लवकरच प्रश्न सुटणार; प्रशासक व सरपंचांची सकारात्मक प्रतिक्रिया. गौरीटोला जिल्हा परिषद शाळेत सोयीसुविधांचा वनवास; शाळा व्यवस्थापन समितीची साहित्यासाठी मागणी गोरेगाव (प्रतिनिधी): गोंदिया जिल्ह्यातील गोरेगाव तालुक्यातील तिल्ली ग्रामपंचायत अंतर्गत येत असलेल्या गौरीटोला येथील आदर्श वरिष्ठ प्राथमिक जिल्हा परिषद शाळेत मूलभूत सुविधांची प्रचंड वानवा असल्याचे समोर आले आहे. शाळेत विद्युत फिटिंग नसल्याने विद्यार्थ्यांना उकाड्याचा त्रास सहन करावा लागत असून, पंखे आणि बसण्यासाठी योग्य फर्निचर नसल्यामुळे शैक्षणिक वातावरणावर परिणाम होत आहे. शाळेतील या समस्यांकडे लक्ष वेधण्यासाठी शाळा व्यवस्थापन समितीने आक्रमक पवित्रा घेतला असून, प्रशासनाकडे तातडीने विद्युत पुरवठा आणि फर्निचर उपलब्ध करून देण्याची मागणी लावून धरली आहे. "विद्यार्थ्यांच्या हितासाठी या सुविधा प्राधान्याने पूर्ण कराव्यात," अशी मागणी पालकांमधूनही होत आहे. प्रशासक काय म्हणतात? या तक्रारींची दखल घेत तिल्ली ग्रामपंचायतीचे सरपंच तथा सध्याचे प्रशासक यांनी आपली बाजू मांडली आहे. त्यांनी सांगितले की, "शाळेच्या विकासासाठी आम्ही पूर्णपणे प्रयत्नशील आहोत. मागील काही दिवसांत शाळेमध्ये अनेक महत्त्वाची विकासकामे पूर्ण करण्यात आली आहेत. उर्वरित विद्युत फिटिंग आणि फर्निचरचा प्रश्नही लवकरच मार्गी लावण्यासाठी पाठपुरावा सुरू आहे." शाळेचा दर्जा सुधारण्यासाठी प्रशासन आणि व्यवस्थापन समिती यांच्यात समन्वय असणे आवश्यक आहे, मात्र प्रत्यक्ष सोयीसुविधा कधीपर्यंत उपलब्ध होतात, याकडे आता ग्रामस्थांचे लक्ष लागले आहे.

नरेश बोपचे

Journalist आमगाव, गोंदिया, महाराष्ट्र•

5 hrs ago

गौरीटोला शाळेत सोयीसुविधांचा अभाव;विकासासाठी आम्ही प्रयत्नशील, लवकरच प्रश्न सुटणार; प्रशासक व सरपंचांची सकारात्मक प्रतिक्रिया. गौरीटोला जिल्हा परिषद शाळेत सोयीसुविधांचा वनवास; शाळा व्यवस्थापन समितीची साहित्यासाठी मागणी गोरेगाव (प्रतिनिधी): गोंदिया जिल्ह्यातील गोरेगाव तालुक्यातील तिल्ली ग्रामपंचायत अंतर्गत येत असलेल्या गौरीटोला येथील आदर्श वरिष्ठ प्राथमिक जिल्हा परिषद शाळेत मूलभूत सुविधांची प्रचंड वानवा असल्याचे समोर आले आहे. शाळेत विद्युत फिटिंग नसल्याने विद्यार्थ्यांना उकाड्याचा त्रास सहन करावा लागत असून, पंखे आणि बसण्यासाठी योग्य फर्निचर नसल्यामुळे शैक्षणिक वातावरणावर परिणाम होत आहे. शाळेतील या समस्यांकडे लक्ष वेधण्यासाठी शाळा व्यवस्थापन समितीने आक्रमक पवित्रा घेतला असून, प्रशासनाकडे तातडीने विद्युत पुरवठा आणि फर्निचर उपलब्ध करून देण्याची मागणी लावून धरली आहे. "विद्यार्थ्यांच्या हितासाठी या सुविधा प्राधान्याने पूर्ण कराव्यात," अशी मागणी पालकांमधूनही होत आहे. प्रशासक काय म्हणतात? या तक्रारींची दखल घेत तिल्ली ग्रामपंचायतीचे सरपंच तथा सध्याचे प्रशासक यांनी आपली बाजू मांडली आहे. त्यांनी सांगितले की, "शाळेच्या विकासासाठी आम्ही पूर्णपणे प्रयत्नशील आहोत. मागील काही दिवसांत शाळेमध्ये अनेक महत्त्वाची विकासकामे पूर्ण करण्यात आली आहेत. उर्वरित विद्युत फिटिंग आणि फर्निचरचा प्रश्नही लवकरच मार्गी लावण्यासाठी पाठपुरावा सुरू आहे." शाळेचा दर्जा सुधारण्यासाठी प्रशासन आणि व्यवस्थापन समिती यांच्यात समन्वय असणे आवश्यक आहे, मात्र प्रत्यक्ष सोयीसुविधा कधीपर्यंत उपलब्ध होतात, याकडे आता ग्रामस्थांचे लक्ष लागले आहे.