आषाढी पालखी सोहळ्यात सहभागी होणाऱ्या वारकऱ्यांचा पायी प्रवास सुखकर, सुरक्षित आणि आरोग्यदायी व्हावा यासाठी मुख्यमंत्री देवेंद्र फडणवीस यांच्या संकल्पनेतून 'चरणसेवा' उपक्रम राबवण्यात येत आहे. अहिल्यानगरमध्ये मुख्यमंत्री साहाय्यता निधी कक्षामार्फत दोन वेगवेगळ्या ठिकाणी या अनोख्या चरणसेवा आणि आरोग्य सेवा उपक्रमाचे यशस्वी आयोजन करण्यात आले आहे. या उपक्रमाचा मुख्य उद्देश वारकऱ्यांची पायी प्रवासातील दमछाक कमी करणे हा आहे. या उपक्रमांतर्गत, श्री रोकडोबा हनुमान दिंडी (बेलपिंपळगाव) मधील वारकऱ्यांसाठी उस्थळ दुमला येथे पी. व्ही. बेल्हेकर आयुर्वेदिक मेडिकल कॉलेज अँड हॉस्पिटल, नेवासा यांच्या वतीने सेवा देण्यात आली. तर, अहिल्यानगरमधील मार्केट यार्ड परिसरात इतर पायी दिंड्यांमधील वारकऱ्यांसाठी डॉ. विखे पाटील मेमोरियल हॉस्पिटल अँड मेडिकल कॉलेजच्या माध्यमातून चरणसेवा उपक्रम राबविला गेला. दोन्ही ठिकाणी मुक्कामाच्या जागी डॉक्टरांनी वारकऱ्यांच्या पायांना आयुर्वेदिक औषधी तेलाने मसाज केला, ज्यामुळे त्यांच्या पायांचा ताण आणि थकवा दूर होऊन पुढील प्रवासासाठी त्यांना नवचैतन्य लाभले. चरणसेवेसोबतच या ठिकाणी वारकऱ्यांना आरोग्यविषयक मार्गदर्शनही करण्यात आले. तसेच मुख्यमंत्री वैद्यकीय साहाय्यता निधी आणि राज्य शासनाच्या विविध आरोग्य योजनांची माहिती देऊन पात्र लाभार्थ्यांना या योजनांचा लाभ घेण्याचे आवाहन करण्यात आले. या उपक्रमाच्या प्रभावी अंमलबजावणीसाठी अहिल्यानगर मुख्यमंत्री साहाय्यता निधी कक्षाचे डॉ. रेहान शाह आणि स्वप्नील कच्छवे यांनी संबंधित संस्थांशी समन्वय साधून नियोजनात महत्त्वाची भूमिका बजावली. या कार्यात दोन्ही वैद्यकीय महाविद्यालयांचे डॉक्टर, वैद्यकीय अधिकारी, परिचारिका, विद्यार्थी आणि स्वयंसेवकांनी सेवाभावाने उस्फूर्त सहभाग नोंदवला. या उपक्रमामुळे मिळालेल्या दिलाशाबद्दल वारकऱ्यांनी अत्यंत समाधान व्यक्त केले. पायी प्रवासातील थकवा दूर झाल्यामुळे पुढील वाटचालीसाठी मोठा आधार मिळाल्याची भावना व्यक्त करत वारकऱ्यांनी मुख्यमंत्री देवेंद्र फडणवीस, मुख्यमंत्री साहाय्यता निधी कक्ष आणि दोन्ही वैद्यकीय महाविद्यालयांच्या संपूर्ण टीमचे मनःपूर्वक आभार मानले।

राविराज शिंदे

Photographer अहमदनगर, अहमदनगर, महाराष्ट्र•

1 hr ago

आषाढी पालखी सोहळ्यात सहभागी होणाऱ्या वारकऱ्यांचा पायी प्रवास सुखकर, सुरक्षित आणि आरोग्यदायी व्हावा यासाठी मुख्यमंत्री देवेंद्र फडणवीस यांच्या संकल्पनेतून 'चरणसेवा' उपक्रम राबवण्यात येत आहे. अहिल्यानगरमध्ये मुख्यमंत्री साहाय्यता निधी कक्षामार्फत दोन वेगवेगळ्या ठिकाणी या अनोख्या चरणसेवा आणि आरोग्य सेवा उपक्रमाचे यशस्वी आयोजन करण्यात आले आहे. या उपक्रमाचा मुख्य उद्देश वारकऱ्यांची पायी प्रवासातील दमछाक कमी करणे हा आहे. या उपक्रमांतर्गत, श्री रोकडोबा हनुमान दिंडी (बेलपिंपळगाव) मधील वारकऱ्यांसाठी उस्थळ दुमला येथे पी. व्ही. बेल्हेकर आयुर्वेदिक मेडिकल कॉलेज अँड हॉस्पिटल, नेवासा यांच्या वतीने सेवा देण्यात आली. तर, अहिल्यानगरमधील मार्केट यार्ड परिसरात इतर पायी दिंड्यांमधील वारकऱ्यांसाठी डॉ. विखे पाटील मेमोरियल हॉस्पिटल अँड मेडिकल कॉलेजच्या माध्यमातून चरणसेवा उपक्रम राबविला गेला. दोन्ही ठिकाणी मुक्कामाच्या जागी डॉक्टरांनी वारकऱ्यांच्या पायांना आयुर्वेदिक औषधी तेलाने मसाज केला, ज्यामुळे त्यांच्या पायांचा ताण आणि थकवा दूर होऊन पुढील प्रवासासाठी त्यांना नवचैतन्य लाभले. चरणसेवेसोबतच या ठिकाणी वारकऱ्यांना आरोग्यविषयक मार्गदर्शनही करण्यात आले. तसेच मुख्यमंत्री वैद्यकीय साहाय्यता निधी आणि राज्य शासनाच्या विविध आरोग्य योजनांची माहिती देऊन पात्र लाभार्थ्यांना या योजनांचा लाभ घेण्याचे आवाहन करण्यात आले. या उपक्रमाच्या प्रभावी अंमलबजावणीसाठी अहिल्यानगर मुख्यमंत्री साहाय्यता निधी कक्षाचे डॉ. रेहान शाह आणि स्वप्नील कच्छवे यांनी संबंधित संस्थांशी समन्वय साधून नियोजनात महत्त्वाची भूमिका बजावली. या कार्यात दोन्ही वैद्यकीय महाविद्यालयांचे डॉक्टर, वैद्यकीय अधिकारी, परिचारिका, विद्यार्थी आणि स्वयंसेवकांनी सेवाभावाने उस्फूर्त सहभाग नोंदवला. या उपक्रमामुळे मिळालेल्या दिलाशाबद्दल वारकऱ्यांनी अत्यंत समाधान व्यक्त केले. पायी प्रवासातील थकवा दूर झाल्यामुळे पुढील वाटचालीसाठी मोठा आधार मिळाल्याची भावना व्यक्त करत वारकऱ्यांनी मुख्यमंत्री देवेंद्र फडणवीस, मुख्यमंत्री साहाय्यता निधी कक्ष आणि दोन्ही वैद्यकीय महाविद्यालयांच्या संपूर्ण टीमचे मनःपूर्वक आभार मानले।