लोकसहभाग आणि सीसीटीव्ही हीच गुन्हेगारीविरोधातील प्रभावी शस्त्रे : ठाणेदार रामेश्वर चव्हाण.... लोकसहभाग आणि सीसीटीव्ही हीच गुन्हेगारीविरोधातील प्रभावी शस्त्रे : ठाणेदार रामेश्वर चव्हाण रिसोड : रिसोड शहरासह संपूर्ण तालुक्यातील गुन्हेगारीचे प्रमाण कमी करण्यासाठी पोलीस प्रशासनाला नागरिकांच्या लोकसहभागाची नितांत आवश्यकता आहे. नागरिकांनी स्वतःच्या सुरक्षेसाठी घरे, दुकाने, व्यावसायिक आस्थापना तसेच सार्वजनिक ठिकाणी सीसीटीव्ही कॅमेरे बसविल्यास गुन्हेगारीवर निश्चितच प्रभावी आळा बसू शकतो, असे प्रतिपादन रिसोड पोलीस स्टेशनचे ठाणेदार रामेश्वर चव्हाण यांनी केले. रिसोड पोलीस स्टेशनमध्ये 31 जुलै रोजी आयोजित पोलीस–पत्रकार सुसंवाद कार्यक्रमात ते बोलत होते. यावेळी पोलीस विभागातील अधिकारी, कर्मचारी तसेच पत्रकार मोठ्या संख्येने उपस्थित होते. ठाणेदार चव्हाण म्हणाले की, भारतीय न्याय संहिता (बीएनएस) लागू झाल्यानंतर अनेक नवीन कायदेशीर तरतुदी आणि गुन्ह्यांच्या नव्या श्रेणी अस्तित्वात आल्या आहेत. या कायद्यांची माहिती सर्वसामान्य नागरिकांपर्यंत पोहोचणे अत्यंत गरजेचे आहे. पोलीस प्रशासन विविध जनजागृती उपक्रमांच्या माध्यमातून बीएनएसची माहिती नागरिकांपर्यंत पोहोचविण्याचा प्रयत्न करीत आहे. मात्र, सामाजिक संस्था, स्वयंसेवी संघटना आणि जागरूक नागरिकांनीही या जनजागृती मोहिमेत सहभागी होऊन नवीन कायद्यांविषयी समाजात जागरूकता निर्माण करावी, अशी अपेक्षाही त्यांनी व्यक्त केली. पुढे बोलताना ठाणेदार चव्हाण म्हणाले की, प्रत्येक घटनेच्या ठिकाणी पोलीस तातडीने पोहोचतीलच, असे नेहमी शक्य होत नाही. मात्र, संबंधित परिसरात सीसीटीव्ही कॅमेरे बसविलेले असल्यास त्यामध्ये कैद झालेल्या दृश्यांच्या आधारे आरोपींचा शोध घेणे, त्यांची ओळख पटविणे आणि गुन्ह्याचा जलद उलगडा करणे पोलीस प्रशासनाला अधिक सुलभ होते. त्यामुळे नागरिकांनी स्वतःच्या आणि समाजाच्या सुरक्षेच्या दृष्टीने अधिकाधिक ठिकाणी सीसीटीव्ही कॅमेरे बसवावेत, असे आवाहन त्यांनी केले. पोलीस–पत्रकार सुसंवाद कार्यक्रमातून पोलीस आणि प्रसारमाध्यमांमधील समन्वय अधिक दृढ करण्याबरोबरच कायद्याविषयी जनजागृती आणि गुन्हेगारीविरोधातील लोकसहभाग वाढविण्यावर विशेष भर देण्यात आला.

Suresh Badrigiri Giri

Mechanic रिसोड, वाशिम, महाराष्ट्र•

9 hrs ago

लोकसहभाग आणि सीसीटीव्ही हीच गुन्हेगारीविरोधातील प्रभावी शस्त्रे : ठाणेदार रामेश्वर चव्हाण.... लोकसहभाग आणि सीसीटीव्ही हीच गुन्हेगारीविरोधातील प्रभावी शस्त्रे : ठाणेदार रामेश्वर चव्हाण रिसोड : रिसोड शहरासह संपूर्ण तालुक्यातील गुन्हेगारीचे प्रमाण कमी करण्यासाठी पोलीस प्रशासनाला नागरिकांच्या लोकसहभागाची नितांत आवश्यकता आहे. नागरिकांनी स्वतःच्या सुरक्षेसाठी घरे, दुकाने, व्यावसायिक आस्थापना तसेच सार्वजनिक ठिकाणी सीसीटीव्ही कॅमेरे बसविल्यास गुन्हेगारीवर निश्चितच प्रभावी आळा बसू शकतो, असे प्रतिपादन रिसोड पोलीस स्टेशनचे ठाणेदार रामेश्वर चव्हाण यांनी केले. रिसोड पोलीस स्टेशनमध्ये 31 जुलै रोजी आयोजित पोलीस–पत्रकार सुसंवाद कार्यक्रमात ते बोलत होते. यावेळी पोलीस विभागातील अधिकारी, कर्मचारी तसेच पत्रकार मोठ्या संख्येने उपस्थित होते. ठाणेदार चव्हाण म्हणाले की, भारतीय न्याय संहिता (बीएनएस) लागू झाल्यानंतर अनेक नवीन कायदेशीर तरतुदी आणि गुन्ह्यांच्या नव्या श्रेणी अस्तित्वात आल्या आहेत. या कायद्यांची माहिती सर्वसामान्य नागरिकांपर्यंत पोहोचणे अत्यंत गरजेचे

आहे. पोलीस प्रशासन विविध जनजागृती उपक्रमांच्या माध्यमातून बीएनएसची माहिती नागरिकांपर्यंत पोहोचविण्याचा प्रयत्न करीत आहे. मात्र, सामाजिक संस्था, स्वयंसेवी संघटना आणि जागरूक नागरिकांनीही या जनजागृती मोहिमेत सहभागी होऊन नवीन कायद्यांविषयी समाजात जागरूकता निर्माण करावी, अशी अपेक्षाही त्यांनी व्यक्त केली. पुढे बोलताना ठाणेदार चव्हाण म्हणाले की, प्रत्येक घटनेच्या ठिकाणी पोलीस तातडीने पोहोचतीलच, असे नेहमी शक्य होत नाही. मात्र, संबंधित परिसरात सीसीटीव्ही कॅमेरे बसविलेले असल्यास त्यामध्ये कैद झालेल्या दृश्यांच्या आधारे आरोपींचा शोध घेणे, त्यांची ओळख पटविणे आणि गुन्ह्याचा जलद उलगडा करणे पोलीस प्रशासनाला अधिक सुलभ होते. त्यामुळे नागरिकांनी स्वतःच्या आणि समाजाच्या सुरक्षेच्या दृष्टीने अधिकाधिक ठिकाणी सीसीटीव्ही कॅमेरे बसवावेत, असे आवाहन त्यांनी केले. पोलीस–पत्रकार सुसंवाद कार्यक्रमातून पोलीस आणि प्रसारमाध्यमांमधील समन्वय अधिक दृढ करण्याबरोबरच कायद्याविषयी जनजागृती आणि गुन्हेगारीविरोधातील लोकसहभाग वाढविण्यावर विशेष भर देण्यात आला.