पंढरपूरच्या दिशेने प्रस्थान केलेल्या पैठण येथील शांतीब्रह्म संत एकनाथ महाराजांच्या चरण पादुका आणि पालखीचे शनिवारी दुपारी १२ वाजता शिरूर कासार शहरात आगमन झाले. सुमारे ४२६ वर्षांची जुनी परंपरा असलेल्या या पालखी सोहळ्याचे शहरात अत्यंत भक्तीभावाने आणि उत्साहात जंगी स्वागत करण्यात आले. टाळ-मृदंगाचा गजर, फटाक्यांची आतिषबाजी आणि पायघड्या घालत पालखीला हनुमान मंदिराकडे आणण्यात आले, जिथे दुपारी ४ वाजेपर्यंत दर्शनासाठी विसावा घेण्यात आला. एकादशीनिमित्त शहरातील नागरिकांनी आपापल्या घरी फराळाचे नियोजन केले होते, तर ठिकठिकाणी वारकऱ्यांना पाणी, फळे, साबुदाणा खिचडी आणि खजूर यांसारख्या महाप्रसादाचे वाटप करण्यात आले. सायंकाळी ४ वाजता हरीनामाच्या गजरात ही पालखी पुढील मुक्कामासाठी राक्षस भुवनकडे रवाना झाली. या पालखी सोहळ्यात ४० हून अधिक दिंड्या आणि २० हजारांपेक्षा जास्त नाथ भक्त पायी चालत सामील होतात. या दिंडी सोहळ्याप्रसंगी तालुक्याचे तहसीलदार सुरेशजी घोळवे, नायब तहसीलदार तथा मुख्याधिकारी गणेश दहिफळे, एपीआय राजेश गडवे यांच्यासह सर्व प्रशासकीय अधिकारी व कर्मचारी उपस्थित होते. तसेच शहराचे नगराध्यक्ष रोहिदास पाटील, नगरसेवक गणेश भांडेकर, दत्ता पाटील, सुभाष दादा गाडेकर, अर्जुन दादा गाडेकर, अरुण भालेराव, दादा हरिदास, अमोल चव्हाण, भिमराव गायकवाड, वसंत काटे, नशिरभाई शेख, ज्येष्ठ नेते गोविंद पाटील गाडेकर, सुनील पाटील, भास्कर गाडेकर यांच्यासह सर्व नगरसेवक, युवक आणि स्थानिक नाथ भक्त मोठ्या संख्येने उपस्थित होते. पालखी सोहळ्यादरम्यान सामाजिक सलोखा आणि सेवेचे अनोखे दर्शन घडले. केमिस्ट असोसिएशनच्या अध्यक्ष, उपाध्यक्ष आणि सदस्यांनी प्रत्येक मेडिकलकडून १ हजार रुपयांची वर्गणी गोळा करून वारकऱ्यांसाठी मोफत औषधोपचार (फ्री मेडिसिन) देण्याचा स्तुत्य उपक्रम राबवला. यात साई मेडिकलचे सुधीरजी भांडेकर, गुरुमाऊली मेडिकलचे बाळासाहेब बोराडे, ओमकार मेडिकलचे प्रकाश जोगदंड यांच्यासह एकूण २७ औषध विक्रेत्यांनी पुढाकार घेतला. तसेच, समाजसेवक समीर बागवान यांनी वारकऱ्यांसाठी फराळाची व्यवस्था करून 'हम सब एक है' असा हिंदू-मुस्लिम सलोख्याचा संदेश दिला.

Mahesh Mangrulkar

Shirur (Kasar), Beed•

1 hr ago

पंढरपूरच्या दिशेने प्रस्थान केलेल्या पैठण येथील शांतीब्रह्म संत एकनाथ महाराजांच्या चरण पादुका आणि पालखीचे शनिवारी दुपारी १२ वाजता शिरूर कासार शहरात आगमन झाले. सुमारे ४२६ वर्षांची जुनी परंपरा असलेल्या या पालखी सोहळ्याचे शहरात अत्यंत भक्तीभावाने आणि उत्साहात जंगी स्वागत करण्यात आले. टाळ-मृदंगाचा गजर, फटाक्यांची आतिषबाजी आणि पायघड्या घालत पालखीला हनुमान मंदिराकडे आणण्यात आले, जिथे दुपारी ४ वाजेपर्यंत दर्शनासाठी विसावा घेण्यात आला. एकादशीनिमित्त शहरातील नागरिकांनी

आपापल्या घरी फराळाचे नियोजन केले होते, तर ठिकठिकाणी वारकऱ्यांना पाणी, फळे, साबुदाणा खिचडी आणि खजूर यांसारख्या महाप्रसादाचे वाटप करण्यात आले. सायंकाळी ४ वाजता हरीनामाच्या गजरात ही पालखी पुढील मुक्कामासाठी राक्षस भुवनकडे रवाना झाली. या पालखी सोहळ्यात ४० हून अधिक दिंड्या आणि २० हजारांपेक्षा जास्त नाथ भक्त पायी चालत सामील होतात. या दिंडी सोहळ्याप्रसंगी तालुक्याचे तहसीलदार सुरेशजी घोळवे, नायब तहसीलदार तथा मुख्याधिकारी गणेश दहिफळे, एपीआय राजेश

गडवे यांच्यासह सर्व प्रशासकीय अधिकारी व कर्मचारी उपस्थित होते. तसेच शहराचे नगराध्यक्ष रोहिदास पाटील, नगरसेवक गणेश भांडेकर, दत्ता पाटील, सुभाष दादा गाडेकर, अर्जुन दादा गाडेकर, अरुण भालेराव, दादा हरिदास, अमोल चव्हाण, भिमराव गायकवाड, वसंत काटे, नशिरभाई शेख, ज्येष्ठ नेते गोविंद पाटील गाडेकर, सुनील पाटील, भास्कर गाडेकर यांच्यासह सर्व नगरसेवक, युवक आणि स्थानिक नाथ भक्त मोठ्या संख्येने उपस्थित होते. पालखी सोहळ्यादरम्यान सामाजिक सलोखा आणि सेवेचे अनोखे

दर्शन घडले. केमिस्ट असोसिएशनच्या अध्यक्ष, उपाध्यक्ष आणि सदस्यांनी प्रत्येक मेडिकलकडून १ हजार रुपयांची वर्गणी गोळा करून वारकऱ्यांसाठी मोफत औषधोपचार (फ्री मेडिसिन) देण्याचा स्तुत्य उपक्रम राबवला. यात साई मेडिकलचे सुधीरजी भांडेकर, गुरुमाऊली मेडिकलचे बाळासाहेब बोराडे, ओमकार मेडिकलचे प्रकाश जोगदंड यांच्यासह एकूण २७ औषध विक्रेत्यांनी पुढाकार घेतला. तसेच, समाजसेवक समीर बागवान यांनी वारकऱ्यांसाठी फराळाची व्यवस्था करून 'हम सब एक है' असा हिंदू-मुस्लिम सलोख्याचा संदेश दिला.