జన్నారం మండలంలోని చింతగూడలో ఉన్న శ్రీ లక్ష్మీ దేవస్థానం వద్ద తీవ్ర ఉద్రిక్తత నెలకొంది. దేవాలయానికి వచ్చిన భక్తులపై, ముఖ్యంగా మహిళలపై, కొంతమంది ఆటో డ్రైవర్లు, ఇతర వ్యక్తులు మద్యం మత్తులో అసభ్యంగా ప్రవర్తించారని బాధితులు ఆరోపించారు. ఆలయ ప్రాంగణంలో కనీస భద్రత లేకపోవడం, మహిళలకు రక్షణ కరువవడంపై భక్తులు తీవ్ర ఆవేదన వ్యక్తం చేశారు. ఈ ఘటనపై ఆగ్రహం వ్యక్తం చేసిన భక్తులు, "ఇక్కడ మందు ఎలా దొరుకుతోంది? దేవదాయ శాఖకు సంబంధించిన వారే తాగే ఉద్యోగాలు చేస్తున్నారు, అసలు ఇక్కడ భద్రత ఏది?" అని తీవ్రంగా ప్రశ్నించారు. దేవస్థానం వద్ద జరుగుతున్న అరాచకాలను ఎవరూ పట్టించుకోవడం లేదని, తమపై దాడికి దిగినా ఎవరూ స్పందించలేదని బాధితులు వాపోయారు. పరిస్థితి ఉద్రిక్తంగా మారడంతో, స్థానికులు '100'కు కాల్ చేయగా పోలీసులు సంఘటనా స్థలానికి చేరుకుని గొడవను అదుపులోకి తెచ్చారు. ఈ ఘటనపై కేసు నమోదు చేసుకున్న ఎస్ఐ, నిందితులపై విచారణ జరిపి కఠిన చర్యలు తీసుకుంటామని బాధితులకు హామీ ఇచ్చారు.

తుడుం జితేందర్

Local News Reporter జన్నారం, మంచిర్యాల, తెలంగాణ•

2 hrs ago

జన్నారం మండలంలోని చింతగూడలో ఉన్న శ్రీ లక్ష్మీ దేవస్థానం వద్ద తీవ్ర ఉద్రిక్తత నెలకొంది. దేవాలయానికి వచ్చిన భక్తులపై, ముఖ్యంగా మహిళలపై, కొంతమంది ఆటో డ్రైవర్లు, ఇతర వ్యక్తులు మద్యం మత్తులో అసభ్యంగా ప్రవర్తించారని బాధితులు ఆరోపించారు. ఆలయ ప్రాంగణంలో కనీస భద్రత లేకపోవడం, మహిళలకు రక్షణ కరువవడంపై భక్తులు తీవ్ర ఆవేదన వ్యక్తం చేశారు. ఈ ఘటనపై ఆగ్రహం వ్యక్తం చేసిన భక్తులు, "ఇక్కడ మందు ఎలా దొరుకుతోంది? దేవదాయ శాఖకు సంబంధించిన వారే

తాగే ఉద్యోగాలు చేస్తున్నారు, అసలు ఇక్కడ భద్రత ఏది?" అని తీవ్రంగా ప్రశ్నించారు. దేవస్థానం వద్ద జరుగుతున్న అరాచకాలను ఎవరూ పట్టించుకోవడం లేదని, తమపై దాడికి దిగినా ఎవరూ స్పందించలేదని బాధితులు వాపోయారు. పరిస్థితి ఉద్రిక్తంగా మారడంతో, స్థానికులు '100'కు కాల్ చేయగా పోలీసులు సంఘటనా స్థలానికి చేరుకుని గొడవను అదుపులోకి తెచ్చారు. ఈ ఘటనపై కేసు నమోదు చేసుకున్న ఎస్ఐ, నిందితులపై విచారణ జరిపి కఠిన చర్యలు తీసుకుంటామని బాధితులకు హామీ ఇచ్చారు.