ஜோசப் விஜய் தமிழகத்தின் புதிய முதலமைச்சராகப் பதவியேற்றதைத் தொடர்ந்து, சேலம் கோட்டை பகுதியில் தமிழக வெற்றிக் கழகத்தினர் உற்சாகமாக கொண்டாடினர். இனிப்புகள் வழங்கி, பட்டாசு வெடித்து தங்கள் தலைவரின் வெற்றியை மகிழ்வுடன் வெளிப்படுத்தினர்.

இன்று தமிழக வெற்றிக் கழகத் தலைவர் விஜய், தமிழக முதலமைச்சராகப் பதவியேற்றார். இதையடுத்து, மாநிலம் முழுவதும் தவெக கட்சியினர் பட்டாசு வெடித்தும் இனிப்புகள் வழங்கியும் உற்சாகமாகக் கொண்டாடினர். கள்ளக்குறிச்சி மாவட்டம் கல்வராயன் மலைப்பகுதியிலும் நிர்வாகிகள் மற்றும் பொதுமக்கள் 'விஜய் தலைமையில் புதிய மாற்றம் ஏற்படும்' எனக்கூறி மகிழ்ச்சியை வெளிப்படுத்தினர்.

கரூர் மாவட்டம் குளித்தலையில், தமிழக வெற்றி கழகம் ஜோசப் விஜய் முதல்வரானதை வெடி வெடித்தும் இனிப்பு வழங்கியும் கொண்டாடியது. காந்தி சிலை முன்பு திரண்ட கட்சி நிர்வாகிகள் மற்றும் தொண்டர்கள் பொதுமக்களுடன் தங்கள் மகிழ்ச்சியைப் பகிர்ந்துகொண்டனர்.

R. Latif

தமிழக முதல்வராக விஜய் பதவியேற்பு - கிருஷ்ணகிரியில் தவெக கட்சியினர் உற்சாகக் கொண்டாட்டம். தமிழக வெற்றி கழகத்தின் தலைவர் ஜோசப் விஜய் அவர்கள் தமிழகத்தின் முதல்வராகப் பதவியேற்றதை முன்னிட்டு, மாநிலம் முழுவதும் அக்கட்சியினர் உற்சாகமாகக் கொண்டாடி வருகின்றனர். கிருஷ்ணகிரி ரவுண்டானா பகுதியில் தவெக கட்சியின் நகர செயலாளர் சசி குமார் தலைமையில் பெரும் திரளாகக் கூடி தங்கள் மகிழ்ச்சியை வெளிப்படுத்தினர்.ரவுண்டானா பகுதியில் கூடிய தொண்டர்கள் பட்டாசு வெடித்து முழக்கங்களை எழுப்பினர்.பொதுமக்களுக்கும்  வாகன ஓட்டிகளுக்கும் இனிப்புகளை வழங்கி தங்கள் மகிழ்ச்சியைப் பகிர்ந்து கொண்டனர்.

திண்டுக்கல் மாவட்டம் குஜிலியம்பாறையில் உள்ள ஆலம்பாடி பிட்டம நாயக்கர் மாலைக்கோவில் சித்திரைத் திருவிழா நேற்று இரவு கோலாகலமாக தொடங்கியது. ஆண்கள், பெண்கள் இணைந்து பாரம்பரிய கும்மி நடனமாடி உற்சாகத்துடன் விழாவை கொண்டாடினர். வரும் நாட்களில் பல்வேறு சிறப்பு நிகழ்ச்சிகள் நடைபெறவுள்ளன.

தமிழக முதல்வராக விஜய் இன்று பதவியேற்கும் நிலையில், திருவெறும்பூர் கட்சி நிர்வாகிகள் எம்எல்ஏ நவல்பட்டு விஜி அமைச்சராக வேண்டி திருநெடுங்களநாதர் கோவிலில் சிறப்பு வழிபாடு நடத்தினர். இந்த அபிஷேக ஆராதனைகளில் விஜய் படத்துடன் கட்சி நிர்வாகிகள் பலரும் கலந்துகொண்டனர்.

திருச்சி மாவட்டம் மணப்பாறை அடுத்த குமாரவாடி கிராமத்தில், தமிழக வெற்றி கழக நிர்வாகிகள் நடிகர் விஜய் தமிழ்நாட்டின் முதல்வராகப் பதவியேற்றதை முன்னிட்டு கோலாகலமாகக் கொண்டாடினர். வெடி வெடித்தும், இனிப்புகள் வழங்கியும், விசிலடித்தும் தங்கள் மகிழ்ச்சியை வெளிப்படுத்தினர். இந்த கொண்டாட்டம் வையம்பட்டி தெற்கு ஒன்றிய நிர்வாகி பசுபதி தலைமையில் நடைபெற்றது.

கள்ளக்குறிச்சி மாவட்டம் புளுவப்பாடி அருகே சேலம் செல்லும் முக்கியச் சாலையில் திடீரென கடுக்காய் மரம் சாய்ந்து விழுந்தது. இதனால் போக்குவரத்து கடுமையாகப் பாதிக்கப்பட்டு, பொதுமக்கள் சிரமத்திற்கு ஆளாகினர். உள்ளூர் மக்கள் மரத்தை அகற்றி போக்குவரத்தை சீரமைக்கும் பணியில் ஈடுபட்டுள்ளனர்.