బీజినేపల్లి మండలం పరిధిలోని నంది వడ్డేమాన్ గ్రామంలో వెలసిన శ్రీసార్థాసప్త జేష్టమాత సమేత శనేశ్వర స్వామికి శనివారం నాడు భక్తులు భక్తిశ్రద్ధలతో ప్రత్యేక తిలతైల అభిషేక పూజలు నిర్వహించారు. శ్రీ పరాభవ నామ సంవత్సరం నిజ జేష్ఠ మాసం ద్వాదశి శనివారం, కృతిక నక్షత్రం సందర్భాన్ని పురస్కరించుకుని శని గ్రహదోష నివారణ కోసం వేదమంత్రోచ్ఛారణల మధ్య ఈ అభిషేకాలు అత్యంత భక్తిభావంతో జరిగాయి. ఈ సందర్భంగా ఆలయ ప్రధాన అర్చకులు డాక్టర్ గవ్వమఠం విశ్వనాథ శాస్త్రి మాట్లాడుతూ, ఈ మాసంలో స్వామివారిని కొలిస్తే భక్తులకు అత్యంత సంతృప్తితో పాటు విశేష ఫలితాలు లభిస్తాయని తెలిపారు. ప్రతి ఒక్కరూ తమ జన్మ రీత్యా, గోచార రీత్యా ఉన్న శనిగ్రహ దోషాల నివారణకు శక్తిమేరకు స్వామివారిని పూజించాలని ఆయన కోరారు. ఇదే సమయంలో, గోన బుద్ధారెడ్డి కాలంనాటి బ్రహ్మసూత్రం కలిగిన పరమశివునికి భక్తులు రుద్రాభిషేక పూజలు, అర్చనలు, దీపారాధనలు నిర్వహించగా, నందీశ్వర స్వామి వారికి ప్రత్యేక అర్చనలు చేశారు. పూజా కార్యక్రమాల అనంతరం భక్తులకు వేద ఆశీర్వచనం అందించి, తీర్థ ప్రసాదాలను పంపిణీ చేశారు. ఈ మహత్తర కార్యక్రమంలో ఆలయ చైర్మన్ వెల్దండ గోపాల్ రావు, గ్రామ సర్పంచ్ టి.సుగుణమ్మ, కమిటీ సభ్యులు కెంచె రాజేష్, ప్రభాకరచారి, పుల్లయ్య, అడ్వకేట్ వీర శేఖర్ చారి, శ్రీకాంత్ రెడ్డి, ఆలయ అర్చకులు శాంతి కుమార్, ఉమమహేశ్వర్, సిబ్బంది గోపాల్ రెడ్డితో పాటు పెద్ద సంఖ్యలో భక్తులు, మహిళలు పాల్గొన్నారు.

NAVADEEP

Nagarkurnool, Telangana•

5 hrs ago

బీజినేపల్లి మండలం పరిధిలోని నంది వడ్డేమాన్ గ్రామంలో వెలసిన శ్రీసార్థాసప్త జేష్టమాత సమేత శనేశ్వర స్వామికి శనివారం నాడు భక్తులు భక్తిశ్రద్ధలతో ప్రత్యేక తిలతైల అభిషేక పూజలు నిర్వహించారు. శ్రీ పరాభవ నామ సంవత్సరం నిజ జేష్ఠ మాసం ద్వాదశి శనివారం, కృతిక నక్షత్రం సందర్భాన్ని పురస్కరించుకుని శని గ్రహదోష నివారణ కోసం వేదమంత్రోచ్ఛారణల మధ్య ఈ అభిషేకాలు అత్యంత భక్తిభావంతో జరిగాయి. ఈ సందర్భంగా ఆలయ ప్రధాన అర్చకులు డాక్టర్ గవ్వమఠం విశ్వనాథ శాస్త్రి మాట్లాడుతూ, ఈ మాసంలో స్వామివారిని కొలిస్తే భక్తులకు అత్యంత సంతృప్తితో పాటు విశేష ఫలితాలు లభిస్తాయని తెలిపారు. ప్రతి ఒక్కరూ తమ జన్మ రీత్యా, గోచార రీత్యా ఉన్న శనిగ్రహ దోషాల నివారణకు శక్తిమేరకు స్వామివారిని పూజించాలని ఆయన కోరారు. ఇదే సమయంలో, గోన బుద్ధారెడ్డి కాలంనాటి బ్రహ్మసూత్రం కలిగిన పరమశివునికి భక్తులు రుద్రాభిషేక పూజలు, అర్చనలు, దీపారాధనలు నిర్వహించగా, నందీశ్వర స్వామి వారికి ప్రత్యేక అర్చనలు చేశారు. పూజా కార్యక్రమాల అనంతరం భక్తులకు వేద ఆశీర్వచనం అందించి, తీర్థ ప్రసాదాలను పంపిణీ చేశారు. ఈ మహత్తర కార్యక్రమంలో ఆలయ చైర్మన్ వెల్దండ గోపాల్ రావు, గ్రామ సర్పంచ్ టి.సుగుణమ్మ, కమిటీ సభ్యులు కెంచె రాజేష్, ప్రభాకరచారి, పుల్లయ్య, అడ్వకేట్ వీర శేఖర్ చారి, శ్రీకాంత్ రెడ్డి, ఆలయ అర్చకులు శాంతి కుమార్, ఉమమహేశ్వర్, సిబ్బంది గోపాల్ రెడ్డితో పాటు పెద్ద సంఖ్యలో భక్తులు, మహిళలు పాల్గొన్నారు.