आम्ही तुम्हाला दंड करणार नाही दंडाची करणार नाही फक्त तुमचा जीव महत्त्वाचा असल्यामुळे हेल्मेट वापरावा हेच संदेश देत आहोत दंड नाही, दमदाटी नाही; ‘बाबांनो, जीव अमूल्य आहे!’ म्हणत वाहतूक पोलिसांची आपुलकीची जनजागृती! शिरपूर जैन ते रिसोड मार्गावर वाहतूक नियमांचे पालन व्हावे आणि अपघातांचे प्रमाण कमी व्हावे, यासाठी जिल्हा वाहतूक शाखेच्या कर्मचाऱ्यांकडून राबविण्यात येत असलेला जनजागृतीचा उपक्रम नागरिकांचे लक्ष वेधून घेत आहे. शिरपूर जैनच्या थोडे पुढे रस्त्यावर उभे राहून जिल्हा वाहतूक शाखेचे पोलीस कर्मचारी शरद भालेराव आणि प्रदीप अंभोरे हे येणाऱ्या-जाणाऱ्या वाहनचालकांना थांबवून कोणतीही दमदाटी न करता, भीती न घालता आणि दंडात्मक कारवाई न करता अगदी आपुलकीच्या भाषेत वाहतूक नियमांचे महत्त्व समजावून सांगत आहेत. ‘ओव्हरस्पीड, ट्रिपल सीट, हेल्मेट आणि रॉंग वे’ या चार महत्त्वाच्या बाबींकडे वाहनचालकांनी गांभीर्याने लक्ष द्यावे, असा संदेश या दोन्ही कर्मचाऱ्यांकडून दिला जात आहे. रस्त्यावर वाहन चालवताना वेगावर नियंत्रण ठेवा, दुचाकीवर ट्रिपल सीट प्रवास करू नका, हेल्मेटचा नियमित वापर करा आणि आपल्याला दिलेल्या मार्गिकेतूनच वाहन चालवा, असे ते प्रत्येक वाहनचालकाला समजावून सांगत आहेत. विशेष म्हणजे या जनजागृतीदरम्यान केवळ नियम सांगून वाहनचालकांना सोडले जात नाही, तर ‘हे नियम तुमच्यासाठीच आहेत, तुमच्या कुटुंबासाठी आहेत आणि तुमच्या सुरक्षित जीवनासाठी आहेत’ या भावनेतून त्यांना समज देण्यात येत आहे. शासन आम्हाला पगार देते तो नागरिकांच्या सुरक्षिततेसाठी आणि वाहतुकीवर देखरेख ठेवण्यासाठी, त्यामुळे नागरिकांनीही पोलिसांना घाबरण्यापेक्षा स्वतःच्या सुरक्षिततेची काळजी घेत वाहतूक नियमांचे पालन करावे, अशी भूमिका या कर्मचाऱ्यांच्या संवादातून दिसून येत आहे. आजच्या धावपळीच्या जीवनात काही मिनिटे वाचविण्यासाठी वाहनचालकांकडून वेगाची मर्यादा ओलांडली जाते. अनेक जण हेल्मेटचा वापर टाळतात, दुचाकीवर तीन जण बसून प्रवास करतात किंवा रॉंग वेने वाहन चालवितात. मात्र अशा छोट्या वाटणाऱ्या चुका कधी मोठ्या संकटाला कारणीभूत ठरतील, हे सांगता येत नाही. त्यामुळे आपले जीवन अमूल्य आहे आणि एकदा गेलेले जीवन पुन्हा मिळत नाही, याची जाणीव प्रत्येकाने ठेवणे आवश्यक आहे. हेल्मेट हा पोलिसांच्या भीतीपोटी वापरायचा साधन नसून, दुचाकीस्वाराच्या सुरक्षेसाठी महत्त्वाचे संरक्षण आहे. त्याचप्रमाणे रस्त्याच्या योग्य बाजूने वाहन चालविणे, वेगावर नियंत्रण ठेवणे आणि ट्रिपल सीटचा मोह टाळणे हे प्रत्येक वाहनचालकाचे कर्तव्य आहे. स्वतःचा जीव धोक्यात घालून किंवा इतरांच्या जीवाला धोका निर्माण करून वाहन चालविण्यापेक्षा काही मिनिटे उशीर झाला तरी चालेल; मात्र सुरक्षितपणे आपल्या कुटुंबात परतणे अधिक महत्त्वाचे आहे, असा भावनिक आणि वास्तववादी संदेश या दोन्ही कर्मचाऱ्यांकडून दिला जात आहे.शिरपूर जैन–रिसोड मार्गावर रस्त्याच्या कडेला उभे राहून वाहनचालकांशी थेट संवाद साधणाऱ्या शरद भालेराव आणि प्रदीप अंभोरे यांच्या या पद्धतीचे विशेष कौतुक होत आहे. वाहतूक नियम मोडल्यास थेट दंड करण्यापेक्षा प्रथम नागरिकांना नियमांचे महत्त्व समजावून सांगणे आणि त्यांच्यामध्ये सुरक्षित वाहनचालकाची मानसिकता निर्माण करणे, हा उपक्रम निश्चितच प्रशंसनीय आहे. ‘फाईनपेक्षा जनजागृती, कारवाईपेक्षा समज आणि भीतीपेक्षा आपुलकी’ या भूमिकेतून सुरू असलेला हा उपक्रम इतर ठिकाणीही राबविण्यात आला तर वाहतूक नियमांविषयी नागरिकांमध्ये अधिक जागरूकता निर्माण होण्यास निश्चितच मदत होईल. पोलिस आणि नागरिक यांच्यातील संबंध केवळ कारवाईपुरते मर्यादित न राहता सुरक्षित समाजासाठी परस्पर सहकार्याचे असावेत, याचे उत्तम उदाहरण या दोन्ही कर्मचाऱ्यांच्या कार्यातून पाहायला मिळत आहे. वाहतूक नियम हे पोलिसांसाठी नसून आपल्या आणि आपल्या कुटुंबाच्या सुरक्षिततेसाठी आहेत. वेग कमी करा, हेल्मेट वापरा, ट्रिपल सीट टाळा, रॉंग वेने वाहन चालवू नका आणि सुरक्षितपणे घरी पोहोचा, हा संदेश देत जिल्हा वाहतूक शाखेचे शरद भालेराव आणि प्रदीप अंभोरे यांनी राबविलेला हा जनजागृती उपक्रम निश्चितच कौतुकास पात्र ठरत आहे.

महेंद्र कुमार महाजन

Coffee roasters Risod, Washim•

55 min ago

आम्ही तुम्हाला दंड करणार नाही दंडाची करणार नाही फक्त तुमचा जीव महत्त्वाचा असल्यामुळे हेल्मेट वापरावा हेच संदेश देत आहोत दंड नाही, दमदाटी नाही; ‘बाबांनो, जीव अमूल्य आहे!’ म्हणत वाहतूक पोलिसांची आपुलकीची जनजागृती! शिरपूर जैन ते रिसोड मार्गावर वाहतूक नियमांचे पालन व्हावे आणि अपघातांचे प्रमाण कमी व्हावे, यासाठी जिल्हा वाहतूक शाखेच्या कर्मचाऱ्यांकडून राबविण्यात येत असलेला जनजागृतीचा उपक्रम नागरिकांचे लक्ष वेधून घेत आहे. शिरपूर जैनच्या थोडे पुढे रस्त्यावर उभे राहून जिल्हा वाहतूक शाखेचे पोलीस कर्मचारी शरद भालेराव आणि प्रदीप अंभोरे हे येणाऱ्या-जाणाऱ्या वाहनचालकांना थांबवून कोणतीही दमदाटी न करता, भीती न घालता आणि दंडात्मक कारवाई न करता अगदी आपुलकीच्या भाषेत वाहतूक नियमांचे महत्त्व समजावून सांगत आहेत. ‘ओव्हरस्पीड, ट्रिपल सीट, हेल्मेट आणि रॉंग वे’ या चार महत्त्वाच्या बाबींकडे वाहनचालकांनी गांभीर्याने लक्ष द्यावे, असा संदेश या दोन्ही कर्मचाऱ्यांकडून दिला जात आहे. रस्त्यावर वाहन चालवताना वेगावर नियंत्रण ठेवा, दुचाकीवर ट्रिपल सीट प्रवास करू नका, हेल्मेटचा नियमित वापर करा आणि आपल्याला दिलेल्या मार्गिकेतूनच वाहन चालवा, असे ते प्रत्येक वाहनचालकाला समजावून सांगत आहेत. विशेष म्हणजे या जनजागृतीदरम्यान केवळ नियम सांगून वाहनचालकांना सोडले जात नाही, तर ‘हे नियम तुमच्यासाठीच आहेत, तुमच्या कुटुंबासाठी आहेत आणि तुमच्या सुरक्षित जीवनासाठी आहेत’ या भावनेतून त्यांना समज देण्यात येत आहे. शासन आम्हाला पगार देते तो नागरिकांच्या सुरक्षिततेसाठी आणि वाहतुकीवर देखरेख ठेवण्यासाठी, त्यामुळे नागरिकांनीही पोलिसांना घाबरण्यापेक्षा स्वतःच्या सुरक्षिततेची काळजी घेत वाहतूक नियमांचे पालन करावे, अशी भूमिका या कर्मचाऱ्यांच्या संवादातून दिसून येत आहे. आजच्या धावपळीच्या जीवनात काही मिनिटे वाचविण्यासाठी वाहनचालकांकडून वेगाची मर्यादा ओलांडली जाते. अनेक जण हेल्मेटचा वापर टाळतात, दुचाकीवर तीन जण बसून प्रवास करतात किंवा रॉंग वेने वाहन चालवितात. मात्र अशा छोट्या वाटणाऱ्या चुका कधी मोठ्या संकटाला कारणीभूत ठरतील, हे सांगता येत नाही. त्यामुळे आपले जीवन अमूल्य आहे आणि एकदा गेलेले जीवन पुन्हा मिळत नाही, याची जाणीव प्रत्येकाने ठेवणे आवश्यक आहे. हेल्मेट हा पोलिसांच्या भीतीपोटी वापरायचा साधन नसून, दुचाकीस्वाराच्या सुरक्षेसाठी महत्त्वाचे संरक्षण आहे. त्याचप्रमाणे रस्त्याच्या योग्य बाजूने वाहन चालविणे, वेगावर नियंत्रण ठेवणे आणि ट्रिपल सीटचा मोह टाळणे हे प्रत्येक वाहनचालकाचे कर्तव्य आहे. स्वतःचा जीव धोक्यात घालून किंवा इतरांच्या जीवाला धोका निर्माण करून वाहन चालविण्यापेक्षा काही मिनिटे उशीर झाला तरी चालेल; मात्र सुरक्षितपणे आपल्या कुटुंबात परतणे अधिक महत्त्वाचे आहे, असा भावनिक आणि वास्तववादी संदेश या दोन्ही कर्मचाऱ्यांकडून दिला जात आहे.शिरपूर जैन–रिसोड मार्गावर रस्त्याच्या कडेला उभे राहून वाहनचालकांशी थेट संवाद साधणाऱ्या शरद भालेराव आणि प्रदीप अंभोरे यांच्या या पद्धतीचे विशेष कौतुक होत आहे. वाहतूक नियम मोडल्यास थेट दंड करण्यापेक्षा प्रथम नागरिकांना नियमांचे महत्त्व समजावून सांगणे आणि त्यांच्यामध्ये सुरक्षित वाहनचालकाची मानसिकता निर्माण करणे, हा उपक्रम निश्चितच प्रशंसनीय आहे. ‘फाईनपेक्षा जनजागृती, कारवाईपेक्षा समज आणि भीतीपेक्षा आपुलकी’ या भूमिकेतून सुरू असलेला हा उपक्रम इतर ठिकाणीही राबविण्यात आला तर वाहतूक नियमांविषयी नागरिकांमध्ये अधिक जागरूकता निर्माण होण्यास निश्चितच मदत होईल. पोलिस आणि नागरिक यांच्यातील संबंध केवळ कारवाईपुरते मर्यादित न राहता सुरक्षित समाजासाठी परस्पर सहकार्याचे असावेत, याचे उत्तम उदाहरण या दोन्ही कर्मचाऱ्यांच्या कार्यातून पाहायला मिळत आहे. वाहतूक नियम हे पोलिसांसाठी नसून आपल्या आणि आपल्या कुटुंबाच्या सुरक्षिततेसाठी आहेत. वेग कमी करा, हेल्मेट वापरा, ट्रिपल सीट टाळा, रॉंग वेने वाहन चालवू नका आणि सुरक्षितपणे घरी पोहोचा, हा संदेश देत जिल्हा वाहतूक शाखेचे शरद भालेराव आणि प्रदीप अंभोरे यांनी राबविलेला हा जनजागृती उपक्रम निश्चितच कौतुकास पात्र ठरत आहे.