सेनगाव महालक्ष्मी बाजारावर चोरांचा 'डल्ला' रोखा;पोलिसांना साध्या गणवेशात गस्त घालण्याचे आवाहन! ग्रामीण भागातील हजारो नागरिक,महिला खरेदीसाठी येणार;मोबाईल,दागिने आणि पैशांची पाकीटमारी रोखण्यासाठी पोलीस प्रशासन सतर्क होणार का? सेनगाव/विश्वनाथ देशमुख महालक्ष्मी (गौरी) सणाच्या पार्श्वभूमीवर आज दि.१६ सप्टेंबर बुधवार रोजी भरणाऱ्या सेनगाव शहरातील मुख्य आठवडा बाजारात खरेदीसाठी नागरिकांची आणि महिलांची अलोट गर्दी होत आहे.सेनगाव तालुक्यासह परभणी,जिंतूर, रिसोड आणि हिंगोली येथून मोठ्या संख्येने व्यापारी दाखल झाले आहेत.सणाचा मोठा उत्साह बाजारात दिसून येत असतानाच, दुसरीकडे गर्दीचा फायदा घेणाऱ्या चोरांचा 'डल्ला' रोखण्यासाठी सेनगाव पोलिसांनी बाजारपेठेत अत्यंत सतर्क राहून साध्या गणवेशात चोख गस्त घालावी,असे आवाहन सुजाण नागरिकांमधून केले जात आहे. सेनगावचा हा आठवडी बाजार परिसरातील एक प्रमुख व्यापार केंद्र मानला जातो.आजच्या विशेष बाजारात किराणा, कपडे, भाजीपाला,कटलेरी आणि फळविक्रेत्यांनी मोठी दुकाने थाटली आहेत.या बाजारासाठी तालुक्यातील जवळपास ३५ ते ४० गावांतील नागरिक,विशेषतः महिला वर्ग महालक्ष्मी सणासाठी आवश्यक असणारे साहित्य,भाजीपाला आणि नवीन कपडे खरेदी करण्यासाठी मोठ्या संख्येने बाजारात येत आहे.सणासुदीच्या काळात बाजारपेठेत होणाऱ्या अलोट गर्दीचा फायदा घेऊन भामट्यांनी नागरिकांचे महागडे मोबाईल पळवल्याच्या अनेक घटना यापूर्वी घडल्या आहेत.इतकेच नव्हे तर,एका आठवडी बाजाराच्या दिवशीच कृषी उत्पन्न बाजार समितीसमोरील एका आडत्याचे २० हजार रुपये दिवसाढवळ्या पळवल्याची खळबळजनक घटना घडली होती.या पार्श्वभूमीवर,आजच्या मोठ्या बाजारात मोबाईल,महिलांचे दागिने आणि पैशांची पाकीटमारी करणाऱ्या टोळ्या पुन्हा सक्रिय होण्याची शक्यता नाकारता येत नाही. ही संभाव्य डोकेदुखी आणि कायदा-सुव्यवस्थेचा प्रश्न लक्षात घेता,पोलिसांनी आधीच पावले उचलणे गरजेचे बनले आहे.कोणतीही अनुचित घटना घडू नये आणि सणाचा आनंद अबाधित राहावा,यासाठी सर्वांनीच सतर्क राहणे आवश्यक आहे.बाजार समिती परिसर,कपडा दुकाने,भाजी बाजार आणि कटलेरी दुकानांच्या परिसरात साध्या गणवेशातील पोलीस कर्मचारी आणि महिला अंमलदारांची नियुक्ती केल्यास संशयास्पद हालचालींवर तात्काळ जरब बसेल.परभणी,जिंतूर,रिसोड आणि हिंगोली मार्गावरून येणाऱ्या व्यापाऱ्यांच्या वाहनांमुळे शहरात वाहतूक कोंडी होऊ नये,यासाठी प्रमुख चौकात वाहतूक व्यवस्था चोख ठेवणे गरजेचे आहे.तसेच बाजारात खरेदीसाठी येणाऱ्या नागरिकांनी,विशेषतः महिलांनी गर्दीच्या ठिकाणी वावरताना आपले दागिने,पर्स आणि महागडे मोबाईल स्वतःहून सांभाळावेत.कोणतीही संशयास्पद व्यक्ती किंवा हालचाल आढळून आल्यास तातडीने तैनात पोलिसांशी संपर्क साधावा.महालक्ष्मी सणाच्या या महत्त्वाच्या दिवशी सेनगाव पोलीस प्रशासन बाजारपेठेत चोख बंदोबस्त ठेवून चोरांचे मनसुबे कसे हाणून पाडते आणि नागरिकांना कसा दिलासा देते,याकडे आता सर्वांचे लक्ष लागले आहे.

Vishwanath Deshmukh

सेनगाव, हिंगोली, महाराष्ट्र•

1 hr ago

सेनगाव महालक्ष्मी बाजारावर चोरांचा 'डल्ला' रोखा;पोलिसांना साध्या गणवेशात गस्त घालण्याचे आवाहन! ग्रामीण भागातील हजारो नागरिक,महिला खरेदीसाठी येणार;मोबाईल,दागिने आणि पैशांची पाकीटमारी रोखण्यासाठी पोलीस प्रशासन सतर्क होणार का? सेनगाव/विश्वनाथ देशमुख महालक्ष्मी (गौरी) सणाच्या पार्श्वभूमीवर आज दि.१६ सप्टेंबर बुधवार रोजी भरणाऱ्या सेनगाव शहरातील मुख्य आठवडा बाजारात खरेदीसाठी नागरिकांची आणि महिलांची अलोट गर्दी होत आहे.सेनगाव तालुक्यासह परभणी,जिंतूर, रिसोड आणि हिंगोली येथून मोठ्या संख्येने व्यापारी दाखल झाले आहेत.सणाचा मोठा उत्साह बाजारात दिसून येत असतानाच, दुसरीकडे गर्दीचा फायदा घेणाऱ्या चोरांचा 'डल्ला' रोखण्यासाठी सेनगाव पोलिसांनी बाजारपेठेत अत्यंत सतर्क राहून साध्या गणवेशात चोख गस्त घालावी,असे आवाहन सुजाण नागरिकांमधून केले जात आहे. सेनगावचा हा आठवडी बाजार परिसरातील एक प्रमुख व्यापार केंद्र मानला जातो.आजच्या विशेष बाजारात किराणा, कपडे, भाजीपाला,कटलेरी आणि फळविक्रेत्यांनी मोठी दुकाने थाटली आहेत.या बाजारासाठी तालुक्यातील जवळपास ३५ ते ४० गावांतील नागरिक,विशेषतः महिला वर्ग महालक्ष्मी सणासाठी आवश्यक असणारे साहित्य,भाजीपाला आणि नवीन कपडे खरेदी करण्यासाठी मोठ्या संख्येने बाजारात येत आहे.सणासुदीच्या काळात बाजारपेठेत होणाऱ्या अलोट गर्दीचा फायदा घेऊन भामट्यांनी नागरिकांचे महागडे मोबाईल पळवल्याच्या अनेक घटना यापूर्वी घडल्या आहेत.इतकेच नव्हे तर,एका आठवडी बाजाराच्या दिवशीच कृषी उत्पन्न बाजार समितीसमोरील एका आडत्याचे २० हजार रुपये दिवसाढवळ्या पळवल्याची खळबळजनक घटना घडली होती.या पार्श्वभूमीवर,आजच्या मोठ्या बाजारात मोबाईल,महिलांचे दागिने आणि पैशांची पाकीटमारी करणाऱ्या टोळ्या पुन्हा सक्रिय होण्याची शक्यता नाकारता येत नाही. ही संभाव्य डोकेदुखी आणि कायदा-सुव्यवस्थेचा प्रश्न लक्षात घेता,पोलिसांनी आधीच पावले उचलणे गरजेचे बनले आहे.कोणतीही अनुचित घटना घडू नये आणि सणाचा आनंद अबाधित राहावा,यासाठी सर्वांनीच सतर्क राहणे आवश्यक आहे.बाजार समिती परिसर,कपडा दुकाने,भाजी बाजार आणि कटलेरी दुकानांच्या परिसरात साध्या गणवेशातील पोलीस कर्मचारी आणि महिला अंमलदारांची नियुक्ती केल्यास संशयास्पद हालचालींवर तात्काळ जरब बसेल.परभणी,जिंतूर,रिसोड आणि हिंगोली मार्गावरून येणाऱ्या व्यापाऱ्यांच्या वाहनांमुळे शहरात वाहतूक कोंडी होऊ नये,यासाठी प्रमुख चौकात वाहतूक व्यवस्था चोख ठेवणे गरजेचे आहे.तसेच बाजारात खरेदीसाठी येणाऱ्या नागरिकांनी,विशेषतः महिलांनी गर्दीच्या ठिकाणी वावरताना आपले दागिने,पर्स आणि महागडे मोबाईल स्वतःहून सांभाळावेत.कोणतीही संशयास्पद व्यक्ती किंवा हालचाल आढळून आल्यास तातडीने तैनात पोलिसांशी संपर्क साधावा.महालक्ष्मी सणाच्या या महत्त्वाच्या दिवशी सेनगाव पोलीस प्रशासन बाजारपेठेत चोख बंदोबस्त ठेवून चोरांचे मनसुबे कसे हाणून पाडते आणि नागरिकांना कसा दिलासा देते,याकडे आता सर्वांचे लक्ष लागले आहे.