पाटखळ, डबेवाडीत सूचना, नोटीस देऊनही डीजे, लेझर-डॉल्बी साऊंडचा ठणका! गणेशोत्सवाच्या पहिल्याच दिवशी २ गुन्हे दाखल; तालुका पोलिसांच्या कारवाईचा दणका! आधीच नियमांचे मार्गदर्शन अन् ६ सप्टेंबरची नोटीस; तरीही मिरवणुकीत नियमभंग, दोन स्वतंत्र गुन्ह्यांत मंडळांचे पदाधिकारी व संबंधितांवर कारवाई सातारा : गणेशोत्सवाच्या पहिल्याच दिवशी गणेश मंडळांना नियमांचे पालन करण्याच्या सूचना, मार्गदर्शन आणि नोटीस देऊनही नियमांचे उल्लंघन झाल्याचे समोर आले आहे. सातारा तालुका पोलिसांनी पाटखळ आणि डबेवाडी येथे डीजे, डॉल्बी साऊंड, लेझर बीम तसेच मिरवणुकीसाठी आवश्यक परवानगी न घेतल्याप्रकरणी दोन स्वतंत्र गुन्हे दाखल केले आहेत. त्यामुळे गणेशोत्सवाच्या सुरुवातीलाच तालुका पोलिसांच्या कारवाईचा दणका पाहायला मिळाला. पाटखळमध्ये लेझर-डॉल्बीचा वापर पाटखळ, ता. सातारा येथे १३ सप्टेंबर रोजी रात्री सुमारे ८ ते १०.३० वाजण्याच्या दरम्यान श्री संत गाडगे महाराज मित्र गणेशोत्सव मंडळाच्या गणेश आगमन मिरवणुकीत बीम लाईट तसेच डॉल्बी साऊंडचा वापर करण्यात आल्याचे पोलिसांच्या निदर्शनास आले. याप्रकरणी पोलीस शिपाई संदीप फणसे यांनी दिलेल्या फिर्यादीवरून मंडळाचे अध्यक्ष रुपेश रविंद्र सोनटक्के यांच्यासह सिद्धांत प्रकाश सोनटक्के, रजत अनिल सोनटक्के, हणमंत मधुकर सोनटक्के, नवनाथ श्रीरंग सोनटक्के, गणेश रघुनाथ सोनटक्के आणि प्रणय लहू सोनटक्के यांच्याविरुद्ध गुन्हा दाखल करण्यात आला आहे. तसेच लेझर बीम लाईटचे मालक अभिजित संतोष पवार, रा. चिंचणी, ता. सातारा आणि डॉल्बीचे मालक राजनिकांत नगे, रा. पोलीस मुख्यालयाजवळ, सातारा यांच्याविरुद्धही कारवाई करण्यात आली आहे. या गुन्ह्याचा पुढील तपास पोलीस हवालदार प्रविण वैद्यांडे करीत आहेत. नोटीसनंतरही नियमभंग लेझर बीमच्या वापराबाबत पोलीस अधीक्षक कार्यालयाकडून ३ सप्टेंबर रोजी आदेश जारी करण्यात आला होता. त्यानंतर सातारा तालुका पोलीस ठाण्याकडून संबंधितांना ६ सप्टेंबर रोजी कलम १६८ अन्वये नोटीस देण्यात आली होती. गणेशोत्सवाच्या पार्श्वभूमीवर मंडळे आणि डीजे चालकांना नियमांचे पालन करण्याबाबत यापूर्वीच सूचना व मार्गदर्शन करण्यात आले होते. मात्र, त्यानंतरही पाटखळ येथे नियमांचे उल्लंघन झाल्याचे पोलिसांच्या कारवाईत समोर आले. डबेवाडीत विनापरवाना डीजे-साऊंड दरम्यान, डबेवाडी, ता. सातारा येथे १३ सप्टेंबर रोजी रात्री सुमारे १०.३० वाजता गणेशमूर्ती आगमन मिरवणुकीसाठी आवश्यक परवानगी न घेता डीजे साऊंडचा वापर करण्यात आल्याचे आढळून आले. याप्रकरणी पोलीस हवालदार प्रदीप मोहिते यांनी दिलेल्या फिर्यादीवरून मंडळाचे अध्यक्ष मयूर माने यांच्यासह आकाश चव्हाण, सुमित माने, विशाल माने, प्रज्वल माने आणि अनिकेत माने, सर्व रा. डबेवाडी, ता. सातारा यांच्याविरुद्ध गुन्हा दाखल करण्यात आला आहे. या गुन्ह्याचा पुढील तपास सहाय्यक पोलीस उपनिरीक्षक चंद्रकांत माने करीत आहेत. डी.बी. पथकाचीही कारवाईत भूमिका या कारवाईमध्ये सातारा तालुका पोलिसांच्या डी.बी. पथकाचीही महत्त्वाची भूमिका राहिली. संबंधितांना ताब्यात घेऊन पुढील कायदेशीर कारवाईसाठी पोलीस ठाण्यात आणण्याची कार्यवाही डी.बी. पथकाने केली. सातारा तालुका पोलीस ठाण्याचे पोलीस निरीक्षक निलेश तांबे यांच्या मार्गदर्शनाखाली ही कारवाई करण्यात आली. गणेशोत्सव शांततेत, शिस्तीत आणि नियमांचे पालन करून साजरा करावा, असे आवाहन पोलीस अधीक्षक निखिल पिंगळे यांनी गणेश मंडळांचे पदाधिकारी व कार्यकर्त्यांना केले आहे. तसेच नियमांचे उल्लंघन करणाऱ्या मंडळे, डीजे चालक आणि संबंधितांवर यापुढेही कायदेशीर कारवाई करण्यात येणार असल्याचे सातारा तालुका पोलिसांनी स्पष्ट केले आहे. पोलीस फ्लॅश न्यूज | तपास 24 न्यूज

पोलीस फ्लॅश न्यूज, सातारा.

News Anchor सातारा, सातारा, महाराष्ट्र•

4 hrs ago

पाटखळ, डबेवाडीत सूचना, नोटीस देऊनही डीजे, लेझर-डॉल्बी साऊंडचा ठणका! गणेशोत्सवाच्या पहिल्याच दिवशी २ गुन्हे दाखल; तालुका पोलिसांच्या कारवाईचा दणका! आधीच नियमांचे मार्गदर्शन अन् ६ सप्टेंबरची नोटीस; तरीही मिरवणुकीत नियमभंग, दोन स्वतंत्र गुन्ह्यांत मंडळांचे पदाधिकारी व संबंधितांवर कारवाई सातारा : गणेशोत्सवाच्या पहिल्याच दिवशी गणेश मंडळांना नियमांचे पालन करण्याच्या सूचना, मार्गदर्शन आणि नोटीस देऊनही नियमांचे उल्लंघन झाल्याचे समोर आले आहे. सातारा तालुका पोलिसांनी पाटखळ आणि डबेवाडी येथे डीजे, डॉल्बी साऊंड, लेझर बीम तसेच मिरवणुकीसाठी आवश्यक परवानगी न घेतल्याप्रकरणी दोन स्वतंत्र गुन्हे दाखल केले आहेत. त्यामुळे गणेशोत्सवाच्या सुरुवातीलाच तालुका पोलिसांच्या कारवाईचा दणका पाहायला मिळाला. पाटखळमध्ये लेझर-डॉल्बीचा वापर पाटखळ, ता. सातारा येथे १३ सप्टेंबर रोजी रात्री सुमारे ८ ते १०.३० वाजण्याच्या दरम्यान श्री संत गाडगे महाराज मित्र गणेशोत्सव मंडळाच्या गणेश आगमन मिरवणुकीत बीम लाईट तसेच डॉल्बी साऊंडचा वापर करण्यात आल्याचे पोलिसांच्या निदर्शनास आले. याप्रकरणी पोलीस शिपाई संदीप फणसे यांनी दिलेल्या फिर्यादीवरून मंडळाचे अध्यक्ष रुपेश रविंद्र सोनटक्के यांच्यासह सिद्धांत प्रकाश सोनटक्के, रजत अनिल सोनटक्के, हणमंत मधुकर सोनटक्के, नवनाथ श्रीरंग सोनटक्के, गणेश रघुनाथ सोनटक्के आणि प्रणय लहू सोनटक्के यांच्याविरुद्ध गुन्हा दाखल करण्यात आला आहे. तसेच लेझर बीम लाईटचे मालक अभिजित संतोष पवार, रा. चिंचणी, ता. सातारा आणि डॉल्बीचे मालक राजनिकांत नगे, रा. पोलीस मुख्यालयाजवळ, सातारा यांच्याविरुद्धही कारवाई करण्यात आली आहे. या गुन्ह्याचा पुढील तपास पोलीस हवालदार प्रविण वैद्यांडे करीत आहेत. नोटीसनंतरही नियमभंग लेझर बीमच्या वापराबाबत पोलीस अधीक्षक कार्यालयाकडून ३ सप्टेंबर रोजी आदेश जारी करण्यात आला होता. त्यानंतर सातारा तालुका पोलीस ठाण्याकडून संबंधितांना ६ सप्टेंबर रोजी कलम १६८ अन्वये नोटीस देण्यात आली होती. गणेशोत्सवाच्या पार्श्वभूमीवर मंडळे आणि डीजे चालकांना नियमांचे पालन करण्याबाबत यापूर्वीच सूचना व मार्गदर्शन करण्यात आले होते. मात्र, त्यानंतरही पाटखळ येथे नियमांचे उल्लंघन झाल्याचे पोलिसांच्या कारवाईत समोर आले. डबेवाडीत विनापरवाना डीजे-साऊंड दरम्यान, डबेवाडी, ता. सातारा येथे १३ सप्टेंबर रोजी रात्री सुमारे १०.३० वाजता गणेशमूर्ती आगमन मिरवणुकीसाठी आवश्यक परवानगी न घेता डीजे साऊंडचा वापर करण्यात आल्याचे आढळून आले. याप्रकरणी पोलीस हवालदार प्रदीप मोहिते यांनी दिलेल्या फिर्यादीवरून मंडळाचे अध्यक्ष मयूर माने यांच्यासह आकाश चव्हाण, सुमित माने, विशाल माने, प्रज्वल माने आणि अनिकेत माने, सर्व रा. डबेवाडी, ता. सातारा यांच्याविरुद्ध गुन्हा दाखल करण्यात आला आहे. या गुन्ह्याचा पुढील तपास सहाय्यक पोलीस उपनिरीक्षक चंद्रकांत माने करीत आहेत. डी.बी. पथकाचीही कारवाईत भूमिका या कारवाईमध्ये सातारा तालुका पोलिसांच्या डी.बी. पथकाचीही महत्त्वाची भूमिका राहिली. संबंधितांना ताब्यात घेऊन पुढील कायदेशीर कारवाईसाठी पोलीस ठाण्यात आणण्याची कार्यवाही डी.बी. पथकाने केली. सातारा तालुका पोलीस ठाण्याचे पोलीस निरीक्षक निलेश तांबे यांच्या मार्गदर्शनाखाली ही कारवाई करण्यात आली. गणेशोत्सव शांततेत, शिस्तीत आणि नियमांचे पालन करून साजरा करावा, असे आवाहन पोलीस अधीक्षक निखिल पिंगळे यांनी गणेश मंडळांचे पदाधिकारी व कार्यकर्त्यांना केले आहे. तसेच नियमांचे उल्लंघन करणाऱ्या मंडळे, डीजे चालक आणि संबंधितांवर यापुढेही कायदेशीर कारवाई करण्यात येणार असल्याचे सातारा तालुका पोलिसांनी स्पष्ट केले आहे. पोलीस फ्लॅश न्यूज | तपास 24 न्यूज