ఘనంగా సలేశ్వరం జాతర ప్రారంభం భక్తుల రద్దీకి కట్టుదిట్టమైన ఏర్పాట్లు ప్రకృతిని ఆస్వాదిస్తు ఫోటో తీస్తున్న జిల్లా కలెక్టర్, – కలెక్టర్, ఎస్పీ పరిశీలన అచ్చంపేట ఏప్రిల్ 02 (ఐ బి న్యూస్ ప్రతినిధి) నాగర్‌కర్నూల్ జిల్లా అచ్చంపేట నియోజకవర్గంలోని లింగాల మండలంలో నల్లమల అటవీ ప్రాంతంలో చెంచుల ఆరాధ్య దైవంగావెలసిన సలేశ్వరం లింగమయ్య స్వామి జాతర బుధవారం భక్తి శ్రద్ధల మధ్య ఘనంగా ప్రారంభమైంది. తెలంగాణతో పాటు పొరుగు రాష్ట్రాల నుంచి వేలాది మంది భక్తులు తరలివస్తున్నారు. జాతర ఏర్పాట్లను జిల్లా కలెక్టర్ బాదావత్ సంతోష్, జిల్లా ఎస్పీ డాక్టర్ సంగ్రామ్ సింగ్ జీ పాటిల్ క్షేత్రస్థాయిలో పరిశీలించారు. మూడు రోజులపాటు కొనసాగే ఉత్సవాల దృష్ట్యా జిల్లా యంత్రాంగం విస్తృత ఏర్పాట్లు చేసింది. భక్తులకు తాగునీరు, అన్నదానం, విశ్రాంతి మండపాలు, తాత్కాలిక నివాస సదుపాయాలు కల్పించారు. రద్దీ నియంత్రణకు క్యూలైన్లు, పార్కింగ్ స్థలాలు, ట్రాఫిక్ మార్గదర్శకాలు అమలు చేస్తున్నారు. సీసీ కెమెరాల ద్వారా నిఘా ను బలోపేతం చేశారు. వైద్య సేవల కోసం ప్రత్యేక మెడికల్ క్యాంపులు, అంబులెన్స్‌లు సిద్ధం చేశారు. అడవి ప్రాంతం కావడంతో అత్యవసర పరిస్థితులకు ప్రత్యేక బృందాలను అప్రమత్తంగా ఉంచారు. జాతర కాలంలో 24 గంటలు అధికారులు పర్యవేక్షణ కొనసాగిస్తారని కలెక్టర్ తెలిపారు. ఎస్పీ ట్రాఫిక్ నియంత్రణ, భద్రతపై పోలీసులకు సూచనలు ఇచ్చారు. ఈ పర్యటనలో అటవీ శాఖ అధికారి రేవంత్ చంద్ర, అదనపు కలెక్టర్ అమరేందర్, ఆర్డీఓ యాదగిరి తదితరులు పాల్గొన్నారు.

Taluka press club president:Sambu.chandra sekhar

అచ్చంపేట, నాగర్‌కర్నూల్, తెలంగాణ•

5 hrs ago

ఘనంగా సలేశ్వరం జాతర ప్రారంభం భక్తుల రద్దీకి కట్టుదిట్టమైన ఏర్పాట్లు ప్రకృతిని ఆస్వాదిస్తు ఫోటో తీస్తున్న జిల్లా కలెక్టర్, – కలెక్టర్, ఎస్పీ పరిశీలన అచ్చంపేట ఏప్రిల్ 02 (ఐ బి న్యూస్ ప్రతినిధి) నాగర్‌కర్నూల్ జిల్లా అచ్చంపేట నియోజకవర్గంలోని లింగాల మండలంలో నల్లమల అటవీ ప్రాంతంలో చెంచుల ఆరాధ్య దైవంగావెలసిన సలేశ్వరం లింగమయ్య స్వామి జాతర బుధవారం భక్తి శ్రద్ధల మధ్య ఘనంగా ప్రారంభమైంది. తెలంగాణతో పాటు పొరుగు రాష్ట్రాల నుంచి వేలాది మంది భక్తులు తరలివస్తున్నారు. జాతర ఏర్పాట్లను జిల్లా కలెక్టర్ బాదావత్ సంతోష్, జిల్లా ఎస్పీ డాక్టర్ సంగ్రామ్ సింగ్ జీ పాటిల్ క్షేత్రస్థాయిలో పరిశీలించారు. మూడు రోజులపాటు కొనసాగే ఉత్సవాల దృష్ట్యా జిల్లా యంత్రాంగం విస్తృత ఏర్పాట్లు చేసింది. భక్తులకు తాగునీరు, అన్నదానం, విశ్రాంతి మండపాలు, తాత్కాలిక నివాస సదుపాయాలు కల్పించారు. రద్దీ నియంత్రణకు క్యూలైన్లు, పార్కింగ్ స్థలాలు, ట్రాఫిక్ మార్గదర్శకాలు అమలు చేస్తున్నారు. సీసీ కెమెరాల ద్వారా నిఘా ను బలోపేతం చేశారు. వైద్య సేవల కోసం ప్రత్యేక మెడికల్ క్యాంపులు, అంబులెన్స్‌లు సిద్ధం చేశారు. అడవి ప్రాంతం కావడంతో అత్యవసర పరిస్థితులకు ప్రత్యేక బృందాలను అప్రమత్తంగా ఉంచారు. జాతర కాలంలో 24 గంటలు అధికారులు పర్యవేక్షణ కొనసాగిస్తారని కలెక్టర్ తెలిపారు. ఎస్పీ ట్రాఫిక్ నియంత్రణ, భద్రతపై పోలీసులకు సూచనలు ఇచ్చారు. ఈ పర్యటనలో అటవీ శాఖ అధికారి రేవంత్ చంద్ర, అదనపు కలెక్టర్ అమరేందర్, ఆర్డీఓ యాదగిరి తదితరులు పాల్గొన్నారు.