మంచిర్యాల జిల్లా టేకుమట్లలో రైతుల వడ్ల కొనుగోలు సమస్యలపై బీఆర్ఎస్ నాయకులు ఆందోళన చేపట్టారు. ఇందారం జాతీయ రహదారిపై రాస్తారోకో చేయడంతో ట్రాఫిక్‌కు అంతరాయం కలిగింది. ప్రభుత్వం వెంటనే స్పందించి రైతుల వడ్లను కొనుగోలు చేయాలని వారు డిమాండ్ చేశారు.

తెలంగాణలోని మంచిర్యాల జిల్లాలో రైతులు పండించిన పంటను అమ్ముకునేందుకు గోదాముల వద్ద రోజుల తరబడి ఎదురుచూస్తున్నారు. కనీస సౌకర్యాలు లేక ఇబ్బందులు పడుతున్న వారికి బాల్క సుమన్ ఫౌండేషన్ నీడ, భోజనం అందించి మానవత్వాన్ని చాటుకుంది. కొనుగోలు ప్రక్రియను వేగవంతం చేయాలని బీఆర్ఎస్ నాయకులు ప్రభుత్వాన్ని డిమాండ్ చేస్తున్నారు.

జగిత్యాల జిల్లా ధర్మపురి మండలం బోదెర నక్కల గూడెంలో 21 ఏళ్ల గిరిజన యువతి మారినేని రమ్య చెట్టుకు ఉరేసుకుని ఆత్మహత్య చేసుకుంది. గత కొంతకాలంగా రమ్య మానసిక వేదనతో బాధపడుతున్నందున ఈ ఘటన జరిగి ఉంటుందని ఆమె తండ్రి పోలీసులకు ఫిర్యాదులో తెలిపారు. ధర్మపురి పోలీసులు కేసు నమోదు చేసి దర్యాప్తు చేపట్టారు.

హైదరాబాద్‌లో జరిగిన పోలీసు ఉన్నతాధికారుల సమావేశంలో సీఎం రేవంత్ రెడ్డి శాఖాపరమైన బాధ్యతలు, పరిపాలనా దృక్పథంపై కీలక ఆదేశాలు జారీ చేశారు. అవినీతికి తావు లేకుండా, ఆధునిక పద్ధతులు అవలంబిస్తూ, గంజాయి స్మగ్లింగ్, ఆహార కల్తీపై కఠిన చర్యలు తీసుకోవాలని ఆయన స్పష్టం చేశారు.

బండి సంజయ్ రాజీనామా చేయాలి* మంత్రివర్గం నుండి భర్తరఫ్ చేయాలి గుడికందుల సత్యం సిపిఎం నగర కమిటీ ఆధ్వర్యంలో కలెక్టరేట్ ముందు అర్ధనగ్న ప్రదర్శనతో నిరసన* *మైనర్ బాలికను వేధించి,అత్యాచారం చేసిన బండి సాయి భగీరథ కఠినంగా శిక్షించాలని, ఘటనకు నైతిక బాధ్యత వహిస్తూ బండి సంజయ్ రాజీనామా చేయాలని, లేదంటే నరేంద్ర మోడీ బండి సంజయ్ నీ మంత్రివర్గం నుండి భర్తరఫ్ చేయాలని డిమాండ్ చేస్తూ సిపిఎం నగర కమిటీ ఆధ్వర్యంలో స్థానిక కలెక్టరేట్ ముందు అర్ధనగ్న ప్రదర్శనతో నిరసన కార్యక్రమం చేపట్టారు. ఈ సందర్భంగా సిపిఎం నగర కార్యదర్శి గుడికందుల సత్యం మాట్లాడుతూ నిన్న బండి సంజయ్ మీడియాతో మాట్లాడుతూ కన్న కొడుకును పోలీసులకు అప్పగించిన చరిత్ర ఎక్కడైనా ఉందా అని ప్రగల్బాలు పలికారు కదా కేంద్ర హోమ్ సహాయ మంత్రి అయి ఉండి నేరా రూపంలో ఎదుర్కొంటున్న ఒక కొడుకుని 8 రోజులు దాచిపెట్టిన చరిత్ర ఎక్కడైనా ఉందా అని ప్రశ్నించారు. ఒక నేరస్తుని దాచిపెట్టి, తన మంత్రి పదవిని అడ్డుపెట్టుకొని కేసును తప్పుదోవ పట్టించిన బండి సంజయ్ పైన కూడా A 2 గా కేసు నమోదు చేయాలని, డిమాండ్ చేశారు. బండి సంజయ్ మంత్రి పదవిలో కొనసాగే అర్హత లేదని తాను మంత్రిగా ఉంటే కేసును నీరుగార్చి న్యాయవిచారణ జరగకుండా అడ్డుకుంటారని ఆవేదన వ్యక్తం చేశారు. *బేటి బచావో అని నినాదాలు చేస్తున్న బిజెపి కి బండి సంజయ్ కొడుకు చేసిన ఘనకార్యం కనబడడం లేదా? *చట్టాన్ని కాపాడి ప్రజలను రక్షించవలసిన కేంద్ర హోమ్ సహాయ మంత్రి కొడుకే మైనర్ బాలిక పై అత్యాచారం చేస్తే ఇక దేశంలో మహిళలకు రక్షణ ఎక్కడ ఉందని ప్రశ్నించారు.* బండి భగీరథ తప్పు చేయకుంటే 8 రోజులు ఎందుకు పారిపోయాడని, దొరికిన తర్వాత ఫోక్సో కేసు ఆధారాలు లేకుండా ఫోన్లో సిమ్ ఎందుకు మాయం చేశాడని అన్నారు. ఇవన్నీ కేంద్ర హోమ్ మినిస్టర్ కు కనబడడం లేదా, ఇంకా బండి సంజయ్ ని మంత్రివర్గంలో ఎందుకు కొనసాగిస్తున్నారని అన్నారు. ఫోక్సో కేసులో నిందితులను వెంటనే అరెస్టు చేసి కఠినంగా శిక్షించాల్సింది పోయి, కాలయాపన చేయడం ఎంతవరకు సమంజసమని అన్నారు. సామాన్యుడు తప్పు చేస్తే వారి తల్లిదండ్రులను పోలీస్ స్టేషన్ కి తీసుకెళ్లి ఆచూకీ తెలుపమని విచారించే పోలీసులకు బండి సంజయ్ కూడా ఎనిమిది రోజులు దొరకలేదా ? అతని స్టేషన్ కి పిలిచి ఎందుకు విచారించలేదని ప్రశ్నించారు. చట్టం ఉన్నోడికి చుట్టమా? పేదలకు ఒక న్యాయం పెద్దలకు ఒక న్యాయమా అని ప్రశ్నించారు. ఈ కేసులో నేరస్తునికి సహకరించిన బండి సంజయ్ ని కూడా నేరస్తునిగా పరిగణించాలని, తనని వెంటనే కేంద్ర మంత్రి పదవి నుండి భర్తరాఫ్ చేయాలని డిమాండ్ చేశారు లేనియెడల బండి సంజయ్ రాజీనామా చేసే వరకు తమ పోరాటాన్ని కొనసాగిస్తామని అన్నారు. ఈ కార్యక్రమంలో సిపిఎం నాయకులు గజ్జల శ్రీకాంత్,రాయికంటి శ్రీనివాస్,నగర కమిటీ సభ్యులు పున్నం రవి, ఆసంపల్లి వినయ్, డబిల్ కార్ శ్రీకాంత్,భూమేష్, అరవింద్,అక్షయ్,రాకేష్, సంతు తదితరులు పాల్గొన్నారు.

హనుమాన్ దీక్ష సేవాసమితి జన్నారం మండల అధ్యక్షుడు వొల్లాల నరసయ్య, జన్నారం నుండి వేములవాడకు బస్సులు నడపాలని కోరారు. బస్సు సౌకర్యం లేక కొండగట్టు, వేములవాడ వెళ్లే భక్తులు తీవ్ర ఇబ్బందులు పడుతున్నారని ఆయన పేర్కొన్నారు.

కుమురం భీమ్ ఆసిఫాబాద్ జిల్లా కేరామెరిలో ఆర్టీసీ బస్సు టైర్ల నుండి పొగలు రావడంతో డ్రైవర్ అప్రమత్తమై బస్సును నిలిపివేశాడు. ఎండల తీవ్రత మధ్య జరిగిన ఈ ఘటనలో ప్రయాణికులందరూ సురక్షితంగా బయటపడటంతో పెను ప్రమాదం తప్పింది.

మంచిర్యాల జిల్లా జన్నారం మండలంలో ప్రభుత్వ సూచనతో ఆయిల్ పామ్ సాగు చేసిన రైతులు తీవ్ర విద్యుత్ కోతలతో సతమతమవుతున్నారు. బోరు బావులకు త్రీ-ఫేజ్ కరెంటు లేక తోటలు ఎండిపోయే ప్రమాదంలో ఉన్నాయని, రోజుకు పదిహేనుసార్లకు పైగా సరఫరా నిలిచిపోతుందని ఆవేదన వ్యక్తం చేస్తున్నారు. అధికారులు వెంటనే స్పందించి నిరంతర విద్యుత్ సరఫరా చేయాలని రైతులు డిమాండ్ చేస్తున్నారు.

మన్చెరియల్ జిల్లా జైపూర్ మండల కేంద్రంలో కాంగ్రెస్ పార్టీ ఆధ్వర్యంలో మాజీ ప్రధాని రాజీవ్ గాంధీ 35వ వర్ధంతిని ఘనంగా నిర్వహించారు. ఈ సందర్భంగా పార్టీ నాయకులు రాజీవ్ గాంధీ దేశానికి చేసిన సేవలను, ముఖ్యంగా టెలికాం, శాస్త్ర సాంకేతిక రంగాలలో ఆయన కృషిని కొనియాడారు. యువతకు ఓటు హక్కు వయసు తగ్గించడం, పంచాయతీరాజ్ వ్యవస్థ బలోపేతం వంటి ఆయన సంచలన నిర్ణయాలను గుర్తుచేసుకున్నారు.