यवतमाळ जिल्ह्यातील उमरखेड तालुक्यातील दुर्गम बंदी भागातील थेरडी येथील प्राथमिक आरोग्य केंद्राची अवस्था अत्यंत दयनीय झाली असून, येथील आरोग्य व्यवस्था पूर्णपणे कोलमडली आहे. या केंद्रावर वैद्यकीय अधिकारीसह १२ ते १५ कर्मचारी नियुक्त असूनही, बहुतांश कर्मचारी मुख्यालयात राहत नसल्याचा गंभीर आरोप ग्रामस्थांकडून केला जात आहे. याचा थेट फटका गरीब आणि ग्रामीण भागातील रुग्णांना बसत असून त्यांना वेळेवर शासकीय आरोग्य सेवा मिळत नसल्याने नागरिकांमध्ये तीव्र नाराजी आहे. आरोग्य केंद्रातील प्रसूतीगृह अनेक दिवसांपासून बंद असल्याने गरोदर महिलांना प्रसूतीसाठी नाईलाजास्तव खासगी रुग्णालयांची मदत घ्यावी लागत आहे. खराब रस्त्यांमुळे या महिला आणि त्यांच्या नवजात बालकांच्या जीविताला मोठा धोका निर्माण झाला आहे. प्रसूतीगृहात सर्वत्र धूळ आणि कोळीष्टके पसरली असून, अत्यंत अस्वच्छता असल्याचे ग्रामस्थांनी निदर्शनास आणून दिले आहे. यासोबतच, शासनाने लाखो रुपये खर्चून दिलेली रुग्णवाहिका आरोग्य केंद्राच्या आवारात वापराविना धूळ खात पडून आहे. आपत्कालीन वेळी ही रुग्णवाहिका उपलब्ध होत नसल्याने रुग्णांना खासगी वाहनांसाठी हजारो रुपये मोजावे लागत आहेत. सध्या पावसाळ्याचे दिवस असल्याने साथीच्या आजारांचा धोका वाढला आहे, अशा परिस्थितीत आरोग्य यंत्रणेची ही निष्क्रियता चिंतेची बाब बनली आहे. त्यामुळे थेरडी प्राथमिक आरोग्य केंद्राच्या एकूणच कारभाराची सखोल चौकशी करून जबाबदार कर्मचाऱ्यांवर तात्काळ कारवाई करावी आणि दुर्गम भागातील नागरिकांना दर्जेदार आरोग्य सुविधा उपलब्ध करून द्याव्यात, अशी आग्रही मागणी ग्रामस्थांनी केली आहे.

Shaikh irfan Shaikh isa

उमरखेड, यवतमाळ, महाराष्ट्र•

6 hrs ago

यवतमाळ जिल्ह्यातील उमरखेड तालुक्यातील दुर्गम बंदी भागातील थेरडी येथील प्राथमिक आरोग्य केंद्राची अवस्था अत्यंत दयनीय झाली असून, येथील आरोग्य व्यवस्था पूर्णपणे कोलमडली आहे. या केंद्रावर वैद्यकीय अधिकारीसह १२ ते १५ कर्मचारी नियुक्त असूनही, बहुतांश कर्मचारी मुख्यालयात राहत नसल्याचा गंभीर आरोप ग्रामस्थांकडून केला जात आहे. याचा थेट फटका गरीब आणि ग्रामीण भागातील रुग्णांना बसत असून त्यांना वेळेवर शासकीय आरोग्य सेवा मिळत नसल्याने नागरिकांमध्ये तीव्र नाराजी आहे. आरोग्य केंद्रातील प्रसूतीगृह अनेक दिवसांपासून बंद असल्याने गरोदर महिलांना प्रसूतीसाठी नाईलाजास्तव खासगी रुग्णालयांची मदत घ्यावी लागत आहे. खराब रस्त्यांमुळे या महिला आणि त्यांच्या नवजात बालकांच्या जीविताला मोठा धोका निर्माण झाला आहे. प्रसूतीगृहात सर्वत्र धूळ आणि कोळीष्टके पसरली असून, अत्यंत अस्वच्छता असल्याचे ग्रामस्थांनी निदर्शनास आणून दिले आहे. यासोबतच, शासनाने लाखो रुपये खर्चून दिलेली रुग्णवाहिका आरोग्य केंद्राच्या आवारात वापराविना धूळ खात पडून आहे. आपत्कालीन वेळी ही रुग्णवाहिका उपलब्ध होत नसल्याने रुग्णांना खासगी वाहनांसाठी हजारो रुपये मोजावे लागत आहेत. सध्या पावसाळ्याचे दिवस असल्याने साथीच्या आजारांचा धोका वाढला आहे, अशा परिस्थितीत आरोग्य यंत्रणेची ही निष्क्रियता चिंतेची बाब बनली आहे. त्यामुळे थेरडी प्राथमिक आरोग्य केंद्राच्या एकूणच कारभाराची सखोल चौकशी करून जबाबदार कर्मचाऱ्यांवर तात्काळ कारवाई करावी आणि दुर्गम भागातील नागरिकांना दर्जेदार आरोग्य सुविधा उपलब्ध करून द्याव्यात, अशी आग्रही मागणी ग्रामस्थांनी केली आहे.