Post by Chocolate boy Kumar

ଏଇଟା ଦୁର୍ଘଟଣା ନୁହଁ, ସମ୍ପୁର୍ଣ୍ଣ ହତ୍ୟା... ଛିଡ଼ା ଥିବା ଗାଡ଼ିକୁ ଜାଣିଶୁଣି ବଢାଇଛି ବସ୍ ଡ୍ରାଇଭର .. #odisha #mobus #cuttack

ମର୍ମନ୍ତୁଦ ସଡ଼କ ଦୁର୍ଘଟଣା, ପାତ୍ରପୁର ବ୍ଲକ ତମ୍ବାପୁର ଠାରୁ ମନ୍ଦାରଡା ଯିବା ରାସ୍ତାରେ ବାଇକ ଦୁର୍ଘଟଣାରେ ୩ ମୃତ. ଦୁଇ ଜଣ ବନମାଳୀ ଗ୍ରାମର ଓ ଜଣେ ତିତିଗାଁ ର ବୋଲି ଜଣା ପଡିଛି

ଗଞ୍ଜାମ ଜିଲ୍ଲା ରାସ୍ତା କଡ଼ ଇଲେକ୍ଟ୍ରି ଖୁଣ୍ଟରେ ପିଟିହୋଇ ପୋଖରୀଭିତରକୁ ପଶିଲା ଆମ୍ବୁଲାନ୍ସ। ବୁଗୁଡ଼ା ଥାନା ବାଲିପଦର ଫାଣ୍ଡି କାଦପଡା ନିକଟରେ ଘଟିଛି ଦୁର୍ଘଟଣା। ସ୍ଥାନୀୟ ଲୋକଙ୍କ ସହଯୋଗରେ ଚାଳକ ସୁରକ୍ଷିତ ଉଦ୍ଧାର। ଆମ୍ବୁଲାନ୍ସରେ କୌଣସି ରୋଗୀ ନଥିବାରୁ ବଡ଼ ଅଘଟଣ ଟଳିଲା। ପ୍ରବଳ କୁହୁଡ଼ି ଦୁର୍ଘଟଣାର କାରଣ ହୋଇଥିବା ଅନୁମାନ। ଗଣେଶ ପାଣିଗ୍ରାହୀ ରିପୋର୍ଟ

Post by Jay kala _ jay Kalinga

ଇଟାମାଟିରେ ନୂତନ ବର୍ଷର ବନ୍ଧୁମିଳନ ଉତ୍ସବ: ମୁଖ୍ୟ ଅତିଥି ଭାବେ ଯୋଗ ଦେଲେ ପ୍ରତ୍ୟୁଷା ରାଜେଶ୍ୱରୀ ​ଇଟାମାଟି (ନୟାଗଡ଼): ନୟାଗଡ଼ ଜିଲ୍ଲା ଇଟାମାଟିଠାରେ ଆଜି ନୂତନ ବର୍ଷର ଏକ ଭବ୍ୟ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନୟାଗଡ଼ର ବିଜେପି ନାରୀ ନେତ୍ରୀ ଶ୍ରୀମତୀ ପ୍ରତ୍ୟୁଷା ରାଜେଶ୍ୱରୀ ସିଂହ ଯୋଗ ଦେଇ ସମସ୍ତଙ୍କୁ ନୂତନ ବର୍ଷର ଶୁଭେଚ୍ଛା ଜଣାଇବା ସହ ସଂଗଠନକୁ ମଜବୁତ କରିବା ପାଇଁ ଆହ୍ୱାନ ଦେଇଥିଲେ। ​ମଣ୍ଡଳ ସଭାପତିଙ୍କ ଅଭିଭାଷଣ: ଏହି ସଭାରେ ମଣ୍ଡଳ ସଭାପତି ନିଜ ବକ୍ତବ୍ୟ ରଖି କହିଥିଲେ ଯେ, ସ୍ଥାନୀୟ ଅଞ୍ଚଳରେ ଦଳୀୟ କାର୍ଯ୍ୟକର୍ତ୍ତାଙ୍କ ମଧ୍ୟରେ ଏକତା ବଜାୟ ରଖିବା ଏବଂ ଜନସାଧାରଣଙ୍କ ସେବାରେ ନିଜକୁ ନିୟୋଜିତ କରିବା ଆମର ମୁଖ୍ୟ ଲକ୍ଷ୍ୟ। ସେ ଆଗାମୀ ଦିନରେ ଅଞ୍ଚଳର ବିଭିନ୍ନ ସମସ୍ୟା ଓ ତା’ର ସମାଧାନ ଦିଗରେ ଦଳ ପକ୍ଷରୁ ନିଆଯାଉଥିବା ପଦକ୍ଷେପ ବିଷୟରେ ମଧ୍ୟ ଆଲୋକପାତ କରିଥିଲେ। ​ପୁରୀ ସାଂସଦଙ୍କ ଅନୁପସ୍ଥିତି: ସୂଚନାଯୋଗ୍ୟ ଯେ, ଏହି କାର୍ଯ୍ୟକ୍ରମରେ ପୁରୀ ସାଂସଦ ଯୋଗଦେବାର ସୂଚନା ରହିଥିଲା, ମାତ୍ର କାର୍ଯ୍ୟ ବ୍ୟସ୍ତତା କାରଣରୁ ସେ ଆସିପାରି ନଥିବା ସଭାରେ ସୂଚନା ଦିଆଯାଇଥିଲା। ସାଂସଦଙ୍କ ଅନୁପସ୍ଥିତି ସତ୍ତ୍ୱେ କର୍ମକର୍ତ୍ତାଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା। ​ଶେଷରେ ସ୍ଥାନୀୟ ନେତୃବୃନ୍ଦଙ୍କ ଉପସ୍ଥିତିରେ ଏହି ବନ୍ଧୁମିଳନ ଉତ୍ସବଟି ସଫଳତାର ସହ ସମାପ୍ତ ହୋଇଥିଲା।

ଶିଶିର ସାରସ ଚଳିତ ବର୍ଷ ଜାନୁଆରୀ ୧୦ ରୁ ୧୮ ପର୍ଯ୍ୟନ୍ତ ପୁରୀ ୭/୧ ଶିଶିର ସାରସ୍‌ ୨୦୨୬ ମେଳାର ଆୟୋଜନର ପ୍ରଚାର ପ୍ରସାର ପାଇଁ ପ୍ରସ୍ତୁତି ଆରମ୍ଭ ହୋଇଛି।ଚଳିତ ମାସ ୧୦ ରୁ ୧୮ ତାରିଖ ପର୍ଯ୍ୟନ୍ତ ଏହି ବହୁ ପ୍ରତିକ୍ଷିତ ପ୍ରଦର୍ଶନୀ ଭୁବନେଶ୍ୱର ୟୁନିଟ ୩ ପ୍ରଦର୍ଶନୀ ପଡିଆରେ ଅନୁଷ୍ଠିତ ହେବ।ଏଥିପାଇଁ ଓରମାସ ପକ୍ଷରୁ ଆଜି ଓ ଆସନ୍ତା କାଲି ପୁରୀର ଲାଇଟହାଉସ୍‌ ନିକଟ ସି ବିଚ୍‌ରେ ଏକ ଆକାଶପତଙ୍ଗ ବା ଗୁଡି ଶୋ ଆୟୋଜିତ ହେଉଛି।। ଏହି ଆକାଶପତଙ୍ଗ ଶୋ ହେଉଛି ଶିଶିର ସାରସ୍ ମେଳାର ପ୍ରଚାର ପ୍ରସାର ପାଇଁ ଏକ ପ୍ରୟାସ।ଏଥିରେ ଯୋଗ ଦେଇ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ପ୍ରିୟରଞ୍ଜନ ପୃଷ୍ଟି, ପୌର ନିର୍ବାହୀ ଅଧିକାରୀ ଅଭିମନ୍ୟୁ ବେହେରା, ଜିଲ୍ଲା ସମାଜ କଲ୍ୟାଣ ଅଧିକାରୀ ତନୁପ୍ରଭା ବେଉରା, ଓରମାସ ର ଡେପୁଟି ସିଇଓ ନିଗମ ଦାସ ପ୍ରମୁଖ ଯୋଗ ଦେଇଥିଲେ। ସିସିର ସାରସ୍‌ ହେଉଛି ଏମିତି ଏକ କାର୍ଯ୍ୟକ୍ରମ ଯେଉଁଠାରେ ୨୦ଟି ରାଜ୍ୟ ଏବଂ ଓଡ଼ିଶାର ସମସ୍ତ ୩୦ ଟି ଜିଲ୍ଲାର କଳା/ଶିଳ୍ପୀମାନେ ୩୭୫ ଟି ଷ୍ଟଲ୍‌ରେ ତାଙ୍କର ସର୍ବୋତ୍ତମ କଳା/ପଦାର୍ଥ ପ୍ରଦର୍ଶନ କରିବେ । ଏହା "ଭୋକାଲ୍ ଟୁ ଲୋକାଲ୍" ଭାବନାକୁ ଉତ୍ସାହିତ କରିବା ଓ "ଆତ୍ମନିର୍ଭର ଓଡ଼ିଶା" ଗଠନ ପକ୍ଷରେ ଏକ ଶକ୍ତିଶାଳୀ ପଦକ୍ଷେପ ଅଟୁଟ କରିବା ପ୍ରୟାସ ବୋଲି ମୁଖ୍ୟ ଉନ୍ନୟନ ଅଧିକାରୀ ଶ୍ରୀ ପୃଷ୍ଟି ସୂଚନା ଦେଇଥିଲେ। ରାଘୁରାଜପୁର ଚିତ୍ରକଳା, ଗୋପ ବ୍ଲକ ର ଦେଶୀ ଗାଈ ଘିଁ, ସତ୍ୟବାଦୀ ର ନଡ଼ିଆ ତେଲ, ନୀମାପଡ଼ାର ପମ୍ପଡ଼/ମିଠା/କନଫେକ୍ସନେରୀ ଓ ଚିଲିକାର ବିଶେଷ ସି ଖାଦ୍ୟ ଭଳି ଆମ ଜିଲ୍ଲାର ଶ୍ରେଷ୍ଠ ଉତ୍ପାଦକ ଗୋଷ୍ଠୀମାନଙ୍କ ଉତ୍ପାଦ ସିସିର ସାରସ୍‌ ମେଳାରେ ପ୍ରଦର୍ଶିତ ହେବ।ପୁରୀକୁ ଆସୁଥିବା ସମସ୍ତ ପର୍ଯ୍ୟଟକ ନିଶ୍ଚୟଭାବେ ଶିଶିର ସାରସ୍‌, ଭୁବନେଶ୍ୱରକୁ ପରିଦର୍ଶନ କରିବେ।ଯାହାକି କଳା, କୌଶଳ ଓ ସଂସ୍କୃତିର ଏକ ସଂଗମସ୍ଥଳ ଏବଂ ଏକ ମିନି ଭାରତର ପ୍ରତିନିଧିତ୍ବ ବୋଲି ଶ୍ରୀ ପୃଷ୍ଟି ଅନୁରୋଧ କରିଛନ୍ତି।

Post by Chocolate boy Kumar