వినాయకుడి గుడి పేరుతో భూ కబ్జా... వినాయకుడి ఆలయం పేరుతో ట్రస్ట్ ఏర్పాటు చేసిన రామచంద్రారెడ్డి అనుచరుడు నిరంజన్ భక్తుల నుంచి డబ్బులు వసూలు చేసి... ఆలయం చుట్టూ ఉన్న భూముల్ని కబ్జా చేశారని చిత్తూరు జిల్లా ఐరాల మండలానికి చెందిన పలువురు ప్రజావేదికలో ఫిర్యాదు చేశారు. మంగళగిరిలోని టీడీపీ కేంద్ర కార్యాలయానికి పెద్ద సంఖ్యలో తరలివచ్చిన బాధితుల నుంచి గిరిజన సంక్షేమశాఖ మంత్రి సంధ్యారాణి, రుడా ఛైర్మన్ వెంకట రమణ వినతులు స్వీకరించారు. 30 ఏళ్లుగా తన అధీనంలో ఉన్న భూమిని కబ్జా చేయాలని వైసీపీ నేతలు కుట్ర చేస్తున్నారని.. అర్ధరాత్రి వచ్చి పంట ధ్వంసం చేస్తున్నారని నెల్లూరు జిల్లా బుచ్చిరెడ్డిపాలేనికి చెందిన వెంకటేశ్వరరెడ్డి ఫిర్యాదు చేశారు. ఎన్ హెచ్ -16 విస్తరణలో భూములు కోల్పోయిన తమకు నెలలు గడుస్తున్నా పరిహారం చెల్లించలేదని పల్నాడు జిల్లా నడికుడి గ్రామానికి చెందిన రైతులు వాపోయారు. తన భూమిని కబ్జా చేయాలని చూస్తున్న వైసీపీ వాళ్లకు అధికారులు సహకరిస్తున్నారని పశ్చిమగోదావరి జిల్లా వెలగలేరుకు చెందిన భాస్కర్ రెడ్డి వాపోయారు. సమస్యలపై సంబంధిత అధికారులతో మాట్లాడి పరిష్కారం దిశగా చర్యలు తీసుకుంటామని నాయకులు హామీ ఇచ్చినట్లు తెలిపారు

Ck Raju Raju

Irala•

14 hrs ago

JJ icon fossil