বাক্সাৰ সৰুপেটাত এক আনন্দময় পৰিৱেশত বিবাহ আৰু জন্মদিন একেলগে উদযাপন কৰা হয়। এই শুভ মুহূৰ্তবোৰ পৰিয়াল আৰু বন্ধু-বান্ধৱীৰ উপস্থিতিত উল্লাসৰে পালন কৰা হৈছিল।

বাক্সা জিলাৰ এলেঙামাৰীৰ কণ কণ ছাত্ৰ-ছাত্ৰীসকলে 'হাগ্ৰামা ছাৰ, আমাক এখন নাও দিয়ক' বুলি এক কৰুণ আহ্বান জনাইছে।

ৰাষ্ট্ৰীয় শ্বহীদ স্মৃতি সুৰক্ষা সমিতিৰ উদ্যোগত বাক্সাৰ অঞ্চলীত শ্বহীদ উদ্ধৱ দাসৰ ২৭ সংখ্যক শ্বহীদ দিৱস পালন কৰা হয়।

বাক্সা জিলাৰ শালবাৰীৰ নিকটৱৰ্তী বজালীৰ ধুমাৰপাথাৰ অঞ্চলৰ এজন লোক নিৰুদ্দেশ হোৱাৰ ঘটনা পোহৰলৈ আহিছে। মধু বড়ো (৪০) নামৰ লোকগৰাকী অৰুণাচলৰ ডামবুকত কাম কৰিবলৈ গৈছিল, আৰু তাৰ পৰাই তেওঁ নিৰুদ্দেশ হৈ থকা বুলি জানিব পৰা গৈছে।

তামুলপুৰ জিলাৰ এনচি আঙাৰকাটাৰ কালানদীত অৱস্থিত মটঙা (কালা) নদীত পানীৰ অধিষ্ঠাত্ৰী দেৱী মা গংগা পূজা ভক্তি, শ্ৰদ্ধা আৰু উৎসাহ-উদ্দীপনাৰে উদযাপন কৰা হয়। ননকে আঙাৰকাটা মটঙা (কালা) নদী আঞ্চলিক বান্ধ-ডোং সমিতিৰ সৌজন্যত আয়োজিত এই অনুষ্ঠানত অঞ্চলটোৰ বহু লোকে অংশগ্ৰহণ কৰি এক উৎসৱমুখৰ পৰিৱেশৰ সৃষ্টি কৰে। এই পূজাৰ জৰিয়তে বান্ধ-ডোং সমিতিৰ কৰ্মকৰ্তাসকলে নদী আৰু পানী সম্পদৰ সংৰক্ষণ, কল্যাণ আৰু সমৃদ্ধিৰ বাবে বিশেষ প্ৰাৰ্থনা জনায়। কাৰ্যসূচী অনুসৰি, পুৱা ১০ বজাত মটঙা (কালা) নদীৰ ওপৰত মা গংগা পূজা সম্পন্ন কৰা হয়। ইয়াৰ পিছতে দিনৰ ১২ বজাৰ পৰা গংগা পূজাৰ লগত সংগতি ৰাখি এক সম্বৰ্ধনা অনুষ্ঠান অনুষ্ঠিত কৰা হয়। আঞ্চলিক বান্ধ-ডোং সমিতিৰ সভাপতি কেশৱ ছেত্ৰীৰ সভাপতিত্বত অনুষ্ঠিত এই সভাত প্ৰাক্তন বিধায়ক ইমানুৱেল মুছাহাৰী, ২ নং পশ্চিম কুমাৰীকাটা ভিচিডিচিৰ অধ্যক্ষ উমেশ দাস, সদৌ বিটিচি বাঙালী যুৱ ছাত্ৰ ফেডাৰেচন, তামুলপুৰ জিলা সমিতিৰ সভাপতি বিমল দাস, প্ৰাক্তন ভিচিডিচি অধ্যক্ষ সুকুৰঞ্জন মণ্ডলকে ধৰি বহুকেইজন বিশিষ্ট ব্যক্তি উপস্থিত থাকে। এই অনুষ্ঠানত আঞ্চলিক বান্ধ-ডোং সমিতিৰ অন্তৰ্গত বিভিন্ন শাখা সমিতিৰ সভাপতি, সম্পাদক আৰু চুপাৰভাইজাৰসকলক ফুলাম গামোচাৰে সম্বৰ্ধনা জনোৱা হয়। বক্তাসকলে সমাজৰ উন্নয়ন, ঐক্য আৰু নদী সংৰক্ষণৰ ক্ষেত্ৰত সমিতিসমূহৰ অৱদানৰ ভূয়সী প্ৰশংসা কৰে। মা গংগা পূজাৰ জৰিয়তে আধ্যাত্মিকতা, সামাজিক সম্প্ৰীতি আৰু পৰিৱেশ সংৰক্ষণৰ বাৰ্তা প্ৰচাৰ কৰা এই অনুষ্ঠানটোৱে অঞ্চলবাসীৰ মাজত বিশেষ সঁহাৰি লাভ কৰে।

বনবাহাৰ গাঁৱত পিএম কিষাণ যোজনাৰ নামত এক বৃহৎ প্ৰতাৰণাৰ অভিযোগ উত্থাপিত হৈছে। খাইৰুল নামৰ এজন লোকৰ বিৰুদ্ধে গাঁৱৰ একাংশ সৰলমনা লোকক পিএম কিষাণ যোজনাৰ ধন উলিয়াই দিয়াৰ প্ৰলোভন দেখুৱাই প্ৰতিজনৰ পৰা ৩ হাজাৰৰ পৰা ৪ হাজাৰ টকা পৰ্যন্ত সংগ্ৰহ কৰাৰ অভিযোগ আনিছে গাঁওবাসীয়ে। অভিযোগ অনুসৰি, অভিযুক্ত খাইৰুলে চৰকাৰী আঁচনিৰ সুবিধা দিয়াৰ নামত বহু লোকৰ পৰা ধন সংগ্ৰহ কৰি পিছত উধাও হৈছিল। ইয়াৰ ফলত গাঁওবাসীৰ মাজত তীব্ৰ ক্ষোভৰ সৃষ্টি হয়। বুধবাৰে বিয়লিৰ ভাগত বনবাহাৰ গাঁৱৰ ৰাইজে খাইৰুলক জবাবদিহি কৰিবলৈ বাধ্য কৰে, যাৰ পাছত অঞ্চলটোত তীব্ৰ প্ৰতিক্ৰিয়াৰ সৃষ্টি হয়। স্থানীয় লোকসকলে ক্ষোভ প্ৰকাশ কৰি কয় যে গাঁৱৰ সহজ-সৰল আৰু দৰিদ্ৰ লোকসকলক লক্ষ্য কৰি এনে প্ৰতাৰণাৰ জাল পতা হৈছে। ৰাইজে চৰকাৰী আঁচনিৰ নামত ধন সংগ্ৰহ কৰা এনে কাৰ্যৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে। এই ঘটনাৰ পাছত স্থানীয় সচেতন মহলে পিএম কিষাণৰ নামত ধন সংগ্ৰহ কৰা কোনো ব্যক্তিক বিশ্বাস নকৰিবলৈ আৰু সন্দেহজনক কাৰ্যকলাপ দেখা পালে তৎক্ষণাত প্ৰশাসনক অৱগত কৰিবলৈ আহ্বান জনাইছে।

PM কিসান আঁচনিৰ সুবিধা দিয়াৰ নামত ধন সংগ্ৰহ কৰাৰ এক গুৰুতৰ অভিযোগ উত্থাপিত হৈছে, যি ঘটনাই অঞ্চলটোত তীব্ৰ চাঞ্চল্য সৃষ্টি কৰিছে। বৰপেটা জিলাৰ কয়াকুছিৰ বনবাহাৰ অঞ্চলত বনবাহাৰৰ খাইৰুল নামৰ ব্যক্তি এজনৰ বিৰুদ্ধে এই অভিযোগ উত্থাপিত হৈছে। খাইৰুলৰ বিৰুদ্ধে উত্থাপিত এই গুৰুতৰ অভিযোগক কেন্দ্ৰ কৰি বৰ্তমান অঞ্চলজুৰি এক উত্তপ্ত পৰিস্থিতিৰ সৃষ্টি হৈছে, যাৰ ফলত স্থানীয় লোকসকলৰ মাজত ব্যাপক ক্ষোভ আৰু আলোচনা চলি আছে।

পিএম কিষাণ আঁচনিৰ কিস্তিৰ টকা উঠাই দিয়াৰ বাবে একাংশই ধন সংগ্ৰহ কৰা বুলি অভিযোগ উত্থাপন হৈছে।

বাক্সা জিলাৰ ৰাবাং বড়ো বজাৰত যাতায়ত ব্যৱস্থা এতিয়া এক মৰণফান্দলৈ পৰিণত হৈছে। পথৰ জৰাজীর্ণ অৱস্থাৰ বাবে অঞ্চলটোৰ ছাত্ৰ-ছাত্ৰী, বৃদ্ধ-বৃদ্ধাসহ সাধাৰণ ৰাইজে প্ৰতিদিনে মৃত্যুক হাতত লৈ চলাচল কৰিবলৈ বাধ্য হৈছে।