বাক্সা জিলাৰ এলেঙামাৰীৰ কণ কণ ছাত্ৰ-ছাত্ৰীসকলে 'হাগ্ৰামা ছাৰ, আমাক এখন নাও দিয়ক' বুলি এক কৰুণ আহ্বান জনাইছে।

পিএম কিষাণ আঁচনিৰ কিস্তিৰ টকা উঠাই দিয়াৰ বাবে একাংশই ধন সংগ্ৰহ কৰা বুলি অভিযোগ উত্থাপন হৈছে।

বৰপেটা জিলাৰ নবগঠিত মন্দিয়া সমষ্টিৰ ডাউকমাৰীৰ পৰা কাছুকাটী হৈ বাংলীপাৰালৈ যোৱা একমাত্ৰ পথটো বিগত ৫-৬ বছৰ ধৰি জৰাজীৰ্ণ হৈ থকাৰ ফলত স্থানীয় ৰাইজে চৰম দুৰ্ভোগ ভুগিবলগীয়া হৈছে। এই গুৰুত্বপূৰ্ণ পথছোৱা সামান্য বৰষুণতেই একাঠু পৰ্যন্ত পানী আৰু বোকাৰে একাকাৰ হৈ পুখুৰী সদৃশ ৰূপ লয়। ফলস্বৰূপে, স্কুল-কলেজৰ ছাত্ৰ-ছাত্ৰীৰ লগতে সাধাৰণ ৰাইজে প্ৰতিদিনে যাতায়াতৰ ক্ষেত্ৰত সীমাহীন কষ্ট ভোগ কৰিবলগীয়া হয়। পথৰ এই শোচনীয় অৱস্থাৰ বাবেই গাঁওখনত কোনো জৰুৰীকালীন সেৱা যেনে এম্বুলেন্স অথবা অগ্নিনিৰ্বাপক বাহিনীৰ বাহন সোমাব নোৱাৰে। ইয়াৰ পৰিণতিত, জৰুৰী সময়ত চিকিৎসাৰ অভাৱত গাঁৱবাসীয়ে গভীৰ সংকটৰ সন্মুখীন হ'বলগীয়া হৈছে। অভিযোগ অনুসৰি, বিগত ৫-৬ বছৰ ধৰি পথটো এনেদৰে জৰাজীৰ্ণ হৈ থকাৰ পিছতো স্থানীয় জনপ্ৰতিনিধি সকলে ইয়াৰ মেৰামতিৰ বাবে কোনো পদক্ষেপ গ্ৰহণ কৰা নাই। ক্ষুব্ধ স্থানীয় ৰাইজ আৰু ছাত্ৰ মুক্তি সংগ্ৰাম সমিতিয়ে অতি শীঘ্ৰে এই জৰাজীৰ্ণ পথটো নিৰ্মাণৰ দাবী জনাইছে। তেওঁলোকে স্থানীয় বিধায়ক, পঞ্চায়ত সভানেত্ৰী আৰু জিলা প্ৰশাসনক অনতিপলমে এই ক্ষেত্ৰত ব্যৱস্থা গ্ৰহণ কৰিবলৈ আহ্বান জনাইছে। অন্যথা, অনাগত দিনত প্ৰশাসনৰ বিৰুদ্ধে তীব্ৰ গণ আন্দোলন গঢ়ি তোলাৰ হুংকাৰ দিছে গাঁৱবাসীয়ে।

ছিপাঝাৰৰ বৰদৌলগুৰিত এক চাঞ্চল্যকৰ ঘটনা সংঘটিত হৈছে, য'ত চাৰিখন ঠেং থকা এটা ব্ৰইলাৰ মুৰ্গী পোৱা গৈছে। এই বিৰল ঘটনাই সমগ্ৰ অঞ্চলটোত ব্যাপক চৰ্চা লাভ কৰিছে আৰু সকলোকে স্তম্ভিত কৰি তুলিছে। এই অদ্ভুত পৰিঘটনাটো প্ৰকৃততে অলৌকিকতাৰ ফল নে বিজ্ঞানৰ এক বিৰল প্ৰকাশ, তাক লৈ এতিয়াও মানুহৰ মাজত প্ৰশ্ন উত্থাপন হৈছে।

যোৱা ৰাতিৰে পৰা এটা বিতৰ্কিত ফেচবুক পোষ্টে সমগ্ৰ বকো অঞ্চলত তোলপাৰ সৃষ্টি কৰিছে।

বঙাইগাঁও জিলাৰ গোলাপাৰাত এক দুৰ্ভাগ্যজনক ঘটনা সংঘটিত হৈছে, য'ত এজন ৬০ বছৰীয়া ব্যক্তিৰ ধানকলত মৃত্যু হৈছে।

কামৰূপ জিলাৰ ছমৰীয়াৰ লটুৰাদিয়া প্ৰাথমিক বিদ্যালয়ত অনুষ্ঠিত সম্প্রীতি ভোজনত ছাত্ৰ-ছাত্ৰীসকলে ব্যতিক্ৰমী খাদ্য লাভ কৰি উৎফুল্লিত হৈ পৰে। এই অনুষ্ঠানত বিদ্যালয়ৰ প্ৰধানে ছাত্ৰ-ছাত্ৰীসকলক বতৰৰ ফলসমূহৰ বিষয়ে চিনাকি কৰাই দিয়াৰ লগতে সেইবোৰৰ সোৱাদ ল'বলৈ প্ৰদান কৰে, যাৰ ফলত সকলোৱে যথেষ্ট আনন্দ লাভ কৰে।

বৰপেটা জিলাৰ ঘিৰাজাৰী গাঁৱত স্বামীয়ে নিজ পত্নীক আন লোকৰ হতুৱাই হাৰাশাস্তি কৰা এক ঘটনা সংঘটিত হৈছে।

চেঙা সমষ্টিৰ গোমাফুলবাৰী চৰত এখন জৰাজীৰ্ণ বাঁহৰ দলংক কেন্দ্ৰ কৰি তীব্ৰ সমস্যাৰ সৃষ্টি হৈছে। শতাধিক পৰিয়ালৰ যাতায়াতৰ একমাত্ৰ ভৰসা এই দলংখন বৰ্তমান বিপদজনক হৈ পৰিছে, যাৰ ফলত কণ-কণ ছাত্ৰ-ছাত্ৰীসহ স্থানীয় ৰাইজে নিত্যদিনে নিজৰ জীৱনক বাজি ৰাখি পাৰাপাৰ কৰিবলগীয়া হৈছে। স্থায়ী দলং নিৰ্মাণৰ দাবীত এতিয়া অঞ্চলবাসী সৰব হৈ পৰিছে। স্থানীয় ৰাইজৰ অভিযোগ অনুসৰি, চৰকাৰী সাহায্য নোপোৱাত তিনিবছৰ পূৰ্বে নিজা ধনেৰে এই বাঁহৰ দলংখন নিৰ্মাণ কৰা হৈছিল। কিন্তু সময়ৰ লগে লগে দলংখন জৰাজীৰ্ণ হৈ পৰাত ই বৰ্তমান যিকোনো সময়তে দুৰ্ঘটনাৰ কাৰণ হ’ব পাৰে। প্ৰতিদিনে বিদ্যালয়গামী ছাত্ৰ-ছাত্ৰী, কৃষক, শ্ৰমিক, ব্যৱসায়ী, বৃদ্ধ-বৃদ্ধাসহ শতাধিক লোকে এই দলংখন ব্যৱহাৰ কৰে। অভিভাৱকসকল বিশেষকৈ ছাত্ৰ-ছাত্ৰীসকলৰ সুৰক্ষাক লৈ গভীৰভাৱে উদ্বিগ্ন হৈ পৰিছে। ৰাইজে বহুবছৰ ধৰি স্থায়ী দলং নিৰ্মাণৰ দাবী উত্থাপন কৰি আহিলেও এতিয়ালৈকে কোনো ফলপ্ৰসূ পদক্ষেপ গ্ৰহণ নকৰাৰ অভিযোগ তুলিছে। ফলত চৰৰ বাসিন্দাসকলে নিত্যদিনে যাতায়াতৰ ক্ষেত্ৰত বিভিন্ন দুৰ্ভোগৰ সন্মুখীন হ’বলগীয়া হৈছে। এই সমস্যাৰ প্ৰতি লক্ষ্য ৰাখি অঞ্চলবাসীয়ে চেঙা সমষ্টিৰ বিধায়ক আব্দুৰ ৰহিম আহমেদ আৰু বৰপেটা জিলা প্ৰশাসনক বিষয়টোত জৰুৰী ভিত্তিত হস্তক্ষেপ কৰি এখন স্থায়ী কাঠ অথবা পকী দলং নিৰ্মাণৰ ব্যৱস্থা গ্ৰহণ কৰিবলৈ আহ্বান জনাইছে।

Post by Bitopan Rajbongshi