ନୟାଗଡ଼ ଜିଲ୍ଲା ପୁଣି ଥରେ ରକ୍ତରଞ୍ଜିତ ହୋଇଛି, ଯେଉଁଠାରେ ଗଣିଆ ଅଞ୍ଚଳରେ ଏକ ଗୁଳିକାଣ୍ଡ ଘଟିଛି। ଏହି ଘଟଣାରେ ଜଣେ ବ୍ୟକ୍ତିଙ୍କୁ ଗୁଳି ମାଡ଼ କରାଯାଇଛି ଏବଂ ଅପରାଧୀମାନେ ଗୁଳି ଚଳାଇ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଏହି ଗୁଳିକାଣ୍ଡ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡ଼ିଥିବା ପ୍ରମାଣିତ କରୁଛି।

ତିଖିରି ପଞ୍ଚାୟତର ସରପଞ୍ଚ ଚାମେଲି ଓଝା ନ୍ୟାୟ ଦାବି କରି ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି। ସେ ଏହି ମାମଲାରେ ଏକ ନିରପେକ୍ଷ ଉଚ୍ଚ ସ୍ତରୀୟ କେନ୍ଦ୍ରୀୟ କିମ୍ୱା ନ୍ୟାୟିକ ତଦନ୍ତ ପାଇଁ ଦାବି କରିଛନ୍ତି।

ମୟୂରଭଞ୍ଜ ଜିଲ୍ଳା ଦିବ୍ୟାଙ୍ଗ ଓ ସାମାଜିକ ସୁରକ୍ଷା ଭତ୍ତା ମହାସଂଘ ପକ୍ଷରୁ ବାରିପଦାରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଛି। ଏହି ସମ୍ମିଳନୀରେ ଅରୁଣ କୁମାର ବେହେରା ନିଜର ପ୍ରତିକ୍ରିୟା ପ୍ରକାଶ କରିଛନ୍ତି।

ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଜୁନ୍ ୧୯ ଓ ୨୦ ତାରିଖରେ ମୟୂରଭଞ୍ଜ ଜିଲ୍ଲା ଗସ୍ତରେ ଆସୁଛନ୍ତି। ଏହି ହାଇ-ପ୍ରୋଫାଇଲ୍ ଗସ୍ତକୁ ନେଇ ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ କଡ଼ାକଡ଼ି ସୁରକ୍ଷା ବ୍ୟବସ୍ଥା କରାଯାଇଛି। ଏହି ଗସ୍ତ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି। ସୁରକ୍ଷାଗତ କାରଣରୁ ଜୁନ୍ ୨୦ ତାରିଖରେ ଉଭୟ ଭିଭିଆଇପିଙ୍କ ପାହାଡ଼ପୁର ଗସ୍ତ ସମୟରେ ସେଠାକୁ ଗଣମାଧ୍ୟମ ପ୍ରତିନିଧିମାନଙ୍କ ପ୍ରବେଶ ଉପରେ କଟକଣା ଜାରି କରାଯାଇଛି। ଏହି ପ୍ରସଙ୍ଗରେ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ମଙ୍ଗଳବାର ସନ୍ଧ୍ୟା ପ୍ରାୟ ୬ ଟାରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀଙ୍କ ଜରିଆରେ ସମସ୍ତ ଗଣମାଧ୍ୟମ ପ୍ରତିନିଧିମାନଙ୍କୁ ପୂର୍ବରୁ ଚିଠି ମାଧ୍ୟମରେ ସୂଚିତ କରାଯାଇଛି। ସୁରକ୍ଷା ବ୍ୟବସ୍ଥାରେ ଯେପରି କୌଣସି ତ୍ରୁଟି ନରୁହେ, ସେଥିପାଇଁ ପୋଲିସ ଓ ପ୍ରଶାସନ ପକ୍ଷରୁ ସାମ୍ବାଦିକ ବନ୍ଧୁମାନଙ୍କ ସହଯୋଗ କାମନା କରାଯାଇଛି।

ଓଡ଼ିଶା ଡ୍ରାଇଭର ମହାସଂଘ ପୁଣିଥରେ ମାନବିକତା ଓ ଭାଇଚାରାର ଏକ ମହାନ ଉଦାହରଣ ସୃଷ୍ଟି କରିଛି। ବାଲେଶ୍ୱର ଜିଲ୍ଲା ରେମୁଣା ବ୍ଲକ ଶାଖା ଅନ୍ତର୍ଗତ ରେମୁଣା ପଞ୍ଚାୟତର ବୃତ୍ତିଗତ ଡ୍ରାଇଭର ଦିଲ୍ଲୀପ ବାରିକ ଦୀର୍ଘଦିନ ଧରି ଅସୁସ୍ଥ ରହିବା ପରେ ଗତ ୫ ଜୁନ୍ ୨୦୨୬ ରେ ତାଙ୍କର ଦେହାନ୍ତ ଘଟିଥିଲା। ପରିବାର ଓ ଜ୍ଞାତି-କୁଟୁମ୍ବଙ୍କ ଠାରୁ ସହଯୋଗ ନ ମିଳିଥିବା ବେଳେ ଓଡ଼ିଶା ଡ୍ରାଇଭର ମହାସଂଘର ସଦସ୍ୟମାନେ ଦିଲ୍ଲୀପ ବାରିକଙ୍କ ପରିବାର ସହ ଛିଡ଼ା ହୋଇଥିଲେ। ମହାସଂଘର ରେମୁଣା ଶାଖାର ସଦସ୍ୟମାନେ ନିଜସ୍ୱ ଅର୍ଥ ବ୍ୟୟ କରି ମୃତ ଦିଲ୍ଲୀପ ବାରିକଙ୍କ ଶବଦାହ ଠାରୁ ଆରମ୍ଭ କରି ଶୁଦ୍ଧିକ୍ରିୟା ପର୍ଯ୍ୟନ୍ତ ସମସ୍ତ କାର୍ଯ୍ୟ ସମ୍ପନ୍ନ କରିଥିଲେ। ଏକାଦଶାହ ଦିନ ଏକ କ୍ୟାଣ୍ଡେଲ ଶୋଭାଯାତ୍ରା ଆୟୋଜନ କରାଯାଇ ମୃତ ଆତ୍ମାର ସଦଗତି କାମନା କରାଯାଇଥିଲା। ଏହାସହ, ମହାସଂଘର ସଦସ୍ୟ ହୋଇଥିବାରୁ ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ମୃତ ଦିଲ୍ଲୀପ ବାରିକଙ୍କ ସହଧର୍ମିଣୀ ହୀରାବତୀ ସିଂଙ୍କୁ ₹୩୦,୦୦୦ ଟଙ୍କାର ସହାୟତା ରାଶି ଏକ ଚେକ୍ ମାଧ୍ୟମରେ ପ୍ରଦାନ କରାଯାଇଥିଲା। ଏହି ମହତ କାର୍ଯ୍ୟରେ ଜିଲ୍ଲା କୋଷାଧ୍ୟକ୍ଷ ତଥା ରେମୁଣା ବ୍ଲକ ସଭାପତି ଅଶ୍ୱିନୀ କୁମାର ସ୍ୱାଇଁ ନେତୃତ୍ୱ ନେଇଥିବା ବେଳେ ଜିଲ୍ଲା ସମ୍ପାଦକ ଦିଲ୍ଲୀପ କୁମାର ବାରିକଙ୍କ ସହ ସଦର, ବାଲିଆପାଳ ଓ ବାହାନଗା ବ୍ଲକର ସଦସ୍ୟମାନେ ଉପସ୍ଥିତ ଥିଲେ। ରେମୁଣା ବ୍ଲକ ଉପସଭାପତି ବଳରାମ ବେହେରା, ସମ୍ପାଦକ ମେହେବୁବ ଖାନ, ସହ-ସମ୍ପାଦକ ପ୍ରଭାକର ବେହେରା, କୋଷାଧ୍ୟକ୍ଷ ରମାକାନ୍ତ ଶିଅଳ, ଏଡମିନ ନିରଞ୍ଜନ ଦାସ, ଓ ସିଦ୍ଧେଶ୍ୱର ନନ୍ଦୀ ପ୍ରମୁଖ ମଧ୍ୟ ଏହି କାର୍ଯ୍ୟରେ ସହଯୋଗ କରି ଡ୍ରାଇଭର ଭାଇମାନଙ୍କ ପାଇଁ ମାନବିକତାର ଏକ ଦୃଷ୍ଟାନ୍ତ ସୃଷ୍ଟି କରିଥିଲେ।

କରଞ୍ଜିଆ ଥାନା ଅନ୍ତର୍ଗତ ଅଙ୍କୁରା ଗ୍ରାମରେ ଘଟିଥିବା ସୁନା ଚୋରି ଘଟଣାର ପର୍ଦ୍ଦାଫାଶ ହୋଇଛି। ଏହି ମାମଲାରେ ପୋଲିସ ଦୁଇଜଣ ଅଭିଯୁକ୍ତଙ୍କୁ ଗିରଫ କରିବା ସହ ଚୋରି ହୋଇଥିବା ସୁନା ଚେନ୍ ମଧ୍ୟ ଉଦ୍ଧାର କରିଛି।

ପ୍ରେମିକାଙ୍କ ଅନ୍ତରଙ୍ଗ ମୁହୂର୍ତ୍ତର ଫଟୋ ଓ ଭିଡିଓ ଭାଇରାଲ୍ କରିବା ଅଭିଯୋଗରେ ଜଣେ ପ୍ରେମିକକୁ ଗିରଫ କରାଯାଇଛି। ପ୍ରେମିକା ନିଜର ଟଙ୍କା ଓ ସୁନା ଫେରାଇବାକୁ ଦାବି କରିବା ପରେ ପ୍ରେମିକ ଏପରି କାଣ୍ଡ ଭିଆଇଥିଲା। ଏହି ଘଟଣାରେ ସାଇବର ଥାନାରେ ଏକ ଜିରୋ ଏଫଆଇଆର ପଞ୍ଜିକୃତ ହେବା ପରେ ବଡ଼ଗଡ଼ ଥାନା ପୋଲିସ ଅଭିଯୁକ୍ତ ପ୍ରେମିକକୁ ଗିରଫ କରିଛି।

new song... 👌🙏💐👌w🙏public. mata rastapajarahatha..... Hindi songs 🌹🙏