କର୍ମଚାରୀଙ୍କ ପାଇଁ ବଡ଼ ଖବର: ପିଏଫ୍ କଟାଯିବାର ସର୍ବୋଚ୍ଚ ଦରମା ସୀମା ୨୫,୦୦୦ ଟଙ୍କାକୁ ବୃଦ୍ଧି; ୫୧ ଲକ୍ଷରୁ ଅଧିକ ହେବେ ଉପକୃତ। କର୍ମଚାରୀଙ୍କ ପାଇଁ ବଡ଼ ଖବର: ପିଏଫ୍ କଟାଯିବାର ସର୍ବୋଚ୍ଚ ଦରମା ସୀମା ୨୫,୦୦୦ ଟଙ୍କାକୁ ବୃଦ୍ଧି; ୫୧ ଲକ୍ଷରୁ ଅଧିକ ହେବେ ଉପକୃତ। ନୂଆଦିଲ୍ଲୀ : ଦେଶର କୋଟି କୋଟି ଶ୍ରମିକ ଓ ଚାକିରିଆଙ୍କ ପାଇଁ କେନ୍ଦ୍ର ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି। ପ୍ରୋଭିଡେଣ୍ଟ ଫଣ୍ଡ (PF) କଟାଯିବା ପାଇଁ ଥିବା ମାସିକ ସର୍ବୋଚ୍ଚ ଦରମା ସୀମା (Salary Ceiling) କୁ ବୃଦ୍ଧି କରାଯାଇଛି। ପୂର୍ବରୁ ଏହି ସୀମା ୧୫,୦୦୦ ଟଙ୍କା ଥିବା ବେଳେ ଏବେ ଏହାକୁ ୨୫,୦୦୦ ଟଙ୍କାକୁ ବୃଦ୍ଧି କରାଯାଇଛି। କେନ୍ଦ୍ର କ୍ୟାବିନେଟ୍ ବୈଠକରେ ଏହି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ମଞ୍ଜୁରୀ ମିଳିଛି ବୋଲି କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ସୂଚନା ଦେଇଛନ୍ତି।ସରକାରଙ୍କ ଏହି ଐତିହାସିକ ନିଷ୍ପତ୍ତି ଫଳରେ ଦେଶର ପ୍ରାୟ ୫୧ ଲକ୍ଷରୁ ଅଧିକ କର୍ମଚାରୀ ସିଧାସଳଖ ଉପକୃତ ହେବେ। ବିଶେଷ କରି ଯେଉଁମାନଙ୍କର ମାସିକ ଦରମା ୧୫,୦୦୦ ରୁ ୨୫,୦୦୦ ଟଙ୍କା ମଧ୍ୟରେ ରହିଛି, ସେମାନେ ଏବେ ସଂଶୋଧିତ ପିଏଫ୍ ନିୟମ ଅଧୀନକୁ ଆସିବେ। ଏହି ନୂତନ ବ୍ୟବସ୍ଥାକୁ ଚଳିତ ବର୍ଷର ବିଶ୍ୱକର୍ମା ଜୟନ୍ତୀ ଅର୍ଥାତ୍ ସେପ୍ଟେମ୍ବର ୧୭ ତାରିଖରୁ ଲାଗୁ କରାଯାଉଛି ।କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଗଣମାଧ୍ୟମକୁ କହିଛନ୍ତି ଯେ, ଶ୍ରମିକ ଓ କର୍ମଚାରୀମାନଙ୍କର ସାମାଜିକ ସୁରକ୍ଷା ବ୍ୟବସ୍ଥାକୁ ଅଧିକ ବ୍ୟାପକ ଏବଂ ସୁଦୃଢ଼ କରିବା ଏହି ପଦକ୍ଷେପର ମୂଳ ଲକ୍ଷ୍ୟ। ଏହା ଦ୍ୱାରା ଅଧିକରୁ ଅଧିକ ଶ୍ରମିକ ଭବିଷ୍ୟନିଧି ପାଣ୍ଠି (EPFO) ପରିସରଭୁକ୍ତ ହୋଇପାରିବେ। କର୍ମଚାରୀ ସଂଗଠନଗୁଡ଼ିକ ପକ୍ଷରୁ ଏହା ଏକ ଦୀର୍ଘଦିନର ଦାବି ଥିଲା, ଯାହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍‌ରେ ଅନୁମୋଦନ କରାଯାଇଛି। ଏହି ନୂଆ ନିୟମ ଲାଗୁ ହେବା ଦ୍ୱାରା କେନ୍ଦ୍ର ସରକାରଙ୍କ ରାଜକୋଷ ଉପରେ ବାର୍ଷିକ ପ୍ରାୟ ୧୧,୩୩୯ କୋଟି ଟଙ୍କାର ବ୍ୟୟଭାର ପଡ଼ିବ ବୋଲି ଆକଳନ କରାଯାଇଛି। ଏହା ପୂର୍ବରୁ ସରକାର ବାର୍ଷିକ ପ୍ରାୟ ୧୦,୨୫୦ କୋଟି ଟଙ୍କାର ବଜେଟ୍ ସହାୟତା ଯୋଗାଇ ଦେଉଥିଲେ। ସେହିପରି ନୂଆ ନିୟମ ଅନୁଯାୟୀ, ନିଯୁକ୍ତିଦାତା ବା କମ୍ପାନୀଗୁଡ଼ିକର ପିଏଫ୍ ଯୋଗଦାନ ମଧ୍ୟ ପ୍ରତି କର୍ମଚାରୀ ପିଛା ପ୍ରାୟ ୬୦0 ଟଙ୍କା ବୃଦ୍ଧି ପାଇବ। ଏହି ନିଷ୍ପତ୍ତି ଦ୍ୱାରା କର୍ମଚାରୀମାନଙ୍କର କେବଳ ପିଏଫ୍ ସଞ୍ଚୟ ବଢ଼ିବ ନାହିଁ, ବରଂ ଅବସର ପରେ ମିଳୁଥିବା ମାସିକ ପେନସନ୍ ଏବଂ ମୃତ୍ୟୁକାଳୀନ ବୀମା (EDLI) ରାଶିରେ ମଧ୍ୟ ବଡ଼ ଧରଣର ବୃଦ୍ଧି ଘଟିବ। ତେବେ ପିଏଫ୍ ବାବଦକୁ ଅଧିକ ଅର୍ଥ କଟିବା ହେତୁ କର୍ମଚାରୀମାନଙ୍କର ହାତକୁ ଆସୁଥିବା ଦରମା (Take-home salary) ସାମାନ୍ୟ କମିଯାଇପାରେ, କିନ୍ତୁ ଭବିଷ୍ୟତ ପାଇଁ ସେମାନଙ୍କର ସଞ୍ଚୟ ପାଣ୍ଠି ବହୁତ ବଡ଼ ହେବ।୨୦୧୪ ମସିହା ପରେ ଅର୍ଥାତ୍ ଦୀର୍ଘ ୧୨ ବର୍ଷ ପରେ ସରକାର ପିଏଫ୍ ସୀମାରେ ଏଭଳି ପରିବର୍ତ୍ତନ କରିଥିବାରୁ ଶ୍ରମିକ ମହଲରେ ଖୁସିର ଲହରୀ ଖେଳିଯାଇଛି।

User9947

Social worker ନୂଆଗାଁ, ଗଞ୍ଜାମ, ଓଡ଼ିଶା•

3 hrs ago

କର୍ମଚାରୀଙ୍କ ପାଇଁ ବଡ଼ ଖବର: ପିଏଫ୍ କଟାଯିବାର ସର୍ବୋଚ୍ଚ ଦରମା ସୀମା ୨୫,୦୦୦ ଟଙ୍କାକୁ ବୃଦ୍ଧି; ୫୧ ଲକ୍ଷରୁ ଅଧିକ ହେବେ ଉପକୃତ। କର୍ମଚାରୀଙ୍କ ପାଇଁ ବଡ଼ ଖବର: ପିଏଫ୍ କଟାଯିବାର ସର୍ବୋଚ୍ଚ ଦରମା ସୀମା ୨୫,୦୦୦ ଟଙ୍କାକୁ ବୃଦ୍ଧି; ୫୧ ଲକ୍ଷରୁ ଅଧିକ ହେବେ ଉପକୃତ। ନୂଆଦିଲ୍ଲୀ : ଦେଶର କୋଟି କୋଟି ଶ୍ରମିକ ଓ ଚାକିରିଆଙ୍କ ପାଇଁ କେନ୍ଦ୍ର ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି। ପ୍ରୋଭିଡେଣ୍ଟ ଫଣ୍ଡ (PF) କଟାଯିବା ପାଇଁ ଥିବା ମାସିକ ସର୍ବୋଚ୍ଚ ଦରମା ସୀମା (Salary Ceiling) କୁ ବୃଦ୍ଧି କରାଯାଇଛି। ପୂର୍ବରୁ ଏହି ସୀମା ୧୫,୦୦୦ ଟଙ୍କା ଥିବା ବେଳେ ଏବେ ଏହାକୁ ୨୫,୦୦୦ ଟଙ୍କାକୁ ବୃଦ୍ଧି କରାଯାଇଛି। କେନ୍ଦ୍ର କ୍ୟାବିନେଟ୍ ବୈଠକରେ ଏହି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ମଞ୍ଜୁରୀ ମିଳିଛି ବୋଲି କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ସୂଚନା ଦେଇଛନ୍ତି।ସରକାରଙ୍କ ଏହି ଐତିହାସିକ ନିଷ୍ପତ୍ତି ଫଳରେ ଦେଶର ପ୍ରାୟ ୫୧ ଲକ୍ଷରୁ ଅଧିକ କର୍ମଚାରୀ ସିଧାସଳଖ ଉପକୃତ ହେବେ। ବିଶେଷ କରି ଯେଉଁମାନଙ୍କର ମାସିକ ଦରମା ୧୫,୦୦୦ ରୁ ୨୫,୦୦୦ ଟଙ୍କା ମଧ୍ୟରେ ରହିଛି, ସେମାନେ ଏବେ ସଂଶୋଧିତ ପିଏଫ୍ ନିୟମ ଅଧୀନକୁ ଆସିବେ। ଏହି ନୂତନ ବ୍ୟବସ୍ଥାକୁ ଚଳିତ ବର୍ଷର ବିଶ୍ୱକର୍ମା ଜୟନ୍ତୀ ଅର୍ଥାତ୍ ସେପ୍ଟେମ୍ବର ୧୭ ତାରିଖରୁ ଲାଗୁ କରାଯାଉଛି ।କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଗଣମାଧ୍ୟମକୁ କହିଛନ୍ତି ଯେ, ଶ୍ରମିକ ଓ କର୍ମଚାରୀମାନଙ୍କର ସାମାଜିକ ସୁରକ୍ଷା ବ୍ୟବସ୍ଥାକୁ ଅଧିକ ବ୍ୟାପକ ଏବଂ ସୁଦୃଢ଼ କରିବା ଏହି ପଦକ୍ଷେପର ମୂଳ ଲକ୍ଷ୍ୟ। ଏହା ଦ୍ୱାରା ଅଧିକରୁ ଅଧିକ ଶ୍ରମିକ ଭବିଷ୍ୟନିଧି ପାଣ୍ଠି (EPFO) ପରିସରଭୁକ୍ତ ହୋଇପାରିବେ। କର୍ମଚାରୀ ସଂଗଠନଗୁଡ଼ିକ ପକ୍ଷରୁ ଏହା ଏକ ଦୀର୍ଘଦିନର ଦାବି ଥିଲା, ଯାହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍‌ରେ ଅନୁମୋଦନ କରାଯାଇଛି। ଏହି ନୂଆ ନିୟମ ଲାଗୁ ହେବା ଦ୍ୱାରା କେନ୍ଦ୍ର ସରକାରଙ୍କ ରାଜକୋଷ ଉପରେ ବାର୍ଷିକ ପ୍ରାୟ ୧୧,୩୩୯ କୋଟି ଟଙ୍କାର ବ୍ୟୟଭାର ପଡ଼ିବ ବୋଲି ଆକଳନ କରାଯାଇଛି। ଏହା ପୂର୍ବରୁ ସରକାର ବାର୍ଷିକ ପ୍ରାୟ ୧୦,୨୫୦ କୋଟି ଟଙ୍କାର ବଜେଟ୍ ସହାୟତା ଯୋଗାଇ ଦେଉଥିଲେ। ସେହିପରି ନୂଆ ନିୟମ ଅନୁଯାୟୀ, ନିଯୁକ୍ତିଦାତା ବା କମ୍ପାନୀଗୁଡ଼ିକର ପିଏଫ୍ ଯୋଗଦାନ ମଧ୍ୟ ପ୍ରତି କର୍ମଚାରୀ ପିଛା ପ୍ରାୟ ୬୦0 ଟଙ୍କା ବୃଦ୍ଧି ପାଇବ। ଏହି ନିଷ୍ପତ୍ତି ଦ୍ୱାରା କର୍ମଚାରୀମାନଙ୍କର କେବଳ ପିଏଫ୍ ସଞ୍ଚୟ ବଢ଼ିବ ନାହିଁ, ବରଂ ଅବସର ପରେ ମିଳୁଥିବା ମାସିକ ପେନସନ୍ ଏବଂ ମୃତ୍ୟୁକାଳୀନ ବୀମା (EDLI) ରାଶିରେ ମଧ୍ୟ ବଡ଼ ଧରଣର ବୃଦ୍ଧି ଘଟିବ। ତେବେ ପିଏଫ୍ ବାବଦକୁ ଅଧିକ ଅର୍ଥ କଟିବା ହେତୁ କର୍ମଚାରୀମାନଙ୍କର ହାତକୁ ଆସୁଥିବା ଦରମା (Take-home salary) ସାମାନ୍ୟ କମିଯାଇପାରେ, କିନ୍ତୁ ଭବିଷ୍ୟତ ପାଇଁ ସେମାନଙ୍କର ସଞ୍ଚୟ ପାଣ୍ଠି ବହୁତ ବଡ଼ ହେବ।୨୦୧୪ ମସିହା ପରେ ଅର୍ଥାତ୍ ଦୀର୍ଘ ୧୨ ବର୍ଷ ପରେ ସରକାର ପିଏଫ୍ ସୀମାରେ ଏଭଳି ପରିବର୍ତ୍ତନ କରିଥିବାରୁ ଶ୍ରମିକ ମହଲରେ ଖୁସିର ଲହରୀ ଖେଳିଯାଇଛି।