విజయనగరం జిల్లా బాడంగి పోలీసు స్టేషన్‌ను జిల్లా ఎస్పీ ఎ.ఆర్. దామోదర్ ఆకస్మికంగా సందర్శించారు. ఈ సందర్భంగా స్టేషన్ పరిసరాలు, రికార్డులు, కేసుల పురోగతిని ఆయన పరిశీలించారు. ప్రజలకు నాణ్యమైన, వేగవంతమైన పోలీసు సేవలు అందేలా ప్రతి పోలీసు అధికారి బాధ్యతతో పనిచేయాలని, పోలీసు సేవలతో ప్రజలకు భరోసా కల్పించాలని ఆయన సూచించారు. పోలీసు స్టేషన్‌కు వచ్చే ప్రతి బాధితుడితో మర్యాదపూర్వకంగా, సానుభూతితో వ్యవహరించాలని, నేరస్థుల పట్ల మాత్రం కఠినంగా వ్యవహరించాలని ఎస్పీ అధికారులను ఆదేశించారు. గ్రామాల్లో క్షేత్రస్థాయిలో పర్యటిస్తూ ప్రజలతో మమేకమై మహిళల భద్రత, సైబర్ నేరాల నివారణ, హెల్మెట్ వినియోగం, రహదారి భద్రత వంటి అంశాలపై అవగాహన కల్పించాలని సూచించారు. స్మార్ట్ పోలీసింగ్ విధానాలను సమర్థంగా అమలు చేస్తూ అందుబాటులో ఉన్న సాంకేతికతను వినియోగించాలని, పోలీసు స్టేషన్ పరిధిలో మరిన్ని సీసీ కెమెరాలను ఏర్పాటు చేయాలని పేర్కొన్నారు. అనంతరం స్టేషన్‌లో దర్యాప్తులో ఉన్న వివిధ కేసుల కేసు డైరీలు, రౌడీ షీట్లు, ఇతర రికార్డులను పరిశీలించిన ఎస్పీ, దర్యాప్తును వేగవంతంగా పూర్తి చేసి చట్టపరమైన చర్యలు త్వరితగతిన చేపట్టాలని ఆదేశించారు. ఈ ఆకస్మిక తనిఖీల్లో బొబ్బిలి డీఎస్పీ ఆర్. గోవిందరావు, బాడంగి ఎస్సై సూర్యకుమారి, ఇతర పోలీసు అధికారులు, సిబ్బంది పాల్గొన్నారు.

Giridhar singh

Real Estate Agent విజయనగరం, విజయనగరం, ఆంధ్రప్రదేశ్•

1 hr ago

విజయనగరం జిల్లా బాడంగి పోలీసు స్టేషన్‌ను జిల్లా ఎస్పీ ఎ.ఆర్. దామోదర్ ఆకస్మికంగా సందర్శించారు. ఈ సందర్భంగా స్టేషన్ పరిసరాలు, రికార్డులు, కేసుల పురోగతిని ఆయన పరిశీలించారు. ప్రజలకు నాణ్యమైన, వేగవంతమైన పోలీసు సేవలు అందేలా ప్రతి పోలీసు అధికారి బాధ్యతతో పనిచేయాలని, పోలీసు సేవలతో ప్రజలకు భరోసా కల్పించాలని ఆయన సూచించారు. పోలీసు స్టేషన్‌కు వచ్చే ప్రతి బాధితుడితో మర్యాదపూర్వకంగా,

సానుభూతితో వ్యవహరించాలని, నేరస్థుల పట్ల మాత్రం కఠినంగా వ్యవహరించాలని ఎస్పీ అధికారులను ఆదేశించారు. గ్రామాల్లో క్షేత్రస్థాయిలో పర్యటిస్తూ ప్రజలతో మమేకమై మహిళల భద్రత, సైబర్ నేరాల నివారణ, హెల్మెట్ వినియోగం, రహదారి భద్రత వంటి అంశాలపై అవగాహన కల్పించాలని సూచించారు. స్మార్ట్ పోలీసింగ్ విధానాలను సమర్థంగా అమలు చేస్తూ అందుబాటులో ఉన్న సాంకేతికతను వినియోగించాలని, పోలీసు స్టేషన్ పరిధిలో మరిన్ని

సీసీ కెమెరాలను ఏర్పాటు చేయాలని పేర్కొన్నారు. అనంతరం స్టేషన్‌లో దర్యాప్తులో ఉన్న వివిధ కేసుల కేసు డైరీలు, రౌడీ షీట్లు, ఇతర రికార్డులను పరిశీలించిన ఎస్పీ, దర్యాప్తును వేగవంతంగా పూర్తి చేసి చట్టపరమైన చర్యలు త్వరితగతిన చేపట్టాలని ఆదేశించారు. ఈ ఆకస్మిక తనిఖీల్లో బొబ్బిలి డీఎస్పీ ఆర్. గోవిందరావు, బాడంగి ఎస్సై సూర్యకుమారి, ఇతర పోలీసు అధికారులు, సిబ్బంది పాల్గొన్నారు.