डॉ. बाबासाहेब आंबेडकरांबद्दल आक्षेपार्ह वक्तव्य करणाऱ्याला अटक; चिथावणीखोर समर्थकांवरही कारवाईची मागणी बोईसर परिसरात, भारतीय राज्यघटनेचे शिल्पकार डॉ. बाबासाहेब आंबेडकर आणि संविधानाबाबत फेसबुकच्या माध्यमातून अत्यंत खालच्या पातळीवर जाऊन आक्षेपार्ह वक्तव्य करणाऱ्या आरोपीला बोईसर पोलिसांनी बेड्या ठोकल्या आहेत. या घटनेमुळे आंबेडकरी अनुयायांमध्ये संतापाचा उद्रेक झाला असून, चिथावणी देणाऱ्या पडद्यामागच्या सूत्रधारांचा आणि सोशल मीडियावर त्याला पाठिंबा देणाऱ्या समर्थकांचा शोध घेऊन त्यांच्यावरही गुन्हे दाखल करण्याची मागणी जोर धरत आहे. ६ तास बोईसर पोलीस ठाण्याला वेढा फेसबुकवर प्रसारित झालेला तो प्रक्षोभक व्हिडिओ निदर्शनास येताच, काल सायंकाळी ६ वाजेपासूनच आंबेडकरी अनुयायी, कार्यकर्ते आणि राजकीय पदाधिकाऱ्यांनी बोईसर पोलीस ठाण्याबाहेर मोठी गर्दी केली होती. रात्री १० वाजेपर्यंत, म्हणजेच तब्बल ६ तास हा तणाव कायम होता. परिस्थिती हाताबाहेर जाऊ नये आणि कायदा-सुव्यवस्थेचा प्रश्न निर्माण होऊ नये म्हणून पालघर जिल्ह्यातील विविध पोलीस ठाण्यांमधून अतिरिक्त पोलीस ताफा बोईसरमध्ये पाचारण करण्यात आला होता. पडद्यामागचा सूत्रधार कोण? अनुयायांचा संतप्त सवाल "एवढ्या खालच्या थराला जाऊन सर्वांच्या भावना दुखावणारे वक्तव्य करण्यासाठी या आरोपीला कोणी प्रवृत्त केले? त्याला ही हिंमत कोठून आली?" असा संतप्त सवाल अनुयायांनी उपस्थित केला. केवळ आरोपीवरच नाही, तर त्याच्या सोशल मीडिया पोस्टवर आक्षेपार्ह कमेंट्स करणाऱ्या आणि ती पोस्ट लाईक करून त्याला प्रोत्साहन देणाऱ्या प्रवृत्तींवरही गुन्हे दाखल करून त्यांना अद्दल घडवावी, अशी आक्रमक मागणी अनुयायांनी लावून धरली. अशा विकृत व्यक्तीची परिसरातून भरदिवसा धिंड काढण्यात यावी, जेणेकरून भविष्यात अशा कृत्याची पुनरावृत्ती होणार नाही, असा संदेश देण्याची मागणीही यावेळी करण्यात आली. वरिष्ठ पोलीस अधिकाऱ्यांची मध्यस्थी घटनेचे गांभीर्य ओळखून उपविभागीय पोलीस अधिकारी विकास नाईक यांनी स्वतः या प्रकरणाचा तपास 'आयओ' म्हणून आपल्या हाती घेतला आहे. तसेच, उप अधीक्षक नरळे यांनीही घटनास्थळी उपस्थित राहून परिस्थिती नियंत्रणात ठेवली. "आरोपीला अटक करण्यात आली असून कायद्यानुसार कठोर कारवाई केली जाईल," असे आश्वासन त्यांनी संतप्त जमावाला दिले. ६ तासांच्या तणावानंतर अखेर गुन्हा नोंदवण्याची प्रक्रिया पूर्ण झाली. सध्या परिसरात चोख पोलीस बंदोबस्त तैनात असून, पोलीस आता या आरोपीच्या सोशल मीडिया हालचालींची आणि त्याला फूस लावणाऱ्या संशयितांची चौकशी करत असल्याचे पोलिसांकडून सांगितले जात आहे.

अमोल काळे

Newspaper advertising department पालघर, पालघर, महाराष्ट्र•

3 hrs ago

डॉ. बाबासाहेब आंबेडकरांबद्दल आक्षेपार्ह वक्तव्य करणाऱ्याला अटक; चिथावणीखोर समर्थकांवरही कारवाईची मागणी बोईसर परिसरात, भारतीय राज्यघटनेचे शिल्पकार डॉ. बाबासाहेब आंबेडकर आणि संविधानाबाबत फेसबुकच्या माध्यमातून अत्यंत खालच्या पातळीवर जाऊन आक्षेपार्ह वक्तव्य करणाऱ्या आरोपीला बोईसर पोलिसांनी बेड्या ठोकल्या आहेत. या घटनेमुळे आंबेडकरी अनुयायांमध्ये संतापाचा उद्रेक झाला असून, चिथावणी देणाऱ्या पडद्यामागच्या सूत्रधारांचा आणि सोशल मीडियावर त्याला पाठिंबा देणाऱ्या समर्थकांचा शोध घेऊन त्यांच्यावरही गुन्हे दाखल करण्याची मागणी जोर धरत आहे. ६ तास बोईसर पोलीस ठाण्याला वेढा फेसबुकवर प्रसारित झालेला तो प्रक्षोभक व्हिडिओ निदर्शनास येताच, काल सायंकाळी ६ वाजेपासूनच आंबेडकरी अनुयायी, कार्यकर्ते आणि राजकीय पदाधिकाऱ्यांनी बोईसर पोलीस ठाण्याबाहेर मोठी गर्दी केली होती. रात्री १० वाजेपर्यंत, म्हणजेच तब्बल ६ तास हा तणाव कायम होता. परिस्थिती हाताबाहेर जाऊ नये आणि कायदा-सुव्यवस्थेचा प्रश्न निर्माण होऊ नये म्हणून पालघर जिल्ह्यातील विविध पोलीस ठाण्यांमधून अतिरिक्त पोलीस ताफा बोईसरमध्ये पाचारण करण्यात आला होता. पडद्यामागचा सूत्रधार कोण? अनुयायांचा संतप्त सवाल "एवढ्या खालच्या थराला जाऊन सर्वांच्या भावना दुखावणारे वक्तव्य करण्यासाठी या आरोपीला कोणी प्रवृत्त केले? त्याला ही हिंमत कोठून आली?" असा संतप्त सवाल अनुयायांनी उपस्थित केला. केवळ आरोपीवरच नाही, तर त्याच्या सोशल मीडिया पोस्टवर आक्षेपार्ह कमेंट्स करणाऱ्या आणि ती पोस्ट लाईक करून त्याला प्रोत्साहन देणाऱ्या प्रवृत्तींवरही गुन्हे दाखल करून त्यांना अद्दल घडवावी, अशी आक्रमक मागणी अनुयायांनी लावून धरली. अशा विकृत व्यक्तीची परिसरातून भरदिवसा धिंड काढण्यात यावी, जेणेकरून भविष्यात अशा कृत्याची पुनरावृत्ती होणार नाही, असा संदेश देण्याची मागणीही यावेळी करण्यात आली. वरिष्ठ पोलीस अधिकाऱ्यांची मध्यस्थी घटनेचे गांभीर्य ओळखून उपविभागीय पोलीस अधिकारी विकास नाईक यांनी स्वतः या प्रकरणाचा तपास 'आयओ' म्हणून आपल्या हाती घेतला आहे. तसेच, उप अधीक्षक नरळे यांनीही घटनास्थळी उपस्थित राहून परिस्थिती नियंत्रणात ठेवली. "आरोपीला अटक करण्यात आली असून कायद्यानुसार कठोर कारवाई केली जाईल," असे आश्वासन त्यांनी संतप्त जमावाला दिले. ६ तासांच्या तणावानंतर अखेर गुन्हा नोंदवण्याची प्रक्रिया पूर्ण झाली. सध्या परिसरात चोख पोलीस बंदोबस्त तैनात असून, पोलीस आता या आरोपीच्या सोशल मीडिया हालचालींची आणि त्याला फूस लावणाऱ्या संशयितांची चौकशी करत असल्याचे पोलिसांकडून सांगितले जात आहे.