వ్యవసాయ మార్కెట్ లో పనిచేసే హమాలీల కూలీల సమస్యల పరిష్కరించాలి.. సిఐటియు జిల్లా ఉపాధ్యక్షులు కుమ్మరి కుంట్ల నాగన్న.. మార్కెట్ సెక్రెటరీ పలు డిమాండ్లతో కూడిన సిఐటియు వినతి. వ్యవసాయ మార్కెట్ లో పనిచేసే హమాలీల కూలీల సమస్యలను పరిష్కరించాలని సిఐటియు జిల్లా ఉపాధ్యక్షులు కుమ్మరి కుంట్ల నాగన్న డిమాండ్ చేశారు. బుధవారం సిఐటియు అనుబంధ హమాలీ కూలీల సమస్యలు పరిష్కరించాలని వ్యవసాయ మార్కెట్ ఆఫీసు ముందు ధర్నా నిర్వహించడం జరిగింది ఈ ధర్నాని ఉద్దేశించి సిఐటియు జిల్లా ఉపాధ్యక్షులు కుమ్మరి కుంట్ల నాగన్న మాట్లాడుతూ వ్యవసాయ మార్కెట్లో పనిచేసే హమాలీలు కూలీలకు మంచినీటి సౌకర్యం కల్పించాలని విశ్రాంతి గత ఏర్పాటు చేయాలని మరుగుదొడ్ల సౌకర్యం కల్పించాలని లైసెన్స్ ఉన్న ప్రతి హమాలీ కూలీలకు మార్కెట్ వారే ఇన్సూరెన్స్ సౌకర్యం కల్పించాలని ఈఎస్ఐ పీఎఫ్ సౌకర్యం కల్పించాలని 50 సంవత్సరాలు దాటిన హమాలీ కూలీకి నెలకు 6000 రూపాయలు చొప్పున పెన్షన్ సౌకర్యాలు కల్పించాలని ఇల్లు లేని నిరుపేదలకు ఇల్లు ఇళ్ల స్థలాలు ఇవ్వాలని మార్కెట్లో పనిచేస్తున్న సందర్భంగా ప్రమాదం జరుగుతే వారికి ప్రభుత్వమే 25 లక్షల నష్టపరిహారం ఇవ్వాలని పనిలేని సందర్భంలో పనులు కల్పించాల్సిన బాధ్యత మార్కెట్ అధికారులు తీసుకోవాలని ఆయన అన్నారు. కాంగ్రెస్ ప్రభుత్వం అధికారంలో రాకముందు హమాలీలకు కూలీలకు అనేక హామీలు ఇవ్వడం జరిగింది. ఇచ్చిన హామీలను ఇప్పటికి 30 నెలలైనా ఇప్పటివరకు ఏ ఒక్క హామీని కూడా పరిష్కరించలేదు ఇప్పటికైనా తక్షణమే పరిష్కరించాలని లేనియెడల రేపు రాబోయే కాలంలో పెద్ద ఎత్తున ఆందోళన పోరాటం చేస్తామని హెచ్చరించారు. అనంతరం మార్కెట్ సెక్రటరీ వేముల వెంకటేశ్వర్లు కు సమస్యలతో కూడిన వినతి పత్రం అందజేశారు. ఈ కార్యక్రమంలో బాలు హరి లచ్చు కాంతి మన్ని శిరీష రాణి విజయ మంగ బద్రి జ్యోతి సరోజ సునీత శ్రీను సుభద్ర అనురాధ సుక్కి ధన సుభద్ర అనిత కాంతి బుజ్జి సునీత కళ్యాణి సంధ్య మణి పద్మ ఝాన్సీ రంగి భవాని తదితరులు పాల్గొన్నారు.

* చిన్న గూడూరులో హాస్టలను సందర్శించిన : మాజీ మంత్రి సత్యవతి రాథోడ్... *చిన్నగూడూరులో మాజీ మంత్రి సత్యవతి రాథోడ్ పర్యటన.. మహబూబాబాద్ జిల్లా : చిన్నగూడూరు మండల కేంద్రంలోని ఎస్టీ హాస్టల్, కస్తూర్బా గాంధీ బాలికల పాఠశాలను మాజీ మంత్రి సత్యవతి రాథోడ్ సందర్శించారు. ఈ సందర్భంగా విద్యార్థులతో మాట్లాడి వారి సమస్యలను అడిగి తెలుసుకున్నారు. కస్తూర్బా పాఠశాలలో మెనూ ప్రకారం భోజనం అందించకుండా విద్యార్థులకు నీళ్లచారు, అన్నం వడ్డించడంపై ఆమె ఆగ్రహం వ్యక్తం చేశారు. విద్యార్థులకు మెనూ ప్రకారం నాణ్యమైన, పౌష్టికాహారం అందించేలా అధికారులు చర్యలు తీసుకోవాలని సత్యవతి రాథోడ్ కోరారు.

మా అభివృద్ధి నే మమ్మల్నీ గెలిపిస్తుంది :- కాంగ్రెస్ అధిష్టానం నిర్ణయం మేరకు త్వరలో బిసి ముఖ్యమంత్రి కాళ్ళు మీదికి పెట్టి తలకాయ కిందికి తపస్సు చేసిన తెలంగాణ ప్రజలు మళ్ళి మిమ్మలను నమ్మే పరిస్థితి లేదు. ఫేక్ ప్రచారాలతో ప్రజలను మభ్యపెట్టాలని బిఆర్ఎస్ ఎంత ప్రయత్నించిన భూడిదల పోసిన పన్నీరే! @BRSparty మీరు అధికారంలో ఉన్నప్పుడు చేసిన తప్పులను సరిదిద్దుకునేది మర్చిపోయి, ఇప్పుడు ప్రతిరోజూ అబద్ధాలను సోషల్ మీడియాలో వైరల్ చేయడం కాదు రాజకీయం. @KTRBRS మీకు నిజాలు చెప్పే ధైర్యం లేకే ఫేక్ ప్రచారాన్ని ఆశ్రయిస్తున్నారు... ప్రజలను నమ్మించలేకే సోషల్ మీడియాలో ట్రెండ్లు సృష్టిస్తున్నారు. @KonathamDileep BRS నాయకులకు ఒక్కటే చెబుతున్నాం. ఫేక్ న్యూస్‌తో కాదు… ఫ్యాక్ట్స్‌తో రండి. ప్రచారంతో కాదు… ప్రజల మధ్యకు వచ్చి మాట్లాడండి.. మీ పదేళ్ల విధ్వంసం అంత ఈజీగా మరిచిపోలేదు ప్రజలు. @Krishank_BRS తెలంగాణ ప్రజలు ఎవరు ఏం చేశారో చూశారు… ఎవరు ఏం చేస్తున్నారో కూడా చూస్తున్నారు. వాస్తవాలు ప్రజలకు తెలియజేసే ప్రయత్నం చేస్తున్న కి ధన్యవాదములు.

చిన్న గూడూరు మండల కేంద్రంలోని హాస్టల్ లను సందర్శించిన మాజీ మంత్రి సత్యవతి రాథోడ్.. విద్యార్థులకు నాణ్యమైన భోజనం అందిచకపోవడం పట్ల ఆగ్రహం.. మహబూబాబాద్ జిల్లా చిన్న గూడూరు మండల కేంద్రంలోని ప్రభుత్వ హాస్టల్లను మాజీ మంత్రి సత్యవతి రాథోడ్ సందర్శించారు.. స్థానిక ఎస్టీ, కస్తూరిభా హాస్టల్ ల పరిసరాలను పరి శీలించి విద్యార్థులకు అందుతున్న సౌకర్యల పట్ల అసంతృప్తి వ్యక్తం చేశారు.. మెనూ ప్రకారం భోజనం అందించక పోవడం తో పాటు నాణ్యమైన భోజనం విద్యార్థులకు పెట్టకపోవడం పట్ల అగ్రహం వ్యక్తం చేసారు.. హాస్టల్ లో స్వయంగా భోజనం చేసిన మాజీ మంత్రి విద్యార్థులకు నీళ్ళ చారు ఇవ్వడం చూసి చలించి పోయారు.. ప్రభుత్వం పేద విద్యార్థులు చదువుకుంటున్న హాస్టల్ ల పట్ల నిర్లక్ష్యం ను వీడి సరైన వసతులు భోజన సౌకర్యం కలిగించేలా చర్యలు చేపట్టాలని డిమాండ్ చేశారు..

ఓపెన్ కాస్ట్ వల్ల రామప్ప దేవాలయానికి ముప్పు. కాకతీయ హెరిటేజ్ వారి ఆందోళన... తెలంగాణ ప్రాంతంలోని ఉమ్మడి వరంగల్ జిల్లా ములుగు వెంకటాపూర్‌ లో ప్రతిపాదిత సింగరేణి ఓపెన్‌కాస్ట్ మైనింగ్ వల్ల యునెస్కో ప్రపంచ వారసత్వ ప్రదేశమైన రామప్ప దేవాలయం మరియు రామప్ప సరస్సు వారసత్వంపై ప్రభావం చూపుతుందనీ, పలువురు ఆందోళన వ్యక్తం చేస్తున్నారు. యునెస్కో ప్రపంచ వారసత్వ ప్రదేశంగా గుర్తింపు పొందిన కాకతీయ రుద్రేశ్వర (రామప్ప) దేవాలయం వెంకటాపూర్ గ్రామంలో సింగరేణి కాలరీస్ లిమిటెడ్ ప్రతిపాదించిన సుమారు 300 మీటర్ల లోతైన ఓపెన్‌కాస్ట్ గనుల తవ్వకాల వల్ల తీవ్ర ముప్పును ఎదుర్కొంటోంది. ఈ ప్రతిపాదిత గని ప్రాంతం రామప్ప సరస్సు మరియు రామప్ప దేవాలయానికి దిగువ ప్రవాహ దిశలో సుమారు 5 కిలోమీటర్ల దూరంలో ఉంది. ఈ ప్రాంతం భౌగోళికంగా నిర్మాణాత్మకంగా అస్థిరంగా ఉంది. ఈ ప్రాంతం మొత్తం అనేక ప్రధాన, ఉప-భ్రంశాలు (Faults), అలాగే పరస్పరం దాటుకుంటూ వెళ్లే జాయింట్లు (Joints) కలిగి ఉంది. ఇక్కడి భౌగోళిక రేఖల (Lineaments) సాధారణ దిశలు NNW-SSE, E-W మరియు NE-SW గా ఉన్నాయి. అదేవిధంగా, శిలా పొరల వాలు దిశ (Dip Direction) ఈశాన్యం వైపు ఉంది. అనేక జాయింట్లు మరియు పగుళ్లు (Fractures) కూడా ఈ ప్రాంతంలో ఉన్నాయి. రామప్ప సరస్సు నీటి మట్టంపై ప్రభావం రామప్ప సరస్సులోని నీటి మట్టం, శిలా పొరల మధ్య ఉన్న జాయింట్ల ద్వారా భూగర్భజలాలు ప్రవహించే విధానాన్ని ప్రభావితం చేయవచ్చు. ఈ ప్రభావం వెంకటాపూర్ గ్రామంలో ప్రతిపాదించిన 300 మీటర్ల లోతైన ఓపెన్‌కాస్ట్ గని వరకు ఉండే అవకాశం ఉందని GSI నివేదికలో పేర్కొనబడింది. (GSI నివేదిక, పేజీ 22 ఆధారంగా). రామప్ప సరస్సు సుమారు 3 TMC నీటి నిల్వ సామర్థ్యం కలిగి ఉంది. ఇది దాదాపు 30,000 ఎకరాల భూమికి సాగునీరు అందించగలదు. రెండు కొండలను కలుపుతూ నిర్మించిన మట్టి కట్ట (Earthen Bund) ద్వారా ఈ సరస్సు ఏర్పడింది. ఈ సరస్సుకు COT (Cut Off Trench) లేకపోవడం వల్ల, రామప్ప సరస్సుకు దిగువన ప్రతిపాదించిన 300 మీటర్ల లోతైన ఓపెన్‌కాస్ట్ గని కారణంగా ఏర్పడే అధిక హైడ్రాలిక్ గ్రేడియెంట్ వల్ల భూగర్భ జలాల లీకేజీ (Seepage) వేగవంతమయ్యే ప్రమాదం ఉంది. రామప్ప దేవాలయ పునాది నిర్మాణం రామప్ప దేవాలయానికి పునాదిగా Confined Sand Box Framework (పరిమిత ఇసుక పెట్టె పునాది నిర్మాణం) ఉపయోగించారు. రామప్ప సరస్సు మరియు దేవాలయం గుండా వెళ్లే పరస్పరం అనుసంధానమైన భౌగోళిక రేఖల వెంట ఏర్పడే Piping Phenomenon (నీటి ప్రవాహం వల్ల భూగర్భంలో సొరంగం/కాలువల మాదిరి మార్గాలు ఏర్పడే ప్రక్రియ) ఈ Sand Box Framework‌ను ప్రభావితం చేసే అవకాశం ఉందని GSI నివేదిక పేర్కొంది. (GSI నివేదిక, పేజీ 21 ఆధారంగా) పేలుళ్ల వల్ల రామప్ప దేవాలయంపై ప్రభావం నివేదికల ప్రకారం రామప్ప దేవాలయంపై పేలుళ్ల (Blasting) ప్రత్యక్ష ప్రభావం ప్రస్తుతానికి తక్కువగా కనిపిస్తున్నప్పటికీ, దీర్ఘకాలంలో పునరావృతమయ్యే మరియు చక్రీయ కంపనాలు (Periodic & Cyclical Vibrations) దేవాలయంపై ప్రభావం చూపే అవకాశం ఉంది. ముఖ్యంగా దీర్ఘకాలిక కంపనాల వల్ల నిర్మాణంలో Fatigue (బలహీనత/అలసట) ఏర్పడే ప్రమాదం ఉంది. ఇప్పటికే రామప్ప దేవాలయం తీవ్రమైన నిర్మాణ సమస్యలను ఎదుర్కొంటోంది. రంగ మండపంలోని భారీ నేల దూలాల్లో పగుళ్లు (Fracturing) మరియు అసమాన కూర్చివేత (Differential Settlement)కనిపిస్తున్నాయి. కాకతీయులు రామప్ప దేవాలయాన్ని Confined Sand Box Foundation పద్ధతిలో నిర్మించారు. ఇందులో ఇసుకను సరైన సాంద్రతతో (Optimal Density) బిగించి ఉంచారు. ఇసుక ఈ పరిమిత పెట్టెలో సురక్షితంగా ఉన్నంతకాలం, దేవాలయ పై నిర్మాణం యొక్క భారాన్ని ఈ పునాది సమర్థవంతంగా మోయగలదు. ఈ ప్రత్యేక నిర్మాణ పద్ధతి కారణంగానే ఈ స్మారక చిహ్నం 800 సంవత్సరాలకు పైగా నిలిచి ఉంది. అయితే, పేలుళ్ల వల్ల ఏర్పడే కంపనాలు తక్కువ స్థాయిలో ఉన్నప్పటికీ, దీర్ఘకాలంలో దేవాలయ నిర్మాణ స్థిరత్వంపై ప్రతికూల ప్రభావం చూపే అవకాశం ఉంది. ఓపెన్‌కాస్ట్ మైనింగ్ వల్ల తీవ్రమైన ప్రమాదాలు 300 మీటర్ల లోతు వరకు ప్రతిపాదించిన ఓపెన్‌కాస్ట్ గని కారణంగా రామప్ప సరస్సు ప్రాంతంలో ఏర్పడే హైడ్రాలిక్ గ్రాడ్యుయేంట్ అలాగే పేలుళ్ల వల్ల కలిగే కంపనాలు కలిసి రామప్ప దేవాలయ స్థిరత్వంపై తీవ్రమైన ప్రభావాన్ని చూపే అవకాశం ఉంది. ఓపెన్‌కాస్ట్ మైనింగ్ వల్ల: - జీవవైవిధ్యానికి (Biodiversity) తీవ్రమైన నష్టం కలగవచ్చు. - స్థానిక ప్రజల సామాజిక-ఆర్థిక పరిస్థితులపై ప్రభావం పడవచ్చు. - సామాజిక, సాంస్కృతిక మరియు మతపరమైన అనుబంధాలపై ప్రతికూల ప్రభావం ఏర్పడవచ్చు. - రామప్ప దేవాలయం మరియు రామప్ప సరస్సు పరిసరాల్లో పర్యావరణ క్షీణత ఏర్పడవచ్చు. రామప్ప సరస్సు కట్ట తెగిపోయే ప్రమాదం చివరగా, ఓపెన్‌కాస్ట్ మైనింగ్ కారణంగా ఏర్పడే Piping Phenomenon ద్వారా రామప్ప సరస్సు నుంచి భారీ మొత్తంలో నీరు భౌగోళిక రేఖలు (Lineaments) మరియు పగుళ్ల (Fractures) ద్వారా బయటకు వెళ్లే అవకాశం ఉంది. దీని ఫలితంగా రామప్ప సరస్సు కట్ట తెగిపోవడం → భారీగా నీరు విడుదల కావడం → పరిసర గ్రామాలు నీట మునగడం → ప్రాణ, ఆస్తి నష్టం → రామప్ప దేవాలయానికి తీవ్రమైన ప్రమాదం వంటి పరిణామాలు సంభవించే అవకాశం ఉందని ఈ నివేదిక హెచ్చరిస్తోంది. ఇది ఒక సునామీ వంటి విపత్తుకు దారితీసే ప్రమాదాన్ని కలిగి ఉండవచ్చు. పై సంక్షిప్త సాంకేతిక విశ్లేషణను దృష్టిలో ఉంచుకుని, సింగరేణి కాలరీస్ సంస్థ సాంకేతిక నిపుణుల విశ్లేషణలను, అలాగే ప్రజల సామాజిక-సాంస్కృతిక భావోద్వేగాలను గౌరవించాలి. అందువల్ల,రామప్ప దేవాలయం మరియు రామప్ప సరస్సు అనే గొప్ప ప్రపంచ వారసత్వ సంపదను రక్షించేందుకు ప్రతిపాదిత ఓపెన్‌కాస్ట్ మైనింగ్ ప్రాజెక్టును ఉపసంహరించుకోవాలి. అదేవిధంగా, ఓపెన్‌కాస్ట్ బొగ్గు గనుల ద్వారా భారీ మొత్తంలో ధూళి ఉత్పత్తి కావడం వల్ల వాయు కాలుష్యం మరియు పర్యావరణ అసమతుల్యత ఏర్పడే అవకాశం ఉంది.

మహాప్రభో..! మా భూమిని కాపాడండి, భూమి ఆక్రమణపై అధికారులకు ఫిర్యాదు.. న్యాయం చేయాలని కల్వచర్ల విష్ణు వేడుకోలు జనగామ : “మహాప్రభో..! మా భూమిని కాపాడండి.. మా గోడును పట్టించుకోండి” అంటూ స్టేషన్ ఘణపూర్ మండలం రాఘవాపూర్ గ్రామ శివారులోని తమ వ్యవసాయ భూమి వివాదంపై వడ్డేపల్లికి చెందిన కల్వచర్ల విష్ణు ఆవేదన వ్యక్తం చేశారు. తమ భూమిని పక్క భూమికి చెందిన మహిళా అక్రమంగా ఆక్రమించి నిర్మాణాలు చేపడుతున్నారని ఆయన ఆరోపించారు. ఈ మేరకు సంబంధిత అధికారులకు పలుమార్లు ఫిర్యాదు చేసినట్లు తెలిపారు. తాజాగా వరంగల్‌ పోలీస్ కమిషనర్ కు ఫిర్యాదు చేసినట్లు తెలిపారు. 2011లో భూమి కొనుగోలు చేశామని వెల్లడి విష్ణు తెలిపిన వివరాల ప్రకారం.. తమ తండ్రి కల్వచర్ల మొగిలి పేరుతో ఉన్న భూమిని 2011లో కొనుగోలు చేసి రిజిస్ట్రేషన్‌ చేసుకున్నట్లు తెలిపారు. సర్వే నంబర్లు 292/సి, 292/ఏ1, 293/ఏ, 293/బి, 292/ఏ/అ, 292/ఏ/ఆలలో మొత్తం 9 ఎకరాల 29 గుంటల భూమి తమకు ఉందని చెప్పారు. తమ వ్యవసాయ భూమికి వెళ్లేందుకు ఉన్న సుమారు 16 అడుగుల దారిని పక్క భూమికి చెందిన మమతా అనే మహిళ ఆక్రమించారని ఆరోపించారు. దీంతో తమ భూమికి రాకపోకలకు ఇబ్బందులు ఏర్పడుతున్నాయని వాపోయారు. మా భూమిలో తమ వ్యవసాయ భూమిలో రిసార్ట్ కోసం అక్రమంగా నిర్మాణాలు చేపడుతున్నారని వాటర్‌ ట్యాంక్‌తో పాటు ఇతర నిర్మాణాలు చేపడుతున్నారని విష్ణు ఆరోపించారు. వాటిని అడ్డుకునేందుకు ప్రయత్నించగా దుర్భాషలాడుతూ దాడికి యత్నించారని ఫిర్యాదు చేసినట్లు తెలిపారు. ఈ విషయమై పోలీస్‌స్టేషన్‌లో ఫిర్యాదు చేసినప్పటికీ తమకు న్యాయం జరగలేదని ఆరోపించారు. పైగా తమపైనే కేసులు నమోదు చేస్తున్నారని ఆవేదన వ్యక్తం చేశారు. అధికారులకు వరుసగా ఫిర్యాదులు భూమి వివాదంపై గతంలో జూలై 22, 2026న ఆర్డీవో, కలెక్టర్‌కు ఫిర్యాదు చేయడంతో పాటు ప్రజావాణిలోనూ పలుమార్లు ఫిర్యాదులు చేసినట్లు విష్ణు తెలిపారు. సుమారు మూడు నెలల క్రితం భూమి సర్వే కోసం దరఖాస్తు చేసుకున్నప్పటికీ సర్వేయర్‌ అందుబాటులో లేరని అధికారులు తెలిపినట్లు పేర్కొన్నారు. భూమి హద్దులు, దారి హక్కు, నిర్మాణాలపై అధికారికంగా సర్వే నిర్వహించి వాస్తవాలను నిర్ధారించాలని, తమకు న్యాయం చేయాలని విష్ణు సంబంధిత అధికారులను కోరారు. తమ భూమి విషయంలో తక్షణమే చర్యలు తీసుకుని ఆక్రమణలు ఉంటే తొలగించాలని విజ్ఞప్తి చేశారు.

అంగన్వాడి కేంద్రంలో పైకప్పు పెచ్చులు ఊడి ముగ్గురు చిన్నారులకు గాయాలు అంగన్వాడి కేంద్రంలో పైకప్పు పెచ్చులు ఊడి ముగ్గురు చిన్నారులకు గాయాలు కొమురం భీమ్ ఆసిఫాబాద్ జిల్లా కేంద్రంలోని అంకుసాపూర్–తెలిగూడ గ్రామంలోని అంగన్వాడి కేంద్రంలో కూలిన పైకప్పు దీంతో సాత్విక్(3), నిహారిక(4), సాయినాథ్(5) అనే చిన్నారులతో పాటు, గాయాలపాలైన చిన్నారుల తల్లులు సోనీ, సంధ్యారాణి క్షతగాత్రులను చికిత్స నిమిత్తం ప్రభుత్వ ఆసుపత్రికి తరలించిన స్థానికులు అంగన్వాడి కేంద్రం శిథిలావస్థలో ఉందని ఎన్నిసార్లు చెప్పినా అధికారులు పట్టించుకోలేదని ఆగ్రహం వ్యక్తం చేస్తున్న చిన్నారుల తల్లిదండ్రులు.

మల్లంపల్లి: సేవే లక్ష్యం.. ప్రజాసేవే మార్గం సేవే లక్ష్యంగా బి ఆర్ ఎస్ కార్యక్రమాలు మల్లంపల్లి మండలంలో బీఆర్‌ఎస్ నాయకుల ఆధ్వర్యంలో సేవా కార్యక్రమాలు కొనసాగుతున్నాయి. మల్లంపల్లి మండల పార్టీ అధ్యక్షుడు పాలేపు శ్రీనివాస్, పట్టణ అధ్యక్షుడు చీదర సంతోష్ ఆధ్వర్యంలో మల్లంపల్లి గ్రామానికి చెందిన క్యాన్సర్‌తో బాధపడుతున్న నిరుపేద సారా లక్ష్మిని పరామర్శించి ఆర్థిక సహాయం అందించారు. ములుగు జిల్లా బీఆర్‌ఎస్ సీనియర్ నాయకుడు, ఉద్యమకారుడు గోవింద్ నాయక్‌తో కలిసి జిల్లా యువజన ప్రధాన కార్యదర్శి, శ్రీ రామకృష్ణ సేవా ట్రస్ట్ చైర్మన్ బాడిశ నాగరమేష్ బాధిత కుటుంబాన్ని పరామర్శించారు. ఈ కార్యక్రమంలో కొమరం ధనలక్ష్మి, ఖుర్బన్ ఆలీ, మాజీ ఎంపీటీసీ ప్రభాకర్, శ్రీనివాస్ రెడ్డి, గోల్కొండ రాజు, రేణిగుంట్ల సురేష్, మహమ్మద్ పాషా, రాజ్‌కుమార్, గోన్నాల మహేష్, ఆలీ రంజాన్, గ్రామ అధ్యక్షుడు రాజకుమార్, ఇమ్మడి సమ్మయ్య, ఆకుల మల్లేష్, ఆకుల రమేష్, తోట వేణు, గుగులోత్ రాయల్, దుంత్రాల రవీందర్, ఆకుల మల్లేష్, బొమ్మకంటి రమేష్, కుక్కల సంపత్, సాంబుల్, చిట్టిబాబు, సోయం ఈశ్వర్, పుల్లారావు, మహేష్, సంతోష్, ఇందర రమేష్, అశోక్, మునిగెల నరేష్ పాల్గొన్నారు.

పస్రా : తాడ్వాయి మధ్య ఘోర రోడ్డు ప్రమాదం జవాన్ మృతి... * పస్రా–తాడ్వాయి మధ్య ఘోర రోడ్డు ప్రమాదం.. జవాన్ మృతి! ములుగు జిల్లా: పస్రా–తాడ్వాయి మధ్య అటవీశాఖ చెక్‌పోస్ట్ సమీపంలో గురువారం ఘోర రోడ్డు ప్రమాదం జరిగింది. ఇసుక లారీ, సీఆర్‌పీఎఫ్ వాహనం ఢీకొన్న ఘటనలో ఓ జవాన్ మృతి చెందగా, మరో ఇద్దరు జవాన్లు గాయపడినట్లు సమాచారం. అదే సమయంలో వేగంగా పస్రా వైపు వెళ్తున్న మరో కారు కూడా ప్రమాదానికి గురైనట్లు తెలుస్తోంది. ఈ ఘటనలో ఏటూరునాగారం మండలంలోని ఎంపీడీవో కార్యాలయంలో పనిచేస్తున్న టైపిస్ట్ రమేష్, జూనియర్ అసిస్టెంట్‌తో పాటు మరో యువతికి తీవ్ర గాయాలైనట్లు సమాచారం. పస్రా చెక్‌పోస్ట్–బ్లాక్‌బెర్రీ మధ్య ఈ ప్రమాదం జరిగినట్లు తెలుస్తోంది. లారీ డ్రైవర్ నిద్రమత్తులో ఉండటం వల్లే ప్రమాదం జరిగినట్లు ప్రాథమిక సమాచారం. ప్రమాదానికి సంబంధించి పూర్తి వివరాలు తెలియాల్సి ఉంది...