ଦେବଗଡ଼ ଜିଲ୍ଲା ବାରକୋଟ ଥାନା ଅନ୍ତର୍ଗତ ସିଂହଶାଳ ଗାଁର ଇନ୍ଦ୍ର ମୁଣ୍ଡା ନାମକ ଜଣେ ଯୁବକ ଚଟିଆବାଲି ବାଲିଘାଟରୁ ନିଖୋଜ ହୋଇଯାଇଛନ୍ତି। ତାଙ୍କ ସ୍ତ୍ରୀଙ୍କ ଅଭିଯୋଗ ଅନୁଯାୟୀ, ଗତ ୧୯ ତାରିଖରୁ ଇନ୍ଦ୍ର କାମ କରିବାକୁ ବାଲିଘାଟ ଯାଇଥିଲେ ଏବଂ ସେହି ଦିନଠାରୁ ଘରକୁ ଫେରିନାହାଁନ୍ତି। ତିନି ଦିନ ହେଲା ଇନ୍ଦ୍ର ନିଖୋଜ ଥିବାରୁ ପରିବାର ଲୋକେ ବିଭିନ୍ନ ଅଘଟଣ ଆଶଙ୍କାରେ ଅଛନ୍ତି। ପୋଲିସ ବାଲିଘାଟରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

ଦେବଗଡ଼ ଜିଲ୍ଲାର ବାରକୋଟ ବ୍ଲକ ଅନ୍ତର୍ଗତ ସିଂହଶାଳ ଗ୍ରାମର ଜଣେ ଯୁବକ ଗତ ତିନି ଦିନ ହେଲା ନିଖୋଜ ଥିବା ଅଭିଯୋଗ ହୋଇଛି, ଯାହାକୁ ନେଇ ପରିବାର ବିଭିନ୍ନ ଆଶଙ୍କାରେ ରହିଛନ୍ତି। ପୋଲିସ ତଦନ୍ତ ଆରମ୍ଭ କରିଥିଲେ ମଧ୍ୟ ନିଖୋଜ ଯୁବକଙ୍କର କୌଣସି ସନ୍ଧାନ ନମିଳିବାରୁ ସ୍ଥାନୀୟ ଲୋକେ ଆନ୍ଦୋଳନକୁ ଓହ୍ଲାଇଛନ୍ତି ଏବଂ ୧୦ ନମ୍ବର ରାଜ୍ୟ ରାଜପଥ ଅବରୋଧ କରିଛନ୍ତି। ସିଂହଶାଳ ଗ୍ରାମର ଇନ୍ଦ୍ର ମୁଣ୍ଡା ଗତ ୧୯ ତାରିଖ ରାତିରେ ଚଟିଆପାଲି ବାଲି ଘାଟକୁ କାମ କରିବାକୁ ଯାଇଥିଲେ, କିନ୍ତୁ ସକାଳୁ ଆଉ ଫେରିନଥିଲେ। ପରିବାର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରି ମଧ୍ୟ ତାଙ୍କର କୌଣସି ଖୋଜ୍ ଖବର ପାଇନାହାଁନ୍ତି। ଗତକାଲି ଇନ୍ଦ୍ର ମୁଣ୍ଡାଙ୍କ ସ୍ତ୍ରୀ ବାରକୋଟ ଥାନାରେ ଏକ ଲିଖିତ ଅଭିଯୋଗ ଦାୟର କରିଥିଲେ। ପୋଲିସ ଆଜି ସନ୍ଧାନୀ କୁକୁର ସହିତ ବାଲି ଘାଟରେ ତଦନ୍ତ ଆରମ୍ଭ କରିଥିଲେ। ତେବେ, ତିନି ଦିନ ପରେ ବି ଯୁବକଙ୍କ ସନ୍ଧାନ ନମିଳିବାରୁ ସ୍ଥାନୀୟ ଲୋକେ ପୋଲିସ ତଦନ୍ତରେ ଅସନ୍ତୁଷ୍ଟ ହୋଇ ଆଜି ଅପରାହ୍ନ ୪.୩୦ରୁ ରାସ୍ତା ଅବରୋଧ କରିଛନ୍ତି। ବାହାଡାପସିରୁ ରାଉରକେଲାକୁ ସଂଯୋଗ କରୁଥିବା ଏହି ମୁଖ୍ୟ ରାସ୍ତା ଅବରୋଧ ଯୋଗୁଁ ସମଗ୍ର ଯାତାୟତ ଠପ୍ ହୋଇଯାଇଛି।

ବଣାଇ ଉପଖଣ୍ଡର ଲହୁଣୀପଡ଼ା ବ୍ଲକ ଅନ୍ତର୍ଗତ ଗମଲେଇ ଗ୍ରାମରେ ଭାସ୍କର ଷ୍ଟିଲ ଫେରୋ ଏଲୟ ପ୍ଲାଣ୍ଟ ବିରୁଦ୍ଧରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଛି।

କେନ୍ଦୁଝର ଜିଲ୍ଲା ଚମ୍ପୁଆ ସୀମାରେ ମୋଟ ୩୨ଟି ହାତୀ ଏକାଠି ହୋଇଥିବା ଜଣାପଡ଼ିଛି। ସୂଚନା ଅନୁଯାୟୀ, ପୂର୍ବରୁ ଚମ୍ପୁଆ ରେଞ୍ଜରେ ୭ଟି ହାତୀ ରହିଥିବା ବେଳେ, ଦୁଇ ଦିନ ତଳେ ମୟୂରଭଞ୍ଜରୁ ୨୫ଟି ହାତୀ ଚମ୍ପୁଆକୁ ଫେରିଆସିଥିଲେ। ବର୍ତ୍ତମାନ ଏହି ସମସ୍ତ ୩୨ଟି ହାତୀ କେଶରୀ ଗାଁର ଏକ ରବର ବଗିଚାରେ ଏକାଠି ହୋଇ ରହିଛନ୍ତି।

ଆଜି ଜମନକିରା ବ୍ଲକ ଅନ୍ତର୍ଗତ ଫାଶୀମାଲ ଡାକ୍ତରଖାନା ପରିସରରେ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି। ସମାଜସେବୀ ସୁନୀଲ ମୁଦୁଲି ଏବଂ ଡାକ୍ତର ହରିଶ ଚନ୍ଦ୍ର ବାଘଙ୍କ ତତ୍ତ୍ୱାବଧାନରେ ଆୟୋଜିତ ଏହି ଯୋଗ ଶିବିରରେ ଯୋଗର ଉପକାରିତା ଓ ସୁସ୍ଥ ଜୀବନଶୈଳୀ ସମ୍ପର୍କରେ ସଚେତନତା ସୃଷ୍ଟି କରାଯାଇଥିଲା। ଏହି କାର୍ଯ୍ୟକ୍ରମରେ ଅଞ୍ଚଳର ବରିଷ୍ଠ ନାଗରିକ, ଯୁବକ-ଯୁବତୀ ଓ କୁନି କୁନି ଶିଶୁମାନେ ବହୁ ଉତ୍ସାହର ସହ ଭାଗ ନେଇଥିଲେ। ଯୋଗ ଶିକ୍ଷକ ସୁଧାଂଶୁ ଶେଖର ଥଲାପତି ଓ ମୀନା କୁମାରୀ ନାୟକ ଉପସ୍ଥିତ ଲୋକଙ୍କୁ ବିଭିନ୍ନ ଯୋଗାସନ ଓ ପ୍ରାଣାୟାମ ସମ୍ପର୍କରେ ପ୍ରଶିକ୍ଷଣ ପ୍ରଦାନ କରିଥିଲେ। ସେମାନେ ଜଣାଇଥିଲେ ଯେ ନିୟମିତ ଯୋଗ ଅଭ୍ୟାସ ଦ୍ୱାରା ଶାରୀରିକ ଓ ମାନସିକ ସୁସ୍ଥତା ବଜାୟ ରହିବା ସହ ବିଭିନ୍ନ ରୋଗରୁ ମଧ୍ୟ ଦୂରେଇ ରହିବା ସମ୍ଭବ। କାର୍ଯ୍ୟକ୍ରମରେ ଅନେକ ଲୋକ ଯୋଗଦେଇ ଯୋଗାଭ୍ୟାସ କରିବା ସହ ଏହାକୁ ନିଜ ଦୈନନ୍ଦିନ ଜୀବନର ଏକ ଅବିଚ୍ଛେଦ୍ୟ ଅଙ୍ଗ କରିବାକୁ ସଂକଳ୍ପ ନେଇଥିଲେ।

କେନ୍ଦୁଝର ସଦର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚାୟତର ବିସ୍ତାପାଳ ଗ୍ରାମରେ ଚାଲିଥିବା ରଜ ମହୋତ୍ସବ ଜୁନ୍ ୨୦ ତାରିଖରେ ଆନନ୍ଦ ଉଲ୍ଲାସରେ ଉଦ୍‌ଯାପିତ ହୋଇଯାଇଛି। ବିସ୍ତାପାଳ ଆମ୍ବତୋଟାଠାରେ ଆୟୋଜିତ ଏହି ମହୋତ୍ସବରେ ଖାଇଦୋଳି ସମେତ ଅନ୍ୟାନ୍ୟ ଦୋଳି ଓ ମୀନା ବଜାରର ବ୍ୟବସ୍ଥା କରାଯାଇଥିଲା। ଏହି ଅବସରରେ ସ୍ଥାନୀୟ ଅଞ୍ଚଳର ବହୁ ସଂଖ୍ୟକ ଆଦିବାସୀ ସଂପ୍ରଦାୟର ଲୋକେ ଏକାଠି ହୋଇଥିଲେ। ମାଦଳର ତାଳେ ତାଳେ ପୁଅ, ଝିଅ, ବୋହୂ ଏବଂ ମହିଳାମାନେ ହାତକୁ ହାତ ଛନ୍ଦି ନାଚଗୀତରେ ମଜ୍ଜି ରହିଥିଲେ। ସେମାନେ ରଜପାନ ଖାଇ ରଜ ଗୀତ ଗାଇ ଦୋଳିରେ ଝୁଲିବାର ଦୃଶ୍ୟ ବେଶ୍ ମନୋରମ ଥିଲା।

ଦେବଗଡ଼ ଜିଲ୍ଲାର ତିଳେଇବଣୀ ବ୍ଲକ ଅନ୍ତର୍ଗତ ଝରାଗୁଗୁଆ ପଞ୍ଚାୟତର ପୋଲପଥର ଗ୍ରାମରେ ଘାଗି ଖୋଲ, ଯାହା କଣ୍ଡୁରୁ ଖୋଲ ନାମରେ ମଧ୍ୟ ଜଣାଶୁଣା, ଅବସ୍ଥିତ। ଏହି ସ୍ଥାନକୁ ଏକ ପ୍ରମୁଖ ପର୍ଯ୍ୟଟନ ସ୍ଥଳୀରେ ପରିଣତ କରିବା ପାଇଁ ସ୍ଥାନୀୟ ଅଞ୍ଚଳବାସୀ ସରକାରୀ ସହାୟତା ଦାବି କରିଛନ୍ତି। ଅଞ୍ଚଳବାସୀଙ୍କ କହିବାନୁଯାୟୀ, ଯଦି ସରକାରଙ୍କ ଠାରୁ କିଛି ସହାୟତା ମିଳେ, ତେବେ ଏହି ପର୍ଯ୍ୟଟନ ସ୍ଥାନଟି ପ୍ରବଳ ଭିଡ଼ରେ ଗଢ଼ି ଉଠିବ।

ଢେଙ୍କାନାଳ ଜିଲ୍ଲାରେ ଆଜି NEET ପୁନଃ ପରୀକ୍ଷା ଶାନ୍ତିପୂର୍ଣ୍ଣ ଭାବେ ଅନୁଷ୍ଠିତ ହୋଇଛି। ପ୍ରଶାସନ ପକ୍ଷରୁ ଛାତ୍ରଛାତ୍ରୀମାନଙ୍କୁ ସମସ୍ତ ପ୍ରକାର ସୁବିଧା ଯୋଗାଇ ଦିଆଯିବା ସହ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଥିଲା। ଜିଲ୍ଲାରେ ଚଳିତ ବର୍ଷର ଏହି ପରୀକ୍ଷା ସୁରୁଖୁରୁରେ ସମ୍ପନ୍ନ ହୋଇଛି।

ଦେବଗଡ଼ ଜିଲ୍ଲା ବାରକୋଟ ଥାନା ଅନ୍ତର୍ଗତ ସିଂହଶାଳ ଗାଁର ଇନ୍ଦ୍ର ମୁଣ୍ଡା ନାମକ ଜଣେ ଯୁବକ ଚଟିଆବାଲି ବାଲିଘାଟରୁ ନିଖୋଜ ହୋଇଯାଇଛନ୍ତି। ତାଙ୍କ ସ୍ତ୍ରୀଙ୍କ ଅଭିଯୋଗ ଅନୁଯାୟୀ, ଗତ ୧୯ ତାରିଖରୁ ଇନ୍ଦ୍ର କାମ କରିବାକୁ ବାଲିଘାଟ ଯାଇଥିଲେ ଏବଂ ସେହି ଦିନଠାରୁ ଘରକୁ ଫେରିନାହାଁନ୍ତି। ତିନି ଦିନ ହେଲା ଇନ୍ଦ୍ର ନିଖୋଜ ଥିବାରୁ ପରିବାର ଲୋକେ ବିଭିନ୍ନ ଅଘଟଣ ଆଶଙ୍କାରେ ଅଛନ୍ତି। ପୋଲିସ ବାଲିଘାଟରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।