জনসাধাৰণৰ সুবিধা আৰু উন্নত যাতায়াত ব্যৱস্থা নিশ্চিত কৰাৰ লক্ষ্যৰে চলি থকা ধোদৰ আলিৰ নিৰ্মাণ কাৰ্যৰ অগ্ৰগতি আৰু গুণগত মানৰ বুজ ল'বলৈ সোণাৰিৰ বিধায়ক ধৰ্মেশ্বৰ কোঁৱৰে আজি নিৰ্মাণস্থলী পৰিদৰ্শন কৰে। বিধায়কে বিশেষভাৱে গুৰুত্ব আৰোপ কৰে যে এই নিৰ্মাণ কাৰ্য নিৰ্ধাৰিত সময়সীমাৰ ভিতৰত আৰু মানদণ্ড অক্ষুণ্ণ ৰাখি সম্পূৰ্ণ হ'ব লাগিব।

জনসাধাৰণৰ সুবিধা আৰু উন্নত যাতায়াত ব্যৱস্থা নিশ্চিত কৰাৰ লক্ষ্যৰে চলি থকা ধোদৰ আলিৰ নিৰ্মাণ কাৰ্যৰ অগ্ৰগতি আৰু গুণগত মানৰ বুজ ল'বলৈ সোণাৰিৰ বিধায়ক ধৰ্মেশ্বৰ কোঁৱৰে আজি নিৰ্মাণস্থলী পৰিদৰ্শন কৰে। বিধায়কে বিশেষভাৱে গুৰুত্ব আৰোপ কৰে যে এই নিৰ্মাণ কাৰ্য নিৰ্ধাৰিত সময়সীমাৰ ভিতৰত আৰু মানদণ্ড অক্ষুণ্ণ ৰাখি সম্পূৰ্ণ হ'ব লাগিব।

মৰাণৰ জনসাধাৰণৰ বাবে এক সুখবৰ আহিছে যি তেওঁলোকৰ দীৰ্ঘদিনীয়া সমস্যা সমাধান কৰিব। মৰাণত এটা ৫০০ আসনযুক্ত অত্যাধুনিক প্ৰেক্ষাগৃহ নিৰ্মাণ কৰা হ'ব।

চৰাইদেউ জিলাৰ সদৰ নগৰী সোনাৰি নগৰত কৃত্ৰিম বানৰ সমস্যা আজিও অব্যাহত আছে। নগৰখনত সু পৰিকল্পিত নলাৰ ব্যৱস্থা নথকাৰ ফলত এজাক বৰষুণতেই কৃত্ৰিম বানৰ সমস্যাই দেখা দিয়ে। আজি হোৱা এজাক বৰষুণৰ পাছতে নগৰখনৰ বহু অঞ্চলৰ পথ আৰু উপ-পথ কৃত্ৰিম বানত ডুব যায়। বিশেষকৈ ২ নং ৱাৰ্ডৰ পদ্মাৱতী বৰুৱা পথ, বিমলা প্ৰসাদ চলিহা পথ, বৰুৱা আলি, ধোদৰ‌আলি আদিৰ লগতে ৫ নং ৱাৰ্ডো বানৰ কৱলত পৰে। দেওবৰীয়া সাপ্তাহিক বজাৰ চলি থকাৰ সময়তে কৃত্ৰিম বানে ব্যৱসায়ীসকলক যথেষ্ট ক্ষতিগ্ৰস্ত কৰে।

শিৱসাগৰৰ অন্যতম সামাজিক আৰু সাংস্কৃতিক অনুষ্ঠান “সমন্বয় সাংস্কৃতিক গোষ্ঠী”ৰ উদ্যোগত, অসম নাট্য সন্মিলন-শিৱসাগৰ শাখাৰ সৌজন্যত, শিৱসাগৰ জিলা ভাৰতীয় সাংবাদিক মহাসংঘ (আইজেএফ) আৰু শংকৰদেৱ শিশু-বিদ্যা নিকেতনৰ সহযোগত ২০ জুন, শনিবাৰে বিদ্যালয়ৰ প্ৰাৰ্থনা গৃহত কলাগুৰু বিষ্ণু প্ৰসাদ ৰাভা দেৱৰ স্মৃতি দিৱস আৰু কবি-গীতিকাৰ, সৰস্বতী ড০ নিৰ্মলপ্ৰভা বৰদলৈৰ জন্ম দিৱস দিনজোৰা কাৰ্যসূচীৰে একেলগে উদযাপন কৰা হয়। সমন্বয় সাংস্কৃতিক গোষ্ঠীৰ প্ৰতিষ্ঠাপক প্ৰধান সম্পাদক তথা সাংবাদিক অমৃত কুমাৰ শৰ্মাই পৰিচালনা কৰা এই অনুষ্ঠানৰ কাৰ্যসূচীৰ পাতনি মেলে অসম নাট্য সন্মিলনৰ শিৱসাগৰ জিলা উপ-সভাপতি অনঙ্গ মোহন শৰ্মাই স্মৃতি তৰ্পণ কৰি। শংকৰদেৱ শিশু-বিদ্যা নিকেতনৰ পৰিচালনা সমিতিৰ সভাপতি জ্যোতি প্ৰসাদ দত্ত আৰু সৰস্বতী ড০ নিৰ্মলপ্ৰভা বৰদলৈৰ পৰিয়ালৰ নিবিড় বৰদলৈয়ে দুয়োগৰাকী শিল্পীৰ প্ৰতি শ্ৰদ্ধাঞ্জলি জ্ঞাপন কৰে। ইয়াৰ পাছতেই বিশিষ্ট কবি-লেখিকা অশ্ৰুমণি দত্ত ঘোষে কবি-গীতিকাৰ ড০ নিৰ্মলপ্ৰভা বৰদলৈৰ এটা কবিতা আবৃত্তিৰে মঞ্চ মুকলি কৰে। এই দিৱসৰ উপলক্ষে সমন্বয় সাংস্কৃতিক গোষ্ঠীৰ উপ-সভাপতি জুৰীমণি দত্ত, মুখ্য সমন্বয়ক পৰী শইকীয়া, সাংস্কৃতিক সম্পাদক দেৱজানী ৰাজখোৱা আৰু ইমন হুছেইনৰ তত্ত্বাৱধানত দিনৰ ১ বজাৰ পৰা ছাত্ৰ-ছাত্ৰীসকলৰ মাজত শিৱসাগৰ জিলা ভিত্তিত প্ৰথম শ্ৰেণীৰ পৰা দশম শ্ৰেণীলৈ দুটা শাখাত মহান শিল্পী দুগৰাকীৰ গীতৰ আধাৰত এক নৃত্য প্ৰতিযোগিতা অনুষ্ঠিত হয়। প্ৰায় অৰ্ধশতাধিক প্ৰতিযোগীয়ে অংশগ্ৰহণ কৰা এই প্ৰতিযোগিতাখনিত বিশিষ্ট শিল্পী জান্টুমণি শইকীয়াই বিচাৰকৰ আসন অলংকৃত কৰে। 'ক' শাখাত প্ৰাপ্তি দত্তই প্ৰথম স্থান, প্ৰিয়দৰ্শিনী শইকীয়াই দ্বিতীয় স্থান আৰু এঞ্জেল এনায়ট দাসে তৃতীয় স্থান লাভ কৰে। আনহাতে, 'খ' শাখাত ডেইজ মহনে প্ৰথম স্থান অধিকাৰ কৰাৰ লগতে ধৰিত্ৰী দাসে দ্বিতীয় আৰু পংখী দত্তই তৃতীয় স্থান দখল কৰে। অনুষ্ঠানত আমন্ত্ৰিত কবি হিচাপে কবি মিনতি দত্ত দুৱৰা আদিয়ে কবিতা আবৃত্তি কৰে আৰু জান্টুমণি শইকীয়াই গীত পৰিৱেশন কৰি সকলোকে আপ্লুত কৰে। বিভিন্ন সাংস্কৃতিক কাৰ্যসূচী অনুষ্ঠিত হোৱা এই দিৱসৰ অনুষ্ঠানত অদিত দত্ত, লাবন্য কলিতা, ময়ূৰী কোঁৱৰ, শিৱসাগৰ জিলা ভাৰতীয় সাংবাদিক মহাসংঘৰ সম্পাদক অৰ্পনা ভৰালী, মৌচুমী গগৈ শইকীয়া, ভাৰ্গৱ কোঁৱৰ আদিয়ে বিশেষ সহযোগিতা আগবঢ়ায়। অনুষ্ঠানৰ শেষত গোষ্ঠীৰ প্ৰধান সম্পাদক অমৃত কুমাৰ শৰ্মাই শলাগৰ শৰাই আগবঢ়ায় আৰু সভাপতি জিতেন কাকতিৰ নেতৃত্বত অসম সংগীতেৰে অনুষ্ঠানৰ সামৰণি পৰে।

নিজৰ ভৱিষ্যত সুৰক্ষিত কৰাৰ বাবে সকলোকে অহা ২৩/৬/২০২৬ তাৰিখে এখন গুৰুত্বপূৰ্ণ সভাত অংশগ্ৰহণ কৰিবলৈ আহ্বান জনোৱা হৈছে। এই সভাখন দুপৰীয়া ১২:৩০ বজাত নাওহলীয়াৰ আশীৰ্বাদ বিবাহ ভৱনত অনুষ্ঠিত হ'ব। এই বিশেষ বাৰ্তা Sankor Jyoti Baruah ৰ মনৰ কথা হিচাপে উপস্থাপন কৰা হৈছে। নিজৰ ভৱিষ্যত সুৰক্ষিত কৰিব বিচৰা সকলোকে এই বাৰ্তাটো মনোযোগেৰে শুনিবলৈ আৰু আনৰ মাজত শ্বেয়াৰ কৰিবলৈ বিশেষভাৱে অনুৰোধ জনোৱা হৈছে। অধিক তথ্যৰ বাবে ৮৪৭১৮৯২৫৪৫ আৰু ৯৬৭৮৮৬৪৮৫৮ নম্বৰত যোগাযোগ কৰিব পাৰিব।

পুৱাৰে পৰা হোৱা মুষলধাৰ বৰষুণৰ ফলত নাজিৰা নগৰৰ কেইবাটাও ৱাৰ্ডত ভয়াবহ জলাবদ্ধতাৰ সৃষ্টি হৈছে। নিষ্কাশন ব্যৱস্থাৰ দুৰ্বলতাৰ বাবে বহু এলেকা কৃত্ৰিম বানৰ কবলত পৰাত জনসাধাৰণৰ দৈনন্দিন জীৱন ব্যাহত হৈছে।

চৰাইদেউ জিলাৰ সোণাৰিত পুনৰ এক চুৰিকাণ্ড সংঘটিত হৈছে। এই ঘটনা সোণাৰি পৌৰ এলেকাৰ ১২ নং ৱাৰ্ডত থকা গীতা ফুকন চেতিয়াৰ ঘৰত সংঘটিত হয়। ঘৰত কোনো নথকাৰ সুযোগ লৈ চোৰৰ দলটোৱে ঘৰৰ গ্ৰিল আৰু দুৱাৰৰ তলা কাটি ভিতৰত প্ৰৱেশ কৰে আৰু নগদ ধনসহ বহু মূল্যবান সামগ্ৰী লুটি লৈ যায়।

দুৰ্ঘটনাত পতিত হৈ ষ্টেট বেংক অফ ইণ্ডিয়া (SBI) ৰ দুজন বিষয়াৰ প্ৰাণহানি হৈছে। মাজ নিশা ধেমাজি জিলাৰ হাঁহচৰা অঞ্চলত এই ভয়ংকৰ ঘটনাটো সংঘটিত হয়, য'ত এখন গ্ৰেণ্ড ভিট্ৰা গাড়ী দুৰ্ঘটনাগ্ৰস্ত হৈ পথৰ পৰা পানীৰ ভিতৰত সোমাই পৰে। এই কৰুণ দুৰ্ঘটনাত SBIৰ ধেমাজি মূল শাখাৰ কেচিয়াৰ হিৰক জ্যোতি মিলি আৰু একাউটেন্ট ৰাতুল কোঁৱৰৰ মৃত্যু হয়। ঘটনা সন্দৰ্ভত নিহত বিষয়া দুগৰাকীৰ পৰিয়ালৰ লোকে প্ৰতিক্ৰিয়া প্ৰকাশ কৰিছে।