ప్రజల నమ్మకమే మా బాధ్యత.. అభివృద్ధే మా లక్ష్యం 👉 అధికార పార్టీ మద్దతుదారులను గెలిపిస్తే గ్రామాలు అభివృద్ధి చెందుతాయి - బీటెక్ రవి

ప్రజల నమ్మకమే మా బాధ్యత.. అభివృద్ధే మా లక్ష్యం 👉 అధికార పార్టీ మద్దతుదారులను గెలిపిస్తే గ్రామాలు అభివృద్ధి చెందుతాయి - బీటెక్ రవి

కర్నూలు జిల్లా కోసిగి మండల కేంద్రంలో తాగునీటికోసం రోడ్డు ఎక్కిన ప్రజలు! క‌ర్నూలు జిల్లా కోసిగి మండల కేంద్రంలో తాగునీటి కోసం ఖాళీ బిందులతో రోడ్డెక్కినప్రజలు ఒక‌టో వార్డులో గత 15 రోజులుగా నీటికొరత తీవ్రంగా ఉందని.. అధికారులకి,కూటమి నేతలకు ఎన్నీసార్లు మోరపేట్టుకున్న పట్టించుకోవడం లేదని మహిళలు,కాలనీ వాసులు ఆగ్రహంతో మoడిపడుతున్నారు.వీరు తాగునీటి సమస్యను వెంటనే పరిష్కరించాలని డిమాండ్ చేస్తూ.. ఖాళీ బిందెలతో రోడ్డుపై బైఠాయించి నిరసన తెలిపారు.

ధరణి తిమ్మాయపల్లెలో శ్రీ అవధూత కొండయ్య స్వామి వారిని దర్శించుకున్న విదేశీ భక్తులు. బద్వేలు, నవంబర్ 10: వైఎస్సార్ కడప జిల్లా బద్వేలు డివిజన్ పరిధిలోని మైదుకూరు నియోజకవర్గ లోని ధరణి తిమ్మాయపల్లె గ్రామంలో కొలువై ఉన్న శ్రీ అవధూత కొండయ్య స్వామి వారిని పలు దేశాలకు చెందిన ప్రతినిధులు మంగళవారం భక్తిశ్రద్ధలతో దర్శించుకున్నారు. అమెరికా, న్యూజిలాండ్, యూరప్ తదితర దాదాపు పది దేశాల నుంచి వచ్చిన విదేశీ భక్తులు ఆశ్రమాన్ని సందర్శించి స్వామి వారికి ప్రత్యేక పూజలు నిర్వహించారు. ఈ సందర్భంగా వారు అవధూత కొండయ్య స్వామి వారి ఆధ్యాత్మిక ప్రస్థానం, విశిష్టతలను స్థానికులతో మాట్లాడి తెలుసుకున్నారు. ఆశ్రమ దివ్య వాతావరణం, స్వామి వారి సాన్నిధ్యం తమకు ఎనలేని మానసిక ప్రశాంతతను అందించాయని విదేశీ ప్రతినిధులు ఆనందం వ్యక్తం చేశారు. విదేశీ భక్తుల రాకతో ఆశ్రమ ప్రాంగణంలో ఆధ్యాత్మిక కోలాహలం నెలకొంది. భక్తులు స్వామి వారి చరిత్ర, ఆశ్రమంలో జరిగే నిత్య పూజలు, సేవా కార్యక్రమాల గురించి అడిగి తెలుసుకున్నారు. ఈ కార్యక్రమంలో ఆశ్రమ కమిటీ నిర్వాహకులు మరియు స్థానిక భక్తులు పెద్ద సంఖ్యలో పాల్గొన్నారు.

శ్రీరామ్ చిన్న బాబును కలిసిన విద్యుత్ శాఖ సిబ్బంది.... *విద్యుత్ శాఖ సిబ్బంది మర్యాదపూర్వక భేటీ* తెలుగు యువత రాష్ట్ర అధ్యక్షులు, మదనపల్లి మున్సిపల్ చైర్మన్ శ్రీరామ్ చినబాబు నివాసంలో విద్యుత్ శాఖ సిబ్బంది మర్యాదపూర్వకంగా కలిశారు. పట్టణంలో విద్యుత్ సరఫరా, ప్రజలకు అందుతున్న సేవలపై చర్చించారు. ఈ సందర్భంగా చైర్మన్‌కు శుభాకాంక్షలు తెలిపారు. ప్రజలకు నిరంతరాయంగా విద్యుత్ అందించేందుకు సమన్వయంతో పనిచేయాలని నిర్ణయించారు. సిబ్బంది సమస్యలపై కూడా చినబాబు ఆరా తీశారు.

మహానంది రోడ్డుపైన మొక్కజొన్న ఆరబోత. ప్రయాణికుల అవస్థలు కొంతమంది రైతులు తమ పంట ఉత్పత్తులను రోడ్డుపైనే ఆరబెట్టుతున్నారు. నడిరోడ్డుపైనే మొక్కజొన్న విత్తనాలు ఆరబెట్టడంతో వాహనదారులు ప్రమాదాల బారిన పడుతున్నామని వాపోతున్నారు. మహానంది మండలం ఆర్ఎస్ గాజులపల్లె సమీపంలో సగం రోడ్డుపై మొక్కజొన్న విత్తనాలు ఆరబెడుతుంటంతో వాహనాల రాకపోలకు తీవ్ర అంతరాయం కలుగుతోంది. గతంలో మృత్యువాత పడిన సంఘటనలు కూడా ఉన్నాయని స్థానికులు తెలిపారు. అధికారులు స్పందించాలని కోరుతున్నారు.

శ్రీ బోయకొండ గంగమ్మ దేవస్థానంలో ఘనంగా చండీహోమం.... . దిగువపల్లి, చౌడేపల్లి మండలం, అన్నమయ్య జిల్లా ఆంధ్ర రాష్ట్రం, అన్నమయ్య జిల్లా, చౌడేపల్లి మండలం, దిగువపల్లి గ్రామంలో ప్రముఖ శక్తి క్షేత్రంగా విరాజిల్లుతున్న, కోరిన కోర్కెలు తీర్చే కల్పవల్లి శ్రీ బోయకొండ గంగమ్మ దేవస్థానం నందు నేడు అనగా 09-11-2026 వ తేదీ అమావాస్య సందర్భంగా చండీహోమం నిర్వహించడం జరిగింది. సదరు చండీహోమంలో ఒక దంపతులు పాల్గొని వారి అభీష్ట సిద్ధి కొరకు హోమం చేయడం జరిగింది. వేద పండితులు శాస్త్రోక్తంగా చండీహోమ కార్యక్రమాన్ని నిర్వహించారు. అనంతరం దేవస్థాన ఉప కమీషనరు & కార్యనిర్వహణాధికారి J. ఏకాంబరంగారు దంపతులకు శ్రీ అమ్మవారి దర్శనం కల్పించి, తీర్థ ప్రసాదములు అందజేశారు.

కళ్యాణదుర్గం పట్టణంలో T సర్కిల్ కూడలిలో ఎలుగుబంటి కలకలం అనంతపురం జిల్లా కళ్యాణదుర్గం పట్టణంలో ఎలుగుబంటి సంచారం ప్రజలను భయాందోళనకు గురిచేసింది. తెల్లవారుజామున T సర్కిల్ సమీపంలోని పాత బస్టాండ్లోకి ప్రవేశించిన ఎలుగుబంటి, అక్కడి నుంచి పెట్రోల్ బంక్ వరకు ఓ వ్యక్తిని తరుముకుంటూ వెళ్లింది. ఈ దృశ్యాలు సీసీ కెమెరాల్లో రికార్డయ్యాయి. ప్రస్తుతం ఈ వీడియో పట్టణంలో చర్చనీయాంశంగా మారింది. అడవుల్లో నీటి వనరుల కొరతతోనే ఎలుగుబంట్లు జనావాసాల్లోకి వస్తున్నాయి.

బద్వేలులో తెలుగుదేశం నేతలపై వైఎస్సార్ కాంగ్రెస్ నేతల ఫైర్.. తప్పుడు ఆరోపణలు మానుకోవాలని హెచ్చరిక..! మబద్వేలు,నవంబర్ 9: కడప జిల్లా బద్వేలులో రాజకీయంగా మరోసారి మాటల యుద్ధం మొదలైంది. తెలుగుదేశం నాయకులు తప్పుడు ఆరోపణలు చేయడం మానుకోవాలని వైఎస్సార్ కాంగ్రెస్ నేతలు హితవు పలికారు. నామపత్రాల దాఖలు నుంచి ఓట్ల లెక్కింపు వరకు ప్రజాస్వామ్యబద్ధంగా, పారదర్శకంగా ఎన్నికలు నిర్వహించాలని సూచించారు. గెలుపోటములను నిర్ణయించేది నాయకులు కాదని, ప్రజలేనని స్పష్టం చేస్తూ తెలుగుదేశం నేతలకు హెచ్చరిక జారీ చేశారు.తమ పార్టీ అభ్యర్థులపై లేనిపోని ఆరోపణలు చేసి ప్రజలను తప్పుదోవ పట్టించే ప్రయత్నం చేస్తే సహించేది లేదని వైఎస్సార్ కాంగ్రెస్ నేతలు అన్నారు. అభివృద్ధి, సంక్షేమం అంశాలపై చర్చించకుండా వ్యక్తిగత విమర్శలు చేయడం సరికాదన్నారు. ప్రజలు అన్నీ గమనిస్తున్నారని, ఎవరు అభివృద్ధి కోసం పని చేస్తున్నారో, ఎవరు కేవలం ఆరోపణలతో కాలం గడుపుతున్నారో తెలుసుకోగలరని వారు పేర్కొన్నారు. ఎన్నికల్లో ప్రజలు తమ తీర్పుతో సమాధానం చెబుతారని ధీమా వ్యక్తం చేశారు.