మంచిర్యాల జిల్లా జన్నారం మండలం 46 డిగ్రీల ఎండ తీవ్రతతో నిప్పుల కొలిమిని తలపిస్తోంది. దీంతో ప్రజలు ఇళ్లకే పరిమితం కాగా, ప్రధాన రహదారులు, గ్రామీణ రోడ్లపై జన సంచారం పూర్తిగా తగ్గిపోయింది. ఉదయం 11 నుండి సాయంత్రం 5 గంటల వరకు బయటకు రావద్దని అధికారులు సూచించారు.

మంచిర్యాల జిల్లా జన్నారం మండలం 46 డిగ్రీల ఎండ తీవ్రతతో నిప్పుల కొలిమిని తలపిస్తోంది. దీంతో ప్రజలు ఇళ్లకే పరిమితం కాగా, ప్రధాన రహదారులు, గ్రామీణ రోడ్లపై జన సంచారం పూర్తిగా తగ్గిపోయింది. ఉదయం 11 నుండి సాయంత్రం 5 గంటల వరకు బయటకు రావద్దని అధికారులు సూచించారు.

కొమరం భీం ఆసిఫాబాద్ జిల్లా కాగజ్‌నగర్‌లో దర్శకుడు ఈర్ల సునీల్ ఆధ్వర్యంలో 'అక్షరం-ఆకలి' షార్ట్ ఫిల్మ్ షూటింగ్ ప్రారంభమైంది. సామాజిక బాధ్యతతో తెరకెక్కుతున్న ఈ లఘు చిత్రానికి కథ, స్క్రీన్‌ప్లే, సంగీతం, దర్శకత్వం ఆయనే అందిస్తున్నారు.

బండి సంజయ్ రాజీనామా చేయాలి* మంత్రివర్గం నుండి భర్తరఫ్ చేయాలి గుడికందుల సత్యం సిపిఎం నగర కమిటీ ఆధ్వర్యంలో కలెక్టరేట్ ముందు అర్ధనగ్న ప్రదర్శనతో నిరసన* *మైనర్ బాలికను వేధించి,అత్యాచారం చేసిన బండి సాయి భగీరథ కఠినంగా శిక్షించాలని, ఘటనకు నైతిక బాధ్యత వహిస్తూ బండి సంజయ్ రాజీనామా చేయాలని, లేదంటే నరేంద్ర మోడీ బండి సంజయ్ నీ మంత్రివర్గం నుండి భర్తరఫ్ చేయాలని డిమాండ్ చేస్తూ సిపిఎం నగర కమిటీ ఆధ్వర్యంలో స్థానిక కలెక్టరేట్ ముందు అర్ధనగ్న ప్రదర్శనతో నిరసన కార్యక్రమం చేపట్టారు. ఈ సందర్భంగా సిపిఎం నగర కార్యదర్శి గుడికందుల సత్యం మాట్లాడుతూ నిన్న బండి సంజయ్ మీడియాతో మాట్లాడుతూ కన్న కొడుకును పోలీసులకు అప్పగించిన చరిత్ర ఎక్కడైనా ఉందా అని ప్రగల్బాలు పలికారు కదా కేంద్ర హోమ్ సహాయ మంత్రి అయి ఉండి నేరా రూపంలో ఎదుర్కొంటున్న ఒక కొడుకుని 8 రోజులు దాచిపెట్టిన చరిత్ర ఎక్కడైనా ఉందా అని ప్రశ్నించారు. ఒక నేరస్తుని దాచిపెట్టి, తన మంత్రి పదవిని అడ్డుపెట్టుకొని కేసును తప్పుదోవ పట్టించిన బండి సంజయ్ పైన కూడా A 2 గా కేసు నమోదు చేయాలని, డిమాండ్ చేశారు. బండి సంజయ్ మంత్రి పదవిలో కొనసాగే అర్హత లేదని తాను మంత్రిగా ఉంటే కేసును నీరుగార్చి న్యాయవిచారణ జరగకుండా అడ్డుకుంటారని ఆవేదన వ్యక్తం చేశారు. *బేటి బచావో అని నినాదాలు చేస్తున్న బిజెపి కి బండి సంజయ్ కొడుకు చేసిన ఘనకార్యం కనబడడం లేదా? *చట్టాన్ని కాపాడి ప్రజలను రక్షించవలసిన కేంద్ర హోమ్ సహాయ మంత్రి కొడుకే మైనర్ బాలిక పై అత్యాచారం చేస్తే ఇక దేశంలో మహిళలకు రక్షణ ఎక్కడ ఉందని ప్రశ్నించారు.* బండి భగీరథ తప్పు చేయకుంటే 8 రోజులు ఎందుకు పారిపోయాడని, దొరికిన తర్వాత ఫోక్సో కేసు ఆధారాలు లేకుండా ఫోన్లో సిమ్ ఎందుకు మాయం చేశాడని అన్నారు. ఇవన్నీ కేంద్ర హోమ్ మినిస్టర్ కు కనబడడం లేదా, ఇంకా బండి సంజయ్ ని మంత్రివర్గంలో ఎందుకు కొనసాగిస్తున్నారని అన్నారు. ఫోక్సో కేసులో నిందితులను వెంటనే అరెస్టు చేసి కఠినంగా శిక్షించాల్సింది పోయి, కాలయాపన చేయడం ఎంతవరకు సమంజసమని అన్నారు. సామాన్యుడు తప్పు చేస్తే వారి తల్లిదండ్రులను పోలీస్ స్టేషన్ కి తీసుకెళ్లి ఆచూకీ తెలుపమని విచారించే పోలీసులకు బండి సంజయ్ కూడా ఎనిమిది రోజులు దొరకలేదా ? అతని స్టేషన్ కి పిలిచి ఎందుకు విచారించలేదని ప్రశ్నించారు. చట్టం ఉన్నోడికి చుట్టమా? పేదలకు ఒక న్యాయం పెద్దలకు ఒక న్యాయమా అని ప్రశ్నించారు. ఈ కేసులో నేరస్తునికి సహకరించిన బండి సంజయ్ ని కూడా నేరస్తునిగా పరిగణించాలని, తనని వెంటనే కేంద్ర మంత్రి పదవి నుండి భర్తరాఫ్ చేయాలని డిమాండ్ చేశారు లేనియెడల బండి సంజయ్ రాజీనామా చేసే వరకు తమ పోరాటాన్ని కొనసాగిస్తామని అన్నారు. ఈ కార్యక్రమంలో సిపిఎం నాయకులు గజ్జల శ్రీకాంత్,రాయికంటి శ్రీనివాస్,నగర కమిటీ సభ్యులు పున్నం రవి, ఆసంపల్లి వినయ్, డబిల్ కార్ శ్రీకాంత్,భూమేష్, అరవింద్,అక్షయ్,రాకేష్, సంతు తదితరులు పాల్గొన్నారు.

తమిళనాడులో మరుగున్ స్వామికి అంకితం చేయబడిన ఆరు రోజుల స్కంద షష్ఠి ఉత్సవాన్ని దేశవ్యాప్తంగా భక్తిశ్రద్ధలతో జరుపుకుంటున్నారు. ఈ పండుగ రాక్షసుడు శూరపద్మునిపై భగవాన్ మురుగన్ విజయానికి, చెడుపై మంచి గెలుపుకు ప్రతీక. ముఖ్యంగా ఆరో రోజున జరిగే 'శూరసంహారం' నాటకాన్ని చూసేందుకు లక్షలాది మంది భక్తులు తరలివస్తారు.

రాజన్న సిరిసిల్ల జిల్లా వేములవాడలోని శ్రీ భీమేశ్వర స్వామి ఆలయంలో ఆరు రోజుల హుండీ లెక్కింపులో ₹83 లక్షలకు పైగా ఆదాయం లభించింది. వేసవి సెలవులు, ప్రత్యేక పూజల నేపథ్యంలో భక్తుల రద్దీ పెరగడంతో భారీగా కానుకలు సమర్పించినట్లు ఆలయ అధికారులు వెల్లడించారు.

తెలంగాణలోని జగిత్యాల జిల్లా కొండాపూర్‌లో తీవ్ర విషాదం చోటుచేసుకుంది. శివగంగా ఆలయ కోనేరులో ముగ్గురు చిన్నారులు నీటమునిగి ప్రాణాలు కోల్పోయారు. పెద్దలు విందు పనుల్లో ఉండగా జరిగిన ఈ ఘటనతో గ్రామంలో విషాద ఛాయలు అలముకున్నాయి.

తెలంగాణ ఉద్యమకారుల ఫోరం ఉమ్మడి కరీంనగర్ మహిళా విభాగంలో పలువురికి నియామక పత్రాలు అందజేశారు. జిల్లా చైర్మన్ తెలంగాణ ఆనంద్, మహిళా అధ్యక్షురాలు బిందు సమక్షంలో ఈ నియామకాలు జరిగాయి. దీని ద్వారా పలువురు మహిళా నాయకులకు ప్రధాన కార్యదర్శి, సలహాదారులు వంటి కీలక బాధ్యతలు అప్పగించారు.

ప్రధాని మోడీకి ఐక్యరాజ్యసమితి ఆహార, వ్యవసాయ సంస్థ (FAO) అత్యున్నత పురస్కారం 'అగ్రికోలా పతకం 2026' రోమ్‌లో లభించింది. భారతదేశ ఆహార భద్రత, స్థిరమైన వ్యవసాయ పద్ధతులు, రైతుల డిజిటల్ సాధికారతకు గుర్తింపుగా ఈ గౌరవం దక్కింది. ఈ ప్రతిష్టాత్మక అవార్డును ప్రధాని మోడీ దేశంలోని కోట్లాది అన్నదాతలకు అంకితం చేశారు.

పెద్దపల్లి జిల్లా సుల్తానాబాద్ సమీపంలోని రాజీవ్ రహదారిపై నల్లమట్టితో వెళ్తున్న లారీలో షార్ట్ సర్క్యూట్ తో భారీ మంటలు చెలరేగాయి. వెంటనే స్పందించిన అగ్నిమాపక సిబ్బంది మంటలను అదుపు చేయడంతో పెను ప్రమాదం తప్పింది. ఈ ఘటనలో ఎవరికీ ఎలాంటి గాయాలు కాలేదు.