ஆண்டிப்பட்டியில் துணை ராணுவத்தினர் கொடி அணிவகுப்பு துப்பாக்கி ஏந்திய வீரர்களுடன் காவல்துறையினர் ஊர்வலம் - தேர்தல் பாதுகாப்பு தீவிரம்.. தமிழகத்தில் அடுத்த மாதம் 23-ந் தேதி ஒரே கட்டமாக சட்டமன்றப் பொதுத்தேர்தல் நடைபெற உள்ளதை முன்னிட்டு, தேனி மாவட்டம் ஆண்டிப்பட்டி தொகுதியில் தேர்தல் பாதுகாப்புப் பணிகள் முடுக்கி விடப்பட்டுள்ளது. தேர்தலை எவ்வித அசம்பாவிதமும் இன்றி அமைதியாகவும், ஜனநாயக ரீதியாகவும் நடத்துவதற்குத் தேவையான அனைத்து முன்னெச்சரிக்கை நடவடிக்கைகளையும் காவல்துறையினர் மேற்கொண்டு வருகின்றனர். குறிப்பாக, பதற்றமான வாக்குச்சாவடிகளைக் கண்டறிந்து அங்கு கூடுதல் கண்காணிப்புப் பணிகளை மேற்கொள்ளத் திட்டமிடப்பட்டுள்ளது. இந்நிலையில், தேர்தல் பாதுகாப்புப் பணிக்காகத் சி.ஆர்.பி.எப். துணை ராணுவப் படையினர் ஆண்டிப்பட்டிக்கு வருகை தந்தனர். இவர்களுக்குத் தேர்தல் கால பாதுகாப்பு நடைமுறைகள் மற்றும் தேர்தல் ஆணையத்தின் விதிமுறைகள் குறித்த முக்கிய ஆலோசனைகள் வழங்கப்பட்டன. இதனைத் தொடர்ந்து, பொதுமக்கள் அச்சமின்றித் தங்களது வாக்கினைப் பதிவு செய்வதை உறுதி செய்யும் வகையில், ஆண்டிப்பட்டி நகரின் முக்கிய வீதிகளில் துணை ராணுவத்தினர் மற்றும் போலீசாரின் பிரம்மாண்ட கொடி அணிவகுப்பு ஊர்வலம் நடைபெற்றது. சக்கம்பட்டி தாலுகா அலுவலகம் அருகே தொடங்கிய இந்த ஊர்வலம், ஆண்டிப்பட்டி நகரின் முக்கிய வீதிகள் வழியாகச் சென்று கொண்டமநாயக்கன்பட்டி வரை நீண்டது. நவீன ரக துப்பாக்கிகளை ஏந்தியபடி துணை ராணுவப் படையினர் கம்பீரமாக அணிவகுத்துச் செல்ல, அவர்களுடன் ஆயுதப்படை காவல்துறையினர், உள்ளூர் காவல்துறையினரும் இணைந்து சென்றனர். இந்த ஊர்வலமானது ஆண்டிப்பட்டி பழைய பேருந்து நிலையம், தேனி சாலை, மதுரை சாலை மற்றும் மக்கள் நடமாட்டம் மிகுந்த கடைவீதி வழியாகச் சென்று பொதுமக்களிடையே பெரும் நம்பிக்கையை ஏற்படுத்தும் வகையில் சென்றது.

Shakthi

பத்திரிகையாளர் பெரியகுளம், தேனி, தமிழ்நாடு•

17 hrs ago

ஆண்டிப்பட்டியில் துணை ராணுவத்தினர் கொடி அணிவகுப்பு துப்பாக்கி ஏந்திய வீரர்களுடன் காவல்துறையினர் ஊர்வலம் - தேர்தல் பாதுகாப்பு தீவிரம்.. தமிழகத்தில் அடுத்த மாதம் 23-ந் தேதி ஒரே கட்டமாக சட்டமன்றப் பொதுத்தேர்தல் நடைபெற உள்ளதை முன்னிட்டு, தேனி மாவட்டம் ஆண்டிப்பட்டி தொகுதியில் தேர்தல் பாதுகாப்புப் பணிகள் முடுக்கி விடப்பட்டுள்ளது. தேர்தலை எவ்வித அசம்பாவிதமும் இன்றி அமைதியாகவும், ஜனநாயக ரீதியாகவும் நடத்துவதற்குத் தேவையான அனைத்து முன்னெச்சரிக்கை நடவடிக்கைகளையும் காவல்துறையினர் மேற்கொண்டு வருகின்றனர். குறிப்பாக, பதற்றமான வாக்குச்சாவடிகளைக் கண்டறிந்து அங்கு கூடுதல் கண்காணிப்புப் பணிகளை மேற்கொள்ளத் திட்டமிடப்பட்டுள்ளது. இந்நிலையில், தேர்தல் பாதுகாப்புப் பணிக்காகத் சி.ஆர்.பி.எப். துணை ராணுவப் படையினர் ஆண்டிப்பட்டிக்கு வருகை தந்தனர். இவர்களுக்குத் தேர்தல் கால பாதுகாப்பு நடைமுறைகள் மற்றும் தேர்தல் ஆணையத்தின் விதிமுறைகள் குறித்த முக்கிய ஆலோசனைகள் வழங்கப்பட்டன. இதனைத் தொடர்ந்து, பொதுமக்கள் அச்சமின்றித் தங்களது வாக்கினைப் பதிவு செய்வதை உறுதி செய்யும் வகையில், ஆண்டிப்பட்டி நகரின் முக்கிய வீதிகளில் துணை ராணுவத்தினர் மற்றும் போலீசாரின் பிரம்மாண்ட கொடி அணிவகுப்பு ஊர்வலம் நடைபெற்றது. சக்கம்பட்டி தாலுகா அலுவலகம் அருகே தொடங்கிய இந்த ஊர்வலம், ஆண்டிப்பட்டி நகரின் முக்கிய வீதிகள் வழியாகச் சென்று கொண்டமநாயக்கன்பட்டி வரை நீண்டது. நவீன ரக துப்பாக்கிகளை ஏந்தியபடி துணை ராணுவப் படையினர் கம்பீரமாக அணிவகுத்துச் செல்ல, அவர்களுடன் ஆயுதப்படை காவல்துறையினர், உள்ளூர் காவல்துறையினரும் இணைந்து சென்றனர். இந்த ஊர்வலமானது ஆண்டிப்பட்டி பழைய பேருந்து நிலையம், தேனி சாலை, மதுரை சாலை மற்றும் மக்கள் நடமாட்டம் மிகுந்த கடைவீதி வழியாகச் சென்று பொதுமக்களிடையே பெரும் நம்பிக்கையை ஏற்படுத்தும் வகையில் சென்றது.