पद्मभूषण डॉ. वसंतरावदादा पाटील महाविद्यालय, तासगाव येथे जागतिक योग दिन मोठ्या उत्साहात साजरा करण्यात आला. याप्रसंगी श्री स्वामी विवेकानंद शिक्षण संस्थेचे अर्थ सहसचिव प्राचार्य डॉ. मिलिंद हुजरे यांनी, आरोग्यदायी जीवनशैलीसाठी योग आवश्यक असल्याचे प्रतिपादन केले. ते म्हणाले की, आधुनिक जीवनशैलीमुळे वाढत चाललेला ताणतणाव, असंतुलित आहार आणि व्यायामाचा अभाव यामुळे विविध आरोग्य समस्या निर्माण होत असून, शारीरिक, मानसिक आणि बौद्धिक स्वास्थ्य टिकवण्यासाठी योग हा अत्यंत प्रभावी मार्ग आहे. कार्यक्रमाच्या सुरुवातीला योगाचे महत्त्व अधोरेखित करण्यात आले. यानंतर महाविद्यालयातील विद्यार्थी, प्राध्यापक आणि शिक्षकेत्तर कर्मचाऱ्यांनी सामूहिक योगाभ्यास व प्रात्यक्षिके सादर करून निरोगी जीवनाचा संकल्प केला. प्राचार्य डॉ. मिलिंद हुजरे यांनी उपस्थितांकडून विविध योगासने करून घेतली, तर प्रा. पी.डी. पाटील यांनी प्राणायामाचे महत्त्व विशद करत माहिती दिली आणि ध्यानसाधनाही करवली. यावेळी उपस्थितांना योगामुळे शरीर सुदृढ होते, मन एकाग्र होते, सकारात्मक विचारसरणी विकसित होते आणि दैनंदिन ताणतणाव कमी होतो, याविषयी मार्गदर्शन करण्यात आले. कार्यक्रमाचे प्रास्ताविक कार्यक्रम अधिकारी डॉ. तातोबा बदामे यांनी केले, तर वार्षिक कार्यक्रम कमिटी प्रमुख डॉ. साईनाथ घोगरे यांनी आभार मानले. सांस्कृतिक विभाग प्रमुख प्रा. आण्णासाहेब बागल यांनी कार्यक्रमाचे सूत्रसंचालन केले. याप्रसंगी नॅक समन्वयक डॉ. जीवन घोडके, जिमखाना विभागप्रमुख प्रा. ए.के. पाटील, राजू काळभोर ज्युनिअर प्रमुख एस.आर. पाटील, विज्ञान प्रमुख प्रा. पी.डी. पाटील यांच्यासह महाविद्यालयातील प्राध्यापक, शिक्षकेत्तर कर्मचारी, एनएसएस स्वयंसेवक आणि जिमखाना विभागाचे विद्यार्थी-विद्यार्थिनी मोठ्या संख्येने उपस्थित होते.

EXPRESS NEWS

Press advisory मिरज, सांगली, महाराष्ट्र•

3 hrs ago

पद्मभूषण डॉ. वसंतरावदादा पाटील महाविद्यालय, तासगाव येथे जागतिक योग दिन मोठ्या उत्साहात साजरा करण्यात आला. याप्रसंगी श्री स्वामी विवेकानंद शिक्षण संस्थेचे अर्थ सहसचिव प्राचार्य डॉ. मिलिंद हुजरे यांनी, आरोग्यदायी जीवनशैलीसाठी योग आवश्यक असल्याचे प्रतिपादन केले. ते म्हणाले की, आधुनिक जीवनशैलीमुळे वाढत चाललेला ताणतणाव, असंतुलित आहार आणि व्यायामाचा अभाव यामुळे विविध आरोग्य समस्या निर्माण होत असून, शारीरिक, मानसिक आणि बौद्धिक स्वास्थ्य टिकवण्यासाठी योग हा अत्यंत प्रभावी मार्ग आहे. कार्यक्रमाच्या सुरुवातीला योगाचे महत्त्व अधोरेखित करण्यात आले. यानंतर महाविद्यालयातील विद्यार्थी, प्राध्यापक आणि शिक्षकेत्तर कर्मचाऱ्यांनी सामूहिक योगाभ्यास व प्रात्यक्षिके सादर करून निरोगी जीवनाचा संकल्प केला. प्राचार्य डॉ. मिलिंद हुजरे यांनी उपस्थितांकडून विविध योगासने करून घेतली, तर प्रा. पी.डी. पाटील यांनी प्राणायामाचे महत्त्व विशद करत माहिती दिली आणि ध्यानसाधनाही करवली. यावेळी उपस्थितांना योगामुळे शरीर सुदृढ होते, मन एकाग्र होते, सकारात्मक विचारसरणी विकसित होते आणि दैनंदिन ताणतणाव कमी होतो, याविषयी मार्गदर्शन करण्यात आले. कार्यक्रमाचे प्रास्ताविक कार्यक्रम अधिकारी डॉ. तातोबा बदामे यांनी केले, तर वार्षिक कार्यक्रम कमिटी प्रमुख डॉ. साईनाथ घोगरे यांनी आभार मानले. सांस्कृतिक विभाग प्रमुख प्रा. आण्णासाहेब बागल यांनी कार्यक्रमाचे सूत्रसंचालन केले. याप्रसंगी नॅक समन्वयक डॉ. जीवन घोडके, जिमखाना विभागप्रमुख प्रा. ए.के. पाटील, राजू काळभोर ज्युनिअर प्रमुख एस.आर. पाटील, विज्ञान प्रमुख प्रा. पी.डी. पाटील यांच्यासह महाविद्यालयातील प्राध्यापक, शिक्षकेत्तर कर्मचारी, एनएसएस स्वयंसेवक आणि जिमखाना विभागाचे विद्यार्थी-विद्यार्थिनी मोठ्या संख्येने उपस्थित होते.