मुख्यमंत्री देवेंद्र फडणवीस यांचा अर्थसंकल्प राज्याच्या प्रगतीला चालणा देणारा. :- आमदार सुरेश धस - - - - - - - शेतकरी-महिला-पायाभूत सुविधांना अर्थसंकल्पातून मोठी चालना मिळणार (प्रतिनिधी) - राज्याचे मुख्यमंत्री देवेंद्र फडणवीस यांनी शुक्रवारी राज्याचा अर्थसंकल्प विधिमंडळात सादर केला असून हा अर्थसंकल्प शेतकरी, महिला तसेच पायाभूत सुविधांच्या विकासाला चालना देणारा सर्वसमावेशक आणि संधी निर्माण करणारा असल्याची प्रतिक्रिया आष्टी–पाटोदा–शिरूर मतदारसंघाचे आमदार सुरेश धस यांनी दिली. या बाबत बोलताना आमदार सुरेश धस म्हणाले की, राज्यातील शेतकऱ्यांसाठी जाहीर करण्यात आलेली पुण्यश्लोक अहिल्यादेवी होळकर शेतकरी कर्जमाफी योजना ही अत्यंत महत्त्वाची असून ३० सप्टेंबर २०२५ पर्यंत पीककर्ज थकीत असलेल्या पात्र शेतकऱ्यांना दोन लाख रुपयांपर्यंत कर्जमाफी देण्याचा निर्णय शेतकऱ्यांना मोठा दिलासा देणारा आहे. याशिवाय नियमित कर्जफेड करणाऱ्या शेतकऱ्यांना प्रोत्साहनपर ५० हजार रुपयांचे अनुदान देण्याचा निर्णयही सकारात्मक असल्याचे त्यांनी नमूद केले.या अर्थसंकल्पात शेतीमालाला जागतिक बाजारपेठ उपलब्ध करून देण्यासाठी १० ते १५ पिकांची एकात्मिक मूल्यसाखळी उभारण्याचा निर्णय, कृषी क्षेत्रात डिजिटल प्लॅटफॉर्मद्वारे एकात्मिक इकोसिस्टीम निर्माण करण्याची योजना तसेच सिंचन आणि नदीजोड प्रकल्पांद्वारे दुष्काळग्रस्त भागांना पाणी उपलब्ध करून देण्याचे नियोजन ही राज्याच्या विकासासाठी महत्त्वाची पावले असल्याचे धस यांनी सांगितले. तसेच महिला सक्षमीकरणाच्या दृष्टीने मुख्यमंत्री माझी लाडकी बहीण योजना, लखपती दीदी अभियानाचा विस्तार, महिला बचतगटांसाठी उत्पादन व विक्रीसाठी सुविधा यांसारख्या योजना समाजातील महिलांना आर्थिकदृष्ट्या सक्षम करण्यासाठी महत्त्वाच्या ठरणार असल्याचे त्यांनी स्पष्ट केले. दरम्यान, राज्याच्या विकासाच्या दृष्टीने हा अर्थसंकल्प दूरदृष्टी ठेवून तयार करण्यात आला असला तरी, आज उपमुख्यमंत्री अजित पवार हे आपल्यात नाहीत, ही निश्चितच एक मोठी उणीव आहे, अशी भावना देखील आमदार सुरेश धस यांनी व्यक्त केली. राज्याच्या आर्थिक नियोजनात अजितदादांचा अनुभव आणि मार्गदर्शन महत्त्वाचे ठरत आहे, असेही त्यांनी नमूद केले.एकूणच मुख्यमंत्री देवेंद्र फडणवीस यांनी मांडलेला हा अर्थसंकल्प शेतकरी, महिला, ग्रामीण भाग तसेच पायाभूत सुविधांच्या विकासाला चालना देणारा ठरेल आणि राज्याच्या प्रगतीला गती देणारा ठरेल, असा विश्वास आमदार सुरेश धस यांनी व्यक्त केला.

शेख महेशर ताहेर(पञकार)

बीड, बीड, महाराष्ट्र•

on 8 March

मुख्यमंत्री देवेंद्र फडणवीस यांचा अर्थसंकल्प राज्याच्या प्रगतीला चालणा देणारा. :- आमदार सुरेश धस - - - - - - - शेतकरी-महिला-पायाभूत सुविधांना अर्थसंकल्पातून मोठी चालना मिळणार (प्रतिनिधी) - राज्याचे मुख्यमंत्री देवेंद्र फडणवीस यांनी शुक्रवारी राज्याचा अर्थसंकल्प विधिमंडळात सादर केला असून हा अर्थसंकल्प शेतकरी, महिला तसेच पायाभूत सुविधांच्या विकासाला चालना देणारा सर्वसमावेशक आणि संधी निर्माण करणारा असल्याची प्रतिक्रिया आष्टी–पाटोदा–शिरूर मतदारसंघाचे आमदार सुरेश धस यांनी दिली. या बाबत बोलताना आमदार सुरेश धस म्हणाले की, राज्यातील शेतकऱ्यांसाठी जाहीर करण्यात आलेली पुण्यश्लोक अहिल्यादेवी होळकर शेतकरी कर्जमाफी योजना ही अत्यंत महत्त्वाची असून ३० सप्टेंबर २०२५ पर्यंत पीककर्ज थकीत असलेल्या पात्र शेतकऱ्यांना दोन लाख रुपयांपर्यंत कर्जमाफी देण्याचा निर्णय शेतकऱ्यांना मोठा दिलासा देणारा आहे. याशिवाय नियमित कर्जफेड करणाऱ्या शेतकऱ्यांना प्रोत्साहनपर ५० हजार रुपयांचे अनुदान देण्याचा निर्णयही सकारात्मक असल्याचे त्यांनी नमूद केले.या अर्थसंकल्पात शेतीमालाला जागतिक बाजारपेठ उपलब्ध करून देण्यासाठी १० ते १५ पिकांची एकात्मिक मूल्यसाखळी उभारण्याचा निर्णय, कृषी क्षेत्रात डिजिटल प्लॅटफॉर्मद्वारे एकात्मिक इकोसिस्टीम निर्माण करण्याची योजना तसेच सिंचन आणि नदीजोड प्रकल्पांद्वारे दुष्काळग्रस्त भागांना पाणी उपलब्ध करून देण्याचे नियोजन ही राज्याच्या विकासासाठी महत्त्वाची पावले असल्याचे धस यांनी सांगितले. तसेच महिला सक्षमीकरणाच्या दृष्टीने मुख्यमंत्री माझी लाडकी बहीण योजना, लखपती दीदी अभियानाचा विस्तार, महिला बचतगटांसाठी उत्पादन व विक्रीसाठी सुविधा यांसारख्या योजना समाजातील महिलांना आर्थिकदृष्ट्या सक्षम करण्यासाठी महत्त्वाच्या ठरणार असल्याचे त्यांनी स्पष्ट केले. दरम्यान, राज्याच्या विकासाच्या दृष्टीने हा अर्थसंकल्प दूरदृष्टी ठेवून तयार करण्यात आला असला तरी, आज उपमुख्यमंत्री अजित पवार हे आपल्यात नाहीत, ही निश्चितच एक मोठी उणीव आहे, अशी भावना देखील आमदार सुरेश धस यांनी व्यक्त केली. राज्याच्या आर्थिक नियोजनात अजितदादांचा अनुभव आणि मार्गदर्शन महत्त्वाचे ठरत आहे, असेही त्यांनी नमूद केले.एकूणच मुख्यमंत्री देवेंद्र फडणवीस यांनी मांडलेला हा अर्थसंकल्प शेतकरी, महिला, ग्रामीण भाग तसेच पायाभूत सुविधांच्या विकासाला चालना देणारा ठरेल आणि राज्याच्या प्रगतीला गती देणारा ठरेल, असा विश्वास आमदार सुरेश धस यांनी व्यक्त केला.