விருதுநகர் மாவட்டம் அருப்புக்கோட்டை வட்டம் திருச்சுழி ஊராட்சி ஒன்றியத்திற்கு உட்பட்ட சலுக்குவார்பட்டி கிராமத்தில், இடுகாட்டிற்குச் செல்லும் சாலை சீரமைக்கப்படாமல் பாதியிலேயே கைவிடப்பட்டுள்ளதால் பொதுமக்கள் மற்றும் பாதசாரிகள் பெரும் அவதிக்குள்ளாகி வருகின்றனர். இக்கிராமத்தில் வசிக்கும் பொதுமக்கள் தங்களின் உறவினர்கள் யாரேனும் உயிரிழக்கும் பட்சத்தில், அவர்களது உடலை இந்தச் சாலை வழியாகவே சுடுகாட்டிற்கு எடுத்துச் செல்ல வேண்டியுள்ளது. ஆனால், இந்தச் சாலை நீண்ட நாட்களாக முற்றிலும் பழுதடைந்து, கரடுமுரடான ஜல்லிக்கற்கள் பெயர்ந்து காணப்படுகிறது. அண்மையில் தொடங்கப்பட்ட இந்தச் சாலைச் சீரமைப்புப் பணிகள் முழுமையடையாமல் பாதியிலேயே நிறுத்தி வைக்கப்பட்டுள்ளது. இதனால் சாலை முழுவதும் கூர்மையான ஜல்லிக்கற்கள் சிதறிக்கிடப்பதால், காலணிகள் இன்றி சடலங்களைச் சுமந்து செல்லும் உறவினர்களும், பொதுமக்களும் கைகளில் சடலத்தை ஏந்தியபடி நிலைதடுமாறி விழும் அபாய நிலை நீடிக்கிறது. மேலும், இவ்வழியே செல்லும் பாதசாரிகளும், விவசாயிகளும் தினமும் கடும் சிரமத்தை எதிர்கொண்டு வருகின்றனர். மரணத்தின் இறுதிப் பயணமாவது எவ்வித இடையூறும் இன்றி நிம்மதியாக நடக்க வேண்டும் என்றும், இந்த அவலச் சாலையால் உயிரிழந்தவர்களின் உடலைக்கூட உரிய நேரத்திற்கு, பாதுகாப்பாகக் கொண்டு செல்ல முடிவதில்லை என்றும் பகுதி மக்கள் வேதனை தெரிவிக்கின்றனர். எனவே, திருச்சுழி ஊராட்சி ஒன்றிய அதிகாரிகளும், மாவட்ட நிர்வாகமும் உடனடியாகத் தலையிட்டு, பாதியில் நிறுத்தப்பட்டுள்ள சலுக்குவார்பட்டி இடுகாட்டுச் சாலைப் பணியை விரைந்து முடித்து, தரமான தார்ச்சாலையாக அமைத்துத் தர வேண்டும் எனப் பொதுமக்கள் மற்றும் சமூக ஆர்வலர்கள் கோரிக்கை விடுத்துள்ளனர்.

முத்து முருகன்

அருப்புக்கோட்டை, விருதுநகர், தமிழ்நாடு•

1 hr ago

விருதுநகர் மாவட்டம் அருப்புக்கோட்டை வட்டம் திருச்சுழி ஊராட்சி ஒன்றியத்திற்கு உட்பட்ட சலுக்குவார்பட்டி கிராமத்தில், இடுகாட்டிற்குச் செல்லும் சாலை சீரமைக்கப்படாமல் பாதியிலேயே கைவிடப்பட்டுள்ளதால் பொதுமக்கள் மற்றும் பாதசாரிகள் பெரும் அவதிக்குள்ளாகி வருகின்றனர். இக்கிராமத்தில் வசிக்கும் பொதுமக்கள் தங்களின் உறவினர்கள் யாரேனும் உயிரிழக்கும் பட்சத்தில், அவர்களது உடலை இந்தச் சாலை வழியாகவே சுடுகாட்டிற்கு எடுத்துச் செல்ல வேண்டியுள்ளது. ஆனால், இந்தச் சாலை நீண்ட நாட்களாக முற்றிலும் பழுதடைந்து, கரடுமுரடான ஜல்லிக்கற்கள் பெயர்ந்து காணப்படுகிறது. அண்மையில் தொடங்கப்பட்ட இந்தச் சாலைச் சீரமைப்புப் பணிகள் முழுமையடையாமல் பாதியிலேயே நிறுத்தி வைக்கப்பட்டுள்ளது. இதனால் சாலை முழுவதும் கூர்மையான ஜல்லிக்கற்கள் சிதறிக்கிடப்பதால், காலணிகள் இன்றி சடலங்களைச் சுமந்து செல்லும் உறவினர்களும், பொதுமக்களும் கைகளில் சடலத்தை ஏந்தியபடி நிலைதடுமாறி விழும் அபாய நிலை நீடிக்கிறது. மேலும், இவ்வழியே செல்லும் பாதசாரிகளும், விவசாயிகளும் தினமும் கடும் சிரமத்தை எதிர்கொண்டு வருகின்றனர். மரணத்தின் இறுதிப் பயணமாவது எவ்வித இடையூறும் இன்றி நிம்மதியாக நடக்க வேண்டும் என்றும், இந்த அவலச் சாலையால் உயிரிழந்தவர்களின் உடலைக்கூட உரிய நேரத்திற்கு, பாதுகாப்பாகக் கொண்டு செல்ல முடிவதில்லை என்றும் பகுதி மக்கள் வேதனை தெரிவிக்கின்றனர். எனவே, திருச்சுழி ஊராட்சி ஒன்றிய அதிகாரிகளும், மாவட்ட நிர்வாகமும் உடனடியாகத் தலையிட்டு, பாதியில் நிறுத்தப்பட்டுள்ள சலுக்குவார்பட்டி இடுகாட்டுச் சாலைப் பணியை விரைந்து முடித்து, தரமான தார்ச்சாலையாக அமைத்துத் தர வேண்டும் எனப் பொதுமக்கள் மற்றும் சமூக ஆர்வலர்கள் கோரிக்கை விடுத்துள்ளனர்.