धर्मेंद्र प्रधान यांच्या राजीनाम्याची बातमी समोर आल्यानंतर जालन्यामध्ये VBA म्हणजेच वंचितच्या कार्यकर्त्यांनी जोरदार जल्लोष साजरा केला. धर्मेंद्र प्रधान यांच्या राजीनाम्याचा आनंद व्यक्त करण्यासाठी वंचितच्या कार्यकर्त्यांनी एकत्र येत शहरात फटाक्यांची आतषबाजी केली आणि एकमेकांना पेढे वाटून आपला आनंद साजरा केला.

जालना येथे येत्या 27 जुलै रोजी 'गो सन्मान महारॅली'चे आयोजन करण्यात आले आहे. ही रॅली 'बडे सडक' येथील राम मंदिरापासून निघणार आहे. या महारॅलीमध्ये सर्व नागरिकांनी मोठ्या संख्येने आणि भरभरून उपस्थित राहावे, असे आवाहन करण्यात आले आहे.

प्रति पंढरपूर म्हणून ओळखल्या जाणाऱ्या जालन्याचे आराध्य दैवत श्री आनंदी स्वामी महाराज यांच्या आषाढी एकादशी पालखी सोहळ्यात शनिवारी पुन्हा एकदा हिंदू-मुस्लिम ऐक्याचे प्रेरणादायी दर्शन घडले आहे. आषाढी एकादशीनिमित्त निघालेल्या श्री आनंदी स्वामींच्या या पालखी सोहळ्याचे मुस्लिम बांधवांकडून अत्यंत जल्लोषात स्वागत करण्यात आले. शहरातील बाजार चौकी परिसरात मुस्लिम बांधवांनी पालखीचे स्वागत करत मंदिर संस्थानच्या पदाधिकाऱ्यांचा शाल आणि श्रीफळ देऊन भावूक सत्कार केला. पोलीस प्रशासनाच्या उपस्थितीत पार पडलेल्या या सोहळ्यामुळे जालन्यातील गेल्या ३० ते ३५ वर्षांपासून चालत आलेली सामाजिक सलोख्याची आणि बंधुभावाची परंपरा यंदाही तितक्याच उत्साहात कायम राहिली आहे.

धर्मेंद्र प्रधान यांच्या राजीनाम्याची बातमी समोर आल्यानंतर जालन्यामध्ये VBA म्हणजेच वंचितच्या कार्यकर्त्यांनी जोरदार जल्लोष साजरा केला. धर्मेंद्र प्रधान यांच्या राजीनाम्याचा आनंद व्यक्त करण्यासाठी वंचितच्या कार्यकर्त्यांनी एकत्र येत शहरात फटाक्यांची आतषबाजी केली आणि एकमेकांना पेढे वाटून आपला आनंद साजरा केला.

छत्रपती संभाजीनगर शहरातील विविध भागांतून पकडण्यात आलेल्या १५ साप आणि एका घोरपडीचे वन्यजीव प्रेमी बहुद्देशीय संस्थेने वनविभागाच्या मार्गदर्शनाखाली सुरक्षित वनपरिक्षेत्रात यशस्वी पुनर्वसन केले आहे. या मोहिमेत ११ विषारी आणि ४ बिनविषारी सापांचा समावेश होता. यामध्ये नाग, घोणस, मण्यार या विषारी सापांसह कवड्या, कंदोर आणि तस्कर या बिनविषारी सापांना तसेच एका घोरपडीला सुरक्षितपणे त्यांच्या नैसर्गिक अधिवासात सोडण्यात आले. ही संपूर्ण कारवाई वनरक्षक फड मॅडम व वनमजूर हजारे मामा यांच्या उपस्थितीत पार पडली. या मोहिमेत संस्थेचे अध्यक्ष संघानंद शिंदे, सचिव सुरेश साळवे आणि सदस्य मनोज गायकवाड यांनी सक्रिय सहभाग घेतला. या निमित्ताने नागरिकांना आवाहन करण्यात आले आहे की, घर, शेत किंवा परिसरात साप अथवा इतर वन्यजीव आढळल्यास घाबरून त्यांना इजा करू नये किंवा ठार मारू नये; तर तत्काळ वनविभाग किंवा प्रशिक्षित सर्पमित्रांशी संपर्क साधून पर्यावरणाचा समतोल राखण्यास मदत करावी.

फुलंब्री येथील प्रभु श्रीराम मंदिरात रामरक्षा पठण करण्यात आले. या कार्यक्रमादरम्यान अयोध्या येथील श्रीराम मंदिरात देणगीत झालेल्या गैरव्यवहाराचा निषेध करण्यात आला आहे.

दिल्लीत अभिजीत दिपके यांच्या विजयाची घोषणा होताच छत्रपती संभाजीनगर येथील क्रांती चौकात वंचित बहुजन आघाडीच्या कार्यकर्त्यांनी जोरदार जल्लोष साजरा केला. कार्यकर्त्यांनी फटाक्यांची आतषबाजी, घोषणाबाजी करत आणि एकमेकांना मिठाई भरवत आपला आनंद व्यक्त केला. या विजयामुळे परिसरात उत्साहाचे वातावरण निर्माण झाले असून, हा विजय म्हणजे सामाजिक न्यायाच्या लढ्याचे प्रतीक असल्याची भावना यावेळी अनेकांनी व्यक्त केली.

केंद्रीय शिक्षणमंत्री धर्मेंद्र प्रधान यांच्या राजीनाम्यानंतर जालन्यातील मामा चौकात वंचित बहुजन आघाडीच्या वतीने जोरदार आनंदोत्सव साजरा करण्यात आला. २५ तारीख शनिवारी संध्याकाळी ५ वाजेच्या सुमारास मिळालेल्या माहितीनुसार, वंचितच्या कार्यकर्त्यांनी एकत्र येत मामा चौकात फटाक्यांची आतषबाजी केली आणि पेढे वाटून विजयाचा उत्सव साजरा केला. या प्रसंगी डेव्हिड घुमारे यांनी दावा केला की, विद्यार्थ्यांच्या आंदोलनाला प्रकाश आंबेडकर यांच्या पाठिंब्यामुळेच देशभरातून मोठा प्रतिसाद मिळाला. त्यांनी या संपूर्ण घडामोडीला 'लोकशाही संघर्षाचा विजय' असे संबोधले आहे.

छत्रपती संभाजीनगर जिल्ह्यातील सिल्लोड शहरात पती-पत्नीमध्ये झालेल्या वादातून पतीने आपल्या सासू आणि सासऱ्यावर चाकूने वार केल्याची घटना घडली आहे. घटनेनंतर आरोपी घटनास्थळावरून फरार झाला आहे. याप्रकरणी सिल्लोड शहर पोलीस ठाण्यात आरोपीविरुद्ध गुन्हा दाखल करण्यात आला आहे.