விருதுநகர் மாவட்டம், விருதுநகர் வட்டம், அழகாபுரி அரசு ஆரம்ப சுகாதார நிலையத்தில் இன்று (25.06.2026) சமூக நலன் மற்றும் மகளிர் உரிமைத் துறை சார்பில் சிறப்பு நிகழ்ச்சி நடைபெற்றது. இரத்த சோகை மற்றும் ஊட்டச்சத்து குறைபாடுகளால் பாதிக்கப்பட்ட கர்ப்பிணித் தாய்மார்களின் உடல்நலத்தை மேம்படுத்தும் நோக்கில், இந்த நிகழ்ச்சியில் ஊட்டச்சத்து பெட்டகங்கள் வழங்கப்பட்டன. நிகழ்ச்சியில் பங்கேற்ற விருதுநகர் மாவட்ட ஆட்சித்தலைவர், கர்ப்பிணித் தாய்மார்களுக்கு நேரடியாக ஊட்டச்சத்து பெட்டகங்களை வழங்கினார். கர்ப்பகாலத்தில் சத்தான உணவுகளைத் தொடர்ந்து உட்கொள்வதன் அவசியம் குறித்து அவர் விழிப்புணர்வு ஏற்படுத்தியதுடன், தாய் மற்றும் சேய் நலனைப் பாதுகாக்க அரசின் பல்வேறு நலத்திட்டங்களை முழுமையாகப் பயன்படுத்திக் கொள்ளுமாறும், சுகாதாரப் பரிசோதனைகளைத் தவறாமல் மேற்கொள்ளுமாறும் அறிவுறுத்தினார். இந்த நிகழ்ச்சியில் சுகாதாரத் துறை மற்றும் சமூக நலத்துறை அதிகாரிகள், மருத்துவர்கள், செவிலியர்கள் மற்றும் பொதுமக்கள் எனப் பலரும் கலந்து கொண்டனர்.

விருதுநகர் மாவட்டம், விருதுநகர் வட்டம், அழகாபுரி அரசு ஆரம்ப சுகாதார நிலையத்தில் இன்று (25.06.2026) சமூக நலன் மற்றும் மகளிர் உரிமைத் துறை சார்பில் சிறப்பு நிகழ்ச்சி நடைபெற்றது. இரத்த சோகை மற்றும் ஊட்டச்சத்து குறைபாடுகளால் பாதிக்கப்பட்ட கர்ப்பிணித் தாய்மார்களின் உடல்நலத்தை மேம்படுத்தும் நோக்கில், இந்த நிகழ்ச்சியில் ஊட்டச்சத்து பெட்டகங்கள் வழங்கப்பட்டன. நிகழ்ச்சியில் பங்கேற்ற விருதுநகர் மாவட்ட ஆட்சித்தலைவர், கர்ப்பிணித் தாய்மார்களுக்கு நேரடியாக ஊட்டச்சத்து பெட்டகங்களை வழங்கினார். கர்ப்பகாலத்தில் சத்தான உணவுகளைத் தொடர்ந்து உட்கொள்வதன் அவசியம் குறித்து அவர் விழிப்புணர்வு ஏற்படுத்தியதுடன், தாய் மற்றும் சேய் நலனைப் பாதுகாக்க அரசின் பல்வேறு நலத்திட்டங்களை முழுமையாகப் பயன்படுத்திக் கொள்ளுமாறும், சுகாதாரப் பரிசோதனைகளைத் தவறாமல் மேற்கொள்ளுமாறும் அறிவுறுத்தினார். இந்த நிகழ்ச்சியில் சுகாதாரத் துறை மற்றும் சமூக நலத்துறை அதிகாரிகள், மருத்துவர்கள், செவிலியர்கள் மற்றும் பொதுமக்கள் எனப் பலரும் கலந்து கொண்டனர்.

மதுரை திருப்பரங்குன்றம் அருள்மிகு சுப்பிரமணியசுவாமி கோயிலில் ஆனி ஊஞ்சல் திருவிழா தற்போது நடைபெற்று வருகிறது. இந்த திருவிழாவில் நேற்று (ஜூன் 24) உற்சவர் முருகப்பெருமானுக்கு சிறப்பு அபிஷேகமும், அலங்காரமும் செய்யப்பட்டன. முருகப்பெருமான் ஊஞ்சலில் எழுந்தருளிய பின்னர், சிறப்பு ஆராதனைகள் நடைபெற்றன. இந்த ஆனி ஊஞ்சல் திருவிழா ஜூன் 29 ஆம் தேதி வரை தொடர்ந்து நடைபெற உள்ளது. திருவிழாவின் நிறைவு நாளான ஜூன் 29 ஆம் தேதி, மா, பலா, வாழை ஆகிய முக்கனிகள் வைத்து சிறப்பு பூஜைகள் நடத்தப்படும். அன்றைய தினம் மாலையில் முருகப்பெருமான் சிம்மாசன வாகனத்தில் வீதி உலா வந்து பக்தர்களுக்கு அருள்பாலிக்கவுள்ளார். இந்த உற்சவ திருவிழாவில் சிறப்பு பூஜைகளும், ஆராதனைகளும் தொடர்ந்து நடைபெற்று வருகின்றன.

விருதுநகர் மாவட்டத்திற்கு உட்பட்ட வத்திராயிருப்பு தாலுகாவில் உள்ள வத்திராயிருப்பு மற்றும் பேரையூர் பகுதிகளில், பள்ளி மாணவர்கள், கல்லூரி மாணவர்கள் மற்றும் வேலைக்குச் செல்வோர் காலை நேரத்தில் குறித்த நேரத்திற்குப் பேருந்து வசதி இல்லாததால் பெரும் சிரமங்களைச் சந்தித்து வருகின்றனர். காலை 7:30 மணிக்குப் பிறகு, காலை 9:00 மணிக்குத்தான் பேருந்து வருவதாகக் கூறப்படுகிறது. சரியான நேரத்தில் பேருந்து வசதி இல்லாததால், குறித்த நேரத்திற்கு பள்ளி, கல்லூரி மற்றும் பணிக்குச் செல்ல முடியாமல் அனைவரும் மிகவும் அவதிப்படுவதாகவும், எனவே காலை நேரத்தில் குறித்த நேரத்திற்குப் பேருந்து வசதியை ஏற்படுத்தித் தர வேண்டும் என்றும் அப்பகுதி மக்கள் கோரிக்கை விடுத்துள்ளனர்.

தூத்துக்குடி மாவட்டம் கோவில்பட்டியில், மதிமுக முதன்மை செயலாளரும் திருச்சி நாடாளுமன்ற உறுப்பினருமான துரை வைகோ, நடந்து முடிந்த தேர்தலில் திமுக கூட்டணி தொடர்பாக தலைமை எடுத்த முடிவுக்கு கட்சி நிர்வாகிகள் எதிர்ப்பு தெரிவித்ததாகக் கூறியுள்ளார். அவர், திமுக கூட்டணியில் இருந்து மதிமுக வெளியே வருகிறதா அல்லது அடுத்தகட்ட முடிவு என்ன என்பது குறித்து பொதுக்குழுவில் முடிவு செய்யப்படும் எனத் தெரிவித்தார். மேலும், முதல்வர் விஜய்க்கு வலு சேர்க்கும் வகையில்தான் தற்போதைய அரசியல் சூழ்நிலை அமையும் என்றும் அவர் நம்பிக்கை தெரிவித்தார். தமிழகம் முழுவதும் கட்சியினரிடையே மிகப்பெரிய மன அழுத்தம் மற்றும் வேதனை நிலவுவதாகவும் துரை வைகோ குறிப்பிட்டார். தலைமை ஒரு முடிவெடுத்தாலும், அதற்கு கட்டுப்படாமலும், தலைமை எடுத்த முடிவு தவறு என்றும் இணையதளங்களிலும் பல இடங்களிலும் கட்சியினர் கருத்து தெரிவித்தனர். "நாங்க உங்கள தான் நம்பி இருந்தோம், ஆனால் நீங்கள் கைவிட்டு விட்டீர்கள்" என்று மதிமுக நிர்வாகிகள் தன்னிடம் தனிப்பட்ட முறையில் கொந்தளித்துப் பேசியதாகவும், அருகிலுள்ள மாவட்ட செயலாளரும் இதை வலியுறுத்தியதாகவும் அவர் தெரிவித்தார். பொதுக்குழுவைப் பொறுத்தவரை, தானும் தலைவர் வைகோவும் தனிப்பட்ட முறையில் எதுவும் சொல்ல முடியாது என்றும் அவர் கூறினார். சகோதரர் விஜய் ஜாதி, மதங்களைக் கடந்து, பண அரசியலைத் தாண்டி ஒரு நல்ல அரசை வழங்குவார் என தமிழக மக்கள் நம்பிக்கை கொண்டுள்ளதாகவும், அவர் 35 சதவீத வாக்குகளைப் பெற்றுள்ளதாகவும் துரை வைகோ தெரிவித்தார். ஆட்சிக்கு வந்த பிறகும் நேர்மையான, வெளிப்படையான, எந்த ஒரு லஞ்ச லாவண்யம் இல்லாத ஆட்சி கொடுப்பதாக அவர் கூறியிருப்பதால்தான், அவருக்கு வலு சேர்க்கும் வகையில்தான் அரசியல் சூழ்நிலை அமையும் என்ற நம்பிக்கை தனக்கு உள்ளதாகவும் அவர் கூறினார். சட்டமன்ற மாண்புகள் பின்பற்றப்பட வேண்டும் என்று குறிப்பிட்ட அவர், எதிர்கட்சித் தலைவர் உதயநிதி ஸ்டாலின், த. வெ. க. அரசு இளைஞர்கள் மீது அடக்குமுறை கையாளுவதாகச் சொன்னது தவறு இல்லை என்றும், ஆனால் அரசியல் ரீதியாக விமர்சனம் வைக்கலாம், தனிநபர் விமர்சனங்கள் தவிர்க்கப்பட வேண்டும் என்றும் கருத்து தெரிவித்தார். மேலும், நடிகராக இருந்தாலும் யாராக இருந்தாலும் பெண்களை தரக்குறைவாக இழிவுபடுத்துவதை ஏற்றுக்கொள்ள முடியாது என்றும், அத்தகைய செயல்களில் ஈடுபடுபவர்கள் மீது எந்தத் தண்டனையும் கொடுக்கலாம் என்றும் துரை வைகோ வலியுறுத்தினார். சமூக வலைத்தளங்களில் ஜனநாயகத்திற்கும் கருத்துச் சுதந்திரத்திற்கும் ஒரு வரைமுறை உள்ளதாகவும், அரசு இதில் நடவடிக்கை எடுக்க வேண்டும் என்றும் அவர் தெரிவித்தார். முன்னதாக, கோவில்பட்டியில் உள்ள அரசு மாவட்ட தலைமை மருத்துவமனை மற்றும் அரசு வளாக சாலை, மந்திதோப்பு சாலை பகுதிகளையும் துரை வைகோ திடீரென ஆய்வு செய்தார். இந்த ஆய்வின்போது, கோவில்பட்டி நகர மன்ற தலைவர் (பொறுப்பு) ஆர். எஸ். ரமேஷ், நகராட்சி ஆணையர் சுகந்தி மற்றும் மதிமுக நிர்வாகிகள் உடனிருந்தனர். குறிப்பிடத்தக்க வகையில், கோவில்பட்டி சட்டமன்ற தொகுதியில் திமுகவைச் சேர்ந்த சட்டமன்ற உறுப்பினர் கா. கருணாநிதி இருக்கும் நிலையில், அவரை இந்த ஆய்வுக்கு அழைக்கவில்லை.

சிவகங்கை மாவட்டம் சிங்கம்புணரி அருகே அணைக்கரைப்பட்டியில் விவசாயிகள் நூதனப் போராட்டத்தில் ஈடுபட்டனர். பாலாற்று மண்ணில் மார்பளவு புதைந்து தங்கள் எதிர்ப்பைத் தெரிவித்த அவர்கள், சூரப்பட்டியில் 9.5 கோடி ரூபாய் மதிப்பில் கட்டப்பட்டு வரும் தடுப்பணைக்கு கடுமையான எதிர்ப்பு தெரிவித்தனர். இந்தத் தடுப்பணை கட்டுவதால் 650 கண்மாய்கள் மற்றும் ஒரு லட்சம் ஏக்கர் விவசாய நிலங்கள் பாதிக்கப்படும் என விவசாயிகள் எச்சரிக்கை விடுத்தனர். மேலும், அணை கட்டுமானப் பணிகளை உடனடியாக நிறுத்த வேண்டும் என்றும் கோரிக்கை வைத்தனர். காவல்துறை அதிகாரிகளுடனான பேச்சுவார்த்தைக்குப் பிறகு, இந்தப் போராட்டம் கைவிடப்பட்டது.

தமிழகத்தின் ஐந்து தென் மாவட்டங்களான தேனி, மதுரை, திண்டுக்கல், ராமநாதபுரம் மற்றும் சிவகங்கை ஆகியவற்றுக்கு முக்கிய நீர்ப்பாசன மற்றும் குடிநீர் ஆதாரமாக விளங்கும் தேனி மாவட்டம் ஆண்டிபட்டி அருகே உள்ள வைகை அணை, தற்போது வரலாறு காணாத வறட்சியை சந்தித்து வருகிறது. கடந்த ஆண்டு தென்மேற்கு மற்றும் வடகிழக்கு பருவமழைகள் போதிய அளவு பெய்யாததால், முல்லைப் பெரியாறு மற்றும் மூல வைகை ஆறு போன்ற நீர் பிடிப்புப் பகுதிகளிலிருந்து அணைக்கு வரும் நீர்வரத்து முற்றிலும் வறண்டு காணப்படுகிறது. சுமார் 71 அடி உயரம் கொண்ட வைகை அணையில் தற்போது வெறும் 30 அடி தண்ணீர் மட்டுமே எஞ்சியுள்ளது. வைகை அணையை சுற்றியுள்ள பகுதிகள் மணல் பாங்காக காட்சியளிப்பதால், அணை தூர்வாரப்பட வேண்டும் என விவசாயிகள் மற்றும் பொதுமக்கள் நீண்ட காலமாக கோரிக்கை விடுத்து வருகின்றனர். இந்த நிலையில், அணையில் உள்ள வண்டல் மண் விவசாயத்திற்கு மிகவும் உதவியாக இருக்கும் என்பதால், அதனை விவசாயிகளுக்கு வழங்க வேண்டும் என பல்வேறு விவசாய அமைப்புகள் கோரிக்கை வைத்திருந்தன. ஆனால், இந்தக் கோரிக்கை ஒருபுறமிருக்க, தற்போது இரவில் வைகை அணைப் பகுதியில் உரிய அனுமதியின்றி சட்டவிரோதமாக மணல் திருட்டு நடைபெறுவதாகப் பலதரப்பட்ட குற்றச்சாட்டுகள் எழுந்துள்ளன. நள்ளிரவு தொடங்கி அதிகாலை வரை ஜேசிபி இயந்திரங்கள் மற்றும் கனரா பொக்லைன் இயந்திரங்கள் கொண்டுவரப்பட்டு அவசரம் அவசரமாக மணல் அள்ளிச் செல்லப்படுவதாகவும், கனிமவள அதிகாரிகளே இதற்கு உடந்தையாக இருப்பதாகவும் பொதுமக்கள் மற்றும் விவசாயிகள் தெரிவித்து வருகின்றனர். வைகை அணை இதுவரை தூர்வாரப்படாத நிலையில், விவசாயத்திற்குப் பெரும் துணையாக இருக்கும் எனக் கருதப்படும் வண்டல் மண் திருடப்படுவது, விவசாயிகள் மற்றும் பொதுமக்கள் இடையே பெரும் அதிர்ச்சியையும் வேதனையையும் ஏற்படுத்தியுள்ளது. வறண்டு கிடக்கும் வைகை அணையில் நள்ளிரவில் நடைபெறும் இந்த மணல் திருட்டு கடும் கண்டனத்துக்கு உள்ளாகியுள்ளது.

தேனி மாவட்டம் ஆண்டிபட்டி அருகே அமைந்துள்ள தேனி அரசு மருத்துவமனையில் நடைபெற்ற நிகழ்வில், கைத்தறி மற்றும் துணி நூல் கதர்துறை அமைச்சர் விஜய் பாலாஜி அவர்கள் 11 குழந்தைகளுக்கு தங்க மோதிரம் மற்றும் வெள்ளி காசுகளை வழங்கினார். இந்த நிகழ்ச்சியில், குழந்தைகளுக்கு ஊட்டச்சத்து மிகுந்த பெட்டகங்களும் பழங்களும் வழங்கப்பட்டன. கம்பம் சட்டமன்ற உறுப்பினர் ஜெகநாத் மிஸ்ரா, அரசு அதிகாரிகள் மற்றும் தவெகா நிர்வாகிகள் உள்ளிட்ட பலர் இந்த நிகழ்வில் கலந்து கொண்டனர்.

விருதுநகர் மாவட்டம் காரியாபட்டியில் உள்ள திருச்சுழி சட்டமன்ற உறுப்பினர் அலுவலகத்தில், முன்னாள் அமைச்சரும், திருச்சுழி சட்டமன்ற உறுப்பினருமான தங்கம் தென்னரசு கட்சி நிர்வாகிகளுடன் சட்டமன்ற தொகுதியின் வளர்ச்சி திட்ட பணிகள் மற்றும் பொதுமக்களின் கோரிக்கைகள் குறித்து ஆலோசனை நடத்தினார். இதைத்தொடர்ந்து செய்தியாளர்களைச் சந்தித்த அவர், பல்வேறு முக்கிய விவகாரங்கள் குறித்துப் பேசினார். நேற்று சட்டமன்றத்தில் முதலமைச்சர் பேசியது தொடர்பாக எதிர்க்கட்சித் தலைவர் தெரிவித்த கருத்துக்களை அப்படியே தான் வழிமொழிவதாகவும், கூடுதலாக எதுவும் சொல்வதற்கு இல்லை என்றும் தங்கம் தென்னரசு குறிப்பிட்டார். திருவள்ளூரில் நடந்த அம்மோனியா வாயு கசிவு சம்பவத்தால் 9 பேர் உயிரிழந்தது ஒரு துயரச் சம்பவம் என்றும், இக்காலத்திலும் இது நடந்திருக்கக் கூடாது என்றும் அவர் வருத்தம் தெரிவித்தார். அம்மோனியா வாயு கசிவால் 2 குழந்தை தொழிலாளர்கள் மரணமடைந்தது உண்மையாக இருக்கும் பட்சத்தில், அதுகுறித்து தொழிலாளர் நலத்துறை உரிய நடவடிக்கை எடுக்க வேண்டும் என்றும் அவர் வலியுறுத்தினார். பரந்தூர் விமான நிலையம் தேவையில்லை என்பதுதான் தவெக அரசின் நிலைப்பாடாக உள்ளதாகத் தெரிவித்த அவர், தமிழகத்தின் ஒட்டுமொத்த வளர்ச்சிக்கும் பரந்தூர் விமான நிலையம் ஒரு அத்தியாவசியமான திட்டம் என்பதால்தான் திமுக ஆட்சியில் இத்திட்டம் கொண்டுவரப்பட்டதாக விளக்கினார். 2030-க்குள் 1 டிரில்லியன் அமெரிக்க டாலர் பொருளாதாரத்தை எட்ட வேண்டுமென்றால், நாட்டிற்கான வளர்ச்சித் திட்டங்கள் அவசியமானவை என்பதை உணர்ந்துதான் பரந்தூர் விமான நிலையத் திட்டம் கொண்டுவரப்பட்டது என்றும் அவர் கூறினார். தவெக ஆட்சிக்கு வரும் முன்பே பரந்தூர் விமான நிலையத் திட்டம் தேவையில்லை என்ற நிலைப்பாட்டில் இருந்தார்கள் என்பதைச் சுட்டிக்காட்டிய தங்கம் தென்னரசு, அதே நிலைப்பாட்டில் அவர்கள் உறுதியாக இருக்கிறார்களா இல்லையா என்பதைப் பொறுத்திருந்துதான் பார்க்க வேண்டும் என்று கூறினார்.