पदभार स्वीकारताच डॉ. नयना तुळसकर ॲक्शन मोडवर; अतिक्रमण हटवून रस्त्यांना दिला ‘मोकळा श्वास’ हिंगणघाट ..वर्धा हिंगणघाट : शहरातील मुख्य रस्त्यांवरील वाढते अतिक्रमण हटवण्यासाठी १७ फेब्रुवारीपासून हिंगणघाट नगरपालिकेकडून विशेष मोहीम हाती घेण्यात आली आहे. २७ फेब्रुवारीपर्यंत शहर परिसरातील अनाधिकृत अतिक्रमण हटवण्याचे नियोजन करण्यात आले असून, अनेक वर्षांपासून रस्त्यांवर वाढलेल्या अतिक्रमणामुळे वाहतूक कोंडी व अपघातांचा धोका वाढला होता. या पार्श्वभूमीवर नवनियुक्त नगराध्यक्ष डॉ. नयना तुळसकर यांनी पदभार स्वीकारताच प्रशासन ॲक्शन मोडमध्ये आले आहे. मोठ्या प्रमाणात मुख्य मार्गांवर उभ्या राहिलेल्या फेरीवाल्यांच्या व अनधिकृत बांधकामांच्या अतिक्रमणामुळे नागरिकांना मोठा त्रास सहन करावा लागत होता. वाढत्या रहदारीमुळे अपघातांची शक्यता निर्माण होत होती. अतिक्रमण हटविल्याने रस्त्यांना मोकळा श्वास मिळणार असून वाहतूक सुरळीत होण्यासाठी मार्ग प्रशस्त होणार असल्याचे प्रशासनाकडून सांगण्यात येत आहे. मात्र या कारवाईमुळे अनेक लहान व्यावसायिक व फेरीवाले यांच्यावर उपासमारीची वेळ येण्याची भीती व्यक्त होत आहे. “आमच्या पोटापाण्याची सोय काय?” असा सवाल अतिक्रमणधारकांनी उपस्थित केला आहे. शहरात आधीच बेरोजगारीची समस्या गंभीर असताना या मोहिमेमुळे आर्थिक सावट निर्माण होण्याची शक्यता व्यक्त केली जात आहे. प्रशासकीय कार्यकाळात अशी कारवाई झाली नव्हती, मात्र लोकनियुक्त नगराध्यक्ष पदावर विराजमान होताच कारवाई का, असा प्रश्नही काही नागरिकांकडून उपस्थित होत आहे. ही कारवाई नगरपालिका मुख्याधिकारी प्रशांत उरकुडे यांच्या मार्गदर्शनाखाली अतिक्रमण प्रमुख प्रवीण काळे, मदन मशानकर तसेच नगरपालिका कर्मचारी व अधिकाऱ्यांच्या उपस्थितीत, पोलिसांच्या देखरेखीखाली करण्यात येत आहे. शहरात सुव्यवस्था आणि विकास साधण्यासाठी प्रशासनाची ही धडक मोहीम पुढेही सुरू राहणार असल्याचे संकेत देण्यात आले आहेत.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

4 hrs ago

पदभार स्वीकारताच डॉ. नयना तुळसकर ॲक्शन मोडवर; अतिक्रमण हटवून रस्त्यांना दिला ‘मोकळा श्वास’ हिंगणघाट ..वर्धा हिंगणघाट : शहरातील मुख्य रस्त्यांवरील वाढते अतिक्रमण हटवण्यासाठी १७ फेब्रुवारीपासून हिंगणघाट नगरपालिकेकडून विशेष मोहीम हाती घेण्यात आली आहे. २७ फेब्रुवारीपर्यंत शहर परिसरातील अनाधिकृत अतिक्रमण हटवण्याचे नियोजन करण्यात आले असून, अनेक वर्षांपासून रस्त्यांवर वाढलेल्या अतिक्रमणामुळे वाहतूक कोंडी व अपघातांचा धोका वाढला होता. या पार्श्वभूमीवर नवनियुक्त नगराध्यक्ष डॉ. नयना तुळसकर यांनी पदभार स्वीकारताच प्रशासन ॲक्शन मोडमध्ये आले आहे. मोठ्या प्रमाणात मुख्य मार्गांवर उभ्या राहिलेल्या फेरीवाल्यांच्या व अनधिकृत बांधकामांच्या अतिक्रमणामुळे नागरिकांना मोठा त्रास सहन करावा लागत होता. वाढत्या रहदारीमुळे अपघातांची शक्यता निर्माण होत होती. अतिक्रमण हटविल्याने रस्त्यांना मोकळा श्वास मिळणार असून वाहतूक सुरळीत होण्यासाठी मार्ग प्रशस्त होणार असल्याचे प्रशासनाकडून सांगण्यात येत आहे. मात्र या कारवाईमुळे अनेक लहान व्यावसायिक व फेरीवाले यांच्यावर उपासमारीची वेळ येण्याची भीती व्यक्त होत आहे. “आमच्या पोटापाण्याची सोय काय?” असा सवाल अतिक्रमणधारकांनी उपस्थित केला आहे. शहरात आधीच बेरोजगारीची समस्या गंभीर असताना या मोहिमेमुळे आर्थिक सावट निर्माण होण्याची शक्यता व्यक्त केली जात आहे. प्रशासकीय कार्यकाळात अशी कारवाई झाली नव्हती, मात्र लोकनियुक्त नगराध्यक्ष पदावर विराजमान होताच कारवाई का, असा प्रश्नही काही नागरिकांकडून उपस्थित होत आहे. ही कारवाई नगरपालिका मुख्याधिकारी प्रशांत उरकुडे यांच्या मार्गदर्शनाखाली अतिक्रमण प्रमुख प्रवीण काळे, मदन मशानकर तसेच नगरपालिका कर्मचारी व अधिकाऱ्यांच्या उपस्थितीत, पोलिसांच्या देखरेखीखाली करण्यात येत आहे. शहरात सुव्यवस्था आणि विकास साधण्यासाठी प्रशासनाची ही धडक मोहीम पुढेही सुरू राहणार असल्याचे संकेत देण्यात आले आहेत.