नाशिक जिल्ह्यात ६८० मुख्यमंत्री जनआरोग्य शिबिरे; ५० हजारांहून अधिक नागरिकांना आरोग्य सेवेचा लाभ नाशिक : मुख्यमंत्री सहाय्यता निधी व धर्मादाय रुग्णालय मदत कक्ष, जिल्हाधिकारी कार्यालयाच्या समन्वयातून जुलै महिन्यात नाशिक जिल्ह्यात आयोजित करण्यात आलेल्या मुख्यमंत्री जनआरोग्य शिबिरांना नागरिकांचा उत्स्फूर्त प्रतिसाद मिळाला. जिल्हाभरात ६८० शिबिरांमधून तब्बल ५० हजार ३२२ लाभार्थ्यांनी विविध आरोग्य सेवा व मोफत तपासण्यांचा लाभ घेतला. या अभियानात जिल्हा शल्यचिकित्सक कार्यालय, जिल्हा परिषद, नाशिक महानगरपालिका, शासकीय वैद्यकीय महाविद्यालय, शासकीय आरोग्य संस्था, हिंदू हृदयसम्राट बाळासाहेब ठाकरे आपला दवाखाना, एचपीसीएल, रोटरी क्लब, आयएमए तसेच विविध स्वयंसेवी संस्थांनी सक्रिय सहभाग नोंदविला. जिल्हा परिषदेमार्फत सर्वाधिक ५०१ शिबिरे घेण्यात आली असून ३४ हजार ८७० लाभार्थ्यांना आरोग्य सेवा देण्यात आली. नाशिक महानगरपालिकेने १०८ शिबिरांतून ९ हजार ८७३, जिल्हा शल्यचिकित्सक कार्यालयाने ३१ शिबिरांतून ५ हजार ७२८, तर शासकीय वैद्यकीय महाविद्यालयाने ४४ उपक्रमांतून ३ हजार ४७४ लाभार्थ्यांची तपासणी केली. निवासी उपजिल्हाधिकारी यांच्या संकल्पनेतून आयोजित २० विशेष रक्तदान शिबिरांमध्ये ३४९ रक्तपिशव्यांचे संकलन करण्यात आले. शिबिरांमध्ये हृदयरोग, कर्करोग, मधुमेह, रक्तदाब, नेत्र, कान-नाक-घसा, त्वचारोग, दंतरोग तसेच माता-बाल आरोग्याशी संबंधित तपासण्या करण्यात आल्या. गरजेनुसार ईसीजी, रक्त तपासणी, मॅमोग्राफी, पॅप स्मिअर आदी तपासण्या करून गंभीर रुग्णांना पुढील उपचारासाठी संदर्भित करण्यात आले. तसेच आयुष्मान भारत-प्रधानमंत्री जन आरोग्य योजना, महात्मा फुले जनआरोग्य योजना आणि मुख्यमंत्री सहाय्यता निधीबाबत नागरिकांना मार्गदर्शन करण्यात आले. जिल्ह्यातील सुमारे २४० आरोग्य संस्थांच्या सहभागातून ग्रामीण व शहरी भागातील नागरिकांना त्यांच्या परिसरातच सुलभ आणि दर्जेदार आरोग्य सेवा उपलब्ध करून देण्याचा शासनाचा उद्देश प्रभावीपणे साध्य झाल्याची माहिती निवासी उपजिल्हाधिकारी तथा विशेष कार्यकारी अधिकारी (मुख्यमंत्री सहाय्यता निधी व धर्मादाय रुग्णालय मदत कक्ष) रोहितकुमार राजपूत यांनी प्रसिद्धीपत्रकाद्वारे दिली.

Anil GUNJAL

नाशिक, नाशिक, महाराष्ट्र•

3 hrs ago

नाशिक जिल्ह्यात ६८० मुख्यमंत्री जनआरोग्य शिबिरे; ५० हजारांहून अधिक नागरिकांना आरोग्य सेवेचा लाभ नाशिक : मुख्यमंत्री सहाय्यता निधी व धर्मादाय रुग्णालय मदत कक्ष, जिल्हाधिकारी कार्यालयाच्या समन्वयातून जुलै महिन्यात नाशिक जिल्ह्यात आयोजित करण्यात आलेल्या मुख्यमंत्री जनआरोग्य शिबिरांना नागरिकांचा उत्स्फूर्त प्रतिसाद मिळाला. जिल्हाभरात ६८० शिबिरांमधून तब्बल ५० हजार ३२२ लाभार्थ्यांनी विविध आरोग्य सेवा व मोफत तपासण्यांचा लाभ घेतला. या अभियानात जिल्हा शल्यचिकित्सक कार्यालय, जिल्हा परिषद, नाशिक महानगरपालिका, शासकीय वैद्यकीय महाविद्यालय, शासकीय आरोग्य संस्था, हिंदू हृदयसम्राट बाळासाहेब ठाकरे आपला दवाखाना, एचपीसीएल, रोटरी क्लब, आयएमए तसेच विविध स्वयंसेवी संस्थांनी सक्रिय सहभाग नोंदविला. जिल्हा परिषदेमार्फत सर्वाधिक ५०१ शिबिरे घेण्यात आली असून ३४ हजार ८७० लाभार्थ्यांना आरोग्य सेवा देण्यात आली. नाशिक महानगरपालिकेने १०८ शिबिरांतून ९ हजार ८७३, जिल्हा शल्यचिकित्सक कार्यालयाने ३१ शिबिरांतून ५ हजार ७२८, तर शासकीय वैद्यकीय महाविद्यालयाने ४४ उपक्रमांतून ३ हजार ४७४ लाभार्थ्यांची तपासणी केली. निवासी उपजिल्हाधिकारी यांच्या संकल्पनेतून आयोजित २० विशेष रक्तदान शिबिरांमध्ये ३४९ रक्तपिशव्यांचे संकलन करण्यात आले. शिबिरांमध्ये हृदयरोग, कर्करोग, मधुमेह, रक्तदाब, नेत्र, कान-नाक-घसा, त्वचारोग, दंतरोग तसेच माता-बाल आरोग्याशी संबंधित तपासण्या करण्यात आल्या. गरजेनुसार ईसीजी, रक्त तपासणी, मॅमोग्राफी, पॅप स्मिअर आदी तपासण्या करून गंभीर रुग्णांना पुढील उपचारासाठी संदर्भित करण्यात आले. तसेच आयुष्मान भारत-प्रधानमंत्री जन आरोग्य योजना, महात्मा फुले जनआरोग्य योजना आणि मुख्यमंत्री सहाय्यता निधीबाबत नागरिकांना मार्गदर्शन करण्यात आले. जिल्ह्यातील सुमारे २४० आरोग्य संस्थांच्या सहभागातून ग्रामीण व शहरी भागातील नागरिकांना त्यांच्या परिसरातच सुलभ आणि दर्जेदार आरोग्य सेवा उपलब्ध करून देण्याचा शासनाचा उद्देश प्रभावीपणे साध्य झाल्याची माहिती निवासी उपजिल्हाधिकारी तथा विशेष कार्यकारी अधिकारी (मुख्यमंत्री सहाय्यता निधी व धर्मादाय रुग्णालय मदत कक्ष) रोहितकुमार राजपूत यांनी प्रसिद्धीपत्रकाद्वारे दिली.