এটা কণমানিয়ে কণ্ঠশিল্পী জুবিন গাৰ্গৰ সুৰত হামিং দিয়াৰ এক মনোমোহা চেষ্টা কৰিছে। এই প্ৰচেষ্টাটো এতিয়া সামাজিক মাধ্যমত ভাইৰেল হৈ পৰিছে, য'ত কণমানিটিৰ সুৰীয়া চেষ্টা বহুতৰ মাজত চৰ্চিত হৈছে।

এটা কণমানিয়ে কণ্ঠশিল্পী জুবিন গাৰ্গৰ সুৰত হামিং দিয়াৰ এক মনোমোহা চেষ্টা কৰিছে। এই প্ৰচেষ্টাটো এতিয়া সামাজিক মাধ্যমত ভাইৰেল হৈ পৰিছে, য'ত কণমানিটিৰ সুৰীয়া চেষ্টা বহুতৰ মাজত চৰ্চিত হৈছে।

অসম সংখ্যালঘু সংগ্ৰাম পৰিষদে লংকাৰ আজৰবাৰিত সংঘটিত হোৱা এক ঘটনাৰ উচিত তদন্ত দাবী কৰিছে। পৰিষদে এই ঘটনাত জড়িত দুষ্কৃতিকাৰীক ২৪ ঘণ্টাৰ ভিতৰত কঠোৰৰ পৰা কঠোৰতম শাস্তি প্ৰদানৰো দাবী জনাইছে।

ৰূপহীহাটৰ কাছখাইটীত মডাৰ্ণ আদৰ্শ ছিনিয়ৰ ছেকেণ্ডাৰী স্কুল নামৰ ব্যক্তিগত খণ্ডৰ বিদ্যালয়খনত নিশা প্ৰায় ১১ বজাত এক ভয়ংকৰ অগ্নিকাণ্ড সংঘটিত হয়। এই অগ্নিকাণ্ডৰ ফলত বিদ্যালয়খনৰ কেইবা লাখ টকাৰ স্কুলীয়া সামগ্ৰীৰ লগতে গুৰুত্বপূৰ্ণ নথি-পত্ৰ নিমিষতে জুইত জাহ যায়, যাৰ ফলত সমগ্ৰ বিদ্যালয়খন সম্পূৰ্ণৰূপে ভস্মীভূত হৈ ছাৰখাৰ হয়। অগ্নিকাণ্ডৰ কাৰণ হিচাপে স্হানীয় ৰাইজে দুষ্ট চক্ৰৰ কাণ্ড অথবা বিদ্যুতৰ শ্বৰ্ট চাৰ্কিটৰ ফলত জুইৰ সুত্ৰপাত হোৱাৰ সন্দেহ প্ৰকাশ কৰিছে। এই ঘটনাৰ লগে লগে অঞ্চলজুৰি তীব্ৰ চাঞ্চল্যই বিৰাজ কৰে। যদিও সোণাৰিবালী আৰু আমবাগানৰ অগ্নি নিৰ্বাপক বাহিনীৰ লোক ঘটনা স্থলীত উপস্থিত হৈছিল, তথাপি তেওঁলোকে জুই সম্পূৰ্ণৰূপে নিয়ন্ত্ৰণ কৰিবলৈ সক্ষম নোহোৱাৰ পূৰ্বেই বিদ্যালয়খন সম্পূৰ্ণৰূপে ভস্মীভূত হয়। স্হানীয় ৰাইজে জুই নুমুৱাবলৈ আপ্ৰাণ চেষ্টা চলোৱাৰ পিছতো বিদ্যালয়খনক ৰক্ষা কৰিব পৰা নগল। এই মৰ্মান্তিক ঘটনাক কেন্দ্ৰ কৰি স্হানীয় ৰাইজে চৰকাৰৰ ওচৰত ৰূপহী, লাইলুৰী আৰু কাৱৈমাৰী আদি অঞ্চলত তৎকালীনভাৱে অগ্নি নিৰ্বাপক কেন্দ্ৰ স্থাপনৰ বাবে দাবী জনাইছে।

নগাঁও জিলাৰ বটদ্ৰৱা শিক্ষা খণ্ডৰ অধীনৰ বেচামাৰী এম.আই. উচ্চতৰ মাধ্যমিক বিদ্যালয়ত চৰকাৰী আঁচনিসমূহৰ ৰূপায়ণত বিভিন্ন অনিয়ম সংঘটিত হোৱাৰ গুৰুতৰ অভিযোগ উত্থাপন হৈছে। ইউনিফৰ্ম বিতৰণ, মধ্যাহ্ন ভোজন আঁচনি আৰু হোষ্টেল ব্যৱস্থাপনাক কেন্দ্ৰ কৰি অভিভাৱক, শিক্ষাৰ্থী আৰু স্থানীয় ৰাইজৰ মাজত ব্যাপক অসন্তুষ্টি দেখা গৈছে। বিদ্যালয়ৰ অধ্যক্ষ ছাদিক আনোৱাৰৰ বিৰুদ্ধে চৰকাৰী নিৰ্দেশনা নামানি ইউনিফৰ্ম বিতৰণ ব্যৱস্থাত স্বচ্ছতাৰ অভাৱ থকাৰ অভিযোগ উঠিছে। বহু শিক্ষাৰ্থীয়ে সময়মতে চৰকাৰী ইউনিফৰ্ম লাভ কৰা নাই, আনহাতে কিছুমানে পুৰণি বা নিম্নমানৰ কাপোৰ লাভ কৰিছে বুলিও অভিযোগ কৰা হৈছে। বিদ্যালয়খনৰ প্ৰাক্তন ছাত্ৰ আৰু বৰ্তমান কৰ্মৰত কনিষ্ঠ সহায়ক জাকিৰ হুছেইনে এই সকলো অভিযোগ সন্দৰ্ভত মুখ খুলিছে। এই সকলো অনিয়মৰ অভিযোগৰ সৈতে বিদ্যালয়ৰ অধ্যক্ষ ছাদিক আনোৱাৰৰ নাম জড়িত হৈ পৰিছে। স্থানীয় ৰাইজে শিক্ষা বিভাগৰ উচ্চপদস্থ বিষয়াসকলক শীঘ্ৰে এই বিষয়টোত নিৰপেক্ষ তদন্ত চলাই প্ৰকৃত সত্য উদঘাটন কৰিবলৈ দাবী জনাইছে।

বোকাজানৰ খটখটিত এক ভয়ংকৰ পথ দুৰ্ঘটনা সংঘটিত হৈছে। এই দুৰ্ঘটনাৰ ফলত এজন আৰোহীয়ে প্ৰাণ হেৰুৱাইছে।