પશ્ચિમ રેલવે અમદાવાદ મંડળ દ્વારા ૨૮/૦૫/૦૨૬ ના રોજ અસારવા ખાતે આવેલ ડીઆરએમ ભવનના હોલમાં યોજાયેલી પાંચમી ડીઆરયુસીસી (DRUCC) ની બેઠકમાં સાબરકાંઠા જિલ્લાના ખેડબ્રહ્માના મેમ્બર મોહનભાઈ પટેલે હિંમતનગર-ખેડબ્રહ્મા રેલવે લાઇન માટે વિવિધ માંગો રજૂ કરી હતી. આ રેલવે લાઇન પર મેમુ ટ્રેન કાર્યરત થઈ ગઈ છે, ત્યારે મોહનભાઈ પટેલે ડીઆરએમ (અમદાવાદ) સમક્ષ ખાસ કરીને જાદર અને વડાલી સ્ટેશનો પર ટ્રેનનું સ્ટોપેજ આપવાની ઉગ્ર રજૂઆત કરી હતી. તેમણે જણાવ્યું કે હાલમાં આ સ્ટેશનો પર પ્લેટફોર્મ નાના હોવાને કારણે ટ્રેનને ઉભી રાખવામાં અગવડતા પડી રહી છે, જેના જવાબમાં ડીઆરએમ અધિકારીએ નજીકના સમયમાં ક્ષતિઓ દૂર કરીને મેમુ ટ્રેનનું સ્ટોપેજ મળે તેવી ખાતરી આપી હતી. આ ઉપરાંત, મોહનભાઈ પટેલે આ લાઇન પર લાંબા રૂટની નવી ટ્રેનો શરૂ કરવા માટે પણ ધારદાર રજૂઆત કરી. જેમાં ખેડબ્રહ્માથી મુંબઈ વાયા અમદાવાદ ટ્રેન, તેમજ ખેડબ્રહ્માથી કટરા (માતા વૈષ્ણોદેવી) અને ખેડબ્રહ્માથી હરિદ્વાર-ઋષિકેશ માટે બે સાપ્તાહિક ટ્રેનો અમદાવાદ-ગોધરા-રતલામ-મથુરા રૂટ પર દોડાવવાની માંગ મૂકી. સાથે જ ખેડબ્રહ્મા-ભુજ-માતાનો-મઠ સાપ્તાહિક ટ્રેન પણ ચાલુ કરવાની માંગ કરાઈ હતી. તેમણે એમ પણ જણાવ્યું કે હાલમાં સવારે અને સાંજે દોડતી મેમુ ટ્રેન સારી આવક અને વધતા મુસાફરોના ઘસારાને કારણે લોકો બપોરના સમયે બીજી બે મેમુ ટ્રેનો ચાલુ કરવાની માંગ કરી રહ્યા છે, જેનાથી મધ્યમ અને ગરીબ વર્ગને મોટો ફાયદો થશે. ડીઆરએમએ આ તમામ માંગણીઓ પર સકારાત્મક વલણ અપનાવીને મોહનભાઈ પટેલને ખાતરી આપી હોવાનું જાણવા મળ્યું છે. આ મામલે મોહનભાઈ પટેલે સાબરકાંઠાના બંને સાંસદો શોભના બારૈયા (લોકસભા) અને રમીલા બારા (રાજ્યસભા) ને પણ રૂબરૂ અને લેખિતમાં રજૂઆત કરી હતી. બંને સાંસદોએ હકારાત્મક વલણ અપનાવતા આ રેલવે લાઇન પર વધુ સુવિધાઓ અને ટ્રેનો મળે તે માટે ઉચ્ચ સ્તરે રજૂઆત કરવાની ખાતરી આપી હતી.

Vishal Chauhan reporter

વડાળી, સાબરકાંઠા, ગુજરાત•

11 hrs ago

પશ્ચિમ રેલવે અમદાવાદ મંડળ દ્વારા ૨૮/૦૫/૦૨૬ ના રોજ અસારવા ખાતે આવેલ ડીઆરએમ ભવનના હોલમાં યોજાયેલી પાંચમી ડીઆરયુસીસી (DRUCC) ની બેઠકમાં સાબરકાંઠા જિલ્લાના ખેડબ્રહ્માના મેમ્બર મોહનભાઈ પટેલે હિંમતનગર-ખેડબ્રહ્મા રેલવે લાઇન માટે વિવિધ માંગો રજૂ કરી હતી. આ રેલવે લાઇન પર મેમુ ટ્રેન કાર્યરત થઈ ગઈ છે, ત્યારે મોહનભાઈ પટેલે ડીઆરએમ (અમદાવાદ) સમક્ષ ખાસ કરીને જાદર અને વડાલી સ્ટેશનો પર ટ્રેનનું સ્ટોપેજ આપવાની ઉગ્ર રજૂઆત કરી હતી. તેમણે જણાવ્યું કે હાલમાં આ સ્ટેશનો પર પ્લેટફોર્મ નાના હોવાને કારણે ટ્રેનને ઉભી રાખવામાં અગવડતા પડી રહી છે, જેના જવાબમાં ડીઆરએમ અધિકારીએ નજીકના સમયમાં ક્ષતિઓ દૂર કરીને મેમુ ટ્રેનનું સ્ટોપેજ મળે તેવી ખાતરી આપી હતી. આ ઉપરાંત, મોહનભાઈ પટેલે આ લાઇન પર લાંબા રૂટની નવી ટ્રેનો શરૂ કરવા માટે પણ ધારદાર રજૂઆત કરી. જેમાં ખેડબ્રહ્માથી મુંબઈ વાયા અમદાવાદ ટ્રેન, તેમજ ખેડબ્રહ્માથી કટરા

(માતા વૈષ્ણોદેવી) અને ખેડબ્રહ્માથી હરિદ્વાર-ઋષિકેશ માટે બે સાપ્તાહિક ટ્રેનો અમદાવાદ-ગોધરા-રતલામ-મથુરા રૂટ પર દોડાવવાની માંગ મૂકી. સાથે જ ખેડબ્રહ્મા-ભુજ-માતાનો-મઠ સાપ્તાહિક ટ્રેન પણ ચાલુ કરવાની માંગ કરાઈ હતી. તેમણે એમ પણ જણાવ્યું કે હાલમાં સવારે અને સાંજે દોડતી મેમુ ટ્રેન સારી આવક અને વધતા મુસાફરોના ઘસારાને કારણે લોકો બપોરના સમયે બીજી બે મેમુ ટ્રેનો ચાલુ કરવાની માંગ કરી રહ્યા છે, જેનાથી મધ્યમ અને ગરીબ વર્ગને મોટો ફાયદો થશે. ડીઆરએમએ આ તમામ માંગણીઓ પર સકારાત્મક વલણ અપનાવીને મોહનભાઈ પટેલને ખાતરી આપી હોવાનું જાણવા મળ્યું છે. આ મામલે મોહનભાઈ પટેલે સાબરકાંઠાના બંને સાંસદો શોભના બારૈયા (લોકસભા) અને રમીલા બારા (રાજ્યસભા) ને પણ રૂબરૂ અને લેખિતમાં રજૂઆત કરી હતી. બંને સાંસદોએ હકારાત્મક વલણ અપનાવતા આ રેલવે લાઇન પર વધુ સુવિધાઓ અને ટ્રેનો મળે તે માટે ઉચ્ચ સ્તરે રજૂઆત કરવાની ખાતરી આપી હતી.