*বিশ্বনাথ নগৰত অবৈধভাৱে চলি থকা ই-ৰিক্সাৰ বিৰুদ্ধে আৰক্ষীৰ বৃহৎ অভিযান।* বিশ্বনাথ নগৰত অবৈধভাৱে চলি থকা ই-ৰিক্সাৰ বিৰুদ্ধে আৰক্ষীৰ বৃহৎ অভিযান। প্ৰায় ৪০ খন ই-ৰিক্সাৰ বিৰুদ্ধে ব্যৱস্থা গ্ৰহণ কৰিছে বিশ্বনাথ আৰক্ষীয়ে।দীৰ্ঘদিনৰ পৰা ড্ৰাইভিং লাইচেঞ্চ আৰু ৰেজিষ্ট্ৰেচন অবিহনে বিশ্বনাথ নগৰত চলি আছিল এই ই-ৰিক্সাসমূহ। যাৰ বাবে যান-জঁটৰ লগতে দুৰ্ঘটনাৰ আশংকা বৃদ্ধি পাইছিল। শেহতীয়াকৈ জিলা প্ৰশাসন, জিলা আৰক্ষী আৰু ই-ৰিক্সা চালক সন্থাৰ বৈঠকত এই বিষয়ে সিদ্ধান্ত লোৱা হৈছিল। সেই সিদ্ধান্ত অনুসৰি কালিৰে পৰা আৰম্ভ হৈছে এই অভিযান।বৰ্তমান জব্দ কৰা ই-ৰিক্সাসমূহ বিশ্বনাথ সদৰ আৰক্ষী থানা চৌহদত ৰখা হৈছে। নথি-পত্ৰ সঠিক কৰি জৰিমনা পৰিশোধ কৰাৰ পিছতহে বাহনসমূহ মুকলি কৰি দিয়া হ'ব বুলি আৰক্ষী সূত্ৰে জানিব পৰা গৈছে।

6 hrs ago

অঞ্জন শ‌ইকীয়া

না-দুৱাৰ, বিশ্বনাথ, অসম•

6 hrs ago

*হোজাইত ‘শব্দৰ জোনাকত কবিতাৰ খেলা, অসম’ৰ পঞ্চম বাৰ্ষিক কেন্দ্ৰীয় অধিৱেশন সফলভাৱে সম্পন্ন* *২৫ আগষ্ট,* হোজাই: সাহিত্য-সংস্কৃতিৰ প্ৰতি নৱপ্ৰজন্মৰ আগ্ৰহ বৃদ্ধি আৰু কবিতাৰ চৰ্চাক অধিক সুদৃঢ় কৰাৰ লক্ষ্যৰে নৱপ্ৰজন্মৰ কেইবাগৰাকী লেখকৰ উদ্যোগত গঠিত ‘শব্দৰ জোনাকত কবিতাৰ খেলা, অসম’ৰ পঞ্চম বাৰ্ষিক কেন্দ্ৰীয় অধিৱেশনখন ২৩ আগষ্টত হোজাইত সফলভাৱে অনুষ্ঠিত হয়। সাহিত্যপ্ৰেমী, বিশিষ্ট কবি-সাহিত্যিক, নৱপ্ৰজন্মৰ উদীয়মান কবি-লেখক তথা বিভিন্ন ক্ষেত্ৰৰ গণ্যমান্য ব্যক্তিৰ উপস্থিতিয়ে অনুষ্ঠানটোক এক বিশেষ মাত্ৰা প্ৰদান কৰে। অনুষ্ঠানৰ আদৰণি ভাষণ প্ৰদানৰ সময়ত অসমীয়া ভাষা-সাহিত্যৰ প্ৰতি থকা গভীৰ অনুৰাগ আৰু আৱেগ প্ৰকাশ কৰি গোটটোৰ প্ৰতিষ্ঠাপক সম্পাদক ৰাজুল আহমেদে আবেগিক হৈ পৰে। নৱপ্ৰজন্মক সাহিত্যৰ ক্ষেত্ৰখনত আগবঢ়াই নিয়াৰ উদ্দেশ্যে ৰাজুল আহমেদে ‘শব্দৰ জোনাকত কবিতাৰ খেলা, অসম’ৰ জৰিয়তে নতুন প্ৰতিভাসমূহক মঞ্চ প্ৰদান, কবিতা চৰ্চাৰ পৰিৱেশ সৃষ্টি আৰু অসমীয়া ভাষা-সাহিত্যৰ প্ৰতি যুৱ প্ৰজন্মক অধিক আকৰ্ষিত কৰাৰ বাবে বিভিন্ন পদক্ষেপ গ্ৰহণ কৰি অহা বুলি জানিব পৰা যায়। অধিৱেশনত কবিতা পাঠ, সাহিত্যিক আলোচনা, সম্বৰ্ধনা,২০ গৰাকী নৱপ্ৰজন্মৰ উদীয়মান কবিক কাব্য জ্যোতি সন্মান ২০২৬প্ৰদানকে ধৰি বিভিন্ন কাৰ্যসূচী অনুষ্ঠিত হয়। নৱপ্ৰজন্মৰ প্ৰতিভাক উৎসাহিত কৰাৰ লগতে অসমীয়া ভাষা-সাহিত্যৰ প্ৰসাৰ, চৰ্চা আৰু সংৰক্ষণৰ ক্ষেত্ৰত সংগঠনটোৱে গ্ৰহণ কৰা পদক্ষেপৰ বাবে প্ৰতিষ্ঠাপক সম্পাদক ৰাজুল আহমেদক ভূয়সী প্ৰশংসাৰে উপচাই দিয়ে উপস্থিত বিশিষ্ট কবি সাহিত্যিক সকলে। অনুষ্ঠানটোৱে নৱপ্ৰজন্মৰ কবি-সাহিত্যিকসকলক একত্ৰিত কৰি সাহিত্য চৰ্চাৰ ক্ষেত্ৰত এক সুন্দৰ পৰিৱেশ সৃষ্টি কৰাৰ লগতে অসমীয়া ভাষা-সাহিত্যৰ ভৱিষ্যৎ প্ৰজন্মৰ মাজত সাহিত্যিক চেতনাক অধিক শক্তিশালী কৰাৰ এক ইতিবাচক বাৰ্তা বহন কৰে। *হোজাইত ‘শব্দৰ জোনাকত কবিতাৰ খেলা, অসম’ৰ পঞ্চম বাৰ্ষিক কেন্দ্ৰীয় অধিৱেশন সফলভাৱে সম্পন্ন* *২৫ আগষ্ট,* হোজাই: সাহিত্য-সংস্কৃতিৰ প্ৰতি নৱপ্ৰজন্মৰ আগ্ৰহ বৃদ্ধি আৰু কবিতাৰ চৰ্চাক অধিক সুদৃঢ় কৰাৰ লক্ষ্যৰে নৱপ্ৰজন্মৰ কেইবাগৰাকী লেখকৰ উদ্যোগত গঠিত ‘শব্দৰ জোনাকত কবিতাৰ খেলা, অসম’ৰ পঞ্চম বাৰ্ষিক কেন্দ্ৰীয় অধিৱেশনখন ২৩ আগষ্টত হোজাইত সফলভাৱে অনুষ্ঠিত হয়। সাহিত্যপ্ৰেমী, বিশিষ্ট কবি-সাহিত্যিক, নৱপ্ৰজন্মৰ উদীয়মান কবি-লেখক তথা বিভিন্ন ক্ষেত্ৰৰ গণ্যমান্য ব্যক্তিৰ উপস্থিতিয়ে অনুষ্ঠানটোক এক বিশেষ মাত্ৰা প্ৰদান কৰে। অনুষ্ঠানৰ আদৰণি ভাষণ প্ৰদানৰ সময়ত অসমীয়া ভাষা-সাহিত্যৰ প্ৰতি থকা গভীৰ অনুৰাগ আৰু আৱেগ প্ৰকাশ কৰি গোটটোৰ প্ৰতিষ্ঠাপক সম্পাদক ৰাজুল আহমেদে আবেগিক হৈ পৰে। নৱপ্ৰজন্মক সাহিত্যৰ ক্ষেত্ৰখনত আগবঢ়াই নিয়াৰ উদ্দেশ্যে ৰাজুল আহমেদে ‘শব্দৰ জোনাকত কবিতাৰ খেলা, অসম’ৰ জৰিয়তে নতুন প্ৰতিভাসমূহক মঞ্চ প্ৰদান, কবিতা চৰ্চাৰ পৰিৱেশ সৃষ্টি আৰু অসমীয়া ভাষা-সাহিত্যৰ প্ৰতি যুৱ প্ৰজন্মক অধিক আকৰ্ষিত কৰাৰ বাবে বিভিন্ন পদক্ষেপ গ্ৰহণ কৰি অহা বুলি জানিব পৰা যায়। অধিৱেশনত কবিতা পাঠ, সাহিত্যিক আলোচনা, সম্বৰ্ধনা,২০ গৰাকী নৱপ্ৰজন্মৰ উদীয়মান কবিক কাব্য জ্যোতি সন্মান ২০২৬প্ৰদানকে ধৰি বিভিন্ন কাৰ্যসূচী অনুষ্ঠিত হয়। নৱপ্ৰজন্মৰ প্ৰতিভাক উৎসাহিত কৰাৰ লগতে অসমীয়া ভাষা-সাহিত্যৰ প্ৰসাৰ, চৰ্চা আৰু সংৰক্ষণৰ ক্ষেত্ৰত সংগঠনটোৱে গ্ৰহণ কৰা পদক্ষেপৰ বাবে প্ৰতিষ্ঠাপক সম্পাদক ৰাজুল আহমেদক ভূয়সী প্ৰশংসাৰে উপচাই দিয়ে উপস্থিত বিশিষ্ট কবি সাহিত্যিক সকলে। অনুষ্ঠানটোৱে নৱপ্ৰজন্মৰ কবি-সাহিত্যিকসকলক একত্ৰিত কৰি সাহিত্য চৰ্চাৰ ক্ষেত্ৰত এক সুন্দৰ পৰিৱেশ সৃষ্টি কৰাৰ লগতে অসমীয়া ভাষা-সাহিত্যৰ ভৱিষ্যৎ প্ৰজন্মৰ মাজত সাহিত্যিক চেতনাক অধিক শক্তিশালী কৰাৰ এক ইতিবাচক বাৰ্তা বহন কৰে।

Daily Time

Newsagent ৰূপাহী, নগাঁও, অসম•

15 hrs ago