अद्याप नाला बनवण्यात आलेला नाही. याच कारणामुळे लोकांना अपघात होत आहेत.

अद्याप नाला बनवण्यात आलेला नाही. याच कारणामुळे लोकांना अपघात होत आहेत.

दत्तापूर पोलिसांनी एक अनोखा उपक्रम राबवला आहे, ज्यामध्ये हेल्मेटशिवाय वाहन चालवणाऱ्या चालकांचे फुलांच्या हाराने स्वागत करण्यात येत आहे.

मुर्तिजापूर येथील शेतकऱ्यांचा प्रश्न विधानसभेत मांडण्यात आला आहे. आमदार हरीश पिंपळे यांनी शेतकऱ्यांच्या या प्रश्नावर सरकारकडे आग्रही मागणी केली आहे.

माननीय पोलीस अधीक्षक श्री सौरभकुमार अग्रवाल यांच्या कठोर निर्देशानंतर, वर्धा शहर परिसरात प्रतिबंधित गुटखा, सुगंधित तंबाखू आणि तंबाखूजन्य पदार्थ बाळगणाऱ्या व विकी करणाऱ्यांवर कायदेशीर कारवाई करण्यात आली आहे. या आदेशाचे पालन करत स्थानिक गुन्हे शाखा वर्धा, पोलीस ठाणे वर्धा शहर (गुन्हे प्रगटीकरण पथक) आणि अन्न व औषधी विभागाने संयुक्त कारवाई करत अवैधरित्या सुगंधित तंबाखू व तंबाखूजन्य पदार्थ विकी करणाऱ्या एका आरोपीला अटक केली आहे. दिनांक २२.०६.२०२६ रोजी मिळालेल्या खात्रीशीर माहितीच्या आधारे, वर्धा येथील भामटीपुरा येथील रहिवासी शेख इम्राण शेख सुलतान उर्फ सोनु सुपारीवाला याच्या ताज किराणा दुकानावर छापा टाकण्यात आला. या छाप्यात आरोपी शेख इम्राण शेख सुलतान याच्या ताब्यात असलेल्या तीन वेगवेगळ्या गोदामांमध्ये अवैधरित्या सुगंधित तंबाखू आणि तंबाखूजन्य पदार्थांची विक्रीसाठी साठवणूक केल्याचे उघड झाले. त्यानंतर अन्न व औषधी विभागाला पाचारण करून त्यांच्यामार्फत विविध कंपन्यांचा सुगंधित तंबाखू, पानमसाला आणि तंबाखूजन्य पदार्थ असा एकूण १२,२९,८७२/- (बारा लाख एकोणतीस हजार आठशे बाहत्तर) रुपयांचा माल जप्त करण्यात आला. भारतीय न्याय संहिता तसेच अन्न सुरक्षा आणि मानके अधिनियम कायद्यातील तरतुदींनुसार आरोपीविरुद्ध गुन्हा नोंद करण्यात आला आहे. पोलीस सूत्रांनी दिलेल्या माहितीनुसार, अटक करण्यात आलेल्या आरोपीविरुद्ध यापूर्वीसुद्धा वेगवेगळ्या कलमांन्वये गुन्हे नोंद आहेत. ही संपूर्ण कारवाई पोलीस अधीक्षक श्री सौरभकुमार अग्रवाल, अपर पोलीस अधीक्षक श्री सदाशीव वाघमारे आणि उपविभागीय पोलीस अधिकारी श्री प्रमोद मकेश्वर यांच्या मार्गदर्शनाखाली पार पडली. स्थानिक गुन्हे शाखा वर्धा येथील पोलीस निरीक्षक श्री विनोद चौधरी आणि वर्धा शहर पोलीस स्टेशनचे प्रभारी ठाणेदार पोलीस निरीक्षक श्री विलास पाटील यांच्या प्रत्यक्ष उपस्थितीत अन्न सुरक्षा अधिकारी श्री रविराज धाबर्डे व त्यांचे सहकारी, तसेच स्थानिक गुन्हे शाखेचे सहाय्यक पोलीस निरीक्षक आशिषसिंग ठाकूर आणि वर्धा शहर पोलीस स्टेशनच्या गुन्हे प्रकटीकरण पथकाचे पोलीस उपनिरीक्षक शरद गायकवाड, पोलीस अंमलदार गजेंद्र धर्मे, विवेक बन्सोड, प्रशांत वंजारी, नितीन इटकरे, नरेंद्र कांबळे, श्रवण पवार, अमोल ढोबाले व इतरांनी ही कामगिरी यशस्वी केली. या संयुक्त कारवाईमुळे शहर परिसरात अवैधरित्या सुगंधित तंबाखू व तंबाखूजन्य पदार्थांच्या विक्रीवर प्रतिबंध घालण्यास पोलिसांना यश मिळाले आहे.

सुजात दादा आंबेडकर यांनी 'अकोला पॅटर्न' विषयी मार्गदर्शन केले. या मार्गदर्शनामध्ये असे नमूद करण्यात आले की, अकोला पॅटर्न अंतर्गत पाच वर्षांच्या कालावधीत 2500 नवीन शाळा सुरू करण्यात आल्या आहेत.

अकोला जिल्ह्यातील अकोट तालुक्यात येणाऱ्या वडाळी सटवाई येथे युवा शेतकऱ्यांनी बैलांचा आगळावेगळा वाढदिवस साजरा करत संपूर्ण महाराष्ट्रात एक आदर्श निर्माण केला आहे. राजकुमार वानखडे, अकोट तालुका प्रतिनिधींच्या माहितीनुसार, युवा शेतकरी अविनाश डी. गडब आणि शेख अफरोज या दोघांकडे बैलजोडी असून, त्यांच्या बैलांविषयीचा जिव्हाळा केवळ मालक आणि प्राण्याचा नसून, बैल हे शेतीचे साधन नसून, कुटुंबाचा अविभाज्य भाग आहेत, अशी त्यांची भावना आहे. या कौटुंबिक बंधनाची जाणीव ठेवून, या दोन्ही युवा शेतकऱ्यांनी आपल्या मुलांप्रमाणेच लाडक्या 'सर्जा राजा' जोडीचा वाढदिवस २२-६-२६ रोजी मोठ्या उत्साहात साजरा केला. या सोहळ्यानिमित्त गावातून ढोल-ताशांच्या गजरात बैलजोडीची मिरवणूक काढण्यात आली. त्यानंतर केक कापून वाढदिवस साजरा करण्यात आला आणि गावकरी व शेतकरी मंडळींना स्नेहभोजन देऊन बैलांप्रती आपले प्रेम व्यक्त करण्यात आले. शेतकऱ्यांच्या या कृतीने केवळ जिल्ह्यातच नव्हे, तर संपूर्ण महाराष्ट्रात एक अनोखा आदर्श घालून दिला आहे, कारण हा बैलांचा वाढदिवस महाराष्ट्रात प्रथमच अशा प्रकारे साजरा करण्यात आला असल्याची चर्चा आहे.

बार्शिटाकळी तालुक्यात पिण्याच्या पाण्याची आणि इतर मूलभूत सोईसुविधा शासनामार्फत अद्यापही पुरवण्यात आलेल्या नाहीत, अशी तक्रार नागरिकांनी केली आहे. या संदर्भात बार्शिटाकळीच्या तहसीलदारांना दोन वेळा निवेदन देण्यात आले असून, मुंबईतील मंत्रालयातही एक निवेदन सादर करण्यात आले आहे. अनेकवेळा निवेदने देऊनही नागरिकांच्या मूलभूत सोईसुविधा न मिळाल्यामुळे जनतेमध्ये नाराजी आहे. यावर कठोर कारवाई करण्याच्या मागणीसह, बार्शिटाकळी तालुक्यातील शासनाच्या विविध विभागांतील भ्रष्ट अधिकाऱ्यांवरही तातडीने कठोर कारवाई करण्याची मागणी करण्यात आली आहे.

स्थानिक प्राधिकारी निवडणुकीत प्रवीण पोटे पाटील यांना विजयी घोषित करण्यात आले आहे. जिल्हाधिकारी आशिष येरेकर यांच्या हस्ते त्यांना प्रमाणपत्र प्रदान करण्यात आले.