தருமபுரி அருகே கிணறு வெட்டும் பணியின்போது கோர விபத்து – பொக்லைன் இயந்திரத்துடன் விழுந்து ஆப்பரேட்டர் பலி - உறவினர்கள் சாலை மறியல் தருமபுரி மாவட்டம், காரிமங்கலம் அருகே கிணறு வெட்டும் பணியின்போது, பொக்லைன் இயந்திரத்துடன் கிணற்றுக்குள் விழுந்து அதன் ஆப்பரேட்டர் பரிதாபமாக உயிரிழந்தார். இந்த விபத்து தொடர்பாக ஒப்பந்ததாரர்கள் மீது நடவடிக்கை எடுக்கக் கோரியும், நிவாரணம் கேட்டும் உயிரிழந்தவரின் உறவினர்கள் 100-க்கும் மேற்பட்டோர் சாலை மறியலில் ஈடுபட்டதால் பரபரப்பு ஏற்பட்டது. தருமபுரி அடுத்த கிருஷ்ணாபுரம் அருகே உள்ள போத்தாபுரம் கிராமத்தைச் சேர்ந்த கோவிந்தராஜ், (44) இவர் சொந்தமாக பொக்லைன் இயந்திரம் வைத்துக் கிணறு வெட்டும் தொழில் செய்து வந்தார். இந்நிலையில், நேற்று காரிமங்கலம் அருகே அடிலம் கிராமத்தில் உள்ள கரகப்பட்டி பகுதியில் ஊராட்சிக் கிணறு வெட்டும் பணி நடைபெற்று வந்தது. அப்போது, பொக்லைன் இயந்திரத்தை கிணற்றுக்குள் இறக்கும் பணியில் கோவிந்தராஜ் ஈடுபட்டிருந்தார். அப்போது, இயந்திரத்தை இறக்குவதற்குப் பயன்படுத்தப்பட்ட கிரேன் கொக்கி கயிறு அறுந்ததால் பொக்லைன் இயந்திரம் கட்டுப்பாட்டை இழந்து கிணற்றுக்குள் தலைகீழாக விழுந்தது, இதில் பலத்த காயமடைந்த கோவிந்தராஜ் சம்பவ இடத்திலேயே உயிரிழந்தார். இதையடுத்து, அவரது உடல் தருமபுரி அரசு மருத்துவக் கல்லூரி மருத்துவமனைக்குக் பிரேத பரிசோதனைக்காக அனுப்பி வைக்கப்பட்டது இந்நிலையில், இந்த விபத்து தொடர்பாக ஒப்பந்ததாரர்கள் மீது உரிய நடவடிக்கை எடுக்காமல், உயிரிழந்த கோவிந்தராஜின் கவனக்குறைவே விபத்துக்குக் காரணம் என வழக்குப் பதிவு செய்யப்பட்டுள்ளதாக அவரது குடும்பத்தினர் குற்றம்சாட்டினர். இதனைக் கண்டித்து, கோவிந்தராஜின் மனைவி வேடியம்மாள் மற்றும் உறவினர்கள் உட்பட 100-க்கும் மேற்பட்டோர் இன்று தருமபுரி அரசு மருத்துவக் கல்லூரி மருத்துவமனை முன்பு சாலை மறியலில் ஈடுபட்டனர். தகவலறிந்து சம்பவ இடத்திற்கு வந்த தருமபுரி டி.எஸ்.பி. சிவராமன், மற்றும் ஒப்பந்ததாரர்கள் மீது உரிய நடவடிக்கை எடுக்கப்படும் என உறுதியளித்தார். இதையடுத்து, போராட்டத்தில் ஈடுபட்டவர்கள் சாலை மறியலைக் கைவிட்டுக் கலைந்து சென்றனர். இந்தச் சாலை மறியல் காரணமாக தருமபுரி–சேலம் தேசிய நெடுஞ்சாலையில் சுமார் ஒரு மணி நேரம் போக்குவரத்து பாதிக்கப்பட்டது. கிணறு வெட்டும் பணியின்போது நிகழ்ந்த இந்த விபத்தில் தொழிலாளி உயிரிழந்த சம்பவமும், அதனைத் தொடர்ந்து உறவினர்கள் நடத்திய சாலை மறியலும் அப்பகுதியில் பரபரப்பை ஏற்படுத்தியது.

Periyasamy

பத்திரிகையாளர் Dharmapuri, Tamil Nadu•

1 hr ago

தருமபுரி அருகே கிணறு வெட்டும் பணியின்போது கோர விபத்து – பொக்லைன் இயந்திரத்துடன் விழுந்து ஆப்பரேட்டர் பலி - உறவினர்கள் சாலை மறியல் தருமபுரி மாவட்டம், காரிமங்கலம் அருகே கிணறு வெட்டும் பணியின்போது, பொக்லைன் இயந்திரத்துடன் கிணற்றுக்குள் விழுந்து அதன் ஆப்பரேட்டர் பரிதாபமாக உயிரிழந்தார். இந்த விபத்து தொடர்பாக ஒப்பந்ததாரர்கள் மீது நடவடிக்கை எடுக்கக் கோரியும், நிவாரணம் கேட்டும் உயிரிழந்தவரின் உறவினர்கள் 100-க்கும் மேற்பட்டோர் சாலை மறியலில் ஈடுபட்டதால் பரபரப்பு ஏற்பட்டது. தருமபுரி அடுத்த கிருஷ்ணாபுரம் அருகே உள்ள போத்தாபுரம் கிராமத்தைச் சேர்ந்த கோவிந்தராஜ், (44) இவர் சொந்தமாக பொக்லைன் இயந்திரம் வைத்துக் கிணறு வெட்டும் தொழில் செய்து வந்தார். இந்நிலையில், நேற்று காரிமங்கலம் அருகே அடிலம் கிராமத்தில் உள்ள கரகப்பட்டி பகுதியில் ஊராட்சிக் கிணறு வெட்டும் பணி நடைபெற்று வந்தது. அப்போது, பொக்லைன் இயந்திரத்தை கிணற்றுக்குள் இறக்கும் பணியில் கோவிந்தராஜ் ஈடுபட்டிருந்தார். அப்போது, இயந்திரத்தை இறக்குவதற்குப் பயன்படுத்தப்பட்ட கிரேன் கொக்கி கயிறு அறுந்ததால் பொக்லைன் இயந்திரம் கட்டுப்பாட்டை இழந்து கிணற்றுக்குள் தலைகீழாக விழுந்தது, இதில் பலத்த காயமடைந்த கோவிந்தராஜ் சம்பவ இடத்திலேயே உயிரிழந்தார். இதையடுத்து, அவரது உடல் தருமபுரி அரசு மருத்துவக் கல்லூரி மருத்துவமனைக்குக் பிரேத பரிசோதனைக்காக அனுப்பி வைக்கப்பட்டது இந்நிலையில், இந்த விபத்து தொடர்பாக ஒப்பந்ததாரர்கள் மீது உரிய நடவடிக்கை எடுக்காமல், உயிரிழந்த கோவிந்தராஜின் கவனக்குறைவே விபத்துக்குக் காரணம் என வழக்குப் பதிவு செய்யப்பட்டுள்ளதாக அவரது குடும்பத்தினர் குற்றம்சாட்டினர். இதனைக் கண்டித்து, கோவிந்தராஜின் மனைவி வேடியம்மாள் மற்றும் உறவினர்கள் உட்பட 100-க்கும் மேற்பட்டோர் இன்று தருமபுரி அரசு மருத்துவக் கல்லூரி மருத்துவமனை முன்பு சாலை மறியலில் ஈடுபட்டனர். தகவலறிந்து சம்பவ இடத்திற்கு வந்த தருமபுரி டி.எஸ்.பி. சிவராமன், மற்றும் ஒப்பந்ததாரர்கள் மீது உரிய நடவடிக்கை எடுக்கப்படும் என உறுதியளித்தார். இதையடுத்து, போராட்டத்தில் ஈடுபட்டவர்கள் சாலை மறியலைக் கைவிட்டுக் கலைந்து சென்றனர். இந்தச் சாலை மறியல் காரணமாக தருமபுரி–சேலம் தேசிய நெடுஞ்சாலையில் சுமார் ஒரு மணி நேரம் போக்குவரத்து பாதிக்கப்பட்டது. கிணறு வெட்டும் பணியின்போது நிகழ்ந்த இந்த விபத்தில் தொழிலாளி உயிரிழந்த சம்பவமும், அதனைத் தொடர்ந்து உறவினர்கள் நடத்திய சாலை மறியலும் அப்பகுதியில் பரபரப்பை ஏற்படுத்தியது.