గారమ్మ తల్లి విగ్రహ ప్రతిష్ట కార్యక్రమం మన్యం జిల్లా పాలకొండలో శ్రీ గారమ్మ తల్లి విగ్రహ ప్రతిష్ట కార్యక్రమం సర్వ శ్రీ కృష్ణ యాజీ గారి చే కార్యక్రమం నిర్వహణ జరుగుతుంది కావున ప్రజలందరూ ఏప్రిల్ 21 నుంచి 24 వరకు ఈ నాలుగు రోజుల కార్యక్రమంలో పాల్గొనవలసిందిగా ఆలయ కమిటీ పేర్కొంది.

పార్వతీపురం మన్యం జిల్లా పాలకొండ మున్సిపాలిటీలో రాష్ట్ర మంత్రి నారాయణ విస్తృతంగా పర్యటించారు. ఎమ్మెల్యే నిమ్మక జయకృష్ణ, కూటమి నేతలు మరియు అధికారులతో కలిసి పట్టణంలోని డ్రెయిన్లు, రోడ్లు, శానిటేషన్ పనులను ఆయన క్షేత్రస్థాయిలో పరిశీలించారు. అనంతరం మున్సిపల్ కార్యాలయంలో అభివృద్ధి పనులపై అధికారులతో సమీక్షా సమావేశం నిర్వహించారు. పట్టణ సుందరీకరణ, మౌలిక సదుపాయాల కల్పనపై ప్రజాప్రతినిధుల సూచనలు తీసుకున్న మంత్రి, పెండింగ్లో ఉన్న పనులను వేగవంతం చేయాలని అధికారులను ఆదేశించారు. ప్రజా సమస్యల పరిష్కారమే లక్ష్యంగా కూటమి ప్రభుత్వం పనిచేస్తుందని ఈ సందర్భంగా మంత్రి నారాయణ స్పష్టం చేశారు.

అమరావతి చట్టబద్ధతపై సంబరాలు రాష్ట్ర రాజధానిగా అమరావతిని చట్టబద్ధం చేస్తున్న నిర్ణయం పట్ల ఎమ్మెల్యే గోవిందరావు సంతోషం వ్యక్తం చేశారు. పాతపట్నంలోని టీడీపీ కార్యాలయంలో ఆదివారం రంగురంగుల ముగ్గులతో, పువ్వులతో అమరావతి ఆకృతిని ఏర్పాటు చేసి సందడి చేశారు. అనంతరం ఆయన మాట్లాడుతూ.. ప్రతి ఇంటా ఈ వేడుకలు జరిగే విధంగా కొనసాగాలని, నేటికీ ఆంధ్రుల కల నెరవేరిందని అన్నారు.

శ్రీకాకుళం జిల్లా టెక్కలి నియోజ కవర్గం సంతబొమ్మాళి మండలంలోని తాళ్ళవలస పంచాయతీ చిల్లపేట గ్రామానికి చెందిన బొడ్డ ప్రసాదరావు దంపతులకు మందులు కోసం కళింగ హెల్పింగ్ హ్యాండ్స్ సభ్యులు నుండి రూ. 1,10,116 (ఒక లక్ష పదివేల నూట పదహారు ) రూపాయలు అందజేశారు. సీనియర్ శాస్త్రవేత్త డా బెండి రామరాజు అధ్వర్యంలో నడుస్తున్న సoస్థ సభ్యుల చే ఆదివారం ఆర్ధిక సహాయం అందజేశారు.కేవలం జీవితాల్లో అన్ని రకాల నష్టపోయి దీనావస్థ లో ఉన్న తమ సామాజిక వర్గానికి చెందిన వాళ్లే కాకుండా నిజమైన పేదలకు ఆదుకుంటామని సభ్యులు **కోత మధుసూదనరావు,కోత సతీష్, డిక్కల రాంకిశోర్ తెలిపరు.ఈ* కార్యక్రమంలో సభ్యులు ప్రగడ గోపాలరావు అప్పని వివేక్ తో పాటు గ్రామస్థులు మార్పు రమణమ్మ మార్పు కోటి కొన్ని మల్లేష్ పెద్దపు నాగేశ్వరరావు బాలక వైకుంఠ రావు బాలక రామారావు పొలాకి రాము సీపాన నారాయణ రావు తాళ్ళ వలస పంచాయతీ లో కులాలు కు పార్టీ లకు అతీతంగా సహకరించిన అందరికీ సభ్యులు ధన్యవాదాలు తెలిపారు.

Post by Giridhar singh

రాజవొమ్మంగి మండలం జడ్డంగి మడేరు ఆనకట్ట సమీపంలో జాతీయ రహదారి–516పై ఆదివారం తెల్లవారుజామున జరిగిన రోడ్డు ప్రమాదంలో ఒకరు మృతి చెందారు. పింజరకొండ గ్రామానికి చెందిన రామిరెడ్డి (28) అక్కడికక్కడే ప్రాణాలు కోల్పోయినట్లు స్థానికులు తెలిపారు. ఈ ప్రమాదంలో వెలుగుల లోవరాజు (25)కు తీవ్ర గాయాలు కావడంతో 108 అంబులెన్స్‌లో జడ్డంగి పీహెచ్‌సీకి తరలించారు. గేదెలు అకస్మాత్తుగా బైక్‌కు అడ్డు రావడంతో ఈ ప్రమాదం జరిగినట్లు సమాచారం.

ఇప్పుడు ఎండాకాలం చాలా తీవ్రంగా ఉంది. ఈ వేడిలో మనం కూడా దాహంతో ఇబ్బంది పడుతున్నాము. అయితే పక్షులు, జంతువులు ఇంకా ఎక్కువ కష్టాలు పడుతున్నాయి. వాటికి తాగడానికి నీరు, తినడానికి ఆహారం దొరకడం చాలా కష్టం. కాబట్టి మనం చిన్న సహాయం చేయాలి. మన ఇళ్ల ముందు లేదా టెర్రస్‌పై ఒక గిన్నెలో నీరు పెట్టాలి. కొంచెం గింజలు లేదా బియ్యం కూడా పెట్టవచ్చు. ఈ చిన్న పని పక్షుల ప్రాణాలను కాపాడుతుంది. మనందరం కలిసి ఈ ఎండాకాలంలో పక్షులకు సహాయం చేద్దాం.

అల్లూరి సీతారామరాజు జిల్లాలో శనివారం రాత్రి ఒక్కసారిగా భూమి స్వల్పంగా కంపించడంతో ప్రజలు భయాందోళనకు గురయ్యారు. అరకువేలి, పాడేరు, పెదబయలు, ముంచింగిపుట్టు ప్రాంతాల్లో సుమారు 30 సెకెన్ల పాటు ప్రకంపనలు నమోదైనట్లు సమాచారం. రాత్రివేళ అందరూ నిద్రలో ఉండగానే భూమి ఒక్కసారిగా కంపించడంతో.. ఏం జరుగుతుందో అర్థంకాక ఇళ్లలో ఉన్నవారు బయటకు పరుగులు తీశారు. చాలామంది గిరిజనులు, గ్రామస్థులు భయంతో ఇళ్ల బయటే చాలా సేపు గడిపారు. కొన్ని ప్రాంతాల్లో ఇళ్లలోని సామాన్లు కిందపడినట్లు స్థానికులు చెబుతున్నారు. అయితే ప్రకంపనలు వచ్చిన వెంటనే అంతా సద్దుమణిగిపోయినా.. ఈ కంపనలతో ప్రజల్లో తీవ్ర ఆందోళన నెలకొంది. ఈ ఘటనపై స్థానిక అధికారులు సమాచారం సేకరిస్తూ, జిల్లా కలెక్టరేట్‌కు వివరాలు అందించినట్లు తెలుస్తోంది. ఇప్పటికే దేశంలోని పలు ప్రాంతాల్లో గత రెండు రోజులుగా స్వల్ప భూప్రకంపనలు నమోదవుతున్న నేపథ్యంలో.. ఎప్పుడు ఎక్కడ భూమి కంపిస్తుందోనన్న భయం ప్రజల్లో మరింత పెరిగింది. ఇక అరకులో పర్యటనకు వచ్చిన కొందరు పర్యాటకులు కూడా ఈ ప్రకంపనలతో ఒక్కసారిగా భయానికి గురయ్యారు. అల్లూరి జిల్లా ప్రజలను వణికించిన ఈ ఘటనపై అధికారులు మరింత స్పష్టత ఇవ్వాల్సి ఉంది.

మన్యం జిల్లా పాలకొండలో శ్రీ గారమ్మ తల్లి విగ్రహ ప్రతిష్ట కార్యక్రమం సర్వ శ్రీ కృష్ణ యాజీ గారి చే కార్యక్రమం నిర్వహణ జరుగుతుంది కావున ప్రజలందరూ ఏప్రిల్ 21 నుంచి 24 వరకు ఈ నాలుగు రోజుల కార్యక్రమంలో పాల్గొనవలసిందిగా ఆలయ కమిటీ పేర్కొంది.