అల్లూరి జిల్లాలో కంపించిన భూమి.. పరుగులు పెట్టిన జనం, భయాందోళనలో జనాలు అల్లూరి సీతారామరాజు జిల్లాలో శనివారం రాత్రి ఒక్కసారిగా భూమి స్వల్పంగా కంపించడంతో ప్రజలు భయాందోళనకు గురయ్యారు. అరకువేలి, పాడేరు, పెదబయలు, ముంచింగిపుట్టు ప్రాంతాల్లో సుమారు 30 సెకెన్ల పాటు ప్రకంపనలు నమోదైనట్లు సమాచారం. రాత్రివేళ అందరూ నిద్రలో ఉండగానే భూమి ఒక్కసారిగా కంపించడంతో.. ఏం జరుగుతుందో అర్థంకాక ఇళ్లలో ఉన్నవారు బయటకు పరుగులు తీశారు. చాలామంది గిరిజనులు, గ్రామస్థులు భయంతో ఇళ్ల బయటే చాలా సేపు గడిపారు. కొన్ని ప్రాంతాల్లో ఇళ్లలోని సామాన్లు కిందపడినట్లు స్థానికులు చెబుతున్నారు. అయితే ప్రకంపనలు వచ్చిన వెంటనే అంతా సద్దుమణిగిపోయినా.. ఈ కంపనలతో ప్రజల్లో తీవ్ర ఆందోళన నెలకొంది. ఈ ఘటనపై స్థానిక అధికారులు సమాచారం సేకరిస్తూ, జిల్లా కలెక్టరేట్‌కు వివరాలు అందించినట్లు తెలుస్తోంది. ఇప్పటికే దేశంలోని పలు ప్రాంతాల్లో గత రెండు రోజులుగా స్వల్ప భూప్రకంపనలు నమోదవుతున్న నేపథ్యంలో.. ఎప్పుడు ఎక్కడ భూమి కంపిస్తుందోనన్న భయం ప్రజల్లో మరింత పెరిగింది. ఇక అరకులో పర్యటనకు వచ్చిన కొందరు పర్యాటకులు కూడా ఈ ప్రకంపనలతో ఒక్కసారిగా భయానికి గురయ్యారు. అల్లూరి జిల్లా ప్రజలను వణికించిన ఈ ఘటనపై అధికారులు మరింత స్పష్టత ఇవ్వాల్సి ఉంది.

Rc Tv Telugu

Paderu, Alluri Sitharama Raju•

14 hrs ago

అల్లూరి జిల్లాలో కంపించిన భూమి.. పరుగులు పెట్టిన జనం, భయాందోళనలో జనాలు అల్లూరి సీతారామరాజు జిల్లాలో శనివారం రాత్రి ఒక్కసారిగా భూమి స్వల్పంగా కంపించడంతో ప్రజలు భయాందోళనకు గురయ్యారు. అరకువేలి, పాడేరు, పెదబయలు, ముంచింగిపుట్టు ప్రాంతాల్లో సుమారు 30 సెకెన్ల పాటు ప్రకంపనలు నమోదైనట్లు సమాచారం. రాత్రివేళ అందరూ నిద్రలో ఉండగానే భూమి ఒక్కసారిగా కంపించడంతో.. ఏం జరుగుతుందో అర్థంకాక ఇళ్లలో ఉన్నవారు బయటకు పరుగులు తీశారు. చాలామంది గిరిజనులు, గ్రామస్థులు భయంతో ఇళ్ల బయటే చాలా సేపు గడిపారు. కొన్ని ప్రాంతాల్లో ఇళ్లలోని సామాన్లు కిందపడినట్లు స్థానికులు చెబుతున్నారు. అయితే ప్రకంపనలు వచ్చిన వెంటనే అంతా సద్దుమణిగిపోయినా.. ఈ కంపనలతో ప్రజల్లో తీవ్ర ఆందోళన నెలకొంది. ఈ ఘటనపై స్థానిక అధికారులు సమాచారం సేకరిస్తూ, జిల్లా కలెక్టరేట్‌కు వివరాలు అందించినట్లు తెలుస్తోంది. ఇప్పటికే దేశంలోని పలు ప్రాంతాల్లో గత రెండు రోజులుగా స్వల్ప భూప్రకంపనలు నమోదవుతున్న నేపథ్యంలో.. ఎప్పుడు ఎక్కడ భూమి కంపిస్తుందోనన్న భయం ప్రజల్లో మరింత పెరిగింది. ఇక అరకులో పర్యటనకు వచ్చిన కొందరు పర్యాటకులు కూడా ఈ ప్రకంపనలతో ఒక్కసారిగా భయానికి గురయ్యారు. అల్లూరి జిల్లా ప్రజలను వణికించిన ఈ ఘటనపై అధికారులు మరింత స్పష్టత ఇవ్వాల్సి ఉంది.