ఖమ్మం లో ఖరీఫ్ సీజన్‌కు ముందే రైతు రిజిస్ట్రీ పూర్తి చేయాలి : జిల్లా కలెక్టర్ దివాకర టిఎస్

భద్రాద్రి కొత్తగూడెం జిల్లాలోని కొత్తగూడెంలో మంత్రి తుమ్మల నాగేశ్వరరావు 40 ఏళ్ల రాజకీయ ప్రస్థానం ఆత్మీయ వేడుక ఘనంగా జరిగింది. ఈ సందర్భంగా ఎమ్మెల్యే కూనంనేని సాంబశివరావుతో సహా పలువురు నాయకులు ఆయన మచ్చలేని రాజకీయం, నలుగురు ముఖ్యమంత్రుల క్యాబినెట్‌లో పనిచేసిన అనుభవం, జిల్లా అభివృద్ధికి చేసిన సేవలను కొనియాడారు. ప్రభుత్వ ఆసుపత్రి, యూనివర్సిటీ ఏర్పాటు వంటి పలు అభివృద్ధి కార్యక్రమాల్లో తుమ్మల కృషి మరువలేనిదన్నారు.

భక్తి శ్రద్ధలతో హనుమాన్ చాలీసా పారాయణం – హనుమకొండ నగరంలో హనుమజ్జయంతి వేడుకలు హనుమకొండ నగరంలోని నక్కలగుట్ట ప్రాంతంలో ఉన్న వికాస తరంగణి భవనంలో హనుమజ్జయంతి వేడుకలు భక్తిశ్రద్ధలతో ఘనంగా నిర్వహించారు. ప్రత్యేక పూజల అనంతరం విద్యార్థులు సామూహికంగా హనుమాన్ చాలీసా పారాయణం చేశారు. ఈ కార్యక్రమంలో చిన్నారుల సంగీత, ఆధ్యాత్మిక ప్రదర్శనలు ఆకట్టుకున్నాయి. బాలబాలికలకు హనుమంతుడి భక్తి భావం, ఆధ్యాత్మిక విలువలపై బోధనలు అందించారు. ఈ కార్యక్రమంలో డాక్టర్ బచ్చు రాధాకృష్ణ, దయాకర్ రెడ్డి, తనూజ, ఉమ తదితరులు పాల్గొన్నారు.

వరంగల్ జిల్లాలోని ఇటకాలపల్లి మేడిపల్లి క్రాస్ వద్ద జరిగిన రోడ్డు ప్రమాదంలో గుల్లపాడుకు చెందిన రవికి తీవ్ర గాయాలయ్యాయి. రోడ్డుపై పోసిన వడ్లు, వాటి చుట్టూ పెట్టిన రాళ్లను బైకు ఢీకొనడంతో ఈ ప్రమాదం జరిగింది. స్థానికుల సమాచారంతో క్షతగాత్రుడిని వెంటనే ఆసుపత్రికి తరలించారు.

భద్రాచలం దర్శనం చేసుకొని తిరిగి వెళ్తుండగా బూర్గంపహాడ్ పరిధిలోని సారపాక ఐటీసీ గేట్ వద్ద జామాయిల్ పుల్లల ట్రాక్టర్‌ను కారు ఢీకొట్టింది. సిద్దిపేటకు చెందిన ప్రయాణికుల్లో పలువురికి తీవ్ర గాయాలయ్యాయి, ఇద్దరి పరిస్థితి విషమంగా ఉంది. క్షతగాత్రులను భద్రాచలం ఏరియా ఆసుపత్రికి తరలించి, పోలీసులు దర్యాప్తు చేపట్టారు.

గుంటూరులో బ్రైట్ హారైజన్స్ ఫౌండేషన్ ఆధ్వర్యంలో ఉపాధ్యాయుల కోసం తెలుగు లిపిని సులభంగా నేర్పడంపై అవగాహన కార్యక్రమం జరిగింది. కేవలం 10 రోజుల్లో తెలుగు చదవడం, రాయడం నేర్పిన బడే సాహెబ్ ఈ కార్యక్రమంలో ప్రసంగించారు. ప్రభుత్వ, ప్రైవేట్ పాఠశాలల ఉపాధ్యాయులు పెద్ద సంఖ్యలో పాల్గొన్నారు.

ములుగు జిల్లా మంగపేట మండలం కమలాపురంలో అర్ధరాత్రి దొంగలు బీభత్సం సృష్టించారు. పెళ్లికి వెళ్లిన కుటుంబం ఇంట్లో తాళాలు పగలగొట్టి 3 తులాల బంగారం, ₹1 లక్షకు పైగా నగదు అపహరించారు. పోలీసులు కేసు నమోదు చేసి దర్యాప్తు చేపట్టారు.

ప్రచురణార్థం సోలార్ విలేజ్ గా రఘునాథపాలెంను అభివృద్ధి చేయాలి : జిల్లా కలెక్టర్ దివాకర టిఎస్ *కమ్యూనిటీ భవనాలపై కూడా సోలార్ రూఫ్‌టాప్‌లు ఏర్పాటు చేయాలి* *సెన్సస్–2027 సిబ్బందికి ప్రజలు పూర్తి సహకారం అందించాలి* *తప్పుడు సమాచారం ఇవ్వకుండా సరైన వివరాలు నమోదు చేయాలి* *రఘునాథపాలెం గ్రామంలో సోలార్ మోడల్ ప్రాజెక్టును పరిశీలించిన జిల్లా కలెక్టర్* ------------------------------------ రఘునాథపాలెం, మే 12 : ------------------------------------ జిల్లాలో పునరుత్పాదక ఇంధన వినియోగాన్ని ప్రోత్సహించే దిశగా రఘునాథపాలెం గ్రామాన్ని సోలార్ రూఫ్‌ టాప్ వ్యవస్థ కలిగిన పైలట్ గ్రామంగా అభివృద్ధి చేయాలని జిల్లా కలెక్టర్ దివాకర టిఎస్ తెలిపారు. రఘునాథపాలెం గ్రామంలో అమలవుతున్న సోలార్ మోడల్ ప్రాజెక్టును జిల్లా కలెక్టర్ దివాకర టిఎస్ మంగళవారం మధ్యాహ్నం 12 గంటలకు ఆకస్మికంగా పరిశీలించారు. గ్రామంలో ఏర్పాటు చేస్తున్న సోలార్ రూఫ్‌టాప్‌ల పురోగతిపై అధికారుల నుంచి వివరాలు అడిగి తెలుసుకున్నారు. గ్రామంలో మొత్తం 1081 మంది గృహజ్యోతి లబ్ధిదారులు ఉన్నారని, వారిలో 821 ఇళ్లలో సోలార్ రూఫ్‌టాప్‌లు ఏర్పాటు చేయడానికి అనుకూల పరిస్థితులు ఉన్నట్లు గుర్తించినట్లు తెలిపారు. ఇప్పటి వరకు 110 ఇళ్లలో సోలార్ రూఫ్‌టాప్‌ల ఏర్పాటు పూర్తయిందని అధికారులు కలెక్టర్‌కు వివరించారు. ఈ సందర్భంగా *జిల్లా కలెక్టర్ దివాకర టిఎస్ మాట్లాడుతూ* రఘునాథపాలెంను భవిష్యత్తులో “సోలార్ విలేజ్”గా తీర్చిదిద్దుతామని తెలిపారు. ప్రతి ఇంటికి కనీసం 2 కిలోవాట్ల సామర్థ్యంతో సోలార్ రూఫ్‌టాప్ ఏర్పాటు చేసే లక్ష్యంతో ముందుకు సాగుతున్నామని చెప్పారు. గ్రామంలోని కమ్యూనిటీ హాళ్లు, ప్రభుత్వ భవనాలు, ఇతర సామూహిక ప్రదేశాలపై కూడా సోలార్ రూఫ్‌టాప్‌లు ఏర్పాటు చేసేందుకు ప్రత్యేక కార్యాచరణ ప్రణాళిక సిద్ధం చేయాలని అధికారులను ఆదేశించారు.

భద్రాద్రి కొత్తగూడెం జిల్లా బూర్గంపహాడ్ మండలం సారపాక వద్ద కారు, ట్రాక్టర్ ఢీకొని ఘోర రోడ్డు ప్రమాదం జరిగింది. ఈ ఘటనలో కారు డ్రైవర్‌తో పాటు పలువురు ప్రయాణికులకు గాయాలవగా, వారిని భద్రాచలం ప్రభుత్వ ఆసుపత్రికి తరలించారు.

తెలంగాణలోని జయశంకర్ భూపాలపల్లి జిల్లాలో డబ్బు కోసం ఓ మనుమడు తన నానమ్మను దారుణంగా హత్య చేశాడు. గణపురం మండలం గొల్లపల్లిలో జరిగిన ఈ ఘటనలో, రూ.30 వేల కోసం 60 ఏళ్ల ఐలమ్మను జాకేందర్ చంపినట్లు పోలీసులు ధృవీకరించారు. నిందితుడిని అరెస్ట్ చేసి రిమాండ్‌కు తరలించారు, కేసు దర్యాప్తు కొనసాగుతోంది.